YADDA KADDARA TA SO

YADDA KADDARA TA SO 21

⭐️YADDA ƘADDARA TA SO⭐
⭐️ شاء القدر⭐️
*Magical love story*
©By Sai Kaska
Wattpad @Sai_Kaska
Phone number:08130172702
Arewabooks @18saikaska
Facebook fage: Sai Kaska
_________________________________
*Proud of my first novel*

★TAURARI WRITER'S ASSOCIATION★

*Babin yau naki ne Fatima Abdulƙadeer*

*BABI NA ASHIRIN DA ƊAYA (21)*

UCHENNA POV.
Tsaye yake daga can nesa da masallacin da ake taron ɗaurin auren Hanam, waya yake da mamarsa tana faɗa masa cewar bazata samu damar zuwa ba, sbd ciwon mijinta ya tashi jiya da daddare.
“To mom ba damuwa, kice ina gaida shi, Allah ya bashi lafiya”
“Ameen, ka bashi hakuri please kace masa inshallah zan zo ko bayan bikin ne”
“To”
“Zan kiraka letter”
Daga haka ya sauƙe wayar yana kallon Abba daya taho wajensa da sauri.
“Abba lafiya?”
“Ina fa lafiya Haris, call this number for me”
“Ok”
Ya faɗi yana karb'ar wayar da Abban ke miƙa masa sam, hankalinsa ba akwance yake ba, ya kira Jabeer amma yaƙi ɗagawa, Uchenna ya saka lambar a wayarsa sannan ya aika mata kira.
“Ta shiga ?”
“Eh ta shiga...”
Baima gama rufe bakinsa ba Abba ya warce wayar, saida ta kusa katsewa sannan aka ɗaga.
“Hello jabeer nine....”
Daga can b'an garen Jabeer ya sauke wayar daga kunnesa ya duba screen ɗin, shide lamba ya gani.
“Dan Allah kar ka kashe”
Ya rintse idonsa, dan da shirin kashewar yake.
“Ina kake Jaber ?”
Murya ciki-ciki jabeer ya amsa da
“Ina gida”
“Me yasa zaka min haka Jabeer ?, kasa na tara mutane amma kaƙi zuwa, haba jabeer”
Cike da rashin kunya Jabeer yace.
“Dallah daka tamin malam, ni bance me yasa kamin haka ba sai kai zaka zo ka wani titsiyeni da maganar banza, Da kake so na aure guntuwar yar ka to Allah ya toni asirin ku kaida ita, ashe karuwanci taje tayi a USA shine har ta dawo maka da jika, To Allah yasa matarka mutuniyar arzikice, ta kirani ta faɗa min komai, Dan haka ni bazan auri guntuwar yarka ba, wadda maza suka gama da ita, kada ka ƙara kirana sai anjima”
Dib!!, kiran ya yanke, duka abinda Jabeer ya faɗi a kunnen Uche, saurin kamo hannun Abba ya yi gani yana shirin faɗuwa.
“Abba ka nutsu, ciwonka kada ka bari ya tashi”
A lokacin Baba da kanin Abba suka ƙaraso wajen suma.
“Kai harisu me yake faruwa wai ?”
“Baba yaron nan yaci amanar mu, yace wai bazai iya auren Hanam ba”
Abba ya faɗi cikin wata iriyar murya dake nuna tsantsar tashin hankalin da yake ciki, tunanika da yawa suna ta yawo a cikin kansa, to yanzu me zaije yace da Hanam, kuma wai tsaya yace matata?, wacece ta kirashi ta kitsa masa ƙarya da gaskiya ?.
Mero, wata murya ta faɗi a cikin kansa. Idanuwansa suka kaɗa sukayi ja, wato Mero duk abinda zai zo ya samu Hanam na farin ciki ita bata so.
Yayi ƙwafa a fili, sannan ya juya ya kalli Uche wanda ke riƙe da shi, sannan ya furta abinda ya zama sanadiyar sauyawar Ƙaddarar mutum uku a lokaci guda. Hanam, Arya, da shi kansa Uchennan.
“Haris, dan Allah inaso ka auri ƙanwarka Hanam”.
second ɗaya.... biyu....uku.

HANAM POV.
Zaune take a ɗakinta ita da ƙawayenta biyu na amana tun na primary, Falaq da Iqra, she can't believe wai yau aurenta ake, abun na bata mamaki.
Sanye take da farin lace ɗinkin doguwar riga kuma kamar kullum fuskarta babu kwalliya, yau sai take jinta a kaɗai ci, dan tun safe Rafi'a ta rabata da Arya.
Hayaniyar mutane a waje da taji ne yasa ta fahimci cewa ƴan ɗaurin aure ne suka dawo, sai taji gabanta ya takarkara ya faɗi, yanzu wai an daura mata aure ?, shikenan yanzu ta zama matar jabeer ?.
Ƙofar ɗakin aka turo Rafi'a ta shigo hannunta riƙe da Arya dake sanye cikin farar shadda wadda su kayi anko shida Abba, Hanam ta kallesu su duka.
“A'a masoyi ina ka shiga ne bamu ganka ba?”
Cewar Iqra tana miƙewa ta ƙarasa inda Rafi'an ke tsaye riƙe da Arya.
“E ba, nima ban ganshi ba”
Cewar falaq, a lokacin kuma Rafi'a tace.
“Anti Hanam kije inji Abba, yana babban parlonsa”
Hanam taji gabanta ya tsananta bugu, kamar wani abu ne da ban ya faru da wanda take tsammani.
*
Ganinsu su uku a parlon yasa gabanta ƙara tsananta bugu, Abbane da Baba da kuma ƙanin Abba wato kawu Audu.
“Zo ki zauna a nan”
Taje ta zauna a kusa da Baba dake wannan batu, tun da ta shigo Abba ke binta da kallo tausayinta na ƙara kama masa zuciya, ta wahala sosai a rayuwarta, kuma yana fatan wannan auren da ya mata ya zama silar samun farin cikinta a rayuwa, yasan abinda yayi daidaine.
Dan yanaganin shine ma abinda da yadace ace ya yi tun-tuni, amma da Allah ya ƙaddara cewar hakance zata kasance gashi ta kasance, kuma yana da tabbacin za ta yi farin ciki a nan gaba.
“Hanam”
Ya kira sunanta, a hankali ta ɗago da kanta ta kalleshi tana amsawa, sai kuma ta ƙara sun kuyar da kan nata ƙasa.
“A yau na ɗauri miki aure da wani ba Jabeer ba, sai a yau na tabbatar da Jabeer sam bai dace da ke ba, ya sakani na tara jama'a shi da wakilansa kawai ake ake jira amma yaƙi zuwa, na kirashi a waya sai yake cemin wai shi ba zai auri sauran ƴata ba, ya faɗi maganganu da yawa, daga karshe yace kada na ƙara kiransa....”
Sai kuma ya yi shiru, Hanam dake jin duniyar ta mata shiru tun a maganarsa ta farko ta ɗago ta kalleshi, idan ba Jabeer aka aura mata ba to waye ?!!.
“Hanam, na aura miki wanda na aura miki ne dan na isa da ke, nasan da cewa ke me biyyayace ga duk abinda nake so, nasan baki tab'a bijire min ba, kuma nasan cewa wannan karon ma bazaki bijire ba....”
Ya kuma yin shiru yana ci gaba da kallon reaction ɗinta, har yanzu bata ce komai ba kallonsa kawai take, ita buƙatarta taji waye ya aura mata.
“Hanam, ba kowa na aura miki ba face UCHENNA!”.

