البارت 10
قلبي فداك قلي وش أغلى من القلب
حتى الغلا ما حداً يساوي غلاتك ❤️ .
.
.
.
رفعت انظارها للغرفة و جسمها يرجف بخوف ودموعها تنزل بغزاره على خدها من اللي صار
نايف : ادخلي
دخلت الغرفه بحزن وهي تفكر باللي صار
و جلست ونزلت دموعهااا
نايف صار يناظرها : ليه تبكين تراني ماني وحش
علياء مسحت دموعهااا وصدت عنه
نايف تقدم لها وبملامح جامده : شوفي يا بنت الناس انا مالي خلق لسوالف الدلع خلك معاي تمام عشان تشوفين اللي يسرك دلع وبكي ومدري ايش مافيه !
ولا تفكرين اني اذا شفتك تبكين بحن عليك او اخذ بخاطرك لاااا انتي غلطانه
واخوووك ماقصر خرب كل شي
علياء توسعت عيونها بذهول من كلامه وتمتلئ عيونها بالدموع بغزارة
كانت تبقى تسمع كلمه حلوة وتجبر خاطرهاا بس كان جاف معها وكان شايف نفسه عليها
وصارت تفكر بندم :" يا ليت ما تسرعت ياليت فكرت زين قبل اخطو هالخطوة
وصارت تذكر كلام فهد لها
: الزواج مو يوم او يومين
الزواج طول العمر
فكري زين وماحد راح يجبرك
••••••••••••
نزل من السيارة
واخذ خطواته للبيت وصار يطق الباب بكل قوة
فهد بصوت عالي : افتح الباب لو كنت رجال
موو تنخش وراء الباب
ادري انك وراء الباب افتحه الحين !!
فتح ابو نايف الباب وتلاقت انظاره بانظار فهد اللي متركزه عليه : خييير وش عندك
فهد بقهر : وين علياء !!!!!
مالك حق تاخذهاا غصب عنها
ابو نايف ابتسم بسخرية :هي عند زوجها بالغرفة
فهد عض شفايفه من زود قهره : انت ما تخاف من الله كيف تسوي كذا فيهاا انت منت صاحي !
ابو نايف وهو متنرفز من كلامه : رووح انقلع لا امسح فيك الارض ياللي ماتستحي
فهدعيونه متركزه عليه : لوما شيباتك وكبر سنك وريتك وش اسوي فيك
ابو نايف : انقلع لا بارك الله فيك
وسكر الباب في وجهه
رجع بخطواته لوراء و جلس على الارض منهار
وصار يناظر الارض و يفكر بعلياء : انا اسف يا اختي انا ما وقفت معاك انا خليتهم ياخذونك
••••••••••••
دخل البيت وهو يسرع بخطواته مايبقى يشوف امه
الام وقفت وراحت له ومسكت ايده وتناظره برجى : وين علياء ليه مو معك !!
فهد كان صاد عنهاا وساكت بقهر
الام بصوت عالي : رد علي فهد لا تسكت !
فهد تركزت انظاره على عيون امه اللي كلها قهر وانكسار
فهد بالم : ماقدرت يما ماقدرت
وراح للغرفه وجلس وكانت لحظة انهيار بالنسبه له وصراع داخلي وان هالليله من ابشع الليالي اللي مرت عليه
غزل صارت تناظر فيه : جت علياء جبتها معك !
