<النار بدات كل شي>
بارت 27
للكاتبة سجى المالكي
اللهم انصر غژة
اللهم عز الاسلام
اللهم العراق
اللهم صل وبارك عل سيدنا وحبيب قلوبنا ومعشوقنا محمد
••••••••••••••••••••
مينا-خليني اتزوج واتصخم واعدل وضعي احسن ما ابقى بالفكر وحسره عليه الذهب واللبس
بهتت ملامحي-شداتحجين انتِ؟
مينا-ايهم مبين يحبني وشاريني ليش ماتزوجه؟
راجين -لج اهلنا ماصارلهم سنتين من ماتوا وتفكرين بالزواج
نترت-شلون يعني اموت وراهم؟ لو انتحر مثلج!
ضربتها راشدي وعطت-احترمي نفسج وصوتج نصي الناس لا تسمع شيكولون علينا
خزرتني وراحت لغرفتها،
تنهدت امسح وجهي مصدومة من كلامها شلون هيج تفكر علمود الفلوس تروح تتزوج وتضيع نفسها
منو كال زواجها يكون راحة؟ وبعدين الزواج قابل لعب غير مسؤولية ومينا اعرفها ماتشيل روحها شلون تربي اجيال!
بقيت افتر دايخه من كلام اختي
دخلت الغرفتها لكيتها كاعده عل السرير وصافنة
كعدت يمها همست-شبيج مينا
بجت-تعبت من هذا الوضع ماعرف اعيش بعيشه فگر ما اتحمل اكثر من طاقتي، وطاقتي نفذت خليني ازوج
-واني كبل ازوجج لايهم غير نعرفه بالاول
مينا-مو مهم، المهم هو غني
نترت-مينا صدُك تحجين شبيج تخبلتي
همست-حقج انتِ محاسه باحساسي داكلج ماكدر اتحمل عيشه الفكور احنا متعلمات عل ارقى الملابس والماركات وكل فترة ابونه يسفرنا والذهب تارسني
فجاة اللكا روحي بلا اي شي لا اهل ولا فلوس
راجين-بشنو اكدر اساعدج؟شو العندي وماعندي انطي الج حتى تشترين وتطلعين سفرات ويا صديقاتج كليلي بشنو قصرت اني يعني شسوي بعد شو طالبة ومكسور ظهري عل الخياطة بسبيل اوفر عيشه النا بدون منيه احد
شسوي مينا بس كوليلي شسوي
مينا-ممقصره انتِ واعرف دتسوين اكثر من طاقتج، بس اريد اسافر احس الهوى هنا مينطاق
-ومنين اجتج هالفكرة مال السفر
مينا-عجبني اعيش مثل الناس شكو محبوسه هنا وافتر بين بغداد والنجف طگت روحي
بلعت ريگي متوتره واعرف هذا الشي خطأ بس ماكو غير هالحل،
همست بتردد-كليله لايهم يجي يخطبج
نطت فرحانه-صدُك راجين!!
بحده-بس اني معليه بيج انتِ اختاريتي مصيرج بس ها خليها بالج فترة الخطوبة تطول بينما تتخرجين وذا شفت زله عل ايهم نفسخ تمام
ابتسمت وحضنتني-شكرا كُلش هوايه شكرا
ابتعدت منها وطلعت من الغرفة
مخنوكه وماراضيه عل قرارها
بعدها ماتفتهم شلون تتزوج
والمشكلة متزوجة علمود الفلوس
بعد تفكير وخنگه اتصلت بـ ادم
رد -يهلا شعجب ذكرتيني
بهدوء-مشغوله بهالدنيا،شلونك اخبارك
ادم-عل الله عايش بعد، انتِ شلونج
دمعن عيوني همست-مخنوگه ادم
-شنو راجين شبيج صاير شي احجيلي
جريت نفس-اختي تري
سكتت وعضيت اصبعي ندمانه وفشلانه شكول اله تريد تزوج اخوك شبيه شهل فهاوه نسيت ايهم اخو ادم وعيب اكول
ادم-راجين كملي ليش سكتي شبيها اختج
بتوتر-ها مابيها شي بس شويه مريضة
ادم-متأكدة؟شو احس اكو شي
راجين-لا قابل شكو مثلا
ادم-مادري احس صوتج مو طبيعي وانفاسج مرتفعة ومبين متوتره وضايجه
ابتسمت-انت شلون تعرف بهل اشياء عني
ضحك-صار شكد دكتورج طبعا اعرفج
-اي صح ،شلونها فرنسا؟
بمكر-افيششش لاتذكريني مو نسوان ضيم كل وحده تكول للقمر روح اني اظهر بمكانك
شهكت مصدومه-ادم عود صدُك
ادم-شنو؟
راجين-واني اكول واعي ومثقف ودكتور مايباوع للبنات ولا يتحرش بيهن
ضحك بعلو صوته ،
حمحم وكال-تدرين انتِ تصلحين دكتوره نفسيه او استاذه بعلم النفس
شجابج للطب العام!