MARYAM POV.
Tafe suke akan titi, ita da sabbin ƙawayenta ne, Aisha da Zara, hira suke ta yi amma Maryam bata saka musu baki ba, dan hira suke akan wani kyakyawa dake a block3.
Tun da Maryam ta fara zuwa makarantar ta lura da ƴan matan ajinsu basu da aiki se hira akan wani kyakyawa, kuma ita jikinta na bata cewa Tafida ne, kuma tunanin nata baije ko ina ba ta tabbatar da hakan lokacin da Zara tace.
“Wai ke Maryam baki sanshi ba ?, a block3 ɗinku yake fa, sunansa Tafida”
Damm!, gaban Maryam ya faɗi, wani abu me kama da kishi nasan taso mata, ji take kamar ta koma Makarantar ta tara duka ƴan matan ajinsu, musulmai da Cristian, turawan da baƙar fatar duka tabisu da mari ɗaya bayan ɗaya, ciki kuwa harda su Zara dake tareda ita....
“Ya za'ayi tace bata san shi ba, ke babu budurwar da bata san shi ba a Alaro city gaba ɗaya”
Maryam ta juya ta kalli Aisha, sai kuma ta kawar da kai taci gaba da kallon hanya.
“Ke nifa wannan gashin kan nasa kawai nake san tab'awa, daga nesama fa har sheƙi yake, gashi jiya dana ganshi naga gashin nasa ya ƙara tsayi”
Cewar Zara, idonta har wani kyallin murna yake.
“Kede bari Zara, wallahi sumar nan tasa tana burgeni, shi tsiyarsa ɗaya, ba ya yiwa ƴan mata magana sai de maza, kuma mazan ma ba sosai yake musu magana ba, ke nifa ina ganinma jinin sarauta ne”
Maryam tayi shiru, sumarsa ?, itama de taga a kwanakin nan ya fara tara suma, wata ƙila so yake ya tara kamar ta wannan hoton, sai tunanin yaso ya bata dariya, taji itama tana san ta tab'a sumar tasa ta ji, ita zata iya hakan, amma su fa?, kawai de suna karanta wasiƙar jaki ne.
“Hmm aisha sai kingan shi yana magana, damn!, i can't wait to sit on that mouth....”
“Sai goben ku”
Maryan ta faɗi tana jara saurin tafiyarta haɗi da shan kwana ta shige block finsu, dan idan ta tsaya ta ci gaba da jin zantukan da suke zuciyarta kan iya bugawa, ko wata ƙilama ta yanke jiki ta faɗi, ko kuma ta make ɗaya daga cikinsu, tafiyar tata itace mafi a'ala.
“Me yake damunta ?”
Aisha ta tambaya girarta a haɗe waje guda tana duban Zara, Zara ta dage kafaɗa alamun bata sani ba tareda faɗin.
“Ni ya za'ayi na sani, wata ƙila bata da lafiya ne”
“wani irin rashin lafiya kuma ?, bayan ƙalau muke tare da ita yanzu”
Zara ta tab'e baki cikin faɗin
“Allah yasa lafiya, kinsan ita Maryam ba san surutu take ba, wata ƙila damunta mukayi”
Daga haka sukaci gaba da tafiyar su suna ci gaba da hirar da suka fara.
Maryam ta tsaya a ƙofar gate ɗin gidansu, sannan ta saka hannunta a cikin jaka ta zaro remote control ɗin da Tafida ya bata domin ta riƙa amfani da shi wajen buɗe gate din gidan.
Ilham ce ta fito daga gidansu hannunta riƙe da leda, tana ƙwala mata kira, Maryam ta tsaya daga buɗe ƙaramar ƙofar da take shirin yi, ta juyo ta kalli ilham ɗin.
“Ina yini Anti Maryam”
Ilham ta gaisheta yayinda ta ƙaraso kusa da ita, Maryam ta ƙaƙalo murmushi tana amsawa, ilham ta miƙa mata ledar hannunta tareda faɗin.
“Wai gashi inji Mamanmu, tace na kawo miki wai mamarta ce ta aiko mata daga kano”
Maryam tasa hannu ta karb'a, a lokacin da itama tata mamar ta faɗo mata a rai.
“To ki ce nagode”
“To”
Ilham ta faɗi bayan ta juya. Maryam ta ƙarasa buɗe ƙofar ta shiga.
A parlo ta aje jakarta ta makaranta, ta shiga kitchen ta aje ledar da Ilham ta bata, sannan ta shiga fito da kayan dake ciki.
Kub'ewa ce da kuka, kanwa, sob'o harda jan lalle, Maryam ta yi murmushi, tana hango yanda za ta yi amfani da kayan, dan dama tana buƙatar irinsu, kuma bata san inda zata samu ba.
Maman Ilham kamar da ta buɗe zuciyarta ta gani, aiko idan an jima za taje tai mata godiya kafa da ƙafa.
Ma'aji tai wa kowanne, sannan ta ɗauki lallen ta fita a ranta take faɗin, yau kuwa tuwo za ta yi, dan dama tayi missing ɗinsa, lalle kuma sai jibi za ta yi, jakarta ta ɗauka a inda ta aje sannan tayi sama.
Ta shiga ɗakinta ta aje jakar a inda ta saba, sannan ta aje lallen a cikin bed side drawer, ta cire hijabin jikinta ta shiga ban ɗaki, bayan fan wani lokaci ta fito, yau azumi take, dan haka ba abinci zata ci ba, koda safema iyaka na Tafida kawai ta girka, yanzun ma bazata tsiri yin tuwan ba sai anjima.
Balcony ɗin corridor ɗin nan ta tafi ta zauna akan lilon dake wajen, tana jin daɗin iskar garin, dan ba'a jima da ɗsukewar yayyafi ba.
Sai kusan shida ta tashi daga wajen, ta nufi kitchen bayan ta dauko wayarta da ring light din naan, ta jona Ring light ɗin, sannan ta saka wayarta a ciki, ta shiga daukan vedio tana recording girkin da take, ita bata iya editin ba, sai idan Tafida ya dawo yake mata sannan tayi posting.

