# ثمـرة تعـب
بقلم الكاتبة: ايـات الجاسـم:🫀
lnsta: ayat.aljasim
هيلاً تگول : حِزن كُل ألدنيا بيها وهيه تضحك
هيلاً : گعدت من الصبح نشاط بدلت ومكيجت نرلت شوي اجة عون وطلعنلة
عون : صباح الخير
هيلاً : صباح النور
توجهنة للمحكمة كملنة كولشي ورجعنة للبيت تلگونة هلاهل وچكليت فرحت كُلش وعون هم الضحكة مفارگت وجهة حسيت بي صدُگ فرحان طبينة للستقبال طلعو وعافونة وحدنة رحت جبت عصير وكيك خليتة على الطبلة ورحت سديت الباب
ورجعت گعدت
عون : وكليني كيك وشربيني العصير
هيلاً : ستغربت مــن طلبة ! وحجيت
:- متاكل انــتَ ماعندك ايدين
-لا أريــد مــن ايدچ
:- تقربت اخذت شوي مــن الكيك بشوكة وكلتة وهوة يبتسم كملهة وانطيتة العصير
-اروح فــدوة الأيدچ
:- ابتسمت على كلمتة وردلي الأبتسامة
شوي وطلع رحت بدلت ملابسي ورتاحيت صار اليل ودگ علي عون
عون : شلونج
:- زيــنـة الحمدلله
-أريــد احدد موعد العرس عقد وتحليل كلشي خلصنة بعد ماكو داعي نتأخر
:- بـسہ على شـنـو مستعجلين ماعدنة شي
-لا انه اريدج يمي
:- تمام شوكت تريد نحددة
-ﭑنـــــتِ شـنـو ناقصج وشكد تحتاجين حتة تخلصين جهازج
:- اني كُلشي ممحتاجة وامي مــن نخطبنة لليوم تجيب غراض لنيشان وضم يعني يحتاج اسبوع بين ماجيب شغلات تخص العرس وهاي الاشياء
-يا اشياء حددي
:- شبيك اشياء خاصة شعليك انــتَ
-چا الأسبوع الجاي العرس انه ختاريت الغرفة وكلشي كامل ماعندي شي بـسہ ﭑنـــــتِ خلصي غراضچ
:- تمام اگول الماما حتة مــن باچر ابدي اجهز
—لاضغطين على نفسچ وتعبيهة شوي شوي خرش
:- تمام
انطيت خبر الـ ماما واسيد وبدت تحضيرات العرس كُليوم نروح للسوگ واشتري شغلات للنيشان متتتت تعب متتت
رحت لصالون سويت خصل الشعري طلعو يجننننون سويت عنايات واضافري وهاي السوالف مضل بـسہ يومين على عرسي
وصيت البنات ياخذون غراضي للبيت مال عون يسفطوهة اجة هوة اخذهم راحو نفس وامي
رجعو بليل اتلگيتهم واني فرحانة
هيلاً : صفتم غراضي زين
نفس : اي عيني ومثل مطلبتي كُل شي بمكانة بـسہ ستغربت مــن شي
هيلاً : شـنـو
نفس : أكــو خانة مقفولة مقبل عون نفتحهة.
هيلاً : لـيـش
نفس : مــاعـرف گال بيهة غراض تخصني ما قبل نلزمهة
هيلاً : ضليت صافنة شـنـو هاي الغراض
مرن اليومين بسرعة محسيت بيهم مــن الهوسة بساع يخلص اليوم
گعدت الصبح على صوت المنبه گمت مــن چربايتي توجهت للمراية اباوع على نفسي وابتسم
:- اليوم عرسي اليوم حتبدي حياتي الجديدة مــاعـرف شـنـو ضامتلي الدنيا اتمنا اشوف الخير والسعادة بيهة
ابتسمت ورحت سبحت وحضرت نفسي نزلت جوة هوسة وامي مشغولة والبنات نزلو وجابو الغراض وجنطة لبيهة كُل حتيجاتي
رنيم : ماما حضرتي كُلشي حتة بصالون ما تحتاجين شي اتذكري زين حبيبتي
هيلاً : اي ماما كُلشي كامل
شوي ندك هورن اجة باهر اخذنة اني ولبنات الطريق كُلة رگص واغاني چــــات مــن اسعد الحضات
وصلنة للصالون باهر كال عون بلحلاق مــن نكمل يجي وهوة يروح للقاعة يشوف الوضع هناك
طبينة للصالون ختاريت المكياج ولتسريحة كُلشي مختارتة وعلى ذوقي البدلة جانت ملُكية جنننن كملت كُلشي شفت نفسي بلمرية الضحكة مفارگت وجهي واني اشوف نفسي شگد طالعة حــلوة اتقربت هرم علي
هرم : طالعة تجننين راح ابچي
هيلاً : بشرفچ لا ماريد ابچي
نفس : يعني صارت صدُگ وحتزوجين وحبقة بـسہ وية هرم العوبة
هرم : الخايسة صاحلج تبقين يمي
هيلاً : انجبو بلا مناگر
دگ علي عون طلعت البنات ساعدني اتلگاني عون واسيد صعدت والبنات راحو وية اسيد
عون يباوع علية ويبتسم واني ارد الأبتسامة
عون : اروح فــدوة الهاي العيون
هيلاً : ابتسمت شغل اغاني ولزم ايدي وضل يغني وياهة بصوتة الحلو بـسہ حسيت بي شي
هيلاً : عون بيك شي !
