💚الجزء 91 💚
💞قلوب أرهقها العشق 💞
البنت : بونجووغ ما دموزيل
خنساء :[ بابتسامة ] بونجوغ
البنت : تفضلي مرحبا بيك
خنساء: الله يبارك فيك انا ما جيتش لهنا باش ناخد شي حاجة .
البنت جاوبتها بواحد الابتسامة ساحرة ...
البنت : كيفما كيقول المثل المغربي اللي ماشرى يتنزه بامكانك تشوفي و إلا عجباتك شي حاجة نصوبو معاك فثمن أ لالا
خنساء: شكرا غير هو انا جيت كنقلب على خدمة و بغيت نهضر مع مول شي الا كان ممكن
البنت : كيفاش؟ واش بغيتي تهضري مع موسيو عدنان
خنساء: آه أ ختي الا جات على خاطرك
البنت : دااكوغ عندك معاه موعد
خنساء: غير قولي ليه انا من طرف سي مصطفى
البنت : أوكي مادموزيل تسنايني هنا على ما نجي
خنساء: واخا
انصارفت ديك البنت و خنساء متبعة ليها العينين كتشوف فقوامها الممشوق و فلباسها تنهدات و مشات وقفات كتشوف فرفوف ديال الكتب و كتضحك و كتهز دفاتر مزيونين و اجوندات كيهبلو بقات غير حالة فمها فيهم و مع هي كتسطى عليهم ما كرهاتش كن خدات شي وحدة و لكن الغلاااا عندو بزااف...
ما هي الا دقائق قليلة حتى وقفات عليها البنت و قالت بابتسامة ...
البنت: موسيو عدنان بغا يشوفك اجي معايا
حسات خنساء بواحد التوتر غريب تبعاتها و عويناتها كيضورو فارجاء المكتبة اللي تلف فيها بقوة اللي كبيرة طلعات فواحد الدروج و خنساء من موراها حتى وصلو لواحد البيرو و ضارت عندها....
البنت:هنا كاين موسيو عدنان بون شوونص
انصارفت البنت و خلات خنساء كترعد غير هي و عظامها حاولات تثبت راسها و حطات يديها على البوانيي و حلات الباب بمجرد ما حلاتو بان ليها واحد الشاب كيبان فيه شرير بعض الشيئ ملامحو عاديين مثلو مثل اي راجل مغربي ....
جات عينيها فعينيه و ابتاسمت و قالت ..
خنساء: بونجوغ موسيو عدنان
عدنان تقاد فالجلسة طلعها و هبطها عوج فمو جنب و قال ...
عدنان :واش باغا تخدمي ؟
خنساء حركات راسها بالايجاب و جاوباتو مع ابتسامة واخا ما رتاحش ليه خاطرها ...
خنساء: بطبيعة الحال داكشي علاش جيت انا من طرف سي مصطفى و ...
ما خلاهاش تكمل كلامها و دار ليها علامة سطوب بيدو ✋...
عدنان : ما كاتعجبنيش الهضرة زايدة عطيتك سؤال جاوبيني بآه و لالا
خنساء صرطات ريقها بصعوبة حسات بتوتر كبير و كرشها بدات كتضرها بالخوف حيت بانلها قبيح بزااف ...
خنساء: آه أ موسيو عدنان
عدنان رد راسو اللور كيطيش بداك الكرسي الدوار اللي جالس فيه بشوية و قال ...
عدنان : باغا تخدمي و ما دقيتيش حتى الباب قبل ما دخلي ما كنخدمش معايا اللي مامربيينش بإمكانك تمشي بحالك
خنساء حسات دنيا ضارت بيها مية دورة فثاانية واش معقول يكون هدا سبب اللي ما غايخليهاش تخدم عندو واش حتى لهاد الدرجة هاد سيد مريض ؟؟ ولا كاين شي سبب اخور ؟؟ ...
خنساء : و..ولك..
ما خلاهاش تكمل تقاد فالجلسة و شاف فيها و قال ...
عدنان : غاتزيدي كلمة وحدة غانعيط على sécurité برااا [ اشار لناحية الباب بصبعو ]
نزلات دمعة من عينيها بسرعة ما عرفات باش تبلات كانت جاية كلها حماس باش تخدم و تفرح ميمتها صدق جااري عليها فخطرة وحدة عاملها بحال شي حيط قصير اللي جا ينقز عليه و لا بحال شي جفاف اللي جا يمسح فيه رجليه ....
تنهدات بحزن و خرجات من عندو كتافها هابطين وجهها طاافي مابقاش فيها داك الحماس ديال قبيلة بل وجهها ولا عامر دموعها ودنيها مسمكين كتمشى غير بزز لدرجة نفس تحبسات داخلها تحطات فموقف صعيب كلو إهانة ...
خرجات من داك المكتبة المشؤومة اللي ندمات على نهار اللي حطات فيها رجليها قطعات شانطي و جلسات فواحد الكرسي اخضر ديال حديد اونفاص مع المكتبة نيت ، كورات راسها بين يديها و كتبكي بحرقة لدرجة صوت شهقاتها كيتسمعو ما قدراتش تزيد خطوة وحدة داكشي علاش فضلات انها تجلس و تفش قلبها بعدا و يحن الله من بعد كتحس بدنيا ضلام فين ما حطات يديها ما كتصدق ليها حتى حاجة هي ماشي غبية باش ما تعرفش علاش تم رفضها بديك طريقة البشعة أكيد وجهها اللي عامر برص او بهاق هو السبب فرفضها ماشي اول مرة كتشوف ديك نظرات فعيون ناس اكيد غايكون وجهها ماشي فنفس المعايير اللي باغي هو ياا للأسف واش هي قبل ما تخلق تعطى ليها كاطالوغ باش تختار شكلها ؟! علاش ناس مراضين ما كيفهموش بلي ربي هو اللي كيخلق كل واحد كيف بغا و سبحانه كيحطو فأجمل صورة و لكن قليل ديال ناس اللي كتلقاهم واعيين بهاد القضية مع الاسف ...
فنفس الاثناء وقفات طوموبيل حدا المكتبة من نوع فورد شكلها جاي بحال شي حوتة طوموبيل واااعرة ديال الفريع نزل منها شاب وسيييم جدا قابط قرعة د الما فيديه ديال "سيدي علي " سد الباب ديال طوموبيل و طلع سروالو بشوية بدورة باش كيدور كتبان ليه شي بنت قابطة فراسها و كتبكي قبح ملامح وجهو باستغراب و مع كانت دنيا خاوية كان مسموع صوت شهيق ديالها فالشارع ما عرفش شنو سبب اللي غايخلي بنت تجلس و تبكي حتى لهاد الدرجة فهاد الوقت مع صباح؟؟ ...
💚الجزء 92💚
💞 قلوب أرهقها العشق 💞
ومع هو فضولي حلف حتى يعرف مالها قطع شانطي و وصل لعندها وقف على راسها و قال ...
~: ماالك أ ختي ؟؟
تسمع صوت رجالي فودنيها ما قدراتش تبقى مهبطة راسها علات فيه عويناتها بالعرض البطيئ بان ليها شاب وسيم جميع مقومات الجمال فيه البياض و طول و صحة و شعر و لحية خفيفة مقادة و عاد لباسو النقي المستيلي اللي كيبين بلي هو ولد الفشوش؛ تبهض من شكل وجهها فلول و لكن ما بغا يبين والو ....
خنساء مسحات دموع من وجهها بسرعة و قالت ....
خنساء: ما مالي والو اخويا شكرا
جلس حداها و مد ليها قرعة د الما ...
~:هاكي شربي بعدا
خنساء ما ثاقتش فلول كتشوف فيه و تشوف فالقرعة ..
~: وهااكي و نتي كاتشوفي فيا
خنساء: لا شكرا ما بغيتش اخويا
~: ياكما خفتي نكون داير فيها سم
حل القرعة و شرب جغمة منها و عاود مدها ليها و قال بابتسامة ...
~: و الله ما فيها سم غير شربي باش ترجعي فيك روح راك وليتي صفرا
خنساء ابتاسمت بخفة على كلامو خدات منو الما و هبطات عليه كانت محتاجة ليه و هي تسمع صوتو من جديد ...