TAFIDA POV.
_🎶You...._
_you got the keys to my heart, my baby never let me down_
_My baby never lets me down, my baby never_
_You...._
_You deserve a crown, my baby never lets me down_
_My baby never lets me down, my baby never_
_Baby you're my dealer, you my energy _
_I will give you my love, i will give you all of me.....🎶_
Sassanyar waƙar my baby, wanda Ayra Star da Bien suka rera ce ke tashi a cikin motar tasa, a kwanakin nan yana cikin nishaɗi sosai, kuma ba sai an tamabayi daliliba, Maryam ce sila.
A da shi kaɗai yake rayuwarsa, yanzu kuma ya samu abokiyar rayuwa, jinsa yake enough, baya buƙatar ƙari, ji yake ya gama samun komai na duniya, bashi da wani wayo lokacin da iyayensa suka rasu suka barshi, ya taso a wajen Fulani, saide sam babu wata shaƙuwa a tsakaninsa da ita, me martaba kuwa yakan kwana uku ma bai saka shi a idonsa ba a lokacin.
Bayan ya gama secondary kuma ya koma india, a can ne ya samu kulawa, soyyaya da ƙaunar ƴan uwa, duk a da ɗinma yakanje indian ziyara, amma zai iya cewa gidansa a india yake, domin farin cikinsa gaba ɗaya yana can.
Tinaninsa ya katse, a sanda ya ƙaraso ƙofar gidansa, gidan da a yanzu ya fi masa haske fiye da da, a duk sanda zai tako ƙafarsa cikin gidan sam baya san fita, yana so yaci gaba da zama da Maryam, koda babu wani kusanci tsakaninsu, sautin bugun zuciyarta ma kaɗai ya isheshi kasancewa cikin farin ciki.
Yasan i yanzu tana kitchen, dan haka yana shiga sama ya yi, ya yi wanka ya sauya kaya zuwa ash hoodie da baƙin chinos trouser, ya sauƙo ƙasa cikin farin ciki da ɗaukin ganinta.
Hannu ya kai ya murɗa handle ɗin ƙofar, tsaye ya ganta a jikin cabinet tana ɗaukan plate.
Tafida ya kasa kunne yana sauraron bugun zuciyar ta, yana jin abinda ya saba ji a kullum idan yana hakan.
A lokacin kuma ta jiyo ta kalli ƙofar dan taji lokacin daya turo ƙofar, tana ganinsa zantukan su Zara suka dawo mata, sai ta yi saurin kawar da kanta taci gaba da abinda take.
“Sannu da zuwa”
Muryarta ta faɗi sanda ya ƙaraso cikin kitchen ɗin.
“Yauwwa”
“Na gama recording”
Ya gyaɗa kansa sannan ya ƙarasa zuwa jikin socket din data jona ring light ɗin ya cire, ya ɗauke ring light ɗin da wayar ya fita.
A kan danning ta jera masa abincin nasa kamar kullum, bayan ta gama, tana kallonsa a parlon yana daddana wayarta, da alama editing ɗin yake.
“Na gama abinci”
Tafida ya jiyo ya kalleta, sai kuma aje wayar akan sofa ya taso ya ƙaraso zuwa danning ɗin, zama yayi akan kujera yana kallonta, ita kuma ta shiga buɗe warmers ɗin tana ƙoƙarin zuba masa abincin, ƙamshin miyar ya daki hancinsa.
“Tuwo kika yi ?”
Muryar sa ta fito a lokacin da yake kallonta, itama ba tare da ta kalleshi ba tana saka tuwan semolina ɗin da tayi a plate tace.
“Eh, da miyar kuka”
“A ina kika samu kuka ?”
“Maman ilham ta aiko min ɗazu”
ya gyada kansa a hankali, rabonsa da tuwo ya manta ko a hadejia baya samu yaci shi.
________________
_wani abu yana konewa a nan😁, shin kunaga Hanam zata amince da auren Uchenna, itafa kallon Cristian take masa har yanzu, amma de ban sani ba ko har yanzu yana ruwa_
_bari de nayi nan, kuyi comment ra'ayin ku pls, ngd sosai_
🌸-SAI KASKA CE✍️-🌸.

⭐️YADDA ƘADDARA TA SO⭐
⭐️ شاء القدر⭐️
*Magical love story*
©By Sai Kaska
Wattpad @Sai_Kaska
Phone number:08130172702
Arewabooks @18saikaska
Facebook fage: Salma Ahmad Isah Sai Kaska
_________________________________
*Proud of my first novel*

