حبي لديرتي فاق كل المحبين وحبي لك فاق ديرتي واهلها ♥️!

البارت السادس والستون

<عند رولا وذيب في الرياض تحديدًا بيت أبو عمر >
رولا؛ أيش قال لك ؟
ذيب؛ قال البيت بيتك و خذ راحتك فيه وماله داعي الاستئذان
رولا؛ علمتك بس ما تحب تسمع كلامي
ذيب؛ وأنا ولد صقر لعنبو اللي ما يحب يسمع كلامكك
رولا؛ ذيبي بنجلس بغرفتي بروح أرتبها
ذيب؛ تمام حبيبي و أنا بروح أشتري غداء اقفلي الباب لين أجي و بتصل عليك واكلمك لين اجي
رولا؛ تمام
طلع ذيب و قفلت رولا وراه الباب و ما امداها تروح الصالة إلا وجوالها يرن وكان ذيب
رولا؛ لبيه
ذيب ؛ خليك معي لا تقفلين
رولا؛ منعيوني
ذيب؛ أموت في هالعيون اللي هزمتني
رولا كانت لابسة سماعتها وتسمع ذيب يطلب من المطعم و هي ترتب الغرفة
ذيب خلص من المطعم ؛ روحي
رولا؛ عيونها
ذيب ؛ تبين شي قبل أجي
رولا ؛ سلامتك حياتي
ذيب؛ الله يسلمك عيوني ، يلا قربت أنا خليك بالصالة عشان تسمعين الباب و تفتحين بس لا تفتحين لين أتصل عليك
رولا؛ ليه
ذيب؛ أخاف يطلع احد غيري
رولا ؛ خلاص أنا بالغرفة اول ماتجي اتصل علي و بنزل لك
ذيب ؛ تمام
قفلت رولا بعد ماخلصت من ترتيب الغرفة و راحت تطلع ملابسها بتاخد لها شور سريع
رولا ؛ الحين باقي مطول على بال ما اخذ شور سريع هو يوصل
راحت رولا و كانت تتروش و ذيب يتصل على جوالها وجوالها بالغرفة وهي ماتسمعه وذيب خااف وكان يدق الباب بقوه و يتصل على الجوال مكالمة ورا مكالمة ورولا ماتدري عنه
لين ماطلعت وكان جوالها يرن وانصدمت من كثر المكالمات وهي ناسيه ذيب
رولا؛ ياويلي نسيتهههه رحت فيها أيش اقول له الحين
راحت تركض تحت تفتح له الباب وكان ذيب وجهه معرق ومحمّر
ذيب بعصبية ؛ ويننننننكككك انتتتتتِ ها الوقتتت كلهههه؟؟؟؟؟
رولا يخوف ؛ ذيب والله كنت بالحمام {يكرم القارئ} احسبك مطول
ذيب؛ أدخليييي بسرعه لا أشوفككك
رولا ؛ ذيب شفيك والله ماعرف إنك قريب مره
ذيب طنشها ودخل الصالة حط الأكل على الطاولة و سند راسه وهو يستغفر
كانت دموعها بعيونها من صراخ ذيب عليها وما سمع لها قفلت الباب وشافته بالصالة طلعت على طول الغرفة
ذيب شافها وهي طالعة وعرف إنها زعلت بس هو كان معصب وإذا عصب مايشوف قدامه ، راح وحضر الغداء وطلع فوق عند رولا وقف عند الباب لمَ سمع صوت شهقاتها وشد على قبضة يده بقهر و همس ؛ الله ياخذني يومني بكيتك
فتح الباب وفزت رولا تمسح دموعها وتصد عنه ، قرب منَّها ذيب و جلس على طرف السرير وهو يمسك يدها
ذيب؛ لو أعتذر لك بطريقتي بتقبلين عذري؟
رولا كانت سافهتهه تمامًا
ذيب سكت وتنّهد و قرب منَّها و قال بصوت هادئ ؛