فهد ساكت ويناظر الارض بحزن
غزل : فهد وش صار
فهد رفع راسه وماقدر يخفي حزنه : كان لازم مارد عليه انا السبب باللي صار لاختي ، اكيد هي زعلانه مني
غزل جلست وتناظره : هم السبب انت مالك دخل
ولا تحمل نفسك ذنب مالك دخل فيه
فهد حضنهااا منهار : مقهور كثييير وربي مقهوررر
ماكنت عارف ان بيصير كذااا
حاولت بس ماقدرت
حاولت ان اوقف معها بس كانو اقوى مني
انا كثير مقهور من اللي صار
غزل توسعت عيونها بذهول من كلامه وبلعت ريقها
وانكسر قلبها من ردت فعله
•••••••••••••
الاب منسدح على السرير
ويفكر بنصر ويناظر زوجته : وش رايك باللي سويته
ام نايف ابتسمت : زين تسوي فيهم
وتعلم ام الخلاقين درس في الادب وماتعلي صوتها على احد مره ثانية
وبحقد : وفهد يستاهل اللي جاه اجل يوقف مع ام الخلاقين ضدك والله زين تسوي فيه
ابو نايف ابتسم بسخريه : اي زين اللي صار
الام : بس نايف مكسور خاطره ان ماسويت له زواج
الاب : عادي الاسبوع الجاي اسوي له حفله بسيطه واعزم معارفنا واهلنا بس المهم ان بردت قلبي من فهد
••••••••••
حسناء تفكر باللي صار وهي طايره من الفرحه :" اعتقد من بعد اللي صار فهد راح يطلق غزل لانها السبب في اللي صار يارب يطلقهاا وارتاح منهااا
دخلت نورة : اكيد فرحانه
حسناء صارت تدور بفرح : كثيييير وهذا اسعد يوم بحياتي احس قرب يومهاا و ترجع مكان ماجت
وقفت عند المرايا وتناظر نفسها بكل فرح
وصارت تحرك شعرها :" انت لي يا فهد مو لغزل "
••••••••••••••
فتحت عيونهااا وتشوف نايف نايم وقفت و طلعت
وتسمع صوت حسناء ونورة يسولفون و يضحكون ويتكلمون عن اللي صار
ومشت بسرعة وصارت تفكر باللي سمعته
فتح عيونه وماشافهاا على السرير وفز من مكانه : وين راحت !!!!
ويطلع برااااا ويبحث عنهااا
نايف بصوت عالي : علياء
الام طلعت وخوااته جووو
الام تناظر فيه بخوف : وش فيك
نايف بتوتر : علياء مو في الغرفه بحثت عنها في كل مكان بس ماشفتها
حسناء : معقووله هربت ورجعت لاهلها
الام بتكبر : استغفر الله انا هالبنت مو داخله مزاجي وين اختفت والله اعلم وينها فيه ؟؟
نايف قبض ايده بقهر وسرعان ما إلتفت للباب اللي انفتح وظهرت خلفه علياء و تناظرهم وتشوفهم متجمعين : وش صاير !!!!
صارو يناظرون فيهاا
رجف قلبها من نظراتهم
نايف راح لهاا و مد يده عليها و رص على اسنانه : هذا مو بيت اهلك تطلعين وتدخلين على راحتك لازم تاخذين اذني وتستاذنين مني
علياء بلعت غصتها من كلامه و نزلت دمووعهااا نايف بصوت عالي : وين كنتي !!!
علياء ببكى : الحمام !!!!!
نورة تناظرها مو عارفه وش تقول
نايف : يلا انقلعي الغرفه
اخذت خطواتها تتوجه لغرفتها وهي دموعها على خدهاا
نايف راح وراهااا
نورة منصدمة : ليه يعاملها كذا ، وش فيها اذا راحت للحمام !!