★TAURARI WRITER'S ASSOCIATION★

*This one's for you 'Yar Hajiya*

*BABI NA ASHIRIN DA BIYU (22)*

Lokacin da akayi sallar magariba Maryam na zaune a parlo ta aje kayan shan ruwanta a gabanta, tuwan ɗazu ne sai sob'on da ta yi, tana addu'a Tafida ya sauƙo daga sama da alama masallaci zaije, ya tsaya yana kallonta da mamaki.
“Wifey wai azumi kika yi ?”
Maryama ta shafa addu'ar wadda rabinta gaba ɗaya akan samun sauƙin Tafida ne, ta kalleshi, sannan ta gyaɗa masa kai.
“Ban sani ba ai”
Sai kawai ta yi murmushi tana shan sob'on da ta yi
“Zanje masallaci”
“A dawo lafiya”
Ya janyo ƙofar parlon yana faɗin
“Allah ya sa”.
Sanda ya dawo daga masallacin tana zaune a parlon still, dan bayan ta ɗan ci tuwon kaɗan ta tashi taje ta yi sallah, shine ta dawo ta zauna tana duba vedios ɗin data fara ɗorawa a tiktok, dan tafi bashi ƙarfi fiye da inster.
Sannu da zuwa ta masa sannan ta miƙe ta shiga kitchen ta ɗauko masa nasa sob'on, yau tana so taga abinda zai faru, addu'o'i kala-kala da surorin kur'ani ta tofa a cikin ruwan sobon. Yau tana so taga ko hakan zai zama mafitar matsalar da Tafidan ke ciki.
Miƙo masa sob'on ta yi ya karb'a yana sauya Chanel daga MBC Bollywood zuwa channel ɗin da suke haske wasan cricket.
Maryam ta zauna a ranta tana faɗin, sauran maza iskansu na ball ne, amma shi cricket yake so, sai kuma ta tsaya ta meda hankalinta kansa tana so taga yanda abun zai kasance, a ranta kuma fal fatane na Allah yasa shawarar da zuciyarta ta bata ta yi aiki.
A kan idonta ya kai bakinsa ya yi sipping na farko, tanaga sanda ƙwayar idonsa ta kawo wani hasken ja, kamar an haska cocila, sai kuma ta ɗauke lokaci guda, Maryam ta fara murna ganin kamar abun yana aiki, shi sam baima ji a jikinsa ba.
A dai-dai lokacin da ruwan sob'on ya sauka a cikin Tafida, a dai-dai lokacin ne cikin Maryam ya wani irin murɗa, wanda hakan yasa ta saki wata ƙarar azaba.
“Ahhhhhhhh!”
Ta kai ƙasa hannunta akan cikinta, ji take kamar ana tsitsinka mata hanji ne, kamar zata amayo da kayan cikinta, azabar da take ji ta wuce misali. Da sauri Tafida ya aje glass cup ɗin hannunsa ya yi inda take durƙushe, ya riƙota.
“Me ya faru ?”
Bata iya amsa shi ba, sbd yanda cikin nata ya ƙara murɗawa fiye da da, tuni idanunta ya kawo ruwa, azabar da take ji yanzu tafi gaban kwatance, bazata iya cewa ga yanda take ji ba sbd yanda cikin nata ke mata, Tafida ya riƘota da kyau ya dawo da ita jikinsa yana faɗin.
“Miriam!, Miriam!, look at me!”
Da ƙyar ta iya ɗaga jajayen idanuwanta ta kalleshi, nan take ya gano abinda ke faruwa, ba a kanta hakan ya fara faruwa ba, ya faru akan Daadi, Neha, Fulani, Mairama harda Me Martaba ma.
“Kin saka wani abu a cikin sob'on ?”
Maryama ta riƙe gaban rigarsa gam, sai gumi take duk da sanyin gari dana acn dake parlon, jikinta sai rawa yake, ji take kamar za'a zare mata ruhinta ne, har wani fis-fisga take.
Da ƙyar ta iya gyaɗa masa kai, ya girgiza kansa cike da tausayawa, ba sai ta faɗa masa ba, yasan inda ke mata ciwo tun da abun shansa ya yi ba shafawa ko shaƙa ba, dan haka ya ɗora hannunsa akan cikinta, ya lumshe idanunsa, sannan ya buɗe Maryam tana ganin yanda ƙwayar idonsa ta yi ja kamar last time.
Sai kuma ta kalli hannunsa dake kan cikinta, wani haske wajen da ya ɗora hannun nasa yake, kuma a hankali a hankali ciwon ke raguwa, ya sani yau shine zai azabtu tunda har ya janye ciwon, kuma ya yarda da gwara ya azabtu da ace yana ganinta ita tana azabtuwa garin ƙoƙarin cetonsa.
Kamar an zare mata ƙaya haka Maryam taji ciwon ya ɗauke, kamar kuma ɗaukewar wutar nepa, sai sauƙe ajiyar zuciya take tunda Maanmu ta kawota duniya batajin ta tab'a cin karo da azaba makamanciyar wannan.
Har yanzu a cikin jikin Tafida take, a hankali ta ɗaga kanta ta kalli fuskarsa, shima ita yake kallo, jikinsa ya ƙara janta sosai ya rungumeta, Maryam taji wani abu na yawo akanta, kamar tana shawagi a sararin samaniya, taji kamar tana a cikin garden ɗin gidan, iskar wajen me daɗi tana shiga hancinta, tajita a wata duniya da ban.
“Miriam why ?, me yasa kika yi hakan ?....”
Muryarsa ta fito cike da damuwa.
“Ni haka nake wifey, you better leave me, na faɗa miki koda guba aka saka min a abu to ba ya cina, saide ya koma jikin wanda ya min abun, haka asiri da addu'a , Fulani ta gwada, Daadi ta gwada, Neha ma ta yi, haka Me Martaba, duk wanda yayi ƙoƙarin bani addu'a to shi zai gamu da ciwo, idan sha na yi, to mutum zeyi ciwon ciki, idan kuma shaƙa na yi wanda ya bani zeyi ciwon kai, idan kuma na shafawa ne a duk inda na shafa a jikina nan ne ze yi ciwo a jikin mutum, wifey ciwo na gaske bana wasa ba, bana so ko wa ya azabtu, bana so wani abu ya sameki a sanadiyya ta Miriam”
Sai kuma ya saketa yana kallonta, har yanzu a galab'aice take, dan ga idanuwanta nan kamar zasu lumshe
“Stay away from me Miriam, i am monster Miriam!”.
*Da misalin karfe 11:00pm*
Maryam ce kwance akan gadonta, gaba ɗaya tunanin abinda ya faru ɗazu ya hanata bacci, akai-akai take kai hannu tana share hawayen dake zubo mata, yanzu ita bata san me ya kamata tai masa ba, yana buƙatar temako, to amma yaya zatayi ?.....
Wani irin gurnani taji yana fitowa daga ɗakin dake maƙotanta, a firgice ta miƙe zaune,.
Can kuma sai taji ihu, taji abubuwa na fashewa, sai kuma ƙarar Eshaan, daga inda take taji yanda ya bugu da kasa.
Ta rintse idanunta wasu sabbin hawaye na zubo mata, haka bige-bige da Shure shuren yaci gaba, ga gurnani da take ji kamar na zaki.
Gani tayi zaman nata ba zai iyu ba, dan haka ta miƙe taje ta ɗauto alwala ta shiga miƙawa Allah kukan ta, dan tasan shi kaɗai ne zai masa magani.

UCHENNA POV.
_ .“Allah ya tsine maka Uche”. _
_ .”Yesu baze tab'a saka maka albarka ba”._
_ .“Na tsine maka uchenna”. _
A hankali ya kai hannu ya shafa sumar kansa, yayinda kalaman mahaifinsa wanda yake furta masa su a mabanbanta lokuta ke dawo masa cikin tunaninsa.
Zaune yake a cikin motarsa ya jingina da kujera, motar na parker ne a compound ɗin gidansa, ƙofar motar ta inda yake a buɗe take, yayinda iskar da ke kaɗawa take shigowa cikin motar, a lokacin ƙarfe tara saura, kansa ya ɗaga sama yana kallon saman motar tasa.
“Kace bazan tab'ayin albarka ba Baba, gashi nanyi, kace bazan tab'a samun abinda nake so ba, gashi na samu, kace min ni tsinanne ne, Abba kuma kullum cikin sakamin albarka yake, kana gani ko ?, kana ganin yanda nake ci gaba a rayuwata, abba gaba ɗaya abubuwan daka faɗa basu faru ba, wanda Allah yasa ƘADDARA TA SO a kaina sune ke faruwa”
Sai kuma ya ƙarashe da murmushi, miƙewa zaune ya yi yana kallon ƙofar entrance ɗin gidan nasa, wai yanzu Hanam ce ciki, Hanam ce a cikin gidan, kuma a matsayinta na matarsa, me yafi wannan daɗi ?, saide kuma duk da haka yana cikin shakkun yanda zata karb'eshi, bai sani ba, wata ƙila tace bata sansa, ya saketa ta koma gidansu, sai kuma yaji gabansa ya faɗi.
Ya fito daga motar da sauri, ƙofar motar ya rufe sannan ya shiga cikin gidan, babu kowa a parlo dan haka yayi sama, ƙofar ɗaya daga cikin ɗakunan gidan yaga a buɗe kuma yaga ƙwan ɗakin a kunne, hakan ke nuna masa cewar tana ciki.
Ta maza ya yi ya dake, ya shiga taku har zuwa ƙofar ɗakin, a bakin ƙofa ya tsaya yana kallonta, duk da ba fuskarta yake kallo ba, dan ta bashi baya.
Wata baƙar tank top ce a jikinta, sai farin cuffed trouser, gashin kanta paker a bayanta, ƙafarta sanye da crocs farare.
Kayan Arya data taho dashi take shiryawa a cikin wata chest drawer, Gaba ɗaya ta fawwala Allah lamuranta, dan abinda ya faru ɗazu ya bata mamaki, taya Abba zai aura mata Cristian, kuma bama haka ba wai har su Baba goyon bayansa suke, wannan wata iriyar rayuwace?, dan anaso ta yi aure ai ba sai an aura mata Cristian ba, ko jabeer yaƙi aurenta sai ta nemo wani da ban.
A ɗazun bata iya cewa komai ba sai tashi da tayi ta fice daga parlon, kanta na juyawa, ga wani duhu daya mamaye kafofin ganinta.
Kamar yanda abba ya faɗi, ita bazata tab'a bijire masa ba, tundade aurenta da Cristian yake so to za ta yi haƙuri ta zauna da shi, amma babu wani abu da zai shiga tsakaninsu, ita matarsa ce shi mijinta ne, kuma suna rayuwa a gida ɗaya, shikenan, bayan hakan kuma bata jin akwai ƙarin wani abu.
Motsin takun dataji a bayanta yasa ta waiga, Uche ta gani yana nufar inda Arya yake zaune yana wasa, taci gaba da binsa da kallo har ya ɗauki Arya ɗin, da ace wani zai faɗa mata cewar za ta iya auren Uche, da ta ƙaryata shi, koda a mafarki bata tab'a kawo hakan ba.
Itafa sam bata tab'a san Uche koda da second ɗaya ba, tana ganinsa a matsayin wani mutum da ban ne, bashi ma da matsayi a wajenta ko kaɗan, kawai ta ɗauki aurensa ne a matsayin YADDA KADDARA TA SO.
“Sannu da zuwa”
“Yauwwa”
Ta amsa masa tana juyawa taci gaba da jera kayan dake hannunta, bayan haka bata ƙara cewa komai da shi ba, har ya gama yi wa Arya wasa bata ko kalleshi ba, shi dan kansa ya aje Aryaan ɗin sannan ya kama hanya zai fita.
“Zanci gaba da aikina, fatan Abba ya faɗa maka”
Ya tsaya cak, sannan ya jiyo ya kalleta, wasu kayan take jerawa a wani basket, ko kaɗan ba shi take kallo ba, amma yasan maganar tasa ce.
“Babu matsala, zaki iya ci gaba”
Yana kaiwa nan ya ƙarasa ficewa. Ƙasa ya sauƙa ya dudduba gidan kamar wani baƙonsa, yana dubawa yaga irin kayan da ya kamata ace ya ƙaro a gidan.