"مايهون على قلبي زعلِك يابعد هالرُوح
‏وإن زعلتك أعذرني وتأكد إني ما اقصد"

ذيب؛ جيتك وأنا كلّي ضيق من صراخي عليك بس يارولاي خفت عليك و أحسب جاك شي والله ماودي أزعلك
رولا من بين دموعها ؛ طيب ذيب قلت لك ماكنت عند الجوال ليه تصارخ اكثر
ذيب؛ ياروح ذيب كنت معصب وربي أسف لو ترضيك كلمة أسف لا اتأسف لك من اليوم لين ينتهي حبّك بقلبي ، قومي الغداء
رولا؛ ماودي
ذيب؛ بتقومين
رولا؛ مابي أكلت
ذيب؛ ما تبين تاكلين معي؟ ماودك نتشارك أكلنا سوا؟
رولا سكتت وهي مقهوره منه كان ودها تلبس بجامتها القصيره و تحط له الاكل هي بس هو خرب عليها
ذيب مسك يدّها و قرب منها وباس راسها ؛ يلا يا حبيبي الحقيني انتظرك تحت
طلع ذيب و طلعت رولا وراه وجلسوا يتغدون
-
< في بيت أبو خالد عند الحريم >
أم خالد ؛ أرحبي يا بنتي أرحبي
غدير ؛ البقى ياعمتي
دخلت غدير و كانت تشوف مجلس الحريم مرتب وكان لها سرير عليه مفرش نفاس لها و سرير النونو عليه أسم " صقر"
أسيل ؛ واووو ماعرفتك يا خالددد
ترف ؛ ماشفتيه بيشيل السوق كله لو أن ابوي ما هجده كان مابقى شي
تسنيم ؛ تستاهل غدير الخالد تستاهل
بتول؛ تذكرتتت رولاااا
العنود؛ لا تتذكريها نسيتنا ماكأن معها بنات عم وعمة هنا هالذيب ماسوا خير
لينا؛ أسكتي حتى حنا خواتها جحدتنا قلت لها إذا وصلتي عطيني خبر و هم من الظهر واصلين وما علمني إلا عمر وهي ما اتصلت
غدير؛ خلوها تستمتع بشهر العسل اشغلتوها أنتم
ترف؛ بنات شرايكم أتصل على ذيب
أسيل؛ تممممم
ترف؛ اصبروا بروح أجيب جوال أمي و بجي
راحت ترف تجيب جوال أمها و تجي تتصل على ذيب وكان يرن وبعد دقايق رد ذيب
ذيب؛ ارحبّي يا يمه
ترف؛ البقى يا الذيب
ذيب؛ يا هلاااا با تروفه
ترف؛ الحمدلله طلعت تذكر إن معك أخت أسمها ترف و بعد الجاحده اللي عندك باقي تذكر ولا خلاص
ذيب؛ معليش بس حنا الحين مانبي نذكر احد خلاص لا خلصنا جينا وذكرناكم
تسنيم ؛ جاحدنا بقوه عين بعد يعني
ترف ؛ لا يا حبيبتي هو رولا أخذت عقله و هو أخذ عقلها لازم يرجعون ونرجع اعداداتهم
ذيب يحسب إنه قفل من عند ترف و جت رولا عنده كان جالس بالصالة يتفرج جت رولا و بيدها فشار و لابسه بجامتها الشبه عارية بمَ إنهم وحدهم
رولا؛ جيتتت
ذيب؛ جعل محد يجي غيرك
البنات كانوا يسمعون بصدمة و يحسبون ذيب متعمد يخليهم يسمعون
ترف بهمس؛ بنات أقفل ولا
بتول بهمس ؛ لا تكفيننن خلينا نسمع لا تقفلين
رولا وهي حاطه راسها على كتفه و تاكل فشار؛ حبيبي ودي نروح نطلع نغير جو طفشت
ذيب؛ وين ودك والله مايبقى بخاطرك شي و أنا موجود
رولا؛ أحبككك ذيبييي