حسناء ابتسمت : خليه يأدبهااا
الام : لا تدافعين عنها هو زوجهاا وادرى فيهااا
ويلا روحو نامو ورانا جلسه الصباح
دخلت الغرفه وجلست على السرير منصدمه من اللي صار وايدها ترجف بخوف
نايف دخل ويناظرها بتهديد : هذي اخر مره لك وبعدها ماتلومي الا نفسك فهمتي
علياء هزت راسهاا بخوف : اي
نايف لف ونام
علياء ابحرت فيها افكارها وفقدت الرغبه بكل شي امامها
و طول الليل تبكي للآن ما استوعب عقلها ان نايف مد يده عليها وصار اللي صار
•••••••••••••••
وفي الصباح
صحى من النوم ويسمع الباب يطق
فهد فتح الباب ويشوف امه والحزن باين عليها
فهد بخوف : فيه شي يما
الام بحزن : ابوك ماخذ بخاطرة كثير وموو راضي ياكل انا خايفه عليه تعال كلمه وقوله اي شي
فهد : طيب طيب
وطلع معهااا
ويروح الصاله ويشووف ابوه جالس وساكت ويناظر الارض بكل حزن وهموم الدنيا فيه
الام تناظره بحزن : من جلس من النوم وهو كذا اكلمه مايرد علي
فهد راح له وحب راسه : صبحك الله بالخير يبا
الاب ساكت
فهد جلس : سمعت ان ماتبقى تاكل
الاب بحزن : مالي نفس من بعد اللي صار لعلياء ، انا مقهور على بنتي هي بنتي و قطعه من قلبي وروحي
فهد مسك ايده : وهي بعد لو تعرف ان تسوي كذا بنفسك راح تزعل وتاخذ بخاطرهاا منك
الاب : خالك قهرني ماتوقعت منه هالشي امنته على بنتي بس ماصان الامانه هو قهرني يا فهد
فهد قرب له الاكل : لا تكدر خاطرك
الاب صار يمسح دموعه : لو سمعت كلامك ماصار اللي صار
فهد حط الاكل وصار يناظر الارض بحزن : يبا انت مو السبب ولا تحمل نفسك شي مالك دخل فيه
وانت استشرتهاا ونصحتهااا وانت ما جبرتها
حمد جلس عند ابوه : اي يبا كلام فهد صحيح
ولا تسوي كذا بنفسك حنا مالنا غيرك ومانقدر نشوفك بالحاله ذي انت نور البيت وعلياء اكيد فرحانه ومبسوطه
الاب صار ياكل ويفكر بحزن
فهد يناظر حمد ويتنهد بحزن وقهر
وصارو ياخذون بخاطره
•••••••••••••••••••••
فتحت عيونها بسبب صوت طق الباب
وقفت وفتحت الباب وتشوف ام نايف
ام نايف تناظرها : يلا تعالي سوي معاي الفطور
علياء : طيب
ام نايف اعطتها ملابس : غيري ملابسك وتعالي
علياء : ان شاءالله
سكرت الباب وصارت تفكر وتنفست بعمق وحزن
علياء تناظر نايف بخوف : نايف
نايف بدون نفس : خيير ليه تصحيني !!!!
علياء بتوتر : انا بطلع
نايف فتح عيونه : وين تطلعين !!!!
علياء بخوف وصدت عنه : امك تبقاني اساعدها !
نايف صد عنهاا وحط اللحاف عليه : روحي
علياء وقفت وراحت تساعدهاااا
ام نايف كانت مقهوره وحاقدة على علياء بسبب اللي صار
ام نايف حطت لها البصل : ابقاك تقطعيه صغار
علياء تناظر فيه : طيب
جت حسناء وصارت تناظر علياء : صباح الخير
الام وعلياء : صباح الخير
الام : روحي غسلي الملابس علياء معاي اليوم
وهي اللي راح تزين الغداء
حسناء ابتسمت : طيب
وراحت تغسل الملابس وهي فرحانه من اللي صار
••••••••••••••
جلست من النوم وهي فرحانه كثير
ريما : اليوم خطوبة تركي
حدي فرحانه
ونزلت وتشوف الام والاب : صباح الخير
الاب : صباح النور
هلا بنور البيت مروقه اليوم
ريما : اي اليوم الخطوبة متحمسه كثير
الاب : جهزتي نفسك
ريما بتحمس : اي اكيد
فيصل : اكيد اذا شفتها فرحانه كذا اكيد شرت اللي خاطرها فيه وزود
الاب : هههههههه
الام : يا ليت كانت غزل معنا كان فرحت
فيصل : اي كثير اشتقت لهاا كيفها وكيف اخبارهاا
الام : صار لي زمان ماكلمتها واتصل عليها ماترد
الاب : سمعت ان صايرة سالفه
الام بخوف : سالفة ايش !!!