عون : لا مبية شي بـسہ فرحان
هيلاً : ماقتنعت بكلامة حسيت بي شي غلست على شعور وتوقعاتي وصلنة للقاعة وصارت الدخولية أبــد ما رتبكت جنت العكس امشي بثقة وهوة كذالك لزم ايدي وصارت الدخولية
شفت القاعة ناس كومة وباهر يباوع علينة والأبتسامة مالية وجهة وعيونة
وصلنة للكوشة گعدنة تقرب علينة باهر
باهر : احلى عرسان اتشوفهم عيني
هيلاً : ضلعي اروحلك فــدوة
عون : حبيبي يوم الك وازفك بيدي انــتَ ولبالك
هيلاً : ابتسمت ورفعت حاجبي ضحك باهر ضحكة عالية
صارت فقرة الرگصة طلعو اغنية لزم ايدي عون وصرنة نرگص بلنص على الأغنية
عينة بعيني ونرگص الأبتسامة مالية وجهة وعيونة بعيني أبــد منزلهم حسيت فصلنة عن العالم
خلصت هاي الفقرة رجعنة للمكانة وراح باهر اختار اغنية اشتغلت الاغنية وهوة بنص القاعة ومقابيلة اسيد ولد كومة
صارو يركصون ويهوسون وباهر رگص مــن كُل گلبة واني اباوع علي وتعبت مــن گد مرگص شوي وتقرب باهر نزلنة اني وعون رگصنة بلنص عون بـسہ يصفگ واني ارگص وية باهر ولبنات وام عون وامي واهواي ناسسسس بـسہ عـيـونـي بـسہ على الي اعرفهم تقرب عون وحجة بصوت ناصي
عون : خلي نرجع المكانة
هيلاً : لـيـش مو دنرگص
عون : كافي رگصنة خلي نرجع نگعد يلة حبابة
هيلاً : رجعنة للكوشة گعدنة واني طنگرت لان ميخليني ارگص
عون : لا ضوجين بـسہ ماريد ترگصين وكلهة تباوع عليج.