ذيب ؛ وأنااا أعشقك ياعيون ذيبككك
قفلت ترف بسرعة ؛ يا بنات جاني جفاف عاطفي
أسيل ؛ يا زوجي أطلع طلعت روحك
غدير ؛ يا ملاقيف لو يدري ذيب كان دفنكم ورولا معه
لينا ؛ لا يا حبيبتي ذيب مارح يدفننا بيعجبه ذيب
سكتوا البنات لمَ قطع كلامهم دخول حريم الديرة عليهم
غدير بهمس؛ تسنيم ولينا خلوكم معي لا تروحون
ترف غمزت لا أسيل والعنود و بتول و فهموها البنات و طلعوا
ترف؛ يسون تسجيل دخول على طول ماشاء الله
بتول ؛ بنات خلونا نروح بيتنا الحين بيجون الحريم خلونا نروح هناك
أم نايف ؛ يا بنات خلاص كبرتم علامكم هاربين تعالوا ساعدونا بالقهوة والشاهي
أسيل؛ لا والله يا يمه الله يعينكم حنا رايحين ماني ناقصة هرج حريم الديرة
طلعوا البنات متوجهين بيت أبو عمر
...........................تسريع للأحداااث ........................
~ بعد مرور ثلاث سنوات وونص بدون أحداث مهمة ~
< في بيت فارس وترف >
فارس ؛ يا ترف أهجدي خلينا نخلص بسرعة
ترف ؛ أسكت أنت ماتعرف شي الحين أخلص أنا
فارس ؛ ماعليه ياروح أبوك ربي بلاني بزوجة وبلاك با أم الله يعين عليها
ترف ؛ مو عاجبتك؟
فارس ؛ مين قال الحين اخلصي الناس كلها راحت وحنا هنا
ترف ؛ تعال سوا بدالي تعال ياولد شغل حريم أنا ادرى فيه
كملت ترف تسوي صينية الحلا و فارس يبدل ملابس علاوي ولدهم { علاوي عمره سنة ونص }
فارس لف على جواله وهو يشوف عمر يتصل فيه
فارس ؛ اهلين
عمر ؛ فارس بالله تخترع الذرة يعني متى ودك تطلع
فارس ؛ أيش أسوي طيب هذي من العصر تسوي حلا مدري أيش ها الحلا معها
عمر ؛ عجل يا فارس مابقى غيرك أنت والفاحس الثاني زياد
فارس ؛ الله يعين ما اخذنا الا اهبل البنات
ترف ؛ أحترم نفسك أنت أشوفك تغلط كثير اليوم
فارس رفع نظره وهو يشوفها كاشخة ماكنّها قبل شوي تصارخ بالمطبخ و لافه روبها على خصرها
فارس ؛ عمر يلا شويات وحنا عندكم
قفل فارس وهو يناظر ترف ؛ يالبييههه وش ها الزين يا أم علاوي
ترف ؛ يلا لا نتأخر يلا
فارس ؛ يعني من أول تتأخرين والحين تقولين لا نتأخر عشاني أبيك
ترف تلبس نقابها ؛ فارسي يلا شيل علاوي واسبقني ياخذ القهوة والحلا و أجي
فارس؛ الله يعين عليك بس مارح اخليك صديقني
و طلع فارس ومعه علاوي وشنطته و طلعت وراهم ترف وبيدها صينية الحلا و القهوة
-
< عند أسيل وزياد >
أسيل؛ زيااادددددد
زياد ؛ هااا هاااا
أسيل ؛ تعال ساعدنيي مامنك فايدة أنت بسرعة باقي ماتجهزت
زياد ؛ ياليل مو لازم تسوين شي روحي تجهزي
أسيل؛ بتجلطني أنت بسرعة شغل لي الفرن بحطها و أنتبه له وبروح أتجهز أنا
زياد ؛ طيب طيب
شغل زياد الفرن وحط صينية البطاطس بالفرن وأسيل راحت تتجهز
