#"البارت" 16"
بقلمي:آشتي
ورداتـي لاتنسون متابعه الحساب +التصويت +
التعليق على الفقرات شكد ماتكدرون
لا تنسون متابعه حسابي
9li1_m
________________
ميلاد : يعني بعدكم ما صار هواي طوليها واني وهم امورج ما عاجبتني بس مخلتج على راحتج انتِ تجين تسولفيلي .
هزيت راسي رجع هوا رفع الحضر وتصل ولا جنه مسوي شي يسولف عادي وكال قنعي امج نعقد بس رفضت
محمد : ترا صار شهرين من خاطبين ليش مصعبات الامور انتِ وامج
ميار : ما اعرف
محمد : خوش باجر اجي اخذج يمنه امي كالت عازمتها على غده تجي مو ؟
ميار : اكول الامي اول
محمد : خوش خوش خليج ورا امج
سد التلفون بوجهي
نزلت كلت الامي قبلت وبقت تعلمني شلون اتصرف وابقه قليله الكلام
صعدت فوك لكته داز رساله
حضري روحج شوي واجي نطلع
كعدتت اهدي نفسي وما اتصرف بخبال اشوف تالهيا شلون ويا
شوي واجه طبيعي ولا جنه مسوي شي اكثر شي يضوجني شكيت عنده انفصام شخصي
او مو بوعيه ودعت امي وصعدت بالسياره ويا بده يسولف ويضحك مرت منه بنيه تعبر الشارع اشو هذا لف راسه يباوع عليها !!
ميار : اكو شي ؟
باوع عليه وتحمحم
محمد : سلامتج ماكو
هزيت راسي
محمد : تحبين اخذج مطعم لو عاجبج مكان
ميار : اريد مكان هدوء تلعب نفسي من الهوسه
محمد : حقج اذا جنتي مسجونه هسه الكه بيج توحد هههههههه
ميار : ماكو شي يضحك وهذا شي خصوصيتي وخصوصيه اهلي ما اقبل واحد يدخل تمام ؟
محمد : يدله عيني كالت خصوصيه
بقيت ساكته واني احمس بروحي حمس أكبر غلط من واحد يسكت على شخص يجاوز عليه لو حتى بحجه شقه واذا درس تعلمته من هذا الموقف
بقه يفتر بالسياره ومشغل اغاني صفينه بمكان عام
بعدين ما نازله اخدي وباسه
محمد : لا تزعلين مياري
- هزيت راسي ساكته
نزلنه بمنتزه كلش حلو وجانت غروب جو يخبل كعدنه على ثيله وهوا راح اشتره بطالع مي
كعد يسولف وساعه يتغزل
ونوب مليت كتله رجعني البيت
محمد : احلف عليج مو صاحيه وبيج حاله نفسيه يعني مو كاعدين لا تريدن مطاعم ولاتحجين ولا تسولفين ما تكوليلي شنو سالفتج
عفته ومشيت بتجاه السياره
صعدتت هوا اجه شوي ونزل جاب لفات ما اكلت
هوا بقه يقنع بيه ويتأسف
محمد : اسف عمري بس والله احب احجي وياج وانتِ ما تنطين مجال حرت
ميار : مصار شي
دنك باس ايدي
بقينه انسولف وذكر مواقفه من هوا وصغير
محمد : مره اتعاركت ويا صاحبي وطاحت الحجاره براس امه وكبت الصيحه زلم ونسوان هدو البيت اليوم اله نكتل الولد المره ما صار بيها شي وهمه يصيحون راسها انفشك وخيطناه ، واكوم واطفر على سطح جيرانه واروح على بيتهم واشوفها جنه حصان كلشي ما بيها كتله والله اله اطكج والزم طابوكه وشكيت كصتها بيها ههه چا يردون يبلونه وهيه طاحت براسي دخلي صدك اضربها
ميار : خطيه ليش هيج
محمد : دخلي تروح شكد جنت اكرهااا واموت من صوتها جنها بعير من صدك احجي لا تباعين هيج
سطرني بالكلام لحد ما رجعنه البيت دخلت ومرت الايام عادي لحد ما مره اجه الباشا ( محمد )
بليل بقه كاعد بالستقبال دخلت يمه بقه يسولف ويضحك شوي وامي اجت وملاك كعدو يسولفون ويذكرون مواقفهم ويا اصدقاهم ويضحكون