الاب يتنهد : علياء تزوجت نايف بدون يسون عرس
الام : جد وش السبب !! ومن قالك !!
مو عساس خطوبة وش اللي صار
الاب : مدري الصبح اتصلت على امي ابارك لها و قالت لي ان علياء تزوجت بدون عرس
قلت لها ليه بس ماردت
الام منصدمة : جد بعد قلبي اكيد مقهورة من اللي صار
الاب : اكيد صارت سالفه وابو نايف شديد واللي براسه يسويه وما يهمه كلام الناس
الام بحزن : بعد قلبي علياء
ريما : راح اتصل على غزل ونعرف وش السالفه
الاب بتحمس ومشتاق لصوت غزل : اي اتصلي
غزل فتحت عيونها من صوت الجوال
غزل : اف من اللي متصل علي
ريما وش صاير متصله علي من الصباح
وبتعب : الووو
ريما بفرح : هلا غزل صباح الخير
غزل : صباح النور
الاب بهمس وشوق : خليني اسمع صوتها
غزل : صاير شي غريبه جالسه بدري !!
الاب بعد ماسمع صوتها ابتسم و حس بالشوق وابتسم
الام بحزن : عمري بنتي صوتها متغير كثير
ريما : ولا شي بس اجهز للخطبه
غزل مستغربه : خطوبة خطوبة مين ؟
ريما : ماعليك سمعت انو صارت سالفه عندكم ! وش صاير !!!
غزل بحزن وتنهدت : اه يا ريما تصدقي اني انا السبب فيها
ريما منصدمه : ايش
غزل : فيه احد عندك اسمع صوت
ريما بتوتر : لا ذولي عيال الجيران
اي ما قلتي ليش انت السبب ؟
غزل صارت تتنهد : اسوء شي صار لي اني تزوجت وكل يوم تجي لي سالفه و مشاكل
وحسناء موو مخليتني بحالي وتسبب لي مشاكل
وتزيد علي وعمي يوقف معهاا
الاب توسعت عيونه منصدم
ريما منصدمه : كل هذا صار وحنا مو دارين
غزل بحزن وقهر : ابوي زوجني وحطني في هالمكان والكل مو متقبلني وربي تعبت كثييير
الاب صار يناظر الارض بحزن ويفكر بندم
ريما : طيب وش دخل علياء فيك !!!
غزل : لان فهد وقف معاي ضد عمي وعمي ماعجبه اللي صار واتهم فهد انه طرده و كبر السالفه واخذ علياء بدون عرس وهي ياقلبي مالها دخل بشي
انا اكرهه في كل مره يسوي لي سالفه وموو اول مره كل ماشافني عمل لي سالفه
ريما : معقوله عمي يسوي فيك كذا طيب ليه !!!
غزل بحزن : دايم اسمعه يقول اني مو متربيه وابوي ماعرف يربيني ودايم يقوول ان ابوي السبب وانا مستحيل اسكت عن حقي او احد يتهمني
وربي تعبت وكرهت كل شي
الاب كان منصدم من الكلام اللي سمعه من اخوه وقف وتوجه بخطوات ثقيله للغرفه وصار يفكر وقبض ايده من زود قهره
: معقوله اخوي يسوي كذا ببنتي ، مهما كان اللي بينا ماتوصل لكذاا
الام جت وتناظر فيه بخوف : غزل مو مرتاحه بحياتها وش هالناس ذيلي !!
معقوله بنتي عايشه كذا ، كيف صابرة !!
الاب ساكت ومو عارف وش يقول
•••••••••••••••••
دخل الغرفه ويشووفهاا تتكلم بالجوال و جلس وصار يناظرها ويتأمل جمالها
غزل : وانا بعد راح اشتاق لك ، باي
فهد : من تكلمين !!