أسيل؛ ياربي أيش البس الحينن
كانت تطالع بالدولاب ماتدري أيش تلبس و أخيرًا طلعت فستان بُني و عليه جاكيت ابيض وجلست تحط ميكب خفيف وفجأة تشم ريحة حريق
أسيل ؛ لا باارككك الله بشيطانك يا زياددد حرقتهااا
راحت تشوف وشافت الصينية محترقة و المطبخ مغطيه الدخان
جاء زياد وهو نسي الصينية ؛ شفيها حرقت ذي بسرعة
أسيل ؛ أسكتتتتت لا أكسرها على راسك الحين طلقنيي بسرعة طلقنيي
زياد ؛ شدعوههه أطلق عشان صينية محترقة الحين أشتري وحدة اطلق منها بمليون مره
أسيل؛ إييههه تقصد ما أعرف أنا أسوي شي صح ماعرف أعترف
زياد؛ يا بنت الحلال أطلعي مابقى غيرنا أطلعي وبعدين مين قال ما تعرفين لا بالله تعرفين واطلق من يطبخ بس اطلعي
أسيل  راحت تلبس عبايتها وطلع زياد السيارة وهي طلعت وراه
-
< عند خالد وغدير >
غدير؛ صقرررر قم يلااا بابا جاي قريب البس نعالك { يكرم القارئ}
صقر ؛ يا يمه بجلس هنا عند سعد
غدير ؛ قم يا صقر الحين قبل يجي ابوك سعد رايح معنا
صقر؛ لا هو يقول بيقول لا عمة بتول بيجلس
غدير؛ والنهاية معك يعني قم بسرعههه بروح أجهز أخوك سلطان ياويلك لو يجي أبوك و أنت باقي
سلطان بتلعثم ؛ ما.ما
غدير ؛ عيون ماما يلا تعال اجهزك
راح سلطان عند غدير و كانت تجهزه وهو يضحك ويلعب مع أخته فجر
صقر؛ يمه أنتِ تحبين سلطان وفجر أكثر مني
غدير ؛ مين قال يا ماما أنا أحبكم كلكم سوا كلكم أحبكم
صقر؛ لا ماما أنا تخاصمني بس فجر و سلطان لا ماتسوين لهم شي
غدير راحت عنده ؛ حبيبي صقوري هم باقي صغار وأنت كبير وأنا أعلمك بس عشان بعدين تكون رجاااللل
سمعت غدير صوت خالد و أبتسمت بهدوء ؛ شوف بابا جاء
خالد؛ ياولد
صقر ؛ لبيه يا يبه
خالد ؛ جاهز يا يبه
صقر ؛ إيه جاهز أنا و بعد فجر و سلطان جاهزين
خالد؛ وماما جاهزة ولا باقي
صقر ؛ كلنا جاهزين من اول ننتظرك
خالد؛ وأنا جيتكم الحين
راح خالد عند غدير غرفتهم وكان يشوف فجر جالسة تلعب على الكرسي وغدير تلبسها
فجر شافت خالد و كانت تضحك وتحاول تقوم تروح عنده
خالد؛ ياعين أبوك أنتِ تعالي يا روحه
شالها خالد وهو يبوسها وهي تناظر فيه وتضحك
غدير ؛ والله وراح زماني اخذتي مكاني يا بنت خالد
خالد سحب غدير له ؛ ما ياخذ مكانك أحد أنتِ حبيبة هالروح و هي قطعة منها
غدير ؛ يلا حياتي لا نتأخر
غدير حب راس غدير و حب راس فجر و راس سلطان وصقر عشان مايزعلون ويغارون من أختهم
-
< في بيت رولا وذيب >
ذيب ؛ حبيبي باقي شي ينقصك
رولا وهي ماسكة ظهرها بألم؛ لا الحمدلله خلصت كل شي بس ظهري مرههه يعورني
ذيب؛ تهون يا حياتي تهون كلها شهرين وتجي حبيبة أبوها