MARYAM POV.
Zaune take a parlo tana jiran fitowar Tafida dan yazo su fita, yau da safe ta ganshi sanda ya fito cin abinci, tana ganinsa tausayinsa ya ƙara kamata dan har ya rame a iyaka jiya kawai, Allah ne kaɗai yasan abinda yake ji a jikinsa.
Takunsa da taji yasa ta ɗaga kanta sama ta kalleshi, sanye yake da wani yadin voil milk color, sai wata baƙar hula a kansa, da baƙaƙen takalma, hannunsa riƙe da wayarsa daya, ɗayan hannun kuma riƙe da key.
Ta miƙe tsaye tana ɗaukar wayarta da jakarta.
“Kin shirya ?”
Ta gyaɗa masa kai idonta a kansa, da hannu ya mata alama da suje, shi yayi gaba ita tabi bayansa, wani yanka taga a bayansa setin wuyansa, hakan yasa ta zaro ido tare da tsayawa da tafiyar da take, a kiɗime ta ƙira sunansa.
“E...Esh...Eshaan”
Shima ɗin ya tsaya da tafiyar da yake, karo na biyu kenan da ta tab'a kiran sunansa, na farko ranar da wuta ta ɗauke a gidan, sai kuma yau, ta iya kiran sunansa kamar ita ta raɗa masa shi, ya juyo yana kallonta with his blue eyes.
“Rauni a wuyanka....”
Gaba ɗaya ta gama tsorata, itafa bata san damuwa, dan raunin yana da girma ga faɗi, kamar da aka saka wuka aka yanka, idonsa ya lumshe, bayan ɗan wani lokaci ya buɗe, sai kuma ya juyo mata bayan nasa.
“Ya haɗe ?”
Ya tambaya ba wai dan bai san ya haɗe ɗin ba, dan de kawai ta gani hankalin ta ya kwanta, dan baya son damuwarta ko kaɗan, baima san da raunin ba shi yasa ya barshi har ta gani, Allah yasa lokacin da yaji shi baƙin ruhin daya shiga jikinsa jiya na nan, dan haka zai iya hadewa.
*
A kai a kai take sharan hawaye, dan gaba ɗaya ta rasa abinyi, bazata iya zama ta zuba ido irin haka na faruwa da shi tana gani ba, she needs to do something.
Tafida dake driving ta juyo ya kalleta, a dai-dai lokacin da yayi parking a inda ya saba sauƙeta idan ya kawota makaranta.
Ya juyo da kyau yana fuskantar ta, hannunsa ya kai ya kamo nata, Maryam ta zabura sbd yanda yatsunsa suka nade nata cikin bazata, bai tab'a riƙe hannunta ba, shi yasa bata tab'a jin abu makamancin wanda take ji a yanzu ba. Tafida ya shiga murza yastunsa akan nata yana kallon ta.
“Miriam look at me”
Da ƙyar Maryam ta iya ɗauke idonta akan hannunta ta fora akansa, sai kuma ta kawar da nata idon, dan nasa sun mata tsauri da yawa, kwarjininsa ba zai bari ta ci gaba da kallonsa haka ba.
“Miriam na faɗa miki tun farko, i am monster, so me yasa kike damun kanki, tun tasowata ni a haka nake, haka na taso naga rayuwata, ban tab'a jin daɗin rayuwata na second ɗaya ba, komai baya min daɗi, sbd inayinsa ne yanda aljanin dake jikina ya sa ni, ba dan raɗin kaina ba, Wifey akwai wahala a rayuwata, i don't wanna hurt you Miriam, i want keep you safe....”
Itade bata ce masa komai ba, har yanzu kallon hanunsa take wanda ke kan nata, kuma kalamansa ɗaya bayan ɗaya iska ke ɗurasu a kunnenta, ta ji kuma ta gane.
“Mirian i am sorry, ban so kika shigo cikin wannan rayuwar da nake ba, da ace an bar ni ni ɗaya da komai sai tafi sauƙi, amma an sakoki ciki kum......”
Kanta da yaga tana girgizawa yasa shi yin shiru, kafin ta ƙarfafi zuciyarta ta ɗago da kanta ta kalleshi.
“Kada ka tab'a tunanin cewa kana cutar da ni, dai-dai dana second ɗaya baka tab' cutar dani ba Sultan (king), you now become my other half, Eshaan, Maryam Tijjani Muhammad can never ever live without you, you become part of my story, you are my savior, my hero, i can even call you my lifeline....”
kuma tana kaiwa karshe ta janye hannunta daga nasa ta ɗauki jakarta ta buɗe ƙofar zata fita, ya yi sauri ya riƙo hannunta.
Kalamanta ne ke yayo a kwanyarsa, har yanzu bai kai ga fahimtarsu ba, yana buƙatar sharhi, wata ƙilama sai ya zauna yavyi nazarin word by word kafin ya fahimta.
Maryam ta saka masa kansa a tukunya, hannunta daya riƙo ya saka mata kuɗin daya saba bata kullum idan ya sauketa a matsayin kuɗin kashewa a makaranta, sannan a hankali ya janye hannunsa itama kuma bata jira komai ba ta fita daga motar.
Kuma ba ta yi nisa da tafiya ba ta hangi su Zara na shigowa, Allah ya temaka basu ganta ta fito daga motar Tafida ba.
Yana tsaye a wajen har ta ƙulewa ganinsa, hular kansa ya cire ya shafa sumarsa data fara taruwa sosai, sannan ya meda hular, ya kasa kama tunanin ɗaya ƙwaƙƙwar wanda ya kamata ace ya yi nazari akai, hular ya mayar kansa sannan ya tada motar yayi reverse ya bar wajen.
_Tir kashi, to nifa wannan abun ya fara kulle min kai, anya kuwa mutum ne yakewa fidar yara wannan abun ?, nide bazance komai ba, aa to_
_Su Uchenna ango, zan zo cin kazar amarya, fatan de za a ajemin tawa_
_Ina miƙowa godoyata sinƙi-sinƙi, Allah ya bar ƙauna masoyan asali🙏_
🌸-SAI KASKA CE✍️-🌸.
⭐️YADDA ƘADDARA TA SO⭐
⭐️ شاء القدر⭐️
*Magical love story*
©By Sai Kaska
Wattpad @Sai_Kaska
Phone number:08130172702
Arewabooks @18saikaska
Facebook fage: Salma Ahmad Isah Sai Kaska
_________________________________
*Proud of my first novel*