غزل رفعت انظارها لفهد لاشعوريا وتلاقت انظارها بانظار فهد اللي متركزه عليها : اختي !!
فهد ابتسم : طيب ممكن تجلسي مع اهلي
غزل : طيب
ولبست عبايتهاا وطلعت
موضي صارت تناظر غزل بحقد
غزل :" وش فيها تناظر فيني كذا "
غزل جلست وتناظر موضي وابتسمت : وش فيك !
موضي بحقد : انا ماحبك ، انتي السبب بالي صار لاختي
الام حطت ايدها على فم موضي مصدومة : موضي مايصير هالكلام
غزل وسعت عيونها منصدمة
موضي بعدت ايد امها : اي ماحبك لانك انتي السبب و كل المشاكل بسببك ، مشاكل مع فهد ومشاكل مع خالي والحين اختي صار لها مشاكل بسببك
غزل رفعت انظارها ماقدرت تخفي قهرها : انا سبب المشاكل
ام فهد بتوتر : لا ماكانت تقصد يابنتي
غزل بقهر : كيف ماتقصد يا عمتي
وربي تعبت الكل يتهمني انا الاقيها من منو من ابوي
ولا من عمي وزوجته وبناته ولا من منو
وربي تعبت
اي انا السبب بكل شي انا كرهت المكان وكل اللي فيه انا وش مجلسني هنا
ووقفت واسرعت بخطواتها لداخل
كل هالحوار كان تحت انظار فهد اللي يطالعهم بذهول وتقدم لها
غزل بلعت غصتها ودخلت الغرفه وفهد دخل خلفها
حمد بعتب يناظر موضي : موضي من علمك هالكلام !!
موضي رفعت ايدها وغطت وجهها
الام بحزم : احرجتي البنت بشي مو هي السبب فيه
موضي صارت تبكي : اختي راحت بسببهاا
خالي اخذهاا بسبب غزل انا اكرهها ما حبها ماحبها
فهد طول النظر بعيونها وحس بشديد توترها : اعرف ان اللي قالته اختي غلط بس ماكانت تقصد
غزل مقهورة كثير ومنهارة : الكل يقول لي كلام وانا لازم اسكت وما اقوول شي واتحمل
و خانتها دموعها ماتدري تبكي على ايش بالضبط من كثر الهم اللي فيها
فهد تنهد وصار يمسح على شعرها بحنان : طيب لا تبكين وانا اسف و مستعد اسوي الي خاطرك فيه
ومسك ايدها
غزل تناظره و فهد يناظر عيونها بحب ويمسح على خدها بحنان : لا تزعل عيونك الحلوة ولا تبكين ربي ماخلق هالنجمتين لاجل ينطفي ضياها
ماودي ابتسامتك تختفي
يا ليت عندي القدرة اني اوصي الدنيا كلها عليك بانها ماتاذيك وانتي اجمل مافيها
غزل احمر وجهها من كلامة وابتسمت بخجل
•••••••••••••••••
وقفت عند الباب من بعد مارنت الجرس
موضي تناظر البيت : هذا صار بيت علياء
الام صارت تناظر موضي بحنان : ماوصيك ياموضي انتبهي لكلامك ولا تخليني ازعل منك !
موضي : ان شاءالله ماما
حسناء فتحت الباب وتشوف ام فهد
وبفرح : هلا عمتي حياكم ادخلو
ام فهد : هلا بيك
ودخلوو
موضي مسكت ايد حسناء : وين اختي علياء
حسناء ابتسمت : بالغرفه
جت ام نايف و من وراء قلبهاا : حياكم ادخلوو
ام فهد : الله يحييك
ام فهد ابتسمت : وين عروستنا
ام نايف : موجوده بروح اناديها لك
ام فهد ابتسمت
ام نايف صارت تطق الباب
ودخلت
علياء صارت تناظر فيهاا
ام نايف عابسه وجهها : امك جت وان سمعت اي شكوه او شي ماراح تلومين الا نفسك
علياء هزت راسها بخووف : ان شاءالله
ام نايف : زيني نفسك بسرعة والحقيني !