شوي وتركونه وحدنه كعدي يسولف شلون اول مره شافني بيها
محمد : جنتي تخبلين وخدودج فنيش وميلاد ضامتج الف ضمه مني لان الازم هاي الخدود واعضهن
ميار : تقرب يكرص بخدودي
- كافي غير جنت صغيره هسه ماكو راحن
محمد : كلها بكوم ومن سالفتج ما تنسي بكوم ثاني
ميار : يا سالفه
باوع عليه وهوا يغمز ويضحك
ونوب عاد سالفه الي اني اموت منها
واني بلكوه اريد انساهه هوا ماكو فقد بالضحك كافيي شبيككك صار يضرب برجله وجهه احمر
محمد يا يابهههههههه شلون نزعتي كبل هههههههه
من حركت كلبي اكو بطل مال مي جامد شلته وركعته براسه ويا ركعتي اله دخلت امي شايله كيكه وراها ملاك شايله عصير
ميلاد : عزاااا بعينج ميارررر
ميار : ما اشوف اله دم نافوره من راسه
انخبصت امي وملاك اخذتني برا بالصاله وهوا ساكت طلع غسل بالحمام واني ارجف باوع عليه وهز راسه رجع ينشف براسه
رحت وكفت بالباب الاستقبال
ميار : ادري جلبت شكو لساع عايد السالفه ؟
ميلاد : ميارررر شنو هذا التصرف صدك تحجين
محمد : عوفيها عوفيها طفله ما تفتهم
كعد هوا لازم الخاولي على راسه طلع يريد يروح امي اشرتلي انو اروح و اعتذر منه
رحت جان هستوه واصل الباب
ل
التفت عليه لزم فكي بقوه
محمد : لج انتِ شلون تمدين ايدج عليه اله اندمج هاي الايد اكسرها سهله انتضري .
عافني وراح دخلت جوه امي حاجتني
ميلاد : مو جنتو تضحكون شلون هيج صار وليش تضربي مو عيببب ها شنوو شبي وجهج
ملاك : ميلادد ميلادد لا تدخلين همه بينهم يحلوها
ميلاد : بتج غلطانه شلون تركع راسه بالبطل وتخلي الدم بطوله حتى اتفشل منه .
ميار : يعني شي صار واني جنت صغيره ليش يتذكره كم مره حجاها بالتصال كتله اضوج كافي كافي ما يفيد ويا
فهمت امي الموضوع ضلت تخرط بخدودها وملاك تضحككك .
عفتهن وصعدت هاي الغرفه الوحيده صايره ارتاح بيها .
مرت 5 ايام وهوا ماكو لحد ما انتصل وكلشي ما حجه بالموضوع وبدها شلونج حبيبتي وشلونج كلبي
ثاني يوم رحت الجامعه واتصل علىه 11 كال اطلعي اني بالباب الخارجي
صعدت ويا لا سلام ولا كلام واني اسكتت هوا باوع عليه هز ايده ما عاجبه
وصلنه الهل محمد استقبلتني امه بقينه كاعدين بالستقبال جو غريب عليه وما اعرفهم
طلعت محمد صعد فوك واني بقيت يم النسوان اخوته وامه هنه كامن يحضرن الغده تقربت عليه
اكلج خاله فكره العزال شيليها من بالج احن بيت واحد واني ما اقبل ابني يطلع مني
اجن نسوان اخوته 4 كل وحده صارت تنطي رايئها
وحده تكلي بعدج صغيره وينج وين العزال وحده تحمد بنفسها لا كاعده بالغرفه ويا اطفالها وعبالك بيها فخر ؟ كامت وحده الثلاثه حجن عليها على ابو نايمه 12 وهسه كاعده تكلب شنو هذا النفاق ربي ؟
اجه الغده ابد ما اشتهيت ضليت اكلب بالاكل
كملن اخوته ضلو شوي وصعدو الغرفهم والباشا سحب ايدي وكال تعالي فوك عندي حجي وياج
صعدت ويا دخلت الغرفته بسرعه سحبني الحضنه بقيت جامده دفعته على كيف
وهوا اخذني كعدني على جربايه