رولا ؛ ذيب خايفه
ذيب؛ وليه خايفة و أنا معك لا تخافين ياروح ذيبك يلا قومي تجهزي الكل على وصول يلا
رولا؛ إيه يلا بس روح أنت جيب الأغراض اللي قلت لك عليها
ذيب ؛ منعيوني أنتبهي لنفسك لين أجي
راح ذيب وقامت رولا تتجهز على بال مايوصل ذيب وهي خلاص جهزت كل شي بس باقي يجون
وبعد دقايق جاء ذيب ودخل عليها الغرفة وهي تتجهز وتحاول ترسم الايلاينر وهو عيا يضبط لها
رولا؛ ذيببب عيا يضبط ليييي أيش أسووييي به
ذيب؛ لا تسوينه يازينك بدونه
رولا؛ اييه بخليه طفشت منه
لفت رولا على ذيب؛ ذيبي طلع لي فستاني الوردي من الدولاب
ذيب طلعه لها واخذته رولا وراحت تلبس وطلعت واخذت اكسسواراتها و كان ذيب يساعدها وبعد ما خلصت لفت عليه ؛ ذيب كيف حلو ولا؟
ذيب ناظر فيها ووقف وقرّب منها وباس عنقها وقال؛

‏"المستحيل .. اني اتناسـاك واخونك
‏تبقى الوحيد الي من عد الغلا ناهل

‏وإذا تبيني أطيح ؟ أطيح لـ : عيونك
‏أطيح .. وعيونك الثنتين تسـتاهل"

رولا؛ عمررييي ذيبييي احبكككك
ذيب؛ و أنا أعشقك و أموت فيك ومنك ولك
قطع كلامهم صوت الجرس ؛ رولا أنا بروح مجلس الرجال و أنتِ انزلي افتحي لهم الباب
راح ذيب فتح الباب وشاف عمر و تسنيم و معهم لينا وعزيز
ذيب؛ يا مرحبااااا ارحبوا
عمر ؛ البقى يا الذيب
عزيز ؛ تبقى
عمر ؛ ذيب وين مجلس الحريم؟
ذيب ؛ من هناك روحوا رولا تنتظركم
عمر ؛ أنا بروح عند أختي اسبقوني وانا الحقكم
ذيب راح يسلم على على تسنيم وبنتها حلا و يتطمن عليها
ذيب وبيده حلا ؛ تسنيم عمليني عمر مسوي لك شي منا ولا منا
{ حلا عمرها سنة ونص تمشي وتتكلم شوي شوي}
ذيب؛ حبيبة خالها جات
تسنيم ؛ غريبة ما استنكرت عاتدهها تبكي من الكل
ذيب؛ إيه حبيبة خالها كيف تبكي منه ، انا بس ابي اشوف ولد ترف هذا مثلها ولا عاقل
تسنيم ؛ لا جاء اكبر من عنادها و هبالها
ذيب؛ عزالله كدينا خير ، تسنيم انا بروح عند العيال ادخلي من هناك عند رولا
تسنيم شالت حلا ؛ تمام يلا فمان الله
ذيب؛ فمان الله
راح ذيب عند العيال مجلس الرجال وراحت تسنيم عند البنات مجلس الحريم
- عند الحريم-
رولا ؛ يامرحباااا ارحبوااا
لينا ؛ حبيبتي اشتقتتتت لكككك
رولا؛ و أنا أكثر حياتتيي ، وين تسنيم ؟
لينا ؛ جايه بس كانت عند ذيب اتوقع تسلم عليه
رولا؛ تمام
جت تسنيم ودخلت عندهم وسلمت عليها رولا وشالت حلا منها وجلسوا يسولفون لين ماقطع كلامهم دخول ترف و أسيل ومعهم بتول و العنود
رولا وقفت وهي تعبانة من الحمل ؛ يا هلا ياهلا تفضلوا
ترف ؛ يا هلا فيك بس شوي نتفاهم انا و علاوي ونجيك
ضحكت رولا عليها و راحت تسلم على بتول و العنود و أسيل