~: نتي فيك ما يشرب سيطيرنة و جالسة تنفخي علينا
مدات خنساء ليه القرعة د الما مع ابتسامة ...
خنساء: شكرا أ خويا و الله جيتي فوقتك الله يحفظك و يخليك لميمتك
~: امين و دعيوة عندك وااعرة
خنساء: تستاهل
~: و خلصيني هاد القرعة راني شاريها بخمسة درهم هبطتي ليا عليها
خنساء شافت فيه كتضحك و قالت ...
خنساء: تستاهل كل خير
~: انا و ياك
عم الصمت بيناتهم و هو يمد ليها يدو و قال...
~: و طلعي خمسة دراهم ياكما يصحابلك كنضحك ولا يصحابلك غاتغمقي عليا بديك تستاهل كل خير عندي دعاوي اكثر منها نقولهم ليك
خنساء شافت فيه و قالت باستغراب ...
خنساء: واش داوي من نيتك
~: لا داوي من ريتي راني كنهضر معااك طلعي ليا خمسة درهم و لا ندير يدي فودني و نغوت واااك واااك اعباد الله دات ليا قرعتي د الما
خنساء بقات كتشوف فيه مدة و هي تبدا تضحك من جدر عقلها و هو كيضحك معاها ...
خنساء: هههه و الله حتى ضحكتيني عندك. حس الدعابة
~: هههه يااك بعدا شربتي من قرعتي ضحكتي على كلامي و طلعي ليا فلوسي أ الحاجة
خنساء حلات صاكها جبدات منو خمسة درهم و عطاتها ليه ليديه و شافت فيه ....
خنساء: هاك ها خمس دراهم فرعتي ليا مخي
شدها و دارها فجيبو و قال ...
~:الله يخلف عليك
خنساء بقات ساكتة و هي تضور تشوف فيه ...
خنساء: واش انا شكيت عليك أ خويا هي مليار نتا اللي عطيتيها ليا و نتا اللي جيتي عندي و زيد عليها شربتي ليا منها جغيمة عطيني درهم
~: هههههه ناري طلعتي تافهة أكثر مني
خنساء: ههه ياك بعدا ضحكتي على كلامي وا طلع ليا درهمتي أ الحاج
قهقهه بصوتو الرجولي و قال ...
~:تستاهلي كل خير
خنساء: انا و يااك باغي تغمق عليا بهاد جوج كلمات و طلع ليا درهمتي ا ولد الحاج
~:كتردي صرف
خنساء:تانرد صحيح اولد عمي
جبد ديك خمسة دراهم من جيبو و حطها ليها فيديها ...
~: هاكي انا كريم رديتها ليك بالضوبل
رداتها لصاكها كتضحك على كلامو و قالت ...
خنساء:و الله حتى هاارب ليك
~:اما نتي زعما بعقلك
خنساء:كيفما كان الحال أحسن منك
ضحك بصوت رجولي و هي كذلك حتى سولها ...
~:شنو سميتك ؟؟
خنساء التافتت و شافت فيه و قالت ...
خنساء: باغي دير ليا الحالة المدنية أ الاخ
~: علاش ما عندكش؟؟
خنساء: عندي
~: لا انا باغي غير نعرف سميتك و صافي
خنساء: عطيني شي سمية
~: و جديدة هادي عاود
خنساء: و نتا شنو سميتك ؟؟
رقق صوتو و قال بابتسامة ...
~: مغاااااد
خنساء ضحكات من طريقة اللي قالها بيها ..
خنساء: هههه متشرفين اسي مغااااد
مراد: شرف ليا و دابا شنو سميتك
خنساء : سميتي خنساء
مراد حرك راسو بالايجاب و قال ....
مراد: سميتك متيتزة بحاالك أبنت العبد
خنساء: كتحرش بيا أ ولد الحاج
مراد هز يدو فالسما كدليل على إستسلامو ..
مراد : لهلا ينزل علينا بااطل
خنساء ابتسامت و دورات و جهها و سهات فداك المكتبة و تفكرات شنو وقع ليها و هو يخسر ليها المورال عاود بقات ساكتة ....
مراد : علاش كنتي كاتبكي ؟؟
خنساء دورات وجهها و شافت فيه كأنه زاد فكرها فشنو وقع ليها و دموعها طاحو من عينيها بسرعة و قالت بصوت منغنغ بالبكا ..
خنساء: شي حاجة شخصية و صافي
مراد ناض وقف و بدا كيغوت بصوت مشرمل ...
مراد: تشاااا راه برب حتى توريه ليا تشااراه امبوسيبل نشوفك هاكا دوي تي شكون هو هاد الحماار اللي يهبط دمعة من عينيك دابا نحرو نحير جمل [ كيدوز يدو على عنقو ] ...
خنساء قد ما صدمها قدما ضحكها . وهي فعز دموعها ...
خنساء: ههه واش نتا شوية لابس ؟؟
💚الجزء 93 💚
💞قلوب أرهقها العشق 💞
خنساء قد ما صدمها قدما ضحكها . وهي فعز دموعها ...
خنساء: ههه واش نتا شوية لابس ؟؟
مراد: ياااك دابا انا اللي باغي نعاونك رديتيني شوية لابس اوا سمعي هاد الهدرة انا لااابس الحمد الله نتي بخير
خنساء: ههه انا بخير و الله
مراد: و دابا ما باغاش دوي ؟؟
خنساء: هههه و دابا غير جلس ها العار ما كانبكيش هانا كنموت بضحك
مراد: اوا علاش داك دموع كيهبطو من عينيك زعما كنتي جالسة ما بيك ما عليك قلتي أش ندير ما ندير نوض نسيق كمارتي بنتلك كنرضع صبعي
خنساء : غير حتى شفتك عاد بديت نبكي
مراد: تشي كيفاش ا ختي حتى شفتيني و نضتي تبكي ياكما انا بصلة وانا ما فراسيش
خنساء: ههه اش غانقولك الله يخليك لماماك اخويا
مراد: انا ما خوكشاي أ ختي
خنساء: هههه شوف نتا راك أ نورمال انا غانوض نمشي بحالي
مراد: و دابا غير قولي علاش كاتبكي دابا ناخد ليك حقك
ناضت خنساء من مكانها و تقابلات مع وجهو و شادة على صاكها و قالت...
خنساء: ربي اللي كاياخد الحق
مراد : و داابا غير قولي شكون نفرشخ ديلمو و غدا امام الله تفاهمي معاه
خنساء: ههه غايمشي فيها جوج مرات
مراد: يستاهل واش اللي يطيح دموعك هادا بنادم و الله ياولديه حتى نرضو كفتة مصهدة
خنساء: ههه و الله يجازيك بخير خاصني نمشي و الله العظيم شكرا بزاف
مراد : جلسي الارض تي فين غاتمشي شحفتيني عرفتي شنو تحركي قدامي نمشيو نفطرو راه فيا الموت ديال جوع
خنساء: سير شكون حبسك انا غانمشي بحالي
مراد: برب ما يدوز ليا و نتي ما معاياش
خنساء ابتاسمت على كلامو و دورات وجهها جنب حتى هي نيت فيها جوع ...
مراد: و شنو دابا عاد كتناقشي مع البصلة السيسائية و غاتشوفيها واش غاتوافق باش تسني للمخيخ باش يعطيها لمخك باش عاد غاتقوليلي موافقة
خنساء شافت فيه و غلباتها الضحكة من كلامو و تهدنات و مسحات دموعها ...
خنساء: وشكون غايخلص بعدا ؟؟
مراد دار يدو على جنابو بجوج و دور وجهو جنب كيضحك و رجع شاف فيها ...
مراد: خايفة نخليك تغسلي الماعن ؟
خنساء: اوا ما فيك ثقة من البلان ديال القرعة اللي بغيتي ترزيني فخمسة دراهم
مراد قهقه بصوت عالي و قال ...
مراد: ههه أ لالا ما تخافيش كلشي على حسابي
خنساء : فخبارك راني غانغامر حيت ما فيك ثقة
مراد حط يدو على صدرو ...
مراد: و حق الله العلي العظيم حتى غانخلص عليك غير يلاه معايا
خنساء: واخا زيد جابك الله كي درهم د الحلال فطريقي
مراد غمزها و قال ...
مراد: حيت نتي بنت الحلال
مد يدو بجنتلمانية و قال بأدب ...