محمد : امي كلش تمرضت ما اكدر اعزل هنا انعيش اني ما اكدر اعوف امي واخواتي منو الهم
ميار : بس هذا اتفاقنه ؟
محمد : اتفاق ميلاد وملاك مو انتِ الرايده
سحبني على بسرعه وطبع بوسه على شفتي وصارت لمساته جرئه كلش
دفعته بسرعه واني امسح بحلكي
ميار : شبيكك شجاي تسوي انتَ
محمد : ابوسج شكو بيها وبعدين اني زوجج عاقد عليج ليش مستغربه
ميار : بس مو هيج حتى عرس ما مسوين لا تجاوز حدودك ؟
محمد : هلو ام الحدود
ضليت صافنه بوجها
تقرب يريد يعيد السواء بسرعه طفرت من جربايه وطلعت من الغرفه نزلت جوه باوعت عليه أمه
ام محمد : ها خاله شبيج منو يركض وراج
ميار : اريد اروح البيت
نزل باوع عليه باوعت نسوان اخوته بالمطبخ يتفرجن
محمد : انتِ شبيجج شهل تصرف مال جهال
ام محمد : شكو يمه
محمد : هاي العياره كلها لان ردت ابوسها
حطت ايدها على حلكها
ام محمد : يدله اليسمعج يكول اول مره هيه الزلم شابعه بيج لحد ما ماله هو انتِ ها كدج صايره وتسوي حركه بيديها دائريه
زمخ ولد من اخوانه بالغرفه
- يمههه شهلحجييي هذا مو عيبب
هجمت عليه ودفعتنييي
ام محمد : ولجج تريدن تاخذن ابنيييي منييي وانتن منوو امج دكتوره مهندسه وشايلات اخشومجن كلجن خلك كاو***
ميار : ما نحجي شو واكف عاجبك هيج كلام ينكال عليه ؟
ام محمد : يمههه تردين ابني يكتلنييي
هجمت عليه ولزمت راسي وتريد تخنكني لو ما ولدها جروها
ميار : اخذت جنطتي وطلعت من البيت واني كلبي محروك بسرعه طلعت ما لكيت تكسي ضليت امشي على شارع سريع يله لكيت صعدت حرك شفتها توا طالع من الفرع يركض يدور ويلتفت وصلت البيت دفعت فلوس حتى ما اخذت الباقي .
ميار : اخذ الباقي ما اريدهن
دكيت الباب واني عيوني ما اشوف بيهن من دموع غوشن فتحته امي وهيه تريد تفهم مني اليصير شنو بس ما فهمت مني دخلت ابجي واصرخ صعبه انفضح كدام الناس ما خجلني غير اخونه الواكفين على درج من نزل يركض نزلو ورا لو نسوان خوانه
لو كلام امه هوا واكف ما سوه شي .
سحلتني ملاك من كاع كعدتت بالصاله واني اناشق حتى استحي احجي
اخذت نفس ارتاح وملاك دموعها تنزل وياي على سكته وامي صارت صفره كعده يم رجلي تريد تفهم شبيه بديت احجيلهن كلشي من بدايه استحقاره وياي لحد هذا يوم وامي تسودنت بسرعه اخذت التلفون واتصلت على مهيمن كالت اله تعال بسرعه اخذتني امي بحضنها تبوس بيها وتحلف تطلع حقي منهم
ميار : يمه انتِ تصرفي خلصيني منه ابوس ايدج
هزت راسها وعيونها مغوركه
اجه مهيمن وحجت كلشي امي اله وهوا تخبل بعده جاي يحجي واندك الباب جاي محمد واخوانه يعتذرون هجم عليه مهيمن وطاح ضربات قويه على وجها واخوانه يفاككونهم ورا هوسه طويله يله هدو
كعدو بالستقبال
نطقت امي
ميلاد : اذا انتَ رجال طلكها ما تستاهل بتي
راح اسكت مو لان خوف ولا حبيبي خاطر العشره البينه وزاد ملح مو ناكره المعروف اني راح اتعامل بأصلي وياك مثل ما دخلتو بالمعروف اطلعو بالمعروف يله ما انريدك كله صوجج اني عبالي تصون بتي تالي هيج سوين بيهن ولكم عزيمه غده وهيج لو تعيش وياك شسوي .