★TAURARI WRITER'S ASSOCIATION★

*Wannan naki ne Fatima Ahmad Isah*

*BABI NA ASHIRIN DA UKU (23)*
HANAM POV.
Dawowarta kenan daga wajen aiki, tun daga parlon gidan ta fara ganin sauye-sauye, duk da gidan bawai dama bashi da kya bane, yanada kyau kuma sosai, dan ko gidansu saide ya faɗa masa girma ba kyau ba.
Tsarin gidanjen estate ɗin na da kyau sosai, ɗakin data zab'awa Arya ta fara buɗewa da zummar shiga. tris ta tsaya tana kallon yanda aka sauya komai na ɗakin.
Ga uban tarin kayan wasa da aka cika ɗakin dasu, baby cot, baby cradle, da manya-manyan teddies.
Duk yawan kayan wasan sa na ɗakin na da bai kai wannan yawa ba, baki sake ta ƙarasa shiga cikin ɗakin, kafin ta sauƙe Arya daga cikin baby carrier ɗinsa, ta aje baby carrier ɗin, sannan ta ɗauka masa wasu teddies guda biyu.
Kafin ta fita daga ɗakin, ɗakin data zab'awa kanta ta shiga, taga shima an sassauya wasu abubuwan a ciki, ta aje Aryaan ɗin akan gado sannan ta bashi teddies ɗin data ɗebo, ta shiga ban ɗaki ta fito bayan ta ɗaura alwala.
Sallah ta yi sannan ta fita zuwa ƙasa dan ganin abinda zata iya samawa kanta, kitchen ɗin ma da ta shiga taga sauyi sosai, dan yau maƙil yake da kaya.
A ranta tana jinjina ƙoƙari irin na Uchenna, girki ta samu ta ɗanyi me sauƙi sannan ta zauna ta ci.
Sai wajen Bayan magariba Uchenna ya dawo, a lokacin suna zaune a parlo ita da Arya shi yana wasan sa ita kuma tana aiki a laptop, sau ɗaya ta ɗaga kai ta kalleshi tai mishi sannu da zuwa, bayan haka bata ƙara ce dashi komai ba.
Shima kuma bai matsa akan sai an masa maganar ba, dan haka ya yi sama abinsa.
“Nagode, naga kaya”
Sai ya tsaya da tafiyar, kafin kuma yaci gaba yana faɗin.
“Don't mention it”
Da sauri Hanam ta ɗago da kanta ta kalli bayansa, wannan muryar, tabbas ta san muryar itace muryar wannan wanda ya temaketa a hannun ɗan daba nan, kenan shine ?, to ai dama ba taga fuskarsa ba a lokacin. Dan haka zai iya kasancewa shi ɗin ne.
*R120, TRANSCORP HILTON HOTEL, ABUJA*
*Da misalin 12:30am*
Wata baƙar budurwa ta fito daga banɗaki, sanye cikin wando leggings baƙi, sai wata baƙar half vase wadda bata ko rifi cibiyarta ba, ta kawo baƙar leather jacket ta ɗora akan half vase ɗin, gashin kanta kuma kitsan kalbar pink ɗin attachment ne, ya sauƙo har kasan mazaunanta.Hanyar ƙofar fita ta yi za ta fita daga wajen.
“HELEEN ina kuma zakije baki bani kuɗina ba?”
Wani matashi dake kwance a kan gadon dake fakin duƙunƙune cikin bargo ya faɗi, a hankali ta juyo ta kalleshi tana gyara tsaiwarta.
“Kuɗi zan baka ko ?”
“Eh mana, ai ke kika kirani kika ce nazo idan mun gama komai zaki biyani”
Ta bushe da wata mahaukaciyar dariya, sannan ta saka hannunta a bayanta ta ciro bingida ƙirar pistol, tunda yaga haka ya tsorata gaba ɗaya ilahirin jikinsa rawa yake, setashi ta yi da bindigar sannan tace.
“Ga kuɗinka nan zan baka, a sauƙa lafiya..."
Ta ƙarashe tare da sakin kunamar bindigar, kasan cewar akwai salansa sai ƙaran harbin bai fito ba. Meda bindigar ta yi bayanta ta sofare, tana leƙa fuskarsa.
“Au ya sheƙa, an gode Allah matsala ta kau”
Wani makeken sun glasses ta maƙala a idonta, sannan ta buɗe ƙofar ta fita, yaranta biyu suna tsaye a waje suna jiranta, suna ganinta suka matso kusa da ita tun kafin ta musu magana.
“Na aika shi lahira, kuji da securities”
“To oga”
Tana gama basu umarnin ta yi gaba.
*
Zaune take a cikin motarta ƙirar Lamborghini, glass ɗin da ta saka ɗazu ta sauƙo da shi kan hancinta, tana zaune a wajen aka zo aka wuce da gawar yaron da ta kashe ɗazu, taja wani uban tsaki.
“Shi ji yake ya burgeni, yau ni har akwai wani wanda zai burgeni kamar masoyina TAFIDA”
Sai kuma ta yi murmushi tana jingina da jikin kujera.
“Ina kewarka masoyi”
Sai kuma ta zabura ta zauna da kyau, wayarta ta ɗauko ta aikawa ogan kungiyarsu kira, yana ɗagawa ta fara magana cike da gadara, kamar itace ogar bashi ba.
“Na gaji da Abuja, zan dawo lagos”
Daga can bangaren scorpion ya girgiza kai, ya rasa yaushe har ya yi sake fan kada ya girma, ya tuna shekaru bakwai da suka wuce, lokacin da HELEEN tazo gareshi a garin lagos.
Tana uar ƙauyenta fitik, lokacin ko bihim bata sani ba, tace masa wai wanine ya mata fyaɗe kuma ta samu ciki iyayenta suka koreta daga gida, tana so ta samu ƙarfi ta yanda zata rama wulaƙancin da aka mata.
Kuma ya tausaya mata lokacin, dan haka ya yarda ta zauna a dabar tasu, a kowani aiki ita yake ɗorawa har tazo ta shahara a daba, yanzu kuma sam ma bata jin maganarsa yanda taso haka take abunta.
“Tunda kin riga kin yanke hakan kuma miye na wani kirana, ai wannan sanar dani kike ba izini kike nema ba”
Ta sosa kanta kaɗan
“To zan ɗora laku akan aikin, zan dawo jibi, kewar masoyina nake, ina san na ganshi”
Bai ce mata komai ba ya kashe wayar. Ta koma ta ƙara jingina da jikin kujerar tana murmushi domin tinawa da sahibul ƙalbinta da ta yi, ta lumshe ido tana tuno ranar da ta fara ganinsa.
Ranar faɗa sukayi da wata daba, har aka harbeta a hannu, shine su laku suka kaita st. Nicholas hospital.
A nan ta fara ganinsa, domin shine ya ke kula da ita a asibitin.
“ I am coming for you my ESHAAN”.
*
“Kasan Allah sai ka siya mata”
cewar Khabir yana kallon Tafida, yayinda suke tsaye a cikin Admiralty mall lagos, dawowarsu kenan daga asibiti, yau motar Khabir ɗin tana wajen gyara shi yasa Tafidan ya ɗauko shi.