عكدت حاجبي-شدخل كلامنا بهذا الكلام
ادم-اثبتت الدراسات انُ الانسان الواعي والمقدر نفسه و واثق من نفسه مايتحرش بالبنات ليش؟
لان هو مو بحاجه لاثبات رجولته ليش؟ لان هو واثق من نفسه انُ هو حلو ومناقصه شي ويعرف
بس الغير واثق من نفسه يتراكض ورا البنات ويحب ويصادق الف بنيه عود اني ولد وعادي بكيفي اسوي اليعجبني
ابتسمت-فاجئتني بكلامك ماعبالي اكو هيج دراسة،
المهم انت مدام تعرف هالمعلومة شكو تسوي عكسها
ضحك-ومنو كلج مباوع للبنات !شوفي اني مو سيد ولا معصوم بس اباوعلهن بنظرة عادية يعني مو غير شي شسوي اغمض عيوني وهن كبالي بالشارع!
ضحكت-اي غمض وامشي علمود تعثر وتوكع
-خبيثة مو بيدج
ضحكت ،
-دوم الضحكة عَيِناي
خجلت وسكتت،
ادم-حروح هسى عندي شغل بعدين نحجي
راجين-تمام
سديت الخط وتنهدت براحه شكد جنت متوتره وضايجه بسبب ادم تعدلت نفسيتي،
مرت الايام والوضع هادئ ماكو شي جديد غير امتحنا الفاينل وكعدنا ننتظر نتيجتنا،
مينا،
بيوم خبرت راجين رايحه لبيت صديقتي ولبست احلى ملابسي وطلعت ويا ايهم
كعدنا بمطعم،
ايهم-نشرب شي؟
خجلت وهمست-لا اني ما اريد
ابتسم-فدوه لـفراشتي الخجلانة
ابتسمت ودنكت راسي متوتره
وخايفه احد يشوفنا
ماطالعه ويا ولد شلون اجتني هالجرأه
ايهم-كلتي لازم اشوفك ضروري وخوفتيني عليج خوما بيج شي؟
بتردد-انت تحبني مو؟
انرسمت بسمه عل شفاه-اموت عليج
حمحمت وهمست-بما انُ تحبني اكيد تريد تزوجني
بهت وجهه وسكت،
مينا-شو سكتت، كلت شي غلط اني؟
هز راسه بنفي-لا كلامج صحيح كل علاقة حب لازم تكون نهايتها زواج
تنفست براحه،
ايهم-بس لازم تعرفين شغله عني قبل لا نزوج واخطبج وهالامور
ابتسمت-اي كول
بقى ساكت ثواني ومبين متوتر ومتردد،
مينا-شنو ايهم هالكد الشغلة صعب تكولها
همس-لمن راح تسمعيها راح تعوفيني
-لا منو كال ،شنو شمسوي انت؟
ايهم-عوفينا من الشرب والصداقات
بهت وجهي-انت تشرب؟
هز راسه-بس تركت صار كومه
عكدت حاجبي بغضب،-ليش ماخبرتني تشرب
-هذا شي انتهى بس شغله البيه ماتنتهي وبعدها مستمره
مينا-ترى خوفتني احجي
جر نفس وغمض عيونه،
جانت الحجايه عل طرف اللسانه لكن صدمني بجيه هالشخص،
شفته وصفر وجهي وكمت ابلعم،
^^^^^^
راجين،
بعدما راحت مينا بقيت اخيط ومكسور ظهري منا صيف ومنا كهرباء ماكو
ندك الباب كمت فتحته ودخلت جارتنا،
رحبت بيها اكيد جايه علمود خياط هي دائما تجي تخيط يمي هي وجنتها وبناتها،
بس فاجئتني لمن كالت،
:-خاله انتِ بنيه حلوه والف شاب يتمناج ليش دافنه روحج بهل اسود
راجين-خاله اهلي مصارلهم سنتين من ماتوا شلون اذب الاسود ونار فراگهم بعدها تحرگ بصدري
:-بس بنتي انتِ عل ابواب زواج