بقت سالفه تجر وعر وهوا يعتذر متندم ويريد يطب يحجي وياي بس امي وملاك وكفن وبجها من شفت هاي وكفتهن احس شي كسر كلبي شلون يرجفن علمودي واكفاتلي بكلشي دعيت من ربي يحفظهن سند الي
طلعو منه واني اتهاريت بالبجي مو علموده على الموقف الخليت نفسي
حسيت التلفون يدك رحت شفته محمد
عفته ما جاوبت حضرته من الرقم والواتساب
دزلي بصمه من رقم ثاني فتحت البصمه
محمد : يعني انتوووو منو ولج انييي امج تهجم على بيتي وتضرب امي وتطلعها من البيت سحللل اليوم اذا ما احركم واحرك البيت على راسكم سهله انتضريلي ام خشم اليابسسس والله ما اطلكك والله
نزلت ما لكيت احد بالبيت وين يله اجت امي وملاك وملاك شايله ركيه وصيح جيبي السجين والصينيه
ميار : وين جنتن ؟
باوعت عليه ملاك وهيه تاكل شيف الركي
ملاك : اندور ركييي وببتيخ
ميار : يوم وانتِ ؟
ميلاد : اندور على كوله ملاك بتيخ
راحت امي تسبح واني رحت يم ملاك شيف بالصينيه
وشيف يحلكها
ميار : ليش ترحن تضربن المره احنه مشكلته ويا العبالنه رجال وبي خير المره شعليها ؟
ملاك : باعي اول شي الرجال احنه تعرف شلون تنصرف ويا ثاني شي المره تجاوزت عليج وعلينه وضرتج ولج احنه ما ضاربينج تجي هاي الملحه تضربج يا كاععع شكينييي وطميني اهوو يا كاع انشكي وبلعيني
ميار وشسويتن هذا يخابر ويهدد
ملاك : خلي ينكع تهديده ويشرب ميه حبيبي
ميار : شسوتن
ملاك : خيه اني شعليه امج اجت وسحلتني رحنه واخذت المقسوم بس شنو شيباتها كوميتها بالكاع
سويناها فرجه الامت السلام وحيل بيها
ميار : عفتها ورحت يمي امي لكتها تمشط شعرها
تقربت نمت بحضنها الابد ابقه ارتاح بهذا الحضن شعور الامان والحنان البي يخلني كوه انام وانعس
ورا اسبوعين اجه وهوا بعده على موقفا يعتذر متندم ونشيل بيت وحد كلشي سوه بس ما اكدر انسى الصار طلبت من شيخ طلاك هوا بقه ساكت وطلكنه وكلمن راح بحال سبيله اخذت عبره من تصرفي المتسرع كملت جامعتي ما وكفت الدينا على
مرات اشوفه يجي بسياره يباوع من بيعيد بس اني اتجاهل نضراته علاقتي بالبنات قطعتها لان بس نفاق وكذب واكبر غلطه واحد تكون صدقات بسرعه بالجامعه حتى هدى خليتهم علاقتي بيهم سطحيه
اكتفيت بأمي وملاك الي ياهو يشوفهن يكول انتو خوات محد يصدك امي لو ملاك خالتي بعدهن صغار وشابات
مرت سنتين ماكو كل تغير بحياتي نفس الروتين
بالعطل انسافر اني وامي وملاك وبوقت الدوام كلمن تروح الشغله واني الجامعتي الهلكت من وراها
صعببه كلشي امي شترتلي سياره من فسخت الخطوبه وبديت اعتمد على نفسي
شمس تجي كل فتره تبقه يمنه شوي وتروح طابت من مرضها وعالجت هرموناتها وصارت كامله مكمله وسمعنه بخبر حمله كلش فرحنه الها يستاهلون
بهاي السنتين جان اكو ولد دائما اشوفه بالجامعه