وطلعت
علياء جلست و صارت تزين نفسهاا وتناظر المرايا بحزن
ونزلت دموعهااا وصارت تذكر اللي صار وودها تقول لامهاا عن اللي صار وترجع معهاا بس ماتبقى تتسبب لهم المشاكل
بعد ماخلصت طلعت وراحت لهم
وقفت عند الباب و تشوف امهاا ونزلت دمووعهاا
الام وقفت لهاا وتناظرها بشوق
علياء راحت له وباست راسهاا وحضنتها
الام بحنان :كيفك يا بنتي عساك بخير
علياء : الحمدلله
وصارت تناظر موضي : كيفك موضي اشتقت لك كثير
موضي مسكت ايد علياء : وانا بعد
ام نايف كانت تناظر فيها وتخز فيهاا
وعلياء كانت متضايقه من نظراتها لها ومو ماخذه راحتها
ام نايف : علياء جيبي الشاهي
علياء : ان شاء الله
وراحت
ام نايف : تصدقين بنتك توها جالسه من النوم
علياء وقفت وتسندت الباب و متفاجئة من الكذب اللي تسمعه
ام فهد ابتسمت : اكيد توها عروس
ام نايف : اتمنى ان تعتبر هالبيت بيتهاا ولا تستحي من شي وبناتي خواتهاا ووصيهاا ان تساعدنا وتشتغل معنا لانها صارت منا وفينا وانا ابي لها الزين
ام فهد ابتسمت بتصنع : اي اكيد انتي امها الثانية
ام نايف : تصدقين ماسمعت كلمت يما من لسانهاا
ام فهد : هههه اصبري عليهاا وماراح تشوفي الا الخير
ام نايف ميلت شفايفها : اي ان شاءالله
هي تربيتك ، انا من اول يوم لي اشتغلت وساعدت وانتي تذكرين كنت هبة ريح
وبنات هاليوم مايعرفون من السنع شي
ام فهد انقهرت من الكلام وحست من كلامهااا ان علياء مو عاجبتها وماتبقاهاا :" الله يصبرك يا بنتي راح تتعبين معهم الله يحنن قلب نايف عليك ولا يكون هو وامه عليك "
جت علياء وصارت تصب الشاهي لامها
ام نايف بحقد : ام زوجك اول
علياء اعطتها الشاهي : تفضلي
ام نايف : اتمنى تكونين نفس امك ونفس سنعها
علياء : ان شاءالله
علياء صارت تناظر الارض بحزن
ام فهد صارت تناظر علياء :" الله يعينك يا علياء "
•••••••••••••••••••
دخلت البيت
ويشووفهاا الاب : كيفهاا عساها طيبه
الام ابتسمت بتصنع : اي كانت فرحانه كثير
والكل هناك يمدحها
وهي كثير مشتاقه لك وتسلم عليك
الاب ابتسم : جد الحمدلله كلامك ريحني كثير
الام : انا برووح اجهز العشاء
وراحت ونزلت دموعهااا :" كيف اقولك اني شفت الحزن بعيونهاا وعرفت انهاا مو مرتاحه معهم "
وصارت تجهز العشاء والهواجس تلعب فيهااا بحزن
دخل حمد للمطبخ
حمد : كيفهاا عساااهااا بخييير
الام نزلت دمووعها
حمد يناظر فيهاا بخووف وراح لها ويمسح دمووعهاا : ليه تبكين يما صااير شي ؟
الام بحزن : شفت الحزن بعيونهاا
شفت كل شي بعيونهاا يا حمد
الاب وقف خلف الباب ويسمع منصدم :" معقولة !!!