مراد :ladies first
غير سمعات الجملة ديالو سهات فيه أكيد فكرها فواحد الشخص اللي من مدة و هي باغا تنساه و لكن ساكن فعقلها شكون من غيرو "يقين زعيمي " ....
❣❣❣❣
فطريق السيار غادة طوموبيل من نوع رانج روفر فالاسود سايقها يقين هاز تيليفونو و دوز الرقم ديال مراد و منتابه مع طريق و دار ليزيكوطور فودنو ...
يقين: مراد فينك ؟ [...] كيفااش فمحلبة ؟ واش باغي تحمقني قلتلك نتلقاو عند عدنان [...] جااك جوع ؟؟ الله يعطيك عقل اولدي المهم فين جات هاد المحلبة [..] دونك غير حدا المكتبة [...] داكوغ هانا جاي واش معاك شي حد [...] معاك ختك ؟؟ واش دادا ميلودة ولدات بنت و حنا ما فراسناش [...] ختك اللي ما ولداتهاش ليك مك ؟؟ واش هادي شي طريقة جديدة باش تصيد البنات ؟؟المهم نتا راك غير مسطي و انا داير فيك عقلي هانا جاي لعندك
قطع و حيد الليزيكوطور من ودنو و قال مع راسو بابتسامة ...
يقين :و لهيلا قالك ختي اللي ما ولداتهاش ليا ماما شي طريقة جديدة هادي [مرر يدو على لحيتو و كمل بابتسامة شر ] أ و الله يا ولدي يا مراد الا ما نشوهك ما نتسماش انا يقين الزعيمي نوريك ضحك على بنات الناس ....
حبس اللوطو حدا المحلبة اللي كاينة حدا المكتبة نيت ما بعيداش عليها بزاف ...
نزل من اللوطو بوسامتو المعتادة جامع شعرو و مستيلي و مقاد الحالة و عاد ضارب نظارات شمسية عطاوه جمال خاص ....
اتاجه ناحية المحلبة اللي كانت كبييرة و نقية و مسمقة كيضور عينو على الارجاء و هو يبانلو مراد جالس من فوق واحد الطبلة كيفرنس غير هو و راسو مع واحد البنت بشعرها الاسود الطويل عاطياه بضهر حيد نظاراتو الشمسية و دارهم فوق شعرو ابتاسم ابتسامة جانبية و دار يدو فجنابو و قال بهمس ...
يقين : كتفرنس واخا اولدي مرااد
قال هاد الجملة واتاجه لناحيتهم بخطوات بطيئة ....
💚الجزء 94💚
💞قلوب أرهقها العشق 💞
❣❣❣❣
فحين خنساء و مراد جالسين مجمعين و طالبين عصير ديال لافوكا مع واحد ميلفاي ديال شوكولا و خنساء واصلة ليها ضحكة حتى لودنين لما لا وهي لقات مراد تافه أكثر منها و انساجمت معاه ...
خنساء : هههه شفتي نتاااا عفريت يااا خويا ما ظنيتهاش فيك
مراد : و الله حتى فلقتو برب الجليل راه كان مصاحب مع البنت اللي كنبغي
خنساء: دابا نتا فاش كانت فعمرك عشر سنين فلقتي ولد لراسو على ود بنت كنتي كاتبغيها كان كيهضر معاها
مراد : اوا شنو يصحابلك حنا كنلعبو هنا او لا [ ضرب على صدرو ] رااجل من صغري و حاجتي ما نبغيش اللي يمسها
خنساء رشفات من الكاس ديال لافوكا و قالت ...
خنساء: ههه هربتيه ليا حق الله قولي مولف بتفرشيخ
مراد : اوا راه حنا رجاال ماشي بطاطات
خنساء: عليها قبيلة نضتي تصعصع و كتقولي وريه ليا و الله حتى نفرشخو
مراد : ناااري كن غير ورتيه ليا اجي بعدا علاش كنتي قبيلة كاتبكي ؟؟
تسمع صوت رجالي من موراهم ...
يقين : و نتااا سوقك
مراد هز راسو بان ليه يقين ابتاسم و قال ...
مراد : سيدي يقين
خنساء بمجرد ما سمعات صوتو قشعريرة رهيبة سرات فداتها صوتو فايت ليها سامعاه فشي قنت و الاكثر من هذا سمية اللي ناداه بيها مراد امبوسيبل يكون هو لا اكيد ماشي هو ما يمكنش يكون هدا يقين اللي كتعرف راه هادشي بزااف على صدفة ...
تجر الكرسي و جلس يقين فيه و حط يدو بجوج شابكهم مع بعضهم خنساء فالبلاصة شافت دراعو المحطوطة على طبلة بان ليها الوشام و هي تشهق هزات عينيها فيه بان ليها هووو هووو و الله حتى هو هادشي اللي كيصرخ بيه صوتها داخلي لسانها تسرط و ودنيها تصمكو عقلها حبس فهاد اللحظة قلبها كيدق الف مرة فثانية احساس فشكل كتحس بيه ....
أما يقين كان مدور وجهو كيشوف فمراد ما شافش فيها كااع ...
يقين :دوي أسي مراد هادي هي غانتلاقاو عند عدنان ؟؟ صدقتي جاي تفطر واش نتا صمك ما كتسمعش مزيان
مراد : نتا كاتمشي عند سلطان كيرضك نgااار بحااالو قولي بعدا غير سلام صافا لابس عليك [شاف فخنساء اللي مصدومة كتشوف فيقين ] بعدا سلم غير على خنساء شوف كي خلعتيها
يقين غير سمع سمية خنساء حس برغبة كبييرة لداخل عندو كتمنى تكون هي نفسها الفتاة اللي طلقات عليه لقب اللي كلما كيتفكرو كيضحك و على الموقف اللي تعرضات ليه معاه ؛ دور وجهو لجيهتها و تلاقات عيونهم مع بعض مجددا نفس الوجه نفس البنت اللي طلقات عليه لقب "عوينات جلبانة " نفسها البنت اللي اسمها موشوم فكتفو ابتسامة عريضة شقات طريق شفايفو و قال بهمس ...
يقين :خنساء
خنساء حنحنات و بدلاتو الابتسامة و التوتر لاعب عليها ما عارفة ما دير او لا كيف تصرف ...
خنساء: سلام
يقين دار يدو تحت ذقنو و عض على شنايفو كيشوف فيها شي شوفات وتروها بدات كلها كترعد ...
يقين : عوينات جلبانة ياك
خنساء غلباتها الضحكة ما توقعاتش غايقولها ليها ؛حركات راسها بالايجاب و قالت باقتضاب ...
خنساء: هي انا
مراد: وااش نتوما كتعرفو بعضياتكم؟؟؟
يقين حول نظراتو لاتجاه مراد ...
يقين :هادي هي خنساء البنت اللي ولات مشهورة عندنا فالعائلة
مراد: واايلي ما تقولهاش
خنساء شافت فمراد و يقين باستغراب كتنتاضر منهم شي شرح على هادشي اللي كيقولو ...
خنساء: كيفاش وليت مشهورة ما فهمتش ؟؟
مراد :[حط يدو على صدرو ] عفاااك سني ليا نتي راه خاصني ناخد معاك صورة تبقى تذكار
خنساء: كيفاش تاخد معايا صورة و نسني ليك واش تغالطت ليك مع انجيلينا جولي
مراد : هااح عليك أ العفريتة عندك حس الدعابة
يقين غير كيشوف فيهم بجوج و كيبتاسم شعلها و خلاها و دارها بالعاني باش يبقى راسها ضارها عارفها ما غاتسكتش ولا حافضها من اول مرة تلاقاها ...
💚الجزء 95💚
💞قلوب أرهقها العشق 💞
رجعات شافت فعيون يقين كتنتاضر منو شي شرح و لكن سرعان ما حسات بالاحراج غير شوفة فعينيه كتخلي ذاتها ترعد و حلقها ينشف هبطات عينيها الشيئ اللي لاحظو يقين أمبوسيبل تخفى عليه شي حركة كديرها ...
يقين : وليتي مشهورة حيت دادا ميلودة اللي هي ام سي مراد...
خنساء غير سمعات بلي ميلودة هي ام مراد هزات عينيها شافت فيه ...