أسيل؛ رولاييي ليه وجهك كذااااا
رولا ؛ شوفة عينك شوهني هالحمللل و كسرني
العنود؛ تهون ياحبيبتي كلها شهر وتولدين
رولا ؛. تكفيننن لا تذكرننييي
بتول ؛ اسكتي أنا عندي ريان طلع عيوني طالع على ابوههه وبعد يروح مع سعد ولد خالد
العنود؛ باقي غدير ماجت ؟
رولا ؛ لا والله بس يمكن الحين تجي
جت ترف وشافتهم كلهم بالمجلس يسولفون و حلا و ريان و أصيل و غيث يلعبون بالصالة تركت علاوي معهم ودخلت المجلس
ترف ؛ كيفكممم واخباركم
رولا:؛ يا هلا ارحبّي
ترف ؛ البقى يا بنت انا مو قد الزواج رجعوننيييي عزباء
لينا؛ أفا عليك أخوي مايقصر وجاب لك ولد يازينه
ترف؛ والله لو ماتسكتين لا أحط حرتي من أخوك فيك ما أهبل من أخوك الا ولده
رولا؛ بس اكيد طالع على أمه يعني
ترف: ياختي اتعبني الله يهديه مابقى صحن بالمطبخ الا وهو مكسور صرت اشتري بس بلاستيك عشان ولد اخوك مايكسر
العنود؛ والله بسم الله على ولدي أصيل يازينه هادي ومايسوي شي غير أنه بس يبكي ومايدافع عن نفسه
أسيل؛ اللهم لا شماته انتم بس تزوجتم على طولل كلكم تحملون مافيه بريكات
تسنيم؛ أهجدي أنتِ توك مالك شهرين نشوفك بعدين عاد ولدكم أنتم حالة خاصة ولدكم بيطلع
العنود ؛ بتول حياتي شفيك ساكته اشكي والله وجاء اليوم اللي نشكي فيه من عيالنا سقا الله يوم كانوا اهلنا يشكون منا
بتول؛ والله عاد انتم عارفين خبال حمد لو هجد غيث ايش يهجد حمد
رولا؛ بنات تتوقعون معي بنت ولا ولد
ترف؛ أحس بنتتت لأنك مثل وضع تسنيم
تسنيم؛ يارب تجيبين بنت تنظم لا شلة فجر و حلا مساكين لحالهم بين ست أولاد
رولا؛ أحس ذيب وده ولد
لينا؛ يابنتي ذيب يبيك انتِ مايبي لا ولد ولا بنت وبعدين كلهم سوا
أسيل؛ لينا حياتي حنا مانتكلم معهم ذولا خلينا رايقين شوي عنهم
قطع كلامهم دخول غدير و فجر وسعد
رولا كانت بتقوم بس جلستها غدير؛ اجلسي يابنت بجيك أنا
راحت غدير تسلم عليها  ؛ كيفك رولاي لك وحشهه تكفون تعالوا الديرة اشتقنا لكم كلنا هناك مافيه الا انتم
رولا؛ ودي وربي بس شغل ذيب ووضعي الحين مايسمح مره ثانية نجي حنا وطفلنا
غدير: الله يعينك ياروحي وماعليه تهون إن شاء الله
رولا؛ إن شاء الله ، عطيني فجور ماقد شفتها
غدير مدت لها فجر ( عمرها اربع شهور)
مسكت رولا وكانت تلعبها والبنات يسولفون وكل وحدة تضحك على وضع الثانية و شوي ويقومون يفكون بين عيالهم و الوضع حوسه بس كان يوم جميلللل
-
< عند الرجال في مجلس الرجال >
عمر؛ يالله حيّه ياولد علامك اختفيت معاد لك حس بالديرة
عزيز؛ يا عمر نسى يوم كان يقول انا مارح اطلع منها طلع هو وحنا جلسنا صدق ان الكلام سهل