Kuma suna hanya yace su tsaya yau Valentine's day yana so ya siyawa matarsa kyautar da zai bata, da suka shiga ciki ne yace Tafida ma sai ya siya.
“Wai dole ne ?, ai ba dole bane!”
“Dole ne mana, dan Allah ka siya mata, wallahi za taji daɗi”
Ya karkatar da kai gefe yana kallon baskert ɗin da ake ce masa ya siya, sai kuma ya dawo da kansa dai-dai sannan ya gyaɗa shi a hankali.
“Nagode nawan, ni zan biya kuɗin ma”.
Kuma daga haka ya ɗaukar musu basket biyu, sannan suka fita bayan Khabir ɗin ya biya.
Saida Tafida ya kaishi garejin da ya kai motar tasa gyara sannan ya tafi gida, dan an gyarawa Khabir din motar tasa. Ya tarar da go slow a hanya, hakan ya haddasa masa makara wajen dawowa gida.
Tunda ya sako motarsa cikin Alaro city, ya tsinci kansa cikin irin yanayin daya saba, duka damuwa da gajiyar daya baro wajen aiki dasu ya nemesu ya rasa.
Da haka ya isa cikin gidan nasa, parking ya yi sannan ya buɗe motar ya fito, ya zagayo gidan baya ya buɗe, ya tsaya yana kallon basket ɗin dake aje a wajen, kamar me nazarinsa, sai kuma ya kai hannu ya ɗauko shi, yaji shi da nauyi, dan haka sai yasaka karfinsa.
Ƙofar parlon ya tura sannan ya shiga abinda idonsa ya fara gane masa shine, Maryam ta taka kan coffee table ɗin dake tsakiyar parlon tana aikin goge saman tv stand, ba wannan ne yasa yake kallonta ba, yau babu hijabi a jikinta, tun ranar da suka zo garin lagos bai ƙara ganinta da hijabi ba sai yau, wata baƙar dolman dress ce a jikinta rigar bata sauƙar mata har ƙasa ba iya karta singalinta, sai farar hula a kanta,bil haƙƙi da gaskiya take aikinta, da alama ma bata san ya shigo ba.
Ear piece ne a kunnenta, tana sauraren littafin Fulani wanda abokiyar hira ta karanata, ko kaɗan bata gajiya da sauraron littafin, bayan ta gama girkin darenta ne taga har lokacin dawowar Eshaan bai dawo ba.
Dan haka ta dawo parlo ta zauna tana kallo, tana jiran lokacin shan ruwa ya yi dan yau azumi take
Sai taga kamar saman Tv stand ɗin ya yi ƙura, sai ta shiga store ta ɗauko wata duster da take goge-goge da ita a gidan, taje ta tsaya a wajen zata goge, bisa ga mamakinta sai taga tsayinta bai kai ba, dan haka ta sauke vase ɗin dake kan coffee table ɗin parlon ta janyoshi zuwa wajen, kasan cewar ba glass bane shine ta taka shi take goge wajen.
“Miriam!”
Ya kira sunanta da ɗan ƙarfi, ganin bata ji ƙiran da ya mata da farko ba, Razana ta yi wadda ta haddasa mata zamewa daga kan coffee table ɗin, ta riga ta gama saddaƙarwa cewa ta faɗo kasa, wata ƙilama ƙashin bayanta ya karye, ko kuma ta gurɗe, gabanta banda matsanincin bugu ba abinda yake, kamar zuciyarta zata fito fili dan tsoro.
Saide kuma abinda take zaton bai faruba, jinta kamar tana yawo a iska yasa ta buɗe idonta a hankali kamar me tsoron ganin wani abu, sai ta ganta ita ba a ƙasa ba ita ba a sama ba.
Ta kai dubanta bakin ƙofa, taga Tafida ya ɗaga hannayensa duka biyu a saitin inda take, hakan ke nuna mata cewar shine ya riƙeta, kuma har yanzu abinda take ji a kunnenta na playing, hannu ta kai ta cire air piece ɗin.
A lokacin kuma tafeedah ya ƙaraso dai-dai inda take, kuma har yanzu hannayen nasa na a setin inda take, yana ƙsrasawa kusa da ita beyi wani tunanin ba ya riƙota dukanta.
Maryam ta riƙe gaban rigarsa gam, sbd abinda take ji akanta, a riƙe take a hannunsa amma ji take kamar zata faɗi, kamar bai riƙeta dai-dai ba, tana ji kamar gravity ne ke janta zuwa ƙasa, itafa bazata iya jurewa wannan kusancin nasu ba, kusan ta yi yawa.
A hankali Tafida ya sauƙe ta kan ƙafafunta, hannunsa kan waist ɗinta, ita kuma hannunta duka biyu akan gaban rigarsa, a dai-dai inda ya ɗora hannunsa yake jin abu kamar beads haka.
Sai ya yi saurin janye hannun nasa itama kuma Maryam ta ɗauke nata hannun daga jikinsa.
“Are you okay ?”
“hmmm”
Ta amsa a hankali, hannunta ɗaya ya kamo ya jata ya zaunar akan kujera, shima ya zauna a gefenta yana kallonta.
Tunani yake yanda za tayi idan ya faɗa mata abinda ke ransa, yana da tabbacin bazata so hakan ba.
Kawar da ko wani tunani ya yi, ya kai hannunsa setin inda ƙaton basket ɗin nan yake, basket ɗin ya taso ya sauƙa gabansa, yakai hannu ya ɗauka.
Sai kuma ya kafa inda-inda, yama rasa me zaice mata, to wai yace mata me ?, shifa ko a da ba budurwa gareshi ba, sau ɗaya ya tab'a yin budurwa, lokacin yana india, kuma bayan ita bai kuma ba.
Itama ɗin rai ta b'ata masa har baƙin ruhinsa ya shiga jikinsa taga abinda yake, tun daga ranar ta guje shi.
Ganin yanda yake motsi da bakinsa da kuma yanda yake inda-inda ya bawa Maryam dariya, tasan cewa yau Valentine's day, dan taga yanda yau ƴan mata da samari suke ta shagalin ranar a makaranta, kuma abun ya burgeta sosai, bata ɗauka cewa zai kawo mata ba itama.
Kunshe dariyar ta shiga yi, harda saka hannayenta ta dafe bakinta, amma dariyar sai da ta fito, tashiga kyakyakya tata kuwa kamar bazata dena ba.
Wato ni kikewa dariya ko ?, ya tambaya a zuciyarsa, a ransa yayi kwafa, sannan ya lumshe idonsa, a hankali ya buɗe, take ƙwayar ta sauya kala zuwa ja, ya ɗan buɗe bakinsa kaɗan, fiƙar nan ta sauƙo.
Wata uwar zabura Maryam ta yi zata gudu, yayi caraf ya riƙe hannunta yana fashewa da dariya, dariya yake sosai kuma har yanzu idonsa yana jan, fiƙarma bata komaba, kuma yana dariyar hannunsa riƙe da nata.