خنساء: واااايلي واش خالتي ميلودة ماماك
مراد حرك راسو بالايجاب و بابتسامة جاوبها ...
مراد: اييه انا هو ولد خالتك ميلودة
خنساء:ما كتشبهش ليها هي زوينة عليك
مراد: عادي عادي غير الغيرة هاديك عارف راسي تيتيز و غير بشوفة كانطيح عشرة
خنساء: نتا فتي الهنود فسلوكياات
مراد : و راك نتي اللي مازال ما عارفة عليا والو راني طيااح ابنتي
خنساء: ادن نتا استاد د الموسيقى
مراد: بسم الله الرحمان الرحيم نتي باش عرفتيها ؟؟
خنساء: خالتي ميلودة اللي قالت ليا عندي ولد واحد استاد د الموسيقى فكندا وااااو شوف دنيا شحال صغيرة
مراد : اهاه و شنو قالت ليك عليا اخور
خنساء: قالت ليا بلي عجبتها و بغات تخطبني ليك
مراد تشتت بضحك فحين يقين كيشوف فيها باستغراب كتعامل بحال كاع هو ما كاين تماك و ما دايرين ليه اعتبار كيهضرو غير بيناتهم نااشطين رااشقة ليهم الشيى الي خلاه يحس براسو بحال غير زايد و ندم كاع علاش جاا تعصب و بانت فملامح وجهو ،
تارة كيشوف فخنساء و تارة اخرى كيشوف مراد ...
مراد: هههههه واااايلي على الواليدة قالت ليك باغا تخطبك ليا
خنساء: عجبتها
مراد: اوا تزوجك هي لاش باغا تلصقك ليا
خنساء: شفتيني انا غير لاصقة فيك و اتااا سير
مراد كيمسح دموع من عينيه بقوة الضحك و شاف فيقين ...
مراد: و دابا و الله ما عمري كنت نظن غانتلاقا بالبنت اللي شبعات فطاسيلتك معياار و دابا زادت صدقات بغات تخطبها ليا الواليدة شفتي دنيا شحال صغيرة
يقين : همم
اكتفى يقين بهاد الهمهة البسيطة و باين ما عاجبو حاال الشيئ اللي لاحظو مراد اللي عارفو و حافضو ...
مراد: نتا مالك غضبان أ صااحبي
يقين ابتاسم باستهزاء و جاوبو ...
يقين : غضبان ؟ مالي وليت ولية
مراد: ياكما تبغي ندموندي ليك شي لعبة تاكلها
يقين التافت شاف فخنساء اللي صاقرة و كتشوف فيهم و قال ضاغط على سنانو ...
يقين : بصحتك كول غير نتا و مادموزيل خنساء بصحتكم
خنساء غير شاف فيها و هي تهبط عينيها عوتاني ما كتقدرش تشوف فيه كتحس بيه كأنه كيلوح عليها شي سحر ما كتقدرش تقاوم جاذبية عيونو الزبرجدية اللون كزمرد ...
يقين : خنساء
هزات عينيها بالعرض البطيئ فيه و جاوبات ...
خنساء: نعام
يقين : منين جيت و نتي كاتهضري و ما كلتي والو
مراد : و نتا مالك أصلن انا ناكل عليها الا ما قداتش
خنساء حنات راسها كتحك عنقها بتوتر ...
يقين : خنساء
عاود هزات عينيها و شافت فيه بمعنى نعام و كتحس بداتها مبورشة عليها داك صوت اللي كيناديها بيه كيشوك ليها ذاتها ؛ قرب ليها ميلفاي ديال شوكولا و قال بابتسامة ...
يقين: كولي و الا ما عجبتاكش ناخد ليك وحدة اخرى
دهشرها عاوتاني بهاد الصواب اللي فيه حسات بقلبها كيترعد بين ضلوعها فهاد اللحظة ؛ اكتافات بابتسامة امتنان ليه و قالت ...
خنساء:لا شكرا براكة عليا
مراد:هااي هااي على سي يقين و صواب عرفتي الا بغيتي دير الخير خلص علينا هاد الفطور الله يرحم بيها الواليدين
يقين :[شاف فمراد] واش ما بغيتيش تحيد منك هاد القاعدة ديال التزقريم
مراد: ههه صافي و غير ضاحكين معاك
خنساء : اه ما قلتيش ليا علاش ا مراد وليت مشهورة عندكم فالعائلة
مراد بغا يهضر و هو يقاطعو يقين و شاف فيها نفس الشوفة اللي كطيح منها النص ...
يقين: علاه نتي خلتيني نكمل هضرتي باش تعرفي امم ؟
خنساء :س..سمحليا ما قصدتش نقاطعك
يقين :ماشي مشكل هانية غير هو الواحد فاش يكون كيهضر تعلمي تسمعيه حتى لافان ما تقطعيهش فالنص ما مزيانش
💚الجزء 96💚
💞قلوب أرهقها العشق 💞
مراد: بديتي بدوك المحاضرات ديالك
يقين : و نتا بقا حاضيني داكشي ما كتعرف دير
مراد:نحضيك نتا هو براد بيت
يقين التافت و شاف فمراد ...
يقين : فين كاتعرف خنساء؟؟
مراد : واالو يا خويااااا كنا جالسين غاتاشفتها كتبكي ...
ما خلاهش حتى يكمل و رجع شاف فخنساء .
يقين :كيفاش كنتي كتبكي؟واش عندك شي مشكل ؟؟ واش دار ليك شي واحد شي حاجة ؟؟
خنساء غير كتصرط ريقها كتصرف كي زيزونة و خصوصا فاش فكروها فسبب بكاءها و شنو وقع ليها مع داك المتعجرف مول المكتبة ...
مراد: وا غير بشوية على البنت و نتا درتي ليها دخلة ديال عيساوة غير بشوية عاد دابا قلتي ما مزيانش نقاطعو الواحد و خليني نهضر
يقين حط يدو بعفوية على يدها اللي كانت محطوطة على طبلة و قال ...
يقين : هضري أ خنساء واش دار ليك شي حد شي حاجة دابا نتفاهم معاه
خنساء شافت فيديه اللي محطوطة على يدها و رجعات شافت فيه و كتحس بداتها كتنمل عليها احاسيس فشي شكل مخلطين عليها ..
يقين : شوفي الا كان شي مشكل عائلي انا ما غانتدخلش فيه و لكن الا كان شي حد دار ليك شي حد شي حاجة برب مانعقل عليه
خنساء صدماتها طريقة هضرتو و حيدتها يديها من بين يديه و مررات خصلات شعرها من مور ودنيها و قالت ....
خنساء: ماشي مشكل عائلي
مراد: اوا نطقي شكون اللي بكاك
يقين : واش كنتي مريضة
خنساء حركات راسها بنفي و عينيها بداو يتغرغرو بدموع حيت الاهانة اللي تعرضات ليها ماشي ساهلة شافت فيقين بعينيها هاكاك حووومر و علاين دمعة تخدلها و تسيل على خدها ...
خنساء: منين غانبدا ليكم ؟
يقين : بداي منين ما بغيتي المهم تخوي داكشي اللي عندك لداخل
خنساء: واخا المهم جارة ختي راجلها سي مصطفى الله يجازيه بخير ضبر ليا على خدمة فهاد المكتبة اللي تحلات جديدة و فصباح جيت ليها باش نخدم حيت مول شي قال لسي مصطفى نمشي عندو نهار اثنين داكشي اللي كان جيت عندو و ...
حشات وجهها بين يديها كتبكي و تشهق دموع الظلم و الحكرة ما قدراتش تكبحهم واخا حاولات تقوي راسها دموع فاش كيبداو ما كيبغيو يحبسو ...
يقين شاف فمراد عاااض على شنايفو غمض عينو و عاود سدهم ...
مراد: ما تقوليش ليااا عدنان هو اللي دار ليك هاد الحالة
يقين : و شكون من غيرو
ضرب على طبلة بيدو و حول نظراتو لجيهتها لقاها مكورة وجهها بين يديها و كتبكي بحرقة قرب الكرسي لحداها و ضور يدو من مور عنقها و جرها لعندو حتى تحط راسها على كتفو العريض و بدا يدوز يدو بحنان على دراعها و هي خلاص مرفوعة كتبكي ...