لو من كاعده بالحديقه اشوف يجي يكعد كبالي ويصفن لو من اوصل البيت اشوف يباوع حيل قلقني
لحد ما فد يوم خلصت محاضره طلعت كعدت بالكافتريه اجه وكعد هم كبالي كمت وكفت بصفه
ميار : ما تكلي منو انتِ وشعندك لاحكني وين ما اروح اشوفك تراقبني انتِ
- تؤ اعرفج تعرفيني
حيل حيل نرفزني
ميار : لا اعرفك ابو عيون شلون ما عرفك وين ما اروح الكاك كبالي بطلهن هذني السوالف ترا عيب
-بتي هسه اني يمج كرباج روحي عيني روحي اللّٰه يشافيج
ميار : اشو انتَ تجاوز شنو شفتني مخبله
- اسئل اللّٰه يرزقج الشفاء العاجل بتي
ميار : هيو .. حجيت هيج التفت عليه بسرعه
ونطاني نضره تخوف واني مسويه نفسي عود ما اخاف وفعلاا مجاي ابين هلشي
-شني ؟
هيو عليمن ولج
ميار : يعني منو هنا غيرك !
-صفن عليه ونطق
-شكد شايف جسرات بس مثلج ماشايف
احجي شتردين
ميار : بعد لا تالكحني تمام ترا ما صايره وين ما اروح اشوفك بوجهي ايع
- انه ايع انه !!!
هزيت راسي بغرور ومشيت طلعت
وصلت البيت سولفت الامي وملاك على هذا الولد ضلن يضحكن على تصرفي بس من صدك غثني
ورا كم يوم عزمنه مهيمن على عشى رحنه بعدنه بالباب جاي انسلم تونه دخلنه وجان يطلع نفس هذا الغثيث من مطبخ سلم على امي وملاك وباوع عليه وكال
_ هم انتِ
ميار : هوااا هم طلعتلي هنا
_ اطلعلج حتى بالمركه اذا تردين
ميار : باوعت على امي يوممم هذا نفسهه
ضحكت امي وعضتلي شفتها عود عيب
مهيمن : ميلاد هذا ابن اخوي الجلعد
ميلاد : كل هلاا بيك عيوني
امي باوعت على ملاك عود سلمي باوعت ملاك وكلبت عيونها
ملاك : ما يحتاج اعرفهه
دخلنه جوه بين سوالف والضحك مهيمن من نوع سبورتي بس نضرات هذا الجلعد حيل وترني
خلصنه
طلعنه منهن وطلعنه هوا مد راسه وسوالي حركه باي
نص ليل دك رساىل منه ما جاوبت ابد ساعه شلونج ساعه يحجي شنو سوه طول النهار واني بس اقره رسائل استمر هذا الوضع 4 شهور يوميه يجي باليل يشرحلي شسوه بالنهار والمواقف لو يصور نفسه من هوا بالشغل اشو هذا ماكو بعد كطع مر سبوع مامراسلني حيل قلقت عليه وين راح تأجرئت وتصلت عليه ضل يدك هواي يله جاوب بصوت مبحوح
الجلعد : الو
ميار : هلو
الجلعد : هلا بيج شلونج
ميار : الحمدللّٰه بيك شي اشو مختفي ؟
الجلعد : اي اسم اللّٰه عليج وكعت كورنا وشوي تعبان
ميار : يا سلامتك غير دير بالك
الجلعد : يمعوده هوا العراق كله واكع بيها بقت عليه
ميار : بقينه على تواصل يوميه بحيث حيل انشغلت ويا اخلص ادروسي واجي نتراسل هوا خطيه تعافه منها وتحسن بقينه هيج لحد ما بيوم رجعت من جامعه لكيت سيارته بابنه
دخلت لكيته يمكن ما صار هواي من موجود لان يتبادلون السلام هوا وامي دخلت سلمت وكعدت اباوعت لعيونه ومفهيه ..