الام : زوجت خالك مو هينه وحتى نايف موو هين
شفت خدهاا متورم اكيد ضربوهااا
حمد منصدم بذهول وقبض ايده بقهر : لاا مايصير !!!
الاب دخل وبصوت عالي : ليه تكذبين علي وتقووولين ان هي بخييير
الام تناظره منصدمه وتمسح دمووعهااا
الاب بحزن : ليه خبيتي عني
حمد : لا انت سمعت غلط يبا
الاب : ماني بزر عندكم انا سمعت كل شي
وعلياء ماهي مرتااحه معهم انا رميت بنتي لناس ماهي كفو يا ليت مازوجتهاا يا ليت ماوافقت وفكرت ببنتي
حمد مسك ايده : خلاص اهدى يبا مايصير تسوي بنفسك كذا
الاب : هي بنتي زهرة البيت
•••••••••••••••••
كانو الكل جالسين على العشاء
مها : الا وين ابوي
الام : ابوك ببيت جدتك
ويتعشون
علياء بتاكل
الام تناظرها بحقد : اصبري ياكل زوجك اول بعدين كلي ولا ماتعرفين السنع
علياء بعدت اللقمه من فمهاا : طيب
نايف بحده : ساعدتي امي بشغل البيت !!!
علياء بحزن : اي
الام : مع انو شغلهاا مو تمام يالله مع الايام راح تتعلم
نايف يناظرها بحده
علياء نزلت انظارها بالارض
نورة تناظر فيهم وتشوف الخوف بعيون علياء
نايف : روحي للغرفه
علياء وقفت وراحت للغرفه
نورة : مايصير تسوي كذا معها
نايف بغرور : انتي مالك دخل انا اسوي اللي يريحني
الام : خليه يأدبهااا
نورة : بس موو كذا يما وفي اول يوم لهاا ؟؟؟؟
نايف وقف : سديتي نفسي
الام صارت تناظر نورة : زين خربتي عليه عشاه
نورة : وعادي يخرب عليهااا
الام : قومي انقلعي عني يا ام لسان
نورة : كلام الصدق ماتحبوه
وراحت للغرفة
حسناء : ماعليك منهاا وش حابه الغدا بكرا
الام : من زمان عن السمك
حسناء : اي قولي لابوي يشتري معه
••••••••••••
دخل القاعة واخذ نفس من اعماقه ويناظر ساره اللي ملامحها توصف فرحتها
وبعد ماجلس صار يفكر واخذته الهواجس لشخص ثاني
جت ريما : الف مبروك يا تركي
تركي فز قلبه :" غزل !!!
ويرفع نظره لريما وبخيبه : الله يبارك فيك
منال وريما مشوو
تركي غمض عيونه بحزن وقهر وصار يذكر كلامهاا له
.
.
غزل :" ماراح اتزوج غيرك ماتعرف وش كثر حبي لك
تركي : منتظر هذا اليوم بفارق الصبر كثير متحمس لذاك اليوم اللي راح نكون فيه سوا وتكونين زوجتي
اه يا غزل ماتعرفين وش كثر احبك
غزل بخجل : يا بختي فيك
تركي : وعد بعد ماترجعين راح اخطبك
.
.