يقين : شووت [ شاف فمراد] جيب ليها كلينكس أ مراد
ناض مراد و انصارف يجيب ليها كلينكس و خنساء عاد بدات كتوعى شوية شنو واقع و حبسات من البكا فاش حسات براسها من فوق كتفو و يديه كيدوزها على دراعها حسات بضو داز فكرشها و ناضت من على كتفو بطريقة سريعة شافت فيه لقاتو كيرمقها بنظرات غريبة جابت ليها التوتر و بدات كتسعل ...
خنساء: كح كح احم
يقين قرب ليها كاس د الما و مرر يدو على شعرها بعفوية ؛ خنساء ما عرفات شنو تقولو و لا كيف تصرف و هي كتحس بيديه كيدوزها على خصلات شعرها براحة حسات بالتنفس ديالها تخربق و لكن حاولات تثبت ؛ هبطات على داك الكاس د الما حطاتو من فوق طبلة و هي تسمع صوتو ...
يقين : صافا دابا رتاحيتي شوية ؟؟
خنساء حدها شافت فيه و حركات راسها بالايجاب مع ابتسامة صفرا فوق خاطرها ...
يقين : شنو وقع بالضبط عاوديلي
خنساء كتكلم و صوتها منغنغ بالبكا و كتشهق ...
خنساء:ع..عامل..عاملني كيف شي جفاف حيت ما دقيتش الباب و عا..عايرني قال ليا بلي انا ما مربياش و هو ما كيخدمش معاه البنات اللي ما مربياتش حر...حرام عليه لحد الآن كنتفكر داك الموقف كنكره راسي حيت مشيت عندو و أ ..أنا م..مابغ..مابغيت والو بغيت غير نخدم
يقين بلا ما يشعر حط راسها على صدرو نقطة ضعفو يشوف شي انثى كتبكي كيفما بغات تكون و لكن خنساء أكثر تحكرات و عايرها بطريقة قبيحة بزاااف بقات فيه ؛
يديه كيمررها على شعرها بحنان و هي محشية فيه بطريقة رهيبة كتنخصص و تبكي بحال شي طفلة خداو ليها حاجة عزيزة عليها كتبقى ديما الانثى بداخلها طفلة صغيرة محتاجة فيمن تخبى و على من تحط راسها و تبكي بأريحية ...
💚الجزء 97💚
💞قلوب أرهقها العشق 💞
يقين :غاندمو أ خنساء غير سكتي دابا شووت
تحط كلينيكس فوق الطبلة ؛ هز يقين راسو شاف فمراد لقاه كيشوف فيهم و كيبتاسم و غمز يقين ...
مراد : صاااافي أ خنساء نجيبو ليك مونيكة و لا نشريولك مصاصة باش تسكتي
خنساء بعدات بشوية على يقين اللي فزكات ليه القاميجة اللي كان لابس بدموعها و هزات عينيها فمراد ما جاوباتوش و خدات كلينكس كتمسح وجهها و فنفس اللحظة ناض يقين خاااسر من فوق الكرسي عاقد حجبانو شاف فمراد ...
يقين :غانمشيو
مراد: فين غاتمشي ؟؟
خنساء كتشوف فيه باستغراب كتنتاضر منو تفسير ؛ حط يقين يدو على شعرها الحريري الاسود كيمرر يدو عليه بحنان اما هي ما فهماتش شنو سر هاد الحركات الناعمة اللي كيدير كيخليوها مخربقة ...
يقين : تبعني أمراد
عطاهم بضهر و دار نظاراتو الشمسية و ناضت خنساء من فوق الكرسي شافت فمراد و قالت ...
خنساء: خاصني نمشي شكرا على كلشي درتيه معايا امراد و الله يجازيك بخير
مراد: تي فين باغا تمشي برب ما نطلقك جلسي لارض
خنساء: كيفاش نجلس لارض ههه و الله حتى مشا الحال غانمشي لدار باش نعاود نوجد les cv باش نبدا ندفع عاوتاني
مراد : المهم ديري اللي بان ليك يالاه نخرجو نشوفو داك يقين شنو بغاني
خرجو من تماك بعدما خلص مراد لقاو سي يقين متكي على القدامي ديال طومو و هاز كاارو فيديه كايكميه الشيئ اللي صدم خنساء ما توقتعاش تشوفو كايكمي...
مراد : هاهو يقين كايضرب جوانات أرا شي نتيرة
يقين هز عينو شاف فيه مخنزر و لاح الكارو فالارض زطم عليه و حول نظراتو كيشوف فخنساء ....
يقين : كل دمعة نزلات من عينيك غايخلصها بضوبل
كلامو حرك بداخلها احااسيس متضااربة و قلبها كيخفق بسرعة و عقلها ما قادرش يستوعب كلااامو اللي عمرها سمعاتو من شي شخص ...
خنساء: أ كيفاش واش كتعرفوه ؟؟
مراد حرك راسو بالايجاب و قال بصوتو المرح ...
مراد : عدناااان أ الله يااودي و هاد الساعة اللي غايدوز هي أكفس سااعة فحيااتو
خنساء نطقات باستغراب ...
خنساء: شوف عفاكم ما بغيتش ينوض صداع بسبابي ماشي هو اول واحد كيدير ليا هكااا انا مولفة بهاد.الاهانات و الله العظيم زعماا ما كاين لااش باركة عليا غير لقيتكم عاودت ليكم و خويت عليكم قلبي حيت كنت غانطرطق ...
يقين أشار ليها بصيعو السبابة 👈👈 و قال بغضب ...
يقين: نتي أ خنساء هاد الطيبوبة زايدة غاتخرج عليك الا كنتي نتي موالفة تسكتي على حقك أنا ما غانسكتش ما نقدرش نخلي دوك دموع يمشيو غير هاكاك واش سمعتي
حركات راسها بخوف بان ليها معصب بزااف و هي ما عمرها شافتو بهاد الحالة ديما موالفة عليه هادئ و مبشور و لكن دابا بان ليها واحد اخور ...
ضرب دورة و حل ليها الباب الامامي و قال بصيغة امر ...
يقين : طلعي
خنساء شافت فمراد اللي كيبتاسم غير هو و راسو و رجعات شافت فيقين ...
خنساء: لا انا غانمشي فطاكسي لدار
يقين ما نطق بحتى حرف حدو دار فيها وااحد الشوفة خربقات ليها دقات القلب ....
يقين : ما كنعاودش هضرتي جوج مرات
خنساء:و...و لكن انا ما عندي ما ندير معاكم خاصني نمشي لدارنا الواليدة غاتكون مشوشة عليا
مراد حط يدو على كتفها و قال ...
مراد: واش نتي باغا تخدمي فهاد المكتبة ؟؟
خنساء:اه بطبيعة الحال و لكن مول الشي ما بغاش يخدمني يسهل ربي فبلاصة اخرى الحمد الله رزق بيد الله ماشي بيد العبد
مراد : صافي حنا غانتكلفو و غاتخدمي فيها
خنساء: لا اخويا مراد و الله بلااش أصلن هداك كيبان ليا خااايب بزااف حتى ولو نخدم تماك ما غانكونش مرتاحة
يقين نطق اخيرا بصوت رجولي زعزها من لداخل ...
يقين : واش بصح هاد المكتبة باغا تخدمي فيها جاوبيني بآه و لالا
خنساء:و هو صراحة آه ما كرهتش حيت واقفة نخدم و صراحة عجباتني
يقين : طلعي
خنساء صرطات ريقها بصعوبة و جاوباتو بتوتر
خنساء: و لكن علاش ؟؟
مراد : حيت غاتخدمي فيها
خنساء مع تبارك الله عندها قدرة الاستيعاب سريعة قالت بغباء ...
خنساء:واش زعما نتوما غاتهضرو معاه حيت كاتعرفوه
مراد دفعها و قال ...
مراد : و دابا زيدي باش نخدموك و تبقاي مدينة لينا عمرك كامل ههه
💚تتمة الجزء 97💚
💞قلوب أرهقها العشق 💞
خنساء قربات لباب اللي حالو يقين و واقف حداه مربع يديه كيتسناها تدخل ؛ حرك حجبانو بمعنى "دخلي "داكشي اللي دارت الآنسة خنساء دخلات و زدح الباب و ضار شاف فمراد بتخنزيرة و عااقد الحدااش ...