( بنات ماشبه بينهم فضيع 🙂)
الجلعد : واللّٰه ما اعرف شكلج خاله لو عمه كلش مو يم عمرج بس من باب الحترام عمه اكلج
امي ابتسمت بوجها
الجلعد : صراحه اني لابد كالج عمي مهيمن اهلى متوفين وبقيت رابي عنده بس تعرفين شغل ودراسه انتقلت اربيل وهناك اسست شغلي وحياتي وصراحه كوني اني شايل مسوئليه نفسي فجاي اطلب ايدي ميار الي زوجه وأن شاءاللّٰه اكون عند حسن ضنج بيه واكيد القرار الكم واذا قبلتو اجيت عمي واهلنه ونجي نخطب رسم وخطبه تاليق بيكم
ميلاد : تدللي أن شاءاللّٰه نتناقش بالموضوع وانردلك خبر
بقه شوي وترخص وطلع عزااا كلبي احسه راح يوكف ملاك بسرعه كمزت بوجهي وتصيحح
ملاك : صوفرت البتتتتت راح تموعععععع
ولججج تضمين السوالففف مياررر
ميار حجت الهن كلشي بس ما احبيت استعجل فكرت بالموضوع واخذ مده 10 ايام بس حبيت التقي بي وجه بوجه وامي هم وافقت على هذا الرئي
ميار : يوم تتوقعين مهيمن حجه الجلعد على سوالف قبل
ميلاد : هسه اخابره واشوف
دك امي على مهيمن وطالع ما احجي اي شي الجلعد حتى اعترض وكال ماكو داعي تسولفوله ماضي راح وانتهى
سدته منه واني بقيت على موقفي اريد احجيله كلشي ما احب اخذع احد هذا اني وهذا وضعي يعجبه اهلاً وسهلاً ما يعجبه اللّٰه ويا
اجه هوا العصر طلعت ويا المطعم
بقه يتغزل بيه وكلاماته مثل البلسم
ميار : اريد اعرف شنو معنى اسمك ؟
الجلعد : الجـَلْـعـَد ( الأسد الصلب الشديد )
ميار : اممم حلوو بي معنى طلع
الجلعد : جا شعبالج
ميار : صراحه كتلك خلي نطلع حتى احجلك كم شغله قبل لا تصير كلشي رسمي يمكن عمو مهيمن ماكالك بس اني حبيت نبدي علاقتنه على صدق مو على كذبه
الجلعد : الي هيه ؟
ميار : باع اني بت زنا ابوي ما معروف هوا امي تعرفه وتندل بيته بس هوا متبري مني ثاني شي اني متعرضه الاغتصاب جماعي قبل 3 سنوات والحد هسه ما اتخطى هذا الموضوع باقي براسي
وامي تعرف انتَ قبل ملاك وين تشتغل وامي نفس شغلتها بس بطلعت من شغلها هم صار الها 3 سنوات
قبل لا تحجي احجيلك تفاصيل حتى لا دوخ
بديت احجي واحجي اله ما كذبت حرف واحد وهوا بس يهز براسه
كملنه عشى على ساكت ما نطقت ولا هوا
دفع الحساب وصلنه الكراج جر ايدي ولمني بحضنه
الجلعد : انه ما يهمني بت منو ولا شصار بيج يكفي
انتِ يمي وهذا الشي راح يخلني قمه السعاده باسني بكصتي وبتعد احس اكو فراشات بداخلي من كلامه
بقيت بس اوزع ابتسامات
ميار : وها باوع اني بس خطوبه ومن اتخرج واطبق بالمستشفى يله نزوج ماكو هسه زواج تمام ؟
الجلعد : يعني بس انه خطوبتي 3 سنوات
ميار : اليحب يصبر
الجلعد : راح اخذج المكان مو بعيد تجين ؟
ميار : وين ؟
