# ثمـرة تعـب
بقلم الكاتبة: ايـات الجاسـم:🫀
lnsta: ayat.aljasim
هيلاً : اجت امتحنات اخير السنة واني ونفس وهرم تعبنة كُلش بيهة والحمدلله ربي وفقنة ونجحنة وكل وحدة حصدت تعبهة هاي الايام
فرحتنة بلنجاح جانت متنوصف احتفلنة بلبيت مردنة نطلع
اسيد جاب هداية مناسبة النجاح 3 علب كل وحدة بيدهة علبتهة اني وهرم ونفس مراد يفرق بينة وذكر هرم ويانة
_ فتحت علبتي گلادة على شكل كامرة متت فرح
نفس : فتحت العلبة گلادة مداليتهة على شكل سماعة طبيب حضنتة وتشكرت منة
هرم : فتحت العلبة گلادة المدالية مالتهة على شكل ميزان صفنت شلون عرف اريدد أصــير محامية
هيلاً : فرحنة بلهداية وكملنة احتفال وكل وحدة بقت تحضر نفسهة المشوارهة الثاني ولحلمهة ♥️ً
_ گاعدين اني وامي ونفس
نزل اسيد مــن فوگ وگعد يمنة مــن شكلة عرفتة بحلگة حجي
اسيد : عندي موضوع
رنيم : اي يمة گول
اسيد : نويت اتزوج
هيلاً : مــن الصدمة طفرت وصحت هااا صدك
اسيد : اي شـبـيج
هيلاً : يعني عرس ودك وركص وهلاهلا
رنيم : يمة خال وحدة بالك لو تريد انيي ادورلك
اسيد : لا أكــو وحدة بالي
هيلاً : مــنو هاي الخالهة بالك حلوة لا
اسيد : يمة أريــد اخطب هرم
هيلاً : عليك العباس گول متشاقة
نفس : بروح ابوي گول صدك
اسيد : صدگ شـبـيجن
هيلاً : لك تدري شـنـو يعني تتزوج هرم يعني تعيش هنا ويانة اصبح وامسي بوجهة يعني سوالف لصبح لك هلا هلا هلا
نفس : اكل وافلام هلا هلا
اسيد : ههههه عبالي فرحنات الي طلعتن فرحنات لان حتجي يمجت
رنيم : حبيبي باجر اخابر رويدة وافاتحهة بلموضوع وانتن مو تحجن شي يم هرم فهمتن
هيلاً : لـيـش عود ماگدر اضم شي عليهة
رنيم : گلت متحجن شي الة افاتح امهة خـوش
هيلاً : خـوش
اليوم الثاني :
هرم : گاعدة يم امي وخالة ماعون حب اكرز واشوف مسلسل دگ تلفون ماما جاوبت
رويدة : هلة عيني ام اسيد انتو شلونكم شخباركم
رنيم : الحمدللة بخير دام انتو بخير احم أريــد احجي وياج بموضوع
رويدة : اي احجي خية
رنيم : تعرفين احنة اهل و انتي اختي يشرفنة ويسعدنة نطلب ايد بنتج هرم الابنة اسيد وانتي مو غريبة تعرفين اسيد شغلة واخلاقة وهوة حسبت وليدج ميحتاج اسولفلج علي
رويدة : حبيبتي النة الشرف واسيد ابني والله وان شاء اللّٰـــه ربي يقدم البي الخير اخذ رأي البنية ورجعلكم الجواب
رنيم : ماشي عـيـونـي اني اترخص سلمي على چنتي هههه مع السلامة
رويدة : اللّٰـــه وياج حبيبة يوصل
هرم : شـنـو تريد خــالـة رنيم
رويدة : خطبتج الابنهة اسيد
هرم :وگعت مــن التخم وكمت بـسرعة
شـنـو شگلتي عيدي
رويدة :شـبـيج داگلج خطبتج
هرم : متأكدة خطبتني اني هرم الـ اسيد
رويدة : اي
هرم : محد گلي البنات مگالو عود صدك يعني اني حتزوج اسيد الحلو
رويدة : ثگلي وسم
هرم : يمة ضل بيهة ثگل خابريهم وگليلهم موافقة
رويدة : عزة العزاج شـنـو مشايفين بنفس اليوم نرد خبر عيب بنتي يومين ورد الجواب
هرم : انتضر يومين عود صدك تحجين
رويدة : اي يومين ونجبي ثگلي عيب
هرم : اففف شيخلص اليومين هذن
- ضليت احسب ساعة ساعة خابرت البنات شبعتهم رزايل وهمة ميتين ضحك علي
مرو يومين الثالث خابرت ام اسيد وامي انطتهة الموافقة حددو الخطبة يوم الجمعة
خابرتني هيلاً گالت اليوم يمر عليج اسيد وياخذج تشترون حلقات گلت الامي وافقت حضرت نفسي لبست فستان وسرحت شعري
خليت مكياج خفيف سموكي لان فستاني اسود
شوي وسمعت صوت الباب نزلت وامي كالت اسيد ينتضرج. ضلت توصي بية