هيلاً : عرسييي تــرة
عون : بلفندق اشغلج اغنية وشبعي رگص هم اني باوع وهم ﭑنـــــتِ مضل بنفسج
هيلاً : ضليت فاتحة حلگي وهوة ضحك
عون : شـبـيج اشاقة وياج
هيلاً : درت وجهي مجاوبت
صار وكت الزفة گمت ولزم ايدي عون ووتوجهنة للسيارة صعدت وكُلهة صعدت بسياراتهة
مشت الزفة وصوات الاغاني ولهورنات مالية الشارع وكفو بنص الشارع نزلو الولد ونزل عون وصارو يركصون باهـر اجة يم سيارتي وكف يم الجامة صار يطك اصبع ويدك برجلة
ضحكت وصرت اطك اصبع ويا واضحك اتقرب عون وسوة نفس حركة باهر نصدمت شلون ضابطهة
خلصو وصعدو بلسيارات الطريق كُلة ايركصون ماتعبو أبــد
وصلنة للفندق البنات وامي وياي انطوني الجنطة هرم تضحك وتهز بحاجبهة واني اخزر بيهة شوي وطلعو دخل عون ابتسم اتقرب علي
باسني مــن راسي وگال
-ربي يقدرني واسعدچ
:- امين يارب
-اذا تردين روحي سبحي ورتاحي بين ميجي العشة
:- رحت طلعت بجامة مال نوم بيضة مردت سيت نوم محبيتة اختاريت بجامة بيضة ستن طبيت سبحت ولبست البجامة وطلعت لكيتة كاعد على الچرباية بـسہ بلفانيلة ولبنطرون دنكت ورحت للميز خليت كريم الأيدي ورشيت عطر
باوعت بلمراية شفتة يباوع علي بنضرة معرفت افسرهة تقرب علي گال جوعانة
هزيت راسي بـ اي واحنة واكفين ندك الباب واجة العشة سحبني مــن ايدي وكعدني صار يسوي لفات وينطيني واني اكل لان جنت كُلش جوعانة
هيلاً : متاكل شبعت اني بعد ماكدر
عون : ﭑنـــــتِ شبعي واني اشبع
هيلاً : ابتسمت كملت اكلي رحت غسلت وطلعت هوة طب يسبح گعدت على الچرباية وبيدي تلفوني شوي وطلع ملابس شي بـسہ المنشفة لافهة علي وشعرة يقطر مي اتوترت مــن شفته هــيج ابتسم وتقرب وصار وجهة مقابيل وجهي قلص عيونة وكال شـبـيج
هيلاً : احم لا مبية شي البس شي لا تتمرض
عون : لا ما تمرض
هيلاً : نشف شعرة وكمت داخلي تلفوني على الشحن ماحسيت الة نسحبت وصرت على الچرباية وهوة فوگي ميفصلنة بـسہ كم اصبع
عون : وين رايحة. !
هيلاً : أريــد اخلي تلفون على الشحن
عون : شـبـيج وجهج صار احمر
هيلاً : لا مابية شي
ابتسم وتقرب على وجهي فجئة تغير وجهة كأنو تذكر شي وبتعد
وحجة وهوة داير وجهة عني
عون : ﭑنـــــتِ تعبانة نامي ورتاحي ماريد اضغط عليج انه راح انام تعبان
:- انصدمت مــن تغيرة الي صار فجئة اتغطة ونام واني ضليت گاعد حسيت بشي داخلي نكسر بـسہ جاهلت نفسي ونمت
نايمة وفزيت على صوت عون وهوة يصيح تعايي لا ترحين
گعدت مرعوبة واشوف عون كاعد على الچرباية وعيونة حمررر ويتعرق
تقربت منة واني خايفة مــن منضرة وحجيت بخوف
:- عون شبيك
رفع راسة وباوع علي بنضرة جمدتني بمكاني عيونة حمر يخوفون رفع اصبعة بتحذير
عون : لا تتقربين مني وخليچ بعيدة
:- شـنـو لا تتقربين شبيك دتخوفني
عون :ماريد اسمع صوتچ فهمتي اسكتي صوتج ما اسمعه
:- شال قميصة لبسة بسرعة وطلع عافني وحــدي
ضليت صافنة معقولة اهم يوم بحياتي يصير هــيج وتكون معاملتة الي هــيج
حسيت ناررر شتعلت بگلبي اخذت التلفون شفت الساعة 5:40 توضيت وگعدت اصلي ودعيت ربي يبرد گــلـّبي
ضليت گعادة مدة طويلة ماحسيت بنفسي الة غافية واني على المصلاية شعور النومة على المصلاية و انــتَ بگلبك هم چبير وحسرة وتنام على المصلاية تحس نفسك بين أدين الرحمٰن
حسيت بئيد على شعري.تمسد فتحت عـيـونـي بتعب صار عون گبالي
عون : صباح الخير
هيلاً : دفعت ايدة مــن شعري وگمت هوة ضل بمكانة ماتحرك طبيت للحمام فرچت وغسلت وطلعت هوة على گعدتة هم متحرك رحت على الچرباية اعدلهة والم اشيل البدلة ولهوسة السويتهة حته نطلع گام مــن مكانة وتقرب علي
عون : عوفيهة همة ينضفوهة لاتعبين نفسج
:- حچيت ويا بدون ماباوع بوجهة
هيلاً : لاتدخل وطب اسبح ريحتك موطيبة بين ما ابدل حتة نروح للبيت
عون : انه ريحتي موطيبة !