الجلعد : ترحين وتشوفين
اخذني المكان مثل البستان وبي حيونات اسد ونمر وقروده انوع الحيونات
بقيت افتر بينهن اجه هواي وكال
الجلعد : مياري
باوعت عليه منزعجه
الجلعد : اقصد عمري تعالي اشوفج شخص عزيز على كلبي
ميار : منو
راح وكفت طلع من غرف كلب اشوف وجبير ضخم يخلس شكله
ميار : هذا المن ؟
الجلعد : هذا الي بس مخلي يمي صاحبي لان يضوج
ميار : يا
الجلعد : تعالي شبيج شارده ؟
ميار : لا يعضني
الجلعد : لا يمعوده يسواهم ما يعض ؟
چلب ومسمي يسواهم لعد اني شسميني اذا حبيتني
-باوع بسرعه وحجى وهوا مختنك من ضحك
- تسواهن
وتمدد وهوا يهتز من ضحك
-ضلت صافنه عليه اكلك انتَ صاحي
-لا نايم
-لا جد
-جت ما طلي
-هاي شبيكككك ليش تضوجني
جلعد : يا عمريي شسوي يعني صدك يسواهم وفي
ميار : شوي تعودت على يسواهم وتقبلته
رجعت لبيت لكيت امي تنتضرني بالطرمه
ميار : هاا ؟
ميلاد : شبيج يوم تعالي
كعدنا بالحديقه بالكاع
ميار : احجي ؟
باوعت عليه بعيون مدمعه
ميلاد : انتِ مسامحتني ؟
ميار : شجاب هذا الموضوع هسه
ميلاد : كلشي عفت على مودج اشو بعدج بعيده عليه واني واياج نفس البيت بشنو احلفلج كلش صار مو بيده
ميار : تدرين ام طبره ماتت بسببج ما لحك يسويلها العمليه ما دبر الفلوس
ميلاد : اني اني شلي دخل بيها مره جبيره واجه يومها
ميار : يوم طبره جان عنده شغل وانتِ ومكفتي بوجه ومنعتني الناس تكمل شغله ليش ؟
ميلاد : لان واحد كلب وحقير
ميار : يااا
ميلاد : وبعدين انتِ شمدريج بهذا الحجي يعني شكي بمكانه طبره اول واحد خطفج
ميار : اي بفضلج انتِ خليتيني من واحد الثاني
كل من ورا عدواتج ومشاكلج وشغلج وكعت بيهن اني وهسه راحت السالفه ومشت المن تحجين بيها هسه
ميلاد : اسراء طلعت من سجن بواسطاتها صار الها شهر ادور عليها مجاي الكاها ناس تكول بغير محافظه وناس يكولن سافرت وناس تكول اختفت عن الوجود
ميار : بالعافيه شسوي يعني مسلمتهم بيد اللّٰه
ميلاد : وو
ميار : احجي ؟
ميلاد : مو تكولين انتِ السبب
ميار : شكو احجي
ميار : اول البارحه لكوها مكتوله وملفوفه بالبطانيه ومشموره بالجول حسب ما فهمت اكو ناس ترقبها صار ايام بالكامرات المراقبه وسدو ملفها بالمجهول
ميار : يعني اسراء ماتت ؟
ميلاد : يس
وتباوع باضافيرها وبتسامه شماته ونضره كره على حقد خفت منها
ميار : الج علاقها بالموضوع ؟
ميلاد : تؤؤ
ميار : متأكده ؟
هزت راسها برائه
ميلاد : هسه ما تجين بحضن مامي ؟
تقربت حضنتها كلش خايفه لا تتورط
بقت تهمس بأشياء ما فهمتها وتبوس بشعري
ما انحس اله ملاك فوك راسنه
ملاك : هلوووو العبب
ميار : شبيججج ؟
ملاك : اريد اتزوج عن حب .