طلعت لگيتة واگف يم السيارة لابس بنطلون نيلي وقميص ابيض مفتوح مــن يم الصدر شكلة چان يموتتت مشيت سلمت علي وصعدت
اسيد : منين تردين تختارين الحلقات
هرم : بكيفك مــاعـرف بهسوالف اني
اسيد : نروح للكاضم نشتري ومناك اخذج نزور
هرم : ابتسمت وهزيت راسي بنعم وصلنة المحل ذهب كلُش جبير
طبينة تسالمو وگلة أريــد خواتم طلع علب وخلاهم گدامنة كلش حلوات حرت بيهم
اسيد : اختارلج لو ﭑنـــــتِ تختارين
هرم : انــتَ اختار اختار
خاتم بسيط وناعم كلُش متتت علي سحب ايدي ولبسنيا ابتسم
اسيد : هسة صار الخاتم حــلو
هرم : ابتسمت واحس اخدودي صارو نار اخذ الخاتم وگلهم ختارينة هاذ دفع الفلوس وطلعنة
اسيد : هسة لازم تختارين حلقتي
هرم : تمام
وگف گدام صايغ للفضة نزلنة وطبينة للمحل طلع علب بيهم خواتم عجبني واحد اشرت علي ابتسم اخذة ولبسة
اسيد : هــاا عجبج
هرم : اي كلُش حــلو على ايدك
نزع الخاتم وخلى بعلبة ودفع فلوس وطلعنة
_وصلنة للكاضم (؏) السلام
هرم :شلون مجايبة حجاب وعباية
اسيد : اعرف هسه اشتريلج محرم صلى
هرم : راح شتره محرم لبستة وگال هنا نلتقي مو تيهين طبيت زرت وصليت شوي وطلعت لگيتة واگف رحت علي
اسيد : زيارة مقبولة ابوية ﭑنـــــتِ
هرم : قبل اعمالك دعيتلك كومة
اسيد : جعل محد غيرج يدعيلي
ضلمت الدنيا نتعشى حته رجعج للبيت باجر امرلج ونختار فستان لو تردين ترحين وية البنات
هرم : عادي بكيفك بكيفك
-طبينة للمطعم
اسيد : شـنـو تاكلين ولا دگولين بكيفك
هرم :لا هاذ اكل مابي بكيفك أريــد كباب ومقبلات
اسيد : تدللين
هرم : طلب اكل كومة مــن غير الكباب طبعا ميتة جوع نسيت المستحة ولأنوثة وگمت اكل هوة يباوع علي ويبتسم
شبيك تبتسم
اسيد : ماكو شي بـسہ مــن تاكلين عبالك طفلة تخليني غصب اگزگز
هرم : گوة بلعت الگمة مــن ورة كلامة ابتسمت وهوة كمل اكلة خلصنة اكل ودفع الحساب وطلعنة الجو بارد وحلو صعدنة السيارة
شغل اغنية الحسام الرسام
وصل مقطع : خلي كولشي يصير ضدي انــتَ لا تخليني وحــدي
لزم ايدي وضل يغني وية الاغنية ويبتسم
المهم تبقة انــتَ عندي وانه ضل ساكن بگلبك
هرم: ابتسامتي شگت وجهي رفع ايدي باسهة حسيت الدنيا مسايعتني بهاي الحضة
اسيد : اللّٰـــه يگدرني حتة اسعدج واخليج تاج على راسي
هرم : مــاعـرف شـنـو احجي بـسہ اوزع ابتسامات
وصلنة للبيت
اسيد : باجر امرلج نفس الوكت خـوش
هرم : ماشي يلة اروح اني باي
طبيت للبيت لگيت امي گاعدة منتضرتني سولفت الهة شصار وين رحنة شوفتهة الخواتم حضنتني ودعتلي بدعواتهة الحلوة
_اليوم الثاني كمت مــن الصبح حضرت ملابسي وسويت ماسكات شوي وبدلت لبست فستان سمائي بي ورد ناعم ابيض كلشش عجبني ومكياج رشيت عطر وسمعت صوت الباب نزلت ركض
صارت امي بوجهي گالت اسيد بلـ باب
طلعت لگيتة منتضرني هلمرة لابس بنطلون جينز وبدي اسود
سلمت علي وصعدت السيارة
اسيد : لگيت محل كلش عاجبني نروحلة
هرم : ماشي
وصلنة المحل يجنن دخلنة الفساتين الموجودة تجننن
اسيد : عجبج شي
هرم : كلهن يجنن حرت
اسيد :شـنـو رأيج بهاذ
هرم : اختار فستان عنابي ستن سادة الشغل بـسہ بلصدر نازك يجننن گتلة يجنن
اسيد : اقتنعتي بي يعني
هرم :اي حبيتة
اسيد : حناخذ هاذ واخذيلج شي ثاني
هرم : عجبني قفطان لونة اوفوايت يجنن اخذتة
اسيد : امشي الهاذ المحل اخذيلج حذاء وية الفستان
هرم : لا عندي كومة
اسيد : لا اشتري جديد يلة فوتي
هرم : اختاريت حذاء وطلعنة