خوما تظلين بالاسود طول عمرج
حتى اهلج مايقبلون بالجاي تسوينه
ابتسمت بحزن-خاله الزواج ابد مو وكته داتشوفين حالي اريد ازوج اختي وامن عليها وعود افكر ازوج
وبالنسبه للاسود اني مرتاحه بي واحس هالون صار الي ومني وبيه
تنهدت وحجت:-اني لخاطرج يخاله ردتج تذبين الاسود وجبتلج قطعه قماش شوفيها لونها وردي بناتي وحلو عليج
اخذت القطعه علمود لا افشلها،
ابتسمت-تسلمين خاله بس ماكدر هسى انزع الاسود من اقرر انزعه ابدل فالي بقطعتج
:-ربي يحفظج يخاله ويحفظ اخيتج
باستني وترخصت وطلعت،
بقيت اباوع للقطعه جانت حلوه
كعدت ابجي واتذكر اهلي
اختنكت حيل
معقولة يجي يوم واللبس غير الاسود
وافرح واتزوج مثل كل البنات
لو الحزن صار ملكي وامتلكني
تنهدت ماسحه دموعي،
ضميت القطعة بالكنتور وطلعت بالطرمه لان مخليه مكينتي هنا علمود عل هوى الطبيعه
وماحس الا يندفر الباب وتدخل مينا حلگها ينزف وخدودها حمر وتبجي،
________
مينا،بقيت اتراجف واني اشوف عمي محي
خازرني وجاي باتجاهي والغضب مالي وجهه
ايهم-شبيج مينا؟
بخوف-عزا العزاني ايهم هذا عمي اجى وشافنا
توتر ايهم واحتار شيسوي
همس-شلون مينا شجابه هذا هم حظي الاغبر
وصل عمي يمي وسحبني من ايدي بدون مقدمات ضربني راشدي بقوه
عاط-ماعرفت امج تربيج لج حيوانه كاعده ويا ك***ج وبنص الناس ما استحيتي وينها اختج ذيج التدعي مثاليات لو هي تدري ومغلسه
بقيت ابجي وارجف ساكتة
صاح ايهم-ماسمحلك هيج تجاوز مو من حقك هيج تضربها وتحجي عل امها وهي ميته شنو وين حرمة الميت؟
دفعني عمي ولزم ايهم يضرب بي وايهم احتراما لعمر عمي ماضربه
فاككوهم الناس،
سحبني عمي من ايدي بعصبية وطلعنا من المطعم وصعدني بسيارته،
لزمني من شعري يعت بي ويصرخ
-نهبج مو؟حيوانه جاوبي ماخذج لو لا
عطت بالم -عوف شعري كطعته
ماحس الا ضربني راشدي،
بجيت واتوسله يعوفني وهو يسبني ويسب امي وراجين،
وصلنا للبيت بعدما اخذ العنوان مني،
كبل نزلت وهو دفر الباب واني طبيت اشهگ واجر النفس بالكوه،
اجتني راجين تركض حضنتني خايفه
همست-مينا ولج شمسويه
بجيت وبقيت اناشغ ساكته ومرعوبه من عمي الطب للبيت بدون مقدمات سحب راجين مني،
راجين،لزمني من شعري وقرب وجهه لوجهي ولفحت انفاسه القذره بوجهي،
عاط-صاير هذا مو بيت، بيت دعاره ولج حيوانه تريد تنزلين راسنا انتِ واختج وتشتغلن ك**
نترت-ماعاش الينزل راس اهلي اني تربايه ابوي مستحيل انزل راسه
تفل بوجهي،
لعبت نفسي ورأسا تقيأت،
محي-امشن لمن اغراضجن ماتبقن هنا دقيقة وحده اني صوجي عفتجن عل حل شعرجن عبالي شريفات