يقين :غاندمو باش نوريه يحكر على بنات ناس شنو يصحاب ليه راسو باش يبكيها غير هكاك لله فسبيل الله الا ما يطلبش منها سماحة ما نتسماش انا يقين زعيمي
مراد : و دابا برد نتا ماالك تعصبتي شنو دار ليها
يقين : قالها ما مربيااش حيت ما دقاتش الباب قبل ما دخل ما نعرف شكون ما مربيش جهلني لديلمو كنت نااشط طيح ليا المورال بهاد التصرف اللي دار [ دفل فالارض ]
مراد:و زعما نتا عندك كلشي بالعقل و ما كتعصبش ربما كان حتى هو فشي وقيتة كااعي
يقين : واخا يكون كاعي حتى يعيااا ما يقولش عليها ما مربياش
مراد:أهيااا مالك كاتخضار و تصفار غير نتا و راسك تكاالما تكاالما هاد البنت اصلن عاد عرفتيها و داير عليه هاد الحيحة كااملة مالنا يااك لابس زعما نتا ما كتعصبش و لا يااكمااا ...
نيم عينو فيه و عوج فمو كيبتااسم الشيئ اللي لاحظو يقين ...
يقين:شوف نتا لديلمك داك دماغ الخاامج عندك عرفتو فاش كايفكر راك عارفني بلي اعدى حاجة عندي هي نشوف دموع ديال المراة فعينيها كيفما بغات تكون الا مشا بالك بعيد ناخد ليه طاكسي يرجع
مراد هز يدو باستسلام مع ابتسامة قال ..
مراد :انا اصلن ما قلت والو اللي فيه الفز كيقفز
يقين مرر يدو على لحيتو ببطئ و قال ...
يقين :طلع طلع و لا غانقولك شي هضرة ماشي حتى لهيه
مراد:أسيدي تبدلتي عليا هاد نهار وليتي مشرمل
يقين ما جاوبوش و ضرب دورة حل الباب ديال الشيفور طلع سد الباب ؛و شاف فخنساء لقاها ساهية كتخمم ....
يقين :عوينات جلبانة
صوتو قفزها من بلاصتها حيت كانت غايبة كتخمم ؛ شافت فيه و ابتسامة عريضة شاقة طريق شفايفها بطريقة زوينة عاطياها لمسة خاصة...
يقين : وجهك تخلاق باش يبتاسم ماشي باش يبكي و ما عاش اللي يبكيك و اللي يبكي اي مراة من غيرك سمعتيني
💚💚💚
هناك شخص يشعرك و أنت بقربه بأنك أقوى بأنك أرقى بأنك أقوى بأنك أجمل بأنك أفضل إحذر ان تفرط فيه فهذا لا يتكرر كثيرا
💚💚💚
💚 الجزء 98💚
💞قلوب أرهقها العشق 💞
مقولة بسيطة زلزلات قلبها عيونها كترمش بسرعة غابت عن الوعي للحظات و كلماتو الراقية كتكرر فمساميعها بوتيرة سريعة ما فيقها غير صوت مراد ...
مراد: و عفط أنزار قباني و براكة من التعناب
يقين التافت و شاف فمراد بغضب ...
يقين : نزل من طوموبيلتي
مراد رد راسو اللور و دار من تحت منو يديه بجوج و قال بابتسامة ...
مراد : الا نزلت غاتنزل معايا عشيرتي [غمزو ] و حنا ما بغيناش نوصلو لهاد المواصل أو لا اسي يقين
يقين لعب بلسانو فوسط فمو و ضار و ديمارا و قلع و صورة خنساء كتبكي بين عينيه ما هي الاثواني حتى حبس الطوموبيل حدا المكتبة ...
يقين : انا غانسبقكم
حل الباب و نزل فحين خنساء مسكينة ما بقات فاهمة والو فهادشي التافت كتشوف فمراد و قالت ...
خنساء:بغيت غير نفهم انا علاش مشهورة عندكم فالعائلة
مراد : ههههه و ناري ما زال ما بغيتي تنساي
خنساء: راسي كيضرني خاصني نعرف
مراد: انا نقولك الواليدة ميلودة عاودت لدار كاااملة القصة اللي وقعات ليك مع عوينات جلبانة ههه
خنساء ضربات حنكها بيديها و قالت ...
خنساء: اوييلي حلف بالله
مراد حرك راسو بالايجاب ...
مراد: برب الجليل ما كنكدب طلعتي فالطوندونس عندنا فالعائلة وليتي دايرة البووز
خنساء: شوهتي شووهة
مراد : انا حبيتك عجبتيني فيه عطيتيه لقب عمرو ما طاح على البال واخا ما كرهتش تلاقاي بسلطان غاتفاهمي نتي وياه أكثر غاتعجبيني فيه [ رد راسو اللور كيموت بضحك عليها ] هههههه
خنساء:شكون سلطان ؟؟
مراد حرك راسو بنفي عاض على شنايفو . و حط يدو على فمو مصدوم ..
مراد: و ما تقوليش ليااااا ما كتعرفيش سلطااان لااااا ما يمكنش
خنساء : باش غانعرفو انا ؟ عاودو ليك عليا سحارة
مراد:و المغرب كولو كيعرفو اصاحبتي
خنساء: ياكما هو اللي مطبوع فالدرهم
مراد: اهياتا جمعي فمك غايهزونا جملة
خنساء: ضبر راسك ما كتنطق الهدرة حتى كتفقصني ما غانعاودش نسولك
ضارت امامها و هي تسمع مراد كيغني ....
مراد : سولت عليك الموجة قالت ليا حبيبك بااقي ماجا يحسن عواااانك غير صباار
فالبلاصة تفكراات بلي المغني ديال هاد الاغنية هو سلطان اللي مشهوور فالمغرب ما صدقاتش يكون هو و لكن مراد قال ليها كيعرفو المغرب كاامل يعني مشهور لاااا لااا ما يمكنش تكون هادي هي عائلة سلطان المغني المعروف اللي كانت و مزال كتحمااق عليه و على أغانيه و مهووسة بيه و بصوتو الوااعر أ فالبلاصة ضارت عندو و قالت بصوت متقطع مدهوش مصدوم ...
خنساء:و..واش س..سلطان اللي كيغني الموجة ؟؟
مع الاسف لقاتو نزل و جات مع زدحة د الباب ....
خنساء: لاااا لااا ما يمكنش يوقع هادشي ماايمكنش ماشي هو اكيد ماشي هو ؛حلات حتى هي الباب و لحقات على مراد ....
💚 الجزء 98💚
💞قلوب أرهقها العشق 💞
❣❣❣❣❣❣❣
دقات متتالية كيسمعهوم عدنان اللي كان جالس فبيروه قال بصوت مرتافع ...
عدنان: دخل
و لكن دوك الخبطات فالباب غير ما زادو جهادو فإضطر ينوض مكره من بلاصتو حط يدو على البوانيي د الباب و قال بغضب ...
عدنان : شكوون هاد قليل الادب
جر الباب لعندو و هو يبان ليه صديقو يقين هو مول هاد الدقات شاف فيه باستغراب ...
عدنان : يقين
يقين طار عليه بقجة شاد قميجة عدنان من الكول بجوج يدين و شرارة غضب كتطاير من عيناه الزبرجدية اللون ....
يقين : كلشي عندك قليل الادب و الترابي و لا كيفاش
عدنان حيد يد يقين من القاميجة و قال بهداوة ...
عدنان :مالك على هاد الدخلة ؟؟
يقين : شوف نتا
عدنان : شنو واقع ؟؟
يقين : والو غير اللي ما دقش الباب قبل ما يدخل ما مربيش و اللي دقو قبل ما يدخل حتى هو ما مربيش اوا شكون أسيدي اللي مربي نتا واقيلة
دور وجهو عاطيه بضهرو و مرر يدو على لحيتو و قال بهمس ...
يقين : استغفر الله العظيم
عدنان:الا فهمت شي حاجة الله يعطيني العما
يقين زدح الباب على حر جهدو و ضار شاف فيه موجه صبعو سبابة لعندو👈 و قال ...