هيلاً : اي اللّٰـــه اعلم وين چنت
عون : جنت باب الفندق
هيلاً : سمعتني شگلت لو لا ماريد اعيد كلامي مرتين
ضل صافن بوجهي عفتة ورحت طلعت ملابسي مــن الجنطة بدلت وهوة واگف مصدوم مــن الداسوي كملت لبس طلعت جنطة الصغيرة البيهة المكياج وكعدت اتمكيج
باوعت علي بلمراية نفس وگفتة ومصدوم حجيت واني داخلي الحمرة
:-راح ضل صافن ؟
عون : لـيـش سكتي على السويتة عيطي علي غلطي لاتسكتين السويتة بيج موشي هين
:- سكتتت ماحجيت شي كملت المكياج رشيت عطر وعدلت شعري
عون : هيلاً لاتسوين هــيج
هيلاً : تقربت علي وحجيت واني عـيـونـي تلمع تريد بـسہ ينزلون دموعهة
:- اذا متريدني المن خذتني!
- سكت
:-احجي اذا متحبني ومتريدني شــكـو خذتني
-ماردتج ترحين مــن ايدي
:- ضحكت وهوة استغرب مــن ضحكتي
مو اني سلعة حتة ماضيع مــن ايدك ادمرني عادي بـسہ اهمشي انو ماروح مــن ايدك بيوم لازم يكون اهم يوم بحياتي انــتَ عفتني ونمت وراهة طلعت ومارجعت الة ساعة 11 شـنـو شعورك و انــتَ گاعد دمر حياه بنية بـسہ حتة متروح مــن ايدك ؟!
-انه مجان قصدي هيلاً فهميني انه احارب روحي علمود ماذيج رايدج كلشي يية رايدج بـسہ عقلي رافضج و
هيلاً: وشنو كمل
-اسف هيلاً اسف
هيلاً : انــتَ اختاريت هلشي لاتلومني على تصرفي وياك بعد فهمت
:-عفتة ورحت اگلب بلتلفون راح سبح وبدل واني لميت كُلشي وطلعنة مــن الفندق الطريق كُلة ساكتين وصلنة للبيت تلكتنة خــالـة ام عون وباهر هلاهل وجكليت بوستهة وحضنتهة
ام عون : يحبيبية نورتي بيتج
هيلاً : منور بوجودج خــالـة
باهر : الف الف مبروك شرارة نورتي بيتج
هيلاً :ربي يبارك بيك ومنور بوجودك
گعدنة شوي يمهم وصعدت الغرفتي ارتاح وابدل شوي وطب عون محجيت شي ويا ولا هوة حچة شي تمدد وشوي وصاحولنة على الغدة نزلنة الغدة صار عبارة عن ضحك اني وباهر وخالة ام عون حرفيا غيرو نفسيتي عون يباوع علي ويبتسم واني ما منطيتة وجه
باهر : باعي مــن هسة اني اختار افلام السهرات
هيلاً : بس رعب ماريد افلام بچي
باهر : لا يابچي كلة رعب واكشن ومغامرات
هيلاً : تمام واني علي الحلويات والچباسة
باهر : جااا اليوم السهرة مالتنة وامي ويانه
هيلاً : خــالـة صدگ شوفين افلام
ام عون : اي يمة باهر چان يجبرني اگعد ويا واشوف افلام بـسہ شوي شوي حبيتهم وتعودت
هيلاً : اللّٰـــه خــالـة حماسسس
باهر : خليهة بالج اذا فلم ميعجب امي تسوي سم علينة
هيلاً : لا خــالـة اكيد حيعجبهة ذوقي
ام عون : كلشي منج حــلو
باهر : چا شوكت تبدي حرب الچنة ولعمة !
هيلاً : ياحرب
باهر : ﭑنـــــتِ تسويلهة سحر وهية هم نوب ترحين تشتكين العون عليهة وينزل عون يتعارك وياهة وهية تروح تطكج بسحر
هيلاً : شنييي وين گاعدين
ام عون : انجب لك هاي سوالف نسوان متخاف مــن اللّٰـــه
هيلاً : فــدوة الحلكج خالتو
ام عون : يابعد عيوني ﭑنـــــتِ حبيبتي
باهر : چا عود متحمس للعرك طلعتن كلشي ماكو
حبايبي بنياتي الحلوات اسفة على تأخرت بلبارت بـسہ اعوضكم وعـد 🥹♥️
بنياتي لاتنسون تصوتون وتعلثون تعليق حــلو هلشي يخليني اكمل وانحمس للبارت أكــَثر منكم 😮💨🤎