نترت راجين-ماخطي خطوه من بيتي مو هسى تذكرت بنات اخوك العفتوهن بالشوارع واكلتوا حقهن هسى جاي وتريد تاخذنا وياك
لزمها من فجها -شوفي لج امشي وياي باحترام خل نغطي فضيحه اختج احسن ماطيح حظج وحظها يلاا
بهت وجهي،همست-شمسويه اختي؟
ضحك باستهزاء وابتعد مني،
-اختج كولي شنو الماسوته، الك*** كاعده ويا كوا*** بنص المطعم ولوما جابتني رجليه بالصدفة جان اني مادري
التفت لمينا الجانت تتراجف وتبجي
اجيت يمها وهمست-صدك هالكلام؟
تناشغ-راجين بس افهمج
عطت-صدك هالكلام لو لا
بجت،
لزمتها من متنها-جاوبي مينا
هزت راسها-جنت ويا ايهم
بلعت ريگي مصدومه شلون جذبت عليّ وكالت رايحه لصديقتي طلعت طالعه ويا ايهم
ماكدرت اضربها شضرب منها هي منتهيه من البجي وحلكها ينزف دم وخدودها مورمه،
عاط عمي-شنو راح تظلن صافنات يلا فضني اخذن اغراضجن خل نولي
هنا حسيت بانكسار شسوي واحمي نفسي واحمي مينا من شر عمامي
اكيد راح يأذونا
اووف منج يامينا الا طيحتي حظي يلا ارتاحيتي،
سكتت مارديت عل عمي ودخلت لميت اغراضنا وطلعت ويا،
طول الطريق عقلي تعب من التفكير شلون اتصرف وشكول وشـ ابرر
وصلنا لبيته جانت مرته مموجوده وبس ولده
دخلنه بغرفه وقفل الباب جن سجناء عنده مو بنات اخوه زين هو ليش ماكعد وتفاهم ويانا ليش راح يسوي مشكله شكبرها ويفضحنا،
ماكو ساعه وسمعت عياط عمامي يفشرون علينا،
هزيت ايدي-يفشرون علينا ويطعنون بينا من جهه ومن جهه يكولون احنا مو شريفات ونريد نربيجن
دخل عمي الراد يعتدي عليه (فريد)اني شفته وجن رجعتلي كل ذكرياتي،
صرخت بهستريه-لاتتقرب مني
ابتسم بخبث-شنو خايفه مني راجين
عطت بعلو صوتي -اطططلللع برررراااا
دخلوا عمامي واني كبل ختلت ورا عمي الجبير احتمي بي من شر عمي فريد،
عاط محيي-بلا مسرحيات خلونا بالمفيد اسالوهن ليش مستهترات ويديحن
مسحت دموعي وتظاهر القوه،
طلعت من ظهر عمي وكفت كبالهم وصرخت
راجين-بيا حق جايين تتحكمون بينا؟بصفتكم منو؟عمامي مو!! ليش العمام يذبون بنات اخوهم بشوارع وياخذون راتب ابوهن!!
العمام هيج تسوي؟اذا كل العمام مثلكم اطلع غبيه ومافتهم لكم انتم شنووووو
ضربت وجهي وصرخت-انتمم شنوووو
فهموني شنووووو تتخلون عنه وتالي تتحكمون بينا بيا حق احجوا شو خرسيتوا جاوبوني بيا حق جايين تتحكمون بينا
اني اعرف اختي غلطت من طلعت ويا شاب غريب بس انتم مو حقكم تحاسبوها لان من يوم العفتونا بالشارع ومحد بحالنا اني اعتبرتكم متو
ضربني راشدي عمي الجبير
صرخت-هاي الشاطرين بيها بس الضرب
محيي-شوفي راجين تجاوزتي حدودج كلش هواي بس اني الجن
التفت لعمي الجبير وكال
-خويه خلينا نزوج مينا لذاك الدايح الطلعت ويا ونتسر عالسالفة
يتبع"
تصويت ومتابعة لطفا