يقين : قول الله يعطيك الصواب و الادب و الاخلاق احسن من انك دعي على راسك بالعما و كنظن قلبك و عقلك راه معميين العمى ماشي بضرورة يكون فالعينين
عدنان بقا ساكت كيحاول يستوعب شنو هادشي كيقول يقين و شنو واقع ليه ....
عدنان : واش ضارب شي قرعة على صباح و لا مالك
يقين : ضارب سطوك انا ماشي غير قرعة
عدنان : راه انا صااحبك أ يقين شنو واقع ليك هاد الصباح
يقين جرو من الكول و قال بصوت رجولي غااضب ...
يقين : انا كنتصحاب مع رجاال ماشي مع ...كمل من راسك أسي عدنان
عدنان حتى هو تكره و حيد يد يقين بجهالة من الكول ديالو....
عدنان : اناااا عدنااان وا عدناااان عشيرك مالك على هاد الدخلة شنو درت ليك باش تصرف معايا هاكا
يقين دار يدو على جنابو و عض على شنايفو و نطق اخيرا بعد مدة صمت ....
يقين : البنت اللي جات عندك هاد الصبااح
عدنان : شكون ما عرفاتهاش ؟؟
يقين ضرب بيدو على المكتب و هضر ...
يقين : خنسااء البنت اللي قلتي ليها ما مربياش و صيفطتيها بدموعها فعينيها
عدنان دار يدو على ذقنو كيحاول يتذكر ...
عدنان : واش البنت اللي وجهها عامر برص ؟
يقين : قلتلك ناقصين جد والديك الاخلاق وجهها عادي الله سبحانه خلقها هاكاك عينيك اللي عامرين برص تفوو كفرتيني على صبااح أ عدنان حق الله العظيم
عدنان : واايت وااايت وااايت واش ديك البنت كتعرفها ؟
يقين : و ماشي سوقك نكون كانعرفها و لا ما كنعرفهاش لااش تعامل معاها بديك طريقة و تقوليها ما مربياش على اساس نتا اللي مربي بهاد التصرف ندمتيني على نهار اللي كنتي صااحبي
عدنان جلس من فوق الكرسي و حط رجل على رجل و قال بهدااوة ...
عدنان: كنظن بلي هاد البنت عندها قيمة بالنسبة ليك وكتعرفها حق المعرفة
يقين : واش سوق مك نتا نكون كنعرفها ما كنعرفهاش عاطيها قيمة ما عاطيهاش ما كيهمكش اللي خااصو يهمك هو ان ديك البنت كتبقى حسااسة كيفما كانت و خاصك تعرف بلي ما كنعايروش بنات ناس و الأهم من هادشي كامل ما نخليوش دمعة طيح من عينيهم
عدنان : من اللخر لاش داير ليا هاد المحاضرة الشيقة فالادب و الاخلاق و كيفية التعامل مع الجنس اللطيف
يقين جاوبو بصوتو رجولي خشن موجه صبعو سبابة اتجاهو 👈👈👈
يقين : غاتخدمهاا معاك و غاتصرف معاها مزيان و غاتخلصها مزيان و ياااويلك نلقاك كتزيكزااكي معاها مابغيتش نخمج ليك وجهك حيت بيناتنا العشرة و لكن برب الجليل ما دير هادشي اللي قلت حتى غاتشوف وجه ثااني
عدنان هز يدو بإستسلام و ضحكة مرسومة على وجهو قال ...
عدنان : كنعتاذر كن قلتي ليا هادشي من اللول ما غانردهاش ليك فوجهك ما مستعدش نخسر صداقتي معاك بسبب بنت
وقف و قرب ليه و عنقو فحين يقين راخي يدو ما داير حتى ردة فعل ؛ بعد عدنان من عليه و قبط ذرعان يقين بجوج و اضاف ....
عدنان: شكون هي ؟
يقين : واش انا كندخل ف your personal life * فحياتك الشخصية *
عدنان حرك راسو بنفي ...
يقين : اوا دخل سوق****
💕الجزء 99💕
💞قلوب أرهقها العشق 💞
عدنان: شكون هي ؟
يقين : واش انا كندخل ف your personal life * فحياتك الشخصية *
عدنان حرك راسو بنفي ...
يقين : اوا دخل سوق****
عدنان : بنتيلي معصب
يقين : علاه كيف بغيتيني نكون و انا كنشوف فيك مبكي البنت كيف بغيتيني نتصرف معاك اولا زعما حيت هي ماشي فالمعايير اللي داير نتا فراسك صافي غا تجري عليها بديك طريقة بااشمن حق حيت لقيتي البنت داخلة سوق راسها و لا ضروري خاص البنت تكون ق*** عاد دخلها معاك بسيف حيت جاتك البنت بريئة نتا موالف غير بدوك المزوقاات ما موالفش بالنقااا
عدنان : يقين ماشي زدتي فيه
يقين :حمد الله أ عدنان اللي تكالميت و ما ضربتكش اللي كيطيح الدمعة من عينين البنت مااشي راجل واا ماشي رااجل واش فهمتيها و ديك البنت بذات ما تستااهلش
عدنان بقا ساكت كيشوف فيه و قال بعد مدة صمت ...
عدنان : واش داير هاد الحالة كاملة حيت بسبابي بكات و لا حيت شفتيها هي بالدات بكات
يقين عطاه بالضهر و حل الباب و قال ..
يقين : انا و ياك ما غانتفاهموش و ما جايش باش نتفاهم معاك أصلن انا جيت باش تعتاذر لبنت و داكشي اللي غادير دابا
❣❣❣
واقفة من جديد قدام ذوك الأجندات و هازة فيديها وحدة فاللون الوردي جاي ستيلها زوين و كيوت و باش زادت حمقاتها بحرف k اللي مكتوب فيها اول حرف من سميتها ابتاسمت و عاودت حطاتها حولات نظاراتها لجيهة المعاكسة بان ليها مراد جالس مجمع مع واحد البنت و ضاهر أنه غمق عليها بكلامو المعسول المخداع اللي من ديما كيخدع بيه البنات اللي غير على سبة ابتسامت باستهزاء و رجعات هزات الاجندا كتشوف فيها حتى سمعات صوتو من جديد صوت خلا دقات قلبها تسارع من جديد و دم يزيد يتدفق فذاتها و رعشة خفيفة تسري مع عروقها ...
يقين : خنساء
ضارت بالعرض البطيئ مع ابتسامة هادئة على محياها ؛ سرعان ما تلاشات منين شافت شخص اللي نكدها عليها هاد الصباح واقف حدا يقين ...
عدنان : سمحيلي على شنو وقع فالصباح ما كنتش فوعيي
خنساء شافت فيقين ضاهر انه تكلم معاه فالموضوع ديالها ....
يقين : الغلط كيوقع نتمنى تقبلي اعتذارو
خنساء ما عرفات ما تقول لحظة صمت طغات على المكان حتى نطق عدنان ...
عدنان : واش ما غادي تقولي والو ؟
خنساء صرطات ريقها و مررات خصلات شعرها الحريري من مور ودنيها و أومأت براسها و قالت بصوت انثوي ناعم متوتر ...
خنساء: اعتذارك مقبول موسيو عدنان
عدنان : كنظن بلي المشكل تحل و بإمكانك تخدمي معانا واش موافقة ؟؟
يا للغرابة عاد جات تشوف واش تخدم معاهم صدق مول الشي كيقتارح عليها باش أنها تخدم معاه سبحان مبدل الاحوال ؛ تحطات يد يقين من فوق كتفها حتى قفزات من مكانها ...
يقين : خنساء واش نتي بخير ؟؟
خنساء حركات راسها بالايجاب مرات متكررة و قالت بفرح و بدهشة و بصدمة تخلط عليها كلشي ...
خنساء: م..م...موافقة أكيد موافقة
ختماتها بابتسامة امتنان و شكر فوجه يقين الشيئ اللي خلاه يبتاسم ليها هو الآخر و بداخلو أحاسيس فرحة مضااعفة حيت قدر يرسم الابتسامة على وجهها و قدر يحقق لهاد الانثى البريئة الساذجة حاجة بسيطة تفرحها ...
عدنان :دااكوغ دابا متاافقين مادموزيل خنساء دوماان تقدري تبداي الخدمة و كنعتاذر مرة اخرى
خنساء نطقات بحماس واضح على ملامح وجهها البريئ
خنساء: شكرا موسيو عدنان غانخدم من قلبي و نتمنى نكون عند حسن الظن
عدنان ابتاسم باستهزاء مع شوفة شراانية قال ....