ذيب؛ دوامي ووضع المرّه و لا أنا ودي الحين أحرك للديرة أخر مره جيتها عزاء جدي
عزيز؛ لك سنتين ماقد جيت
ذيب؛ حكم الله
قطع كلامهم دخول حمد و خالد و زياد و نايف وفارس وفراس
ذيب وقف؛ ارحبوووووو تو مانور بيتي
خالد؛ البقى يا الذيب تبقى
حمد حضن ذيب بقووووههه؛ اشتقت لك ياكلب اختفيت
زياد؛ مسوّي فيها يتغلى حتى زواجي ماحضر
ذيب؛ حقك علي والله بس ظروف الدنيا يا زياد و أبشر بالعوض بعرس ولدك
نايف؛ إييهه ايش الأخبار كيفكم ووين الناس عنّا
ذيب؛ موجودين ، فارس كيف الأخبار
فارس؛ طيب علومك أنت عساك طيب
ذيب؛ بخير الحمدلله على هالدنيا والله ان اسعد ايامي قربكم وشوفتكم
فراس؛تصدق عاد اشتقت لقصيدك مره لك وحشهه بالديرة ، حتى خيلك سحبت عليه
ذيب؛ وأنا ولد صقر لعنبو إللي يسحب ياشيخ جايكم بس أحصل أجازه أجي انا وخيل بنتي ولا ولدي معي
حمد ؛ ذيب حالف يخلي العائلة كلها خياله حبيبي فاهم الموضوع غلط
ذيب؛ أسكت أنت أيش عرفك بالفروسية
فراس؛ حركات كلكم متزوجين مافيه إلى أنا عزابي
ذيب؛ على طاري الزواج وين عيالكم أبي أشوفهم
فارس؛ بالله تكفى فكني من علاوي ماني رايق له الحين يغثني
ذيب؛ بالله جيبه ولد الملسونة بشوفه طالع على خاله ولا أمه
فراس؛ ولد الملسونه طلع  عيوننا مايستحي
ضحك ذيب عليهم و طلع جواله من جيبه يرسل لا رولا تجهز الحلا
وقام يصب لهم القهوه وحمد يساعده وبعد ماخلص شاف رسالة رولا ؛ هلا حبيبي
ذيب؛ قلبي جهزي الحلا بجي له من الباب الخلفي للمطبخ
رولا؛ تمام يلا انتضرك
قفل جواله وراح يجيب الحلا و هو يشوف صقر يجيب العيال ؛ ياصقر مين قال لك جيبهم
صقر ؛ عمة ترف تقول بابا يبيهم
ذيب؛ بابا قال يبيهم كلهم
صقر ؛ إيه هي تقول
ذيب؛ خلاص يلا رح ودهم و أنا شوي وجاي
صقر ؛ طيب
راح ذيب المطبخ و صقر كان يسحب بالعيال لين غصب وصلهم
دخل ذيب المطبخ وكان يشوف كمية التعب اللي بوجهها و هي تقسم الحلا بالصحون قرب منها وتحسس بطنها بيده ؛ أسف يروحي تعبتك فوق تعبك
رولا؛ ليه ياعيوني بالعكس انبسطت مرههه  ومابه تعب البنات ماخلوني اشيل شي والحين تسبحت غصب ماحد شافني
ذيب؛ نادي ترف ولا تسنيم يساعدوك ولا هاتي أنا اسويه وأنتٍ أجلس على الكرسي
رولا؛ ليه خلاص خلصت
باس خدّها ذيب و كان على دخول ترف
ترف؛ ياللي ماتستحي ماتبت أنت يعني ماتبت
ذيب؛ لا اله إلا الله أنتِ اللي ماتعقلين انا وزوجتي أنتِ أيش دخلك
ترف؛ خلاص بجيكم طفل استحوا تعلموا تثقلون
رولا بتزيد غثاء ترف قربت من ذيب وحضنته ؛ حبيبي طيب أبو طفلي خليه يسوي اللي يبيه
ذيب ذاااببب وجلس ثواني فاهي في رولا ؛ يابنت ