بسم الله الرحٰمن الرحيم🤍.
البارت السادس
#جُمانه
بقلمي:نينا عدي
هيَ حظوظ والطيب يرد خسران من ذيج الاحلام الچان بانيها .
لـ احمد عاشور
»«»«»«»«»«»«»«»«»«»«»«»«»«
من بعد هذا اليوم من طلعت من البيت لاهمه سئلو وخابرو ولا اني ولا حتى كلفو نفسهم يدورون عفتهم شيفرقون عن اهلي اذا همه اهلي عافوني هذولي مايعوفوني
نينا: عليج الله نامي اليوم هنا وباجر الصبح نضفي
جُمانه: لا بقي الغراض يمج خلي اروح انضف الغرف والحمامات على الاقل واذا بقه اليه واهس اكمل البقيه
-خلي اجي وياج انضف
-من احتاجج اخابرج بس اني حَ اشغل اغاني مو احد يدك الباب يعني ماسمعع
-روحي يله وشوكت ترجعين
-لحسب ماكمل
-يعني اروح انام
-روحي يمعوده
-راحت صعدت واني بدلت ملابسي لبست تشيرت ميال يسمو يعني نص الكتف طالع ولبست برموده علمود اخذ راحتي ولميت شعري واول مافتحت الباب زركت لبيتي اوييليي الكلمه فدوه
-سديته وجبت ويايه المواد مال التنضيف وجريت سماعاتي وشغلت اغاني وعليتهن علمود يجيني واهس وارككص واتزحلك ولحد ماكملت البيت كله الطابقين والغرف والحمامات والصاله بس مسحتها بمعطر لان اكو تخم منو يشيله والسيراميك مسحته بوصله مببلله وكملت والساعه جانت بل4:30 واني بديت انضف الساعه بل8:49 طبيت سبحت وجنت جايبه ويايه ملابس الحمدلله من اشتريت البيت هوه واثاثه حتى اكو غرفتين فوك بناتيه وجوه غرفه اتوقع جانت مال الام والاب لان سرير نفرين
-رحت للاسواق جان مفتح لان الساعه صارت بل5 رحت شتريت كونفلكس وحليب بلفراوله ومي ودفعتله الفلوس وطلعت رجعت للبيت اكلت وكملت اندك الباب طلعت نينا ورولا
- ههلاااا يوميه الصبح نجودر يمج من محمد يطلع للشغل
-هلاا بيكم
-تريكتي؟
-اي الحمدلله
-بقينه نسولف جان نينا ذكرتني بموقف او اصلا اني ماناسيته طول عمري
-لج اليوم مادري شبيه الموقف مالج مديطلع من بالي
-ياموقف !
-من نتحر*تي
-حاولتت وفشلت...جنت صف ثالث متوسط وجانت نفسيتي تعبانه بسبب الضغط ومنا اني عايشه وحدي واهلي ولا مرهه سائلين عليه مايدرون ميته عايشه جان فتحت الثلاجه طلعت شكو حبوب وشربتهن ثاني يوم كعدت بطني توجعني بشكلللل مو طبيعي بقيت بلفراش رحت للحمام سويت مي دافي بلبانيو واسترخيت خف شويه ومارحت للدكتوره لان شي مايستاهل
-عيديها وشوفي
-لا ماعيدها جنت تعبانه نفسيا وجسديا
-محمد راح يقدملي وكتله خلي يقدملج
-شوكت
- باجر
- ياريتت والله لان شايله هم
-لا ماكو شي ان شاء الله
-بقن شويه وراحن شفت الثلاجه يغني بيها داخل حسن صعدت لبست بنطرون وبدي يجي ردانه لحد عكسي وجانت شمس تصكع صكع اخذت نظاره خليتها على شعري وشلت فلوس ورفعت شعري بهاي الكماشه وطلعت جان اكو عبور الشارع محل يبيع مخضر وبصفه اسواق وبصفه مال صمون وجايين سره مال لحم ودجاج وسمج عبالك سوك
- السلام عليكم
- وعليكم السلام هلا خويه
- بيش كيلو البتيته؟
- ثنين ونص
- خليلي 4كيالو
- هاج انتِ استنكي بايدج
-خليت عامي شامي وهوه يوزن بعد وبقيت اتسوك اخذت فلفل وخيار وطماطه وبيتنجان وجزر واخذت فواكه كومههه لان اعشقها كتله خليهن يمكن لبين ماكمل البقيه
- رحت للاسواق اخذت حلويات كومه واخذت كهوه بارده وكومه اشياء ورحت اخذت خبز حار بالفين واخذت طرشي واخذت سمجه شوي لان ماعرف اسويها
أجرت تكسي ورجعت للبيت صعدت سبحت دبكت من الحر ولبست شورت وفالينه وحدي بلبيت ماخذه راحتي بديت اعزل واغسلهن واسفطهن الحمدلله كهرباء موجوده و دبه الغاز مليانه بديت اكل ومشغله البلازمه لان بيها انترنيت وباوعت على مسلسل الطائر المبكر
- كملت وكمت غسلت وشمرت الزبل بره لان ماحب تبقه تسوي ريحه بلبيت شويه واندك الباب...استغربت منو يجيني فتحت الباب طلعتلي وحده تجي اكبر مني بشويه ولابسه البنطرون والتشيرت والحجاب شامرته هيج والفلر مبين هذاك هوه والحمره ورديه مدري سماكيه مادري شيسموها
-نعم حبيبتي تفضلي
- هلو عيوني شلونج شخبارج بلخير على البيت الجديد اني هاي البيت الي كبالكم سمعت من المنطقة نازله بنيه هنا وكلتت اتعرف عليها
-هلا بيج گلبي فوتي فوتي ودخلتها للاستقبال ورحت سويتلها كهوه وخليتها بفناجين وخليت يمها ككو ووديته الها
- شلون عرفتي احب الكهوه
- اكو واحد مايحبها تمشي بدمي
- اي والله اعشقها...ماعرفتيني باسمج
- جُمانه
- هلا بجوجه اني اسمي لمياء
- عاشت الاسامي
- حبيت اتعرف عليج ونصير صديقات اذا مايضوجج هذا الشي
- لا بلعكس اصلا اني نينا صديقتي اذا تعرفيها هاي الي بصفي
- اهلا وسهلا نورتينه والله
- تسلمين
- بقينه نسولف شويه وراحت حبيتها لان لسان وتاكلج اكل بلسلام واني الصراحه احب هيج شخص رحت خابرت نينا وسولفتلها
- ولجج احبها يعني هيه صح لسان بس طيبه الي يشوفها لان مسويه فلر عبالهم مو زينه بس حبابه ومايهمها حجي الناس
- حبيتها ونبي
- اطلعي وياها شويه وشوفي اسلوبها شلون يموت
- مال نطلع سويه
- رولا ماتكدر سادس ومن هسه دتدرس خليها باجر اني احاجيها ونطلع سويه
- تمامم لعد
-سديته منها ورحت افكر شلبس وهيه منا حاره تسمط طلعت عندي بنطرون عريض بس مو كلش لونه رصاصي كابوي وطلعت عندي هاي الفالينه الي بش تغطي الصدر لونها سمائي وطلعت قميص ابيض يصير شويه شفاف وشفقه سمائيه وبوتين ابيض حظرتهن لباجر
- خابرتني نينا وكالت قبلت البنيه كالتلها جمانه حبت تتعرف عليج وكالت خلي نطلع سويه
- كبل شمرتيها براسي
- يمعوده لبنيه تكيف لان الوحيده الاهله اهلها كبار بلعمر واجتماعيه بحيث من كتلها كيفت بسرعه
- باجر بيش الساعه نطلع
- نتريك بره احسن مو
- تمام خلي انام
-رحت نمت ووقت مبايلي ب7:30 حلمت كانو داباوع على ايدي اليمنه مرسومه عينن على كبر ايدي ومن الطرف مزروفه ...ثاني يوم كعدت على المنبه كمت للحمام غسلت بلغسولات وفرشت اسناني وطلعت الكاويه وبديت اكوي شعري شفته طولان لنهايه ظهري خليت بس واقي وخليت لبلوس وبطرف الحمره نقطت نقطتين على شفتي الجوه ودمجتها باصبعي صار لون يموت بدلت واخذت مبايل وخليت بجيب البنطرون فلوس
- صارت الساعه بل 8:15 اندك الباب عبالي لمياء لان نينا تتصل عليه علمود افتحلها الباب كبل
- لجج اجيت لميااءءء .. فتحت الباب وطلع محمد اخو نينا
- العفو عبالي لمياء
- لا مصار شي بس نينا كالت خلي تجيني للبيت لان لمياء يمها
- تمام اجيت
- راح وآني سديت الباب واغم بنفسي صرخت على الولد هسه شيكول جبت النظارات ماردت الشفقه خليتها فوك شعري وبس فتحت الباب طلعن
- داريد اجيجن
- امشي اصعدو بلسياره
- لك فديت هاي شطالعات
نينا جانت لابسه بنطرون حبري وقميص ابيض طويل بي نقشه مثل الحياكه من الجهه اليسره يم القلب ولابسه شفقه سوده لان جانت الحياكه بلون الاسود