عدنان: انا اكيد غاتكوني عند حسن الظن ؛ نخليكم دابا يقين غود باي
يقين حدو حرك ليه راسو بالايجاب و انصارف عدنان من حداه ؛ بقات غير خنساء اللي كانت هازة الاجوندا فيديها مع يقين راس فراس ...
خنساء: ما عرفتش كيفاش غاندير نشكرك على هادشي اللي درتي معايا من اول مرة تلاقيتك و نتا كتدير معايا دي جيسط زوينة بزااف ربي اللي غايخلصك عليهم
يقين تنهد و جاوبها بصوت هادئ ...
يقين : ما كنتاضرش منك شكر قد ما كنتاضر انك تبتاسمي بديك الابتسامة زوينة اللي كتخلي كل من شافك يبتاسم هداك هو خلاصي
خنساء حنات راسها بخجل من كلماتو زوينة بحااالو و قلبها غايخرج من بلاصتو أما الضحكة حابساها غير بزز ...
يقين :ثيقي بيا انا قد ما فرحت ناس قد ما كنكون فرحان يعني فاش كندير شي حاجة و كيفرح بيها شي حد كنحس براسي انا اللي فرحان و عاجبني الحال حيت انا كنآمن بلي السعادة كتعادي
💕الجزء 100💕
💞قلوب أرهقها العشق 💞
خنساء هزات راسها بالعرض البطيئ و قالت بعفوية ...
خنساء:حيت قلبك زوين بزاااف و كتبغي الخير هادي فطرة فينا و كل انسان فيه الخير و الشر و سعدات اللي تغلب خيرو على شرو و نتا من ناس اللي تغلب خيرك على شرك و هادشي واضح من ملامح وجهك حيت صفاءك و نقاءك من لداخل كينعاكس تلقائيا على شكلك الخارجي و كيبان فيك ولد ناس الله يخليك لواليديك و الله يسهل عليك و الله يخليك ديما فرحان شكرا على اي حاجة درتيها معايا مرة اخرى كنظن خاصني نمشي فرصة سعيدة اللي عاودت تلاقيت بيك سلم على خالتي ميلودة و مراد خلاص راه مشغول كيهضر مع البنات انا غانمشي تهلا فراسك و خليك ديما هاكا
حطات الاجوندا و ابتاسمت ليه عطاتو بضهر و خطات خطوات لامام بسرعة و خرجات من داك المكتبة فحين يقين مازال ماستوعب كيفاش نهات الحوار بهاد الطريقة الذكية و كيفاش زربات عليه بكلامها دوخاتو كأنها دارت ليه التنويم المغناطيسي ودنيه ما سخاوش بكلامها اللي دخل لقلبو قبل ما يدخل ليهم كيفاش شكراتو بطريقة غير مباشرة و مدحاتو بشكل عمرو ما سمعو من قبل لدرجة بقا غير حال فمو ...
💚💚💚
إبتسامتها الجميلة روحها المرحة قلبها الطيب يخلق بداخلي سعادة لا مثيل لا وجود لها هل هو بداية حب أم مجرد إعجاب ماار لا أعلم ؛ كل ما أعلم أنني بدأت أحب وجودها بجانبي ؛ كلماتها الجميلة التي تتسلل لمساميعي كلحن موسيقي جميل ؛ ابتسامتها التي تجعل قلبي يبتسم قبل شفتااي ؛ هل هو جنون مؤقت و سيذهب أم سيظل معي مدى الحياة حتى يفقدني صوابي و يجعل مني مجنون رسمي 💓
✍️ Fatima zahra ouba
💚💚💚
انتابه لأجوندا اللي كانت هازة فيديها رجع خداها بسرعة و خرج من المكتبة طااير ....
خرج كيقلب عليها بعويناتو بانت ليه كتسرع فخطواتها الظاهر انها مزوبة خطا خطوات مسرعة باتجاهها باغي غير فوقتاش يوصل ليها ....
يقين :خنسااء
خنساء وقفات بمجرد ماسمعات بحتو الرجولية اللي خلات قلبها ينتافض من مكانو بدورة باش كدور كتلاقا عويناتهم مجددا ....
يقين :و اخيرا
خنساء بانت على وجهها علامة دهشة و قالت ...
خنساء:يقين
يقين:توء عوينات جلبانة
خنساء عضات على شنايفها بتوتر و غالباها ضحكة شافت جنب و مررات خصلات شعرها من مور ودنيها و شافت فيه و قالت ...
خنساء: ما زال عاقل
يقين تنهد و زفر انفاس حارة من انفو و قال...
يقين : ما نقدرش نسا لقب اللي طلقتي عليا
خنساء ابتاسمت و حتى هو بادلها الابتسامة
خنساء: واش بغيتي شي حاجة ؟
يقين : بغيت نعطيك هادي
مد ليها الاجوندا اللي كانت هازة ما صدقاتش و بقات ساكتة للحظات كتشوف فيها و كترجع تشوف فعينيه ...
يقين :كنظن ما غاتخليش يدي ممدوة هاكا ؟
خنساء: لا غير كنفكر باشمن مناسبة غاتعطيها ليا
يقين : بمناسبة انك لقيتي خدمة
خنساء ربعات يديها و قالت بصوت انثوي ناعم ...
خنساء: الكادو خاصني نعطيه لك نتا حيت بفضلك انا لقيت خدمة
يقين : بفضل الله سبحانه و تعالى انا غير سبب و دابا شنو ما غاتقبليش الكادو مني ؟
خنساء تنهدات و بعد مدة تفكير قصيرة نطقات ...
خنساء: عرفتي غانقول ليك واحد الحاجة و تقبلها مني
يقين باستغراب
يقين : تفضلي خودي راحتك
خنساء: نتا واحد الشخص اللي كترد البال لحويجات بساط بزاف بحال دابا جبتي ليا الاجوندا اللي كنت هازة فاش كنت كنهضر معاك درتي السبة بلي هي كادو ديال الخدمة و لكن فالاصل نتا جبتيها ليا حيت عجباتني كاين هادشي و لا ما كاينش؟
يقين صرط ريقو و حك لحيتو بثقالة و ضهرات ابتسامة كبيرة على شفايفو و قال ...
يقين : دابا واش ما غاتقبطيهاش من عندي
خنساء : على قبل الابتسامة اللي بانت على وجهك غاناخدها
يقين عض على شنايفو بفرح و عطاها ليها و هي ما عرفات منين جاتها هاد الجرأة باش قالت ليه هاد الجملة و هي غير بالدوخة ديال وسامتو و عفويتها ولات ما كتعرف راسها اش كاتقول ، خجلات من نفسها و خداتها من عندو ....
خنساء: شكرا بزااف مرة اخرى
يقين :العفو
خنساء: خاصني نمشي
يقين : تبغي نوصلك
خنساء حركات راسها بنفي و قالت ...
خنساء: ما نعدبكش معايا وما كاين لاش طاكسيات موجودين شكرا بسلامة تهلا فراسك
عطاتو بضهر و قاسو خصلات شعرها الطويل وجهو ابتاسم و حط يدو على راسو حاضيها كيف كتمشى و ما عارفش علاش كيضحك غير هو و راسو و جملة "على قبل الابتسامة اللي بانت على وجهك غاناخدها "
كتكرر فوذنيه ...
التافتت و شافت فيه لقاتو كيحدق فيها هزات يديها كأنها كتودعو و حتى هو هز يدو كيودعها 👋؛ضارت و كملات طريقها فحين يقين مزال رافع يدو فالفراغ و كيتنهد تنهيدة ورا ختها و قال ....
يقين :خ...ن...ساء ااااه على إسم شحال زوين ما كدبوش اللي قالو سميتك ما هي الا إنعكاس لشخصيتك كن ما كنتش مزال متعلق بفاتن كنت غانختارك نتي because you are special girl * حيت نتي بنت مميزة *
💚💚💚💚
فريدة أنت لاتشبهين أحدا
تشبهين كل الجمال الذي يلون الأرض
تشبهين اشياء لا يمكن ان ترى
تشبهين الأحلام و الرؤى
# إقتباس
💚💚💚💚