اسيد : اني حاجزلج صالون ﭑنـــــتِ ولبنات خـوش
هرم : فرحت لان البنات وياي وصلني للبيت خابرت هيلاً وشوفتهة شـنـو شتريت والبنات فرحنات أكــَثر مني
هيلاً : اشتريت فستان زيتوني طويل ورحت عدلت حواجبي وسويت اضافيري ردت اصبغ شعري امي مقبلت تگول يخرب
ونفس اشترت فستان اسود يجنن هم
_الجمعة يوم الخطبة
هرم : گعدتني امي حضرت الفستان وغراضي ماعدنة احد يجي الخطبتي بـسہ صديقات ماما هلشي حز بخاطري
اجة اسيد نزلت اخذ الجنطة وصعدت
البنات وياي خلصن الطريق يهوسن ويرگصن هيلاً ذبت لحم ماخلني احس وحــدي أبــد عبالك خطبت اختهن مو اخوهن
نزلن البنات وخذو الغراض دانزل لزم ايدي اسيد
اسيد : لاضوجين اني اهلج ماريد وجهج الحلو يضوج اليوم
هرم : ابتسمت على كلامة ورحت
كُل وحدة استلمتهة ماكيرة
البنات خلصو قبلي مكياجهم چان يجننن
_خلصت مكياج شفت نفسي كلش حبيتة خابرن اسيد وگلهم جاي شوي وصل طلعنة هوة اجة بسرعة چان لابس رسمي و شكلة يجنن لزم ايدي وصعدني البنات صعدو ورة
خلصوهة رگص وهوسات واغاني كُلش فرحت وصلنة للبيت نزلت وهمة راحو گالو ب 3 يجون
هيلاً : رجعنة للبيت هوسة لشارع بـسہ سيارت اصدقاء اسيد كومة نزلنة وطبينه للبيت ركض تلكتني امي صلت على النبي
شغلنة الديجي وشعلنة الجو شعل اني ولبنات شفت مرة جبيرة گاعدة تباوع علي وتبتسم سألت امي گالت هاي ام عون وباهر
اجة اسيد گال تحضرو رحت جبت باقة الورد مــن فوگ والهدية نزلت لگيت السيارات مقبطة امي صاعدة يم اسيد وام عون ليورة ويمهم ولد يرگص
نفس : وين نصعد شو محد حترمنة وعافولنة مكان
دگ اسيد جاوبتة گال صعدن وية عون وباهر ردت صعدجن وياي بـسہ امي وام عون صعدن وعلي صعد عيب انزلة
هيلاً : وين الگة سيارة صخام واني لابسة فستان ومكياج شلون اطلع ادور عـلـي
عون : صخام وراج خابرني اسيد علمودچن يلة امشن
هيلاً : نصدمت منين طلع هاذ شلون اجة مــن وراي شنو جني مشينة ورى صعدنة ليورة شوي واجة باهر مبين نصدم بينة
باهر : سلام عليكم
هيلاً : وعليكم السلام
باهر : مــنو معرس اسيد لو انتن
عون : طيح اللّٰـــه حضك
هيلاً : غير عرس اخونة شتريد نلبس عبي
باهر : لا العفو عيني
هيلاً : مشت السيارت باهر ربط التلفون بلمسجل وشغل اغاني سوالي واهس كمت ارگص وياهة
باهر : احنة الطگينة اصبع وحتة الحاكم رگصنا هلا هلا كللللوشششش
هيلاً : سوالي حماس گمنة نهلهل ونغني
نفس : الطريق صار يجنن باهر وهيلاً سوو جوو يجنن عون يضحك على سوالفهم
هيلاً : اخونة خـوش اخو يستاهل الهوسة اخونة خـوش اخو
باهر : يستاهل الهوسة كللووووش
هيلاً : اسمع اسمع أريــد ادبچ دبچ وكسر الكاشية انه اخت الولد واخت البنية
_ وصلنة لبيت هرم نزلنة الزلم برة گلبو الدنيا بل اغاني جماعت اسيد ماقصرو النسوان وگفنة على صفحة نصفك وهمة يهوسون شالو اسيد ويهوسون
عون : اوگفلك يلزين معزب ماخايف مــن واحد يعتب
باهر : تستاهل يا رفعت راسي كلشي لعيونك ميتعب
ضلو يهوسون طبينة جوة ناصبين كوشة وكاعدة هرم طبينة نهوس ونرگص
شوي وطب اسيد گعد واحنة گمنة نهوس گالو حيطب الشيخ
طب الشيخ عقدلهم كلهة گامت تهلهل
لبسو الحلقات الفرح مبين على عيونهم
اشرلي اسيد ورحتلة
هيلاً : هــاا
اسيد : گولي الأمي اسيد يگول يلة
هيلاً : رحت گلتلهة راحت امي وگالت خلي يگعدون وحدهم اجت ام هرم وخذتهم بغرفة واحنة كملنة رگص
لا تنسون التصويت بناتي حتة اكمل البارتات الكم ♥️🥹
الكاتبة #ايات#الجاسم