Tunda take bata tab'a ganinsa yana dariya ba, murmushi ma sai ta ƙirga sanda ta ganshi yana yi, dariyar kuwa ta masa kyau, ta ƙara bayyana kyansa na asala.
Itama kuma sai abun ya bata dariya, suka shiga yin dariyar tare Tafida harda yarfewa hannu.
Kafin ya tsaya yana kallonta, fiƙar ya maida amma ƙwayar idon tana nan a ja.
“Gashi wifey, happy Valentine's day”
Ya faɗi yana miƙa mata basket ɗin, Maryam tana murmushi tasa hannu ta karb'i kyakyawan basket ɗin, ta shiga fito da kayan ciki tana gani, nishaɗi take ji ta ko ina na ratsata.
Babu abinda yafi burgeta sai teddyn da taga a ciki, teddy bear ne pink color, taddyn ya mata kyau, ta tuna sanda ta yi ta santin wata teddyn Badar, wadda aliyu ya kawo mata.
Ga chocolates kala-kala a ciki, wasuma bata tab'a ganin kalarsu ba, abu na biyu daya ƙara burgeta shine wani farin kwali data ɗauko, tana buɗewa taga, peach cat ears head phones, taji kamar tayi fifike ta tashi sama dan daɗi, abun na burgeta tana ganin irinsa a tiktok.
wani ɗan card ta ɗauko a ƙasa, rubutun ciki ta shiga karantawa a zuci.
_'i want to thank you for always being for me whenever I needed someone to complain to, whenever I needed someone to talk to, when i was at my lowest, whenever i needed soothing words, you are always there for me despite the distance._
_if i am to gather al the words on earth, it ain't to enough to tell you how much I LOVE YOU, Thanks for choosing me as your life partner, HAPPY VALENTINE'S DAY MY LOVE_.
Maryam ta ɗago tana kallon Tafida, idanta na haskawa da tsantsar farin ciki, ta ƙara kai dubanta cikin basket ɗin, abu ɗaya ne ya rage a ciki.
wani ƙaramin akwati ne, wanda tasan cewa zobe kawai ake sakawa a ciki, amma kuma wannan yana da ɗan tsayi.
Ta ɗauka ta buɗe taga zobuna biyu, daya na maza ne daya kuma na mata ne, amma ko wanne design ɗinsa da ban yake, kuma ko tantama batayi na azurfa ne duka.
Tafeedah ya cire hular kansa yana shafa sumarsa, katin hannunta ya karb'a yana karantawa, sai kawai yayi murmushi, maryam ta nuna masa zobunan, ya yi murmushi yana karb'a, na matan ya ciro sannan yace.
“Na saka miki ?”
Ta gyaɗa masa kai, hannunsa da bai riƙe zoben ba ya kai ya kama nata sannan ya saka mata zoben, kuma kamar da aka gwada da nata, dan zoben ya zauna, maryam ta ɗaga hannun tana kallon zobunanta biyu duka na azurfa, dayan Maanmu ce ta bata, sai kuma wannan wanda yau Eshaan ya saka mata.
Tafeedah ya mika mata nasa hannun yana faɗin.
“Saka min nima, kinga mu sai yau muke engagement”
Ƴar dariya ta yi sannan ta kamo hannunsa nata hannun na rawa ta saka masa a na tsakiya, amma sak zoben ya ƙi shiga, Maryam ta haɗiye dariyarta ganin yanda zoben ya maƙale a tsakiyar hannun nasa, sai kuma ta cire shi daga na tsakiyar ta saka masa a ɗan ƙaramin ɗan yatsan nasa, sai a nan ya shiga.
Shima ɗaga hannun yayi yana dubawa, sai kuma ya ƙara meda dubansa gareta, kayan chocolate ɗin take fitarwa daga cikin jakar da aka saka su, dubansa yakai kan gefen fuskarta, kusa da kunnenta, yaga tsagu uku kamar de wanda ke kwance a gefen tasa fuskar.
“Kema kina da ƴar hadejia ?”
Maryam ta aje chocolate din data ɗauko sannan ta shafa wajen, tana faɗin
“Eh ina da ita, kowama na gidanmu yanada ita, auta ne kawai ba a masa ba, lokacin da aka haifeshi Maanmu tace baza'a masa ba, wai yanzu an dena yin zane, ya zama tsohon yayi....”
Ta ƙarashe tana dariya dan ta tuna lokacin da Maanmu ta tubure akan baza'a b'atawa autanta fuska ba.
Tafida ya gyara zamansa yana shafa doguwar sumar data fara sauko masa har wuyansa ta baya dan tayi tsayi, maganar da yake so ya faɗa yake taunawa.
Yau tana cikin farin ciki, idan ya faɗi abinda yake son faɗi to wannan farin cikin nata zai wargaje ne rugu-rugu, amma ya zeyi ?, dole ya faɗa mata tunda ya zama dole.
Kiran sallah aka ƙwalla, Maryam ta shiga kokarin tashi hannunta na dana riƙe da chocolate tana faɗin.
“An kira sallah, bari naje na sha ruwa.....”
Hannunta da Tafida ya riƙe ne yasa ta kasa gama faɗin abinda take shirin fadi, jikinta ya shiga karb'ar irin yanayin da ta saba ji a duk sanda zai tab'ata.
A hankali ya janyo hannun nata ta zauna, wannan karon kusa dashi, kusa dashi sosai, dan har suna gogar juna, wata iska ta maƙalewa maryam a maƙoshi ta juyo tana kallo jar ƙwayar idonsa da har yanzu bata koma blue ba, kasa jurewa tayi dan haka ta kawar da kan nata.
Tafida ya saki hannunta, ya dawo dashi ya riƙe fuskarta ya raba yatsunsa a tsakanin kunnuwanta,maryam ta lumshe idanuwanta ta buɗe, wai ina Fidar yara yake so ya kaita ne ?.
“Miriam”
Ya kira sunanta cikin irin muryar da ta saka jikin maryam rawa.
“Nayi magana da Mustapha, ilham zata zo ta riƙa tayaki kwana, sbd zan tafi Abuja gobe, kuma kwana biyu zanyi, zanje wani meeting na W.H.O (world health organization) da St. Nicholas suka turani na wakilce su....”.
Chocolate ɗin dake riƙe a hannun Maryam ta sub'uce ta faɗi ƙasa.
_______________
_To Miriam wallahi kiyi ta kanki, ga Heleen nan zuwa_
_wani ya faɗa min me zai faru idan Heleen tasan cewa Tafidan da take sansa ya yi aure_
_akwai matsala fa, dan kinga Fidar yaran gari zai bari, zeyi tafiya, kar muje wannan muguwar ta zo ta......kodan bari de nayi shiru_
_Ina me muku godiya masoyan asali_.
🌸-SAI KASKA CE✍️-🌸.