فتح عيونه ويشوف سارة تناظر فيه : تركي وش فيك
انت بخير
تركي ابتسم ومسك ايدهاا : الله عوضني فيك
سارة ابتسمت
تركي : راح ادللك واحطك بعيوني
سارة ابتسمت بخجل
ريما تناظرهم بفرح : كثير كيوت سوا
منال : اي
جوري : شووفي كيف يناظرها
ريما : ربي يهنيهم
•••••••••••••••
بعد يوم
كانت بالسوق مع فهد
غزل : انا بدخل هذا المحل
فهد : طيب وانا بجيب قهوة
غزل : اوك
دخلت وصارت تناظر الملابس
وتناظر وتشوف شخص يناظرها
غزل صدت عنه : اف هذا وش فيه يناظر فيني
وطلعت من المحل
وطلع وصار يمشي خلفها
فلاح : وش هالزين
غزل بصوت عالي : رووح عني انت ماتستحي
فلاح : لا مااستحي انا حبيت جمال عيونك جمالها ياخذ العقل بالله اعطيني رقمك والله راح ادللك
غزل صارت تنافخ : اف انت بتمشي ولا الم الناس عليك
فلاح يناظرها : لمي الناس يا قلبي فديت عيونك انا
وصارت تمشي و فلاح يمشي وراهاا ويبقاها تعطيه وجهه : اوقفي انا اكلمك
غزل حست بالخوف
فهد لمح فلاح يتكلم مع غزل جا ويناظر فلاح وعابس وجهه ويناظره و عيونه كلها شرار : خير وش عندك !!! ماتترك وصاختك انت؟ تلاحق بنات خلق الله؟
فلاح بسخريه: انت وش دخلك روح عني
ويناظر غزل وهو يعرف فهد يتنرفز من ذا الأسلوب: بنت اعطيني رقمك وربي راح ادللك
غزل وقفت خلف فهد ومسكت ايده بخوف
فهد صار يناظره بنظرات كلها شرار ومعصب مره : بترووح من هنا ولا افقع لك وجهك واعدل ملامحك !!!
فلاح : ماني برايح مكان وش بتسوي !
فهد وقف مقابله بالضبط ويمد ايده و مسكه من ثوبه وشد عليه ورص على اسنانه ويناظره معصب : الحين تعرف وش !
ويرمي القهوة على وجه فلاح وصار يضربه بكل قوته
وطيحه بالارض و فلاح صار يعض الارض
فلاح صار يصارخ : اتركني
غزل وسعت عيونها بذهول وتراجعت بخطواتها وتناظرهم وتصرخ : فهد اتركه
فهد وهو يضرب فيه : راح اعلمه ان بنات الناس وراهم رجال
جو الناس وصارو يفككون ما بينهم
فهد بعد عنه و يمسح بيده جبهته بقهر وغضب
غزل تناظر فهد بخوف : ماكان لازم تتخانق معه
فهد يناظر عيونها بغيرة ومسك ايدهاا : انا اغار عليك و مارضى عليك انتي زوجتي انا
واتجهه لسياره ، وركبو
والتفت لغزل من حس برجفتها وخوفها ومد يده يرفع راسها : خلاص لا تخافين يا روح فهد
•••••••••••••••••
بعد شهر
جلست وراحت للمطبخ وتسوي الغدا
وهي فرحاانه كثييير
وتفكر وتخطط : " راح اشووفك
وصارت تزين الغداء وتجهزه
وهي طايرة من الفرح
والارض مو شايلتها من الفرح
•••••••••••••••••
الاب كان مسافر لمنطقة ثانية يزور امه وزوجته ام فهد معه
فتح عيونه ويناظر السقف : " البيت بدونكم ولا شي
و يطلع وصار يسقي الزرع
ويسمع صوت بكاء
ويرووح لمصدر ذاك الصوت ويشوف موضي تبكي
فهد بخووف : موضي وش فيييك
موضي ببكاء : ماما متى راح تجي
فهد : هم مسافرين عشان يزورون جدتي
موضي تبكي : ليه ماخذوني معهم
فهد جلس وجلسهاا على رجله وصار يمسح على شعرهاا بحنان
فهد : جدتي تعبانه ومايصير تروحين معهم لانك صغيرة وامسحي دمووعك ولا تبكين طيب
وصار يمسح دموعهاا بحنان
شوفي هالصوره مو صورتك وانتي صغيرة
موضي صارت تناظر الجوال وتضحك
••••••••••••
شرايكم في الرواية؟
اكمل..؟
او اوقف؟
واكثر شخصيه اعجبتكم 🤍
شكككراً لكم 🤍🤍