ولمياء هم بنطرون بس عريض قماش بيجي وتشيرت أسود مدخلته جوه والحجاب بس اسمه حجاب
-نينا تدرين اجيت البس الشفقه بس كلت نظارات احسن
-ماكو فرق
- لمياء افتحيها
- فتحتها ورحت ركض كعدت بلصدر واجن صعدن وشغلنه اغاني ونصور لمياء من شافت نظاراتي كلش عجبنها...نزلنه للمطعم ووصينه الريوك واحنه دناكل نينا حجت
نينا: لج هيه هيج اشترتها جانت حاره بوقتها جنه طالعين والشمس حركت عيونها واشترتها من رجعت للبيت انتبهنه وياها ورقه من الاحرف عبالي فرنسيه بس انتبهنه جوه مكتوب رقم رقم الدوله جان 49 طلعت المانيا
لمياء: حظج حظ كح**
لوزه: اشكرج
لمياء: خاب بس لا ضجتي
نينا: ولج هاي لوزه بلعكس ماتضوج تدري شقه
لوزه: فديتني
لمياء: ليش تصيحولها لوزه
نينا: تحب الوز هوايه هوَ والكاجو
- ديله كملن خلي نكوم نفتر شويه
كملنه الريوك وطلع الحساب 75 من كل وحده 25 طلعنه نشتري ملابس واحذيه صارت الظهر اشترينه عصير واحنه كاعدين دنصور ونسولف سمعنه صوت من ورانه
- احنه 3 وهنه 3 كل واحد اله وحده
جُمانه: انت هي شنو تقسم بكيفك شنو تايهيلك احنه اكوم ادوس ببطنك
نينا: عوفي ينبح وحده لتكبرين راسه
جُمانه: لا اشو احاجي واشوف وين توصل
لمياء: خليها تجاوبه هسه عباله مكيفين
جُمانه: يامكيفين واحدهم جنه عصاره مال مش*ك
- لجج اوفففف فديت السمائي تعالي دوسي ببطني منتظرج
لوزه: دسمعن صوته عبالك واحد عاصيه نواصه بحلكه
-دباع ام الشفقه قفلت عليها اليوم لو اني لو هيه
لوزه: شبيككك انتَ بالع ماطور
- ابلع لخاطر ام عيون
تجاهلته كمنه دنمشي وجان ايد انمدت على نينا بيها ورقه عبالي راح تسكتله الفاهيه اخذت الورقه شككتلها وتفلت عليها
نينا: هاك هاي الورقه نكعها واشرب ميها يوميه قبل الريوك
- انوب عصبيه تنكرط
اجيت اهد عليه بس لمياء ونينا لزمني ماخلني
لمياء: من اخذتي الورقه عبالي صدك ترديها
نينا: دخلي يولي
لوزه: ولج حتى اني عبالي مراح تسويله شي لان فاهيه
نينا: اني فاهيه
لوزه: اذكرج بموقف المدرسه
نينا: ياطلابه هلموقف
لمياء: احجي احجي
لوزه: مره جنه طالعين من المدرسه جان اجه واحد بدراجه طوط لنينا حتى توخر شويه وهيه من وخرت اشو هذا مد راسه من جهه نينا وكاللها "فدوه لهل شعر" واني رديت عليه كتله كبر كلي هاي شبيج ليش تكبريني
واني نهديت بيها رزايل ليش ماحاجيتي تكلي اخترعت
نينا: والله اخترعت لان مد راسه واني كمزت لمياء هاي شبيج دمعتي
لمياء: سوالفجن تضحكني امشن نتغده ونروح للالعاب شرايكم
- ياريت والله
مشينه للمطعم لان سياره لمياء بلكراج كعدنه وجان المح ابو نينا وويا وحده بس مو امها
لوزه: نينا نينااا باوعي هذاك مو ابوج لو اني غلطانه
نينا: هذا شجابه هنا وهاي الي ويا مو امي
لمياء: لعد ليش ماسلم
لوزه: مايحبهم كلهم نينا تردين نكوم؟
نينا: لا ابقي ولمياء وصي هوَ شافني وغلس لا اني اسلم ولا هوَ شنو يستنكف حظرته
يتبع...
هلا كيكاتي شلونكم نفسيتي تعبانه بشكل اسم الله عليكم وعبالي البارت الي كتبته قبل هذا طويل بس رولا من قرته لعبت نفسي
الطممم؟
{وَاذْكُر ربّكَ إِذَا نَسِيتَ}🤍.
- سُبحان الله
- الحمد لله
- الله أكبّر
- أستغفر الله
- لا اله الا الله
- لا حول ولا قوة الا بالله
- سُبحان الله وبحمده
- سُبحان الله العظيم
- اللَّهُمَّ صلِّ وسلِم على نبينا محمد
استودعتكم الله كيكاتي🥹🤍.