ميلاد : دروحييي حسابها خاص والرقم اليدك عليها تحضره واليحجي وياها بالشارع تنكلب سعلوه وهسه تريد تزوج عن حب كومي منيييي
ملاك : بس بتججج لعدد تزوج لا صدك شمالني
ميار : تردين واحد مثل جلعد ؟
ملاك : اويلييي اييي ولج كون نفس عيونه زركك واشكررر ما تنطينيا اني مو خالتج حبيبتج
ميار : لا حبيبتي ما انطي الي هذا
شمس
بعد ما استمريت على علاجي كدرت انضم شهريتي وتحسنت حالتي برز جسمي وطولت
ولا انسى يوم اجه مهيمن من سفر وانصدم من شافني ميلاد تكله راح تطها عين كول يا اللّٰه
رجعنه البيت شوي شوي اتقلمت ويا وكمل زواجنه
وعشته بيتنه علمني القرايه والكتابه وعدني يدخلني خارجي بس صار عندي حمل اجلت هذا الموضوع
جلعد تقدم الميار وكلش فرحتلها تستاهل كل خير
واليوم خطوبتها
ميار ..
حددنه موعد الخطوبه فرحه على توتر دخل وعقدنه
شي اشبه بالخيال كطعنه الكيك وركصنه ورحنه سوينه جلسه تصوير خلصت الحفله وملاك تصبح اريد اكيب اسمي على الحذاء اريد امشي قسمتي
وبنهايه الحفله هجم الباشا على مهيمن وضرب وما هددت اله تدخل الشرطه ما انسى تضرته الي من طلعت بالطرمه هوا عيونه مدمعه ويصيح رجوها الي غلطت شنو معصوم انه بس ما يفيد هذا الحجي اخذت اليـستاهلني ويقـدرني ويدور رضاي
ام بالنسبة الـ طبره اختفه عن الوجود مره وحده شفته من جنت طلعه من الجامعه
جاي امشي بالكراج وحسيت شخص صاح باسمي
طبره : ميار
من شفته رجفت ورجعت بذكرياتي الهذاك الماكن
ميار : شتريدد ما كافي السويته بيه
طبره : بس اجيت اسئل عليج اني مجاي اكدر انام مثل البشر حوبتج جاي تطلع بيه ليش ما شتكيتي عليه ؟
ميار : منو كلك اني مسامحتك بس الوكف بعيني وفات امك وسبب تأخيرها على الاعلاج بسبب امي وغير هذا الحجي ما عندي
طبره : انتضري الباشا شلون انطاج كلبج تعوفي
ميار : لا تدخل
عفته ومشيت
مرت حياتي هادئه مخليه فقط الاشخاص الاحبهم
الحـمداللّٰه جاي ادرس حتى احقق حلمي
وامي وملاك طلعن شهاده سادس ابتدائي ومتحنن خارجي ثالث متوسط وهسه منتضرين كم سنه حتى تقدم سادس اما عرسي السنه الجايه انسوي من اخلص من الجامعه والتطبيق وأن شاءاللّٰه انزلكم بارت العرس ومن حياتنه وكم كم حدث ما كتبنا حتى انضيفه بالبارت العرس وتعرفت على كاتبه آشتي وكتبت هذي قصتي الغريبه وما مطروقه .
احبكم
________________
سلام عليكم عمري اعرف هواي طولت عليكم بس شسوي حضي من بيدت اكتب القصه ما صحيت يوميه ومريضه اتمنى تعذروني على تأخيري عليكم
وأن شاءاللّٰه ما اتركم من يبدون يجهزون عرسهم انزلكم بارت ايضافي ♥️
التواصل انستا 9li1_m
بقلمي:آشتي
عمري لاتنسون متابعه الحساب +التصويت ⭐
والتعليق على الفقرات شكد ما تكدرون
توقعاتكم ورايكم يهمني على بارت الجاي
دُمتم سالميـن 💙🖤
حساب الانستا لاتنسون تضيفونه ممكن تنزل شغلات تخص القصص والابطال وشغلات حقيقية.
من ينتهي من قراءتها يرسلها خفيفه .
1 . سبحان الله.
2 . الحمد لله.
3 . لا إله إلا الله.
4 . الله أگبر.
5 . لا حول ولا قوه إلا ﺑﺎلله.
6 . أستغفرالله العظيم وأتوب إليه.
7 . سبحان الله وبحمده.
8 . سبحان الله العظيم.
9 . اللهم نجني من عذابك يوم تبعث عبادك .
10 .اللهم انك عفو تحب العفو فاعف عنا.
*تكسب أﺟر كل من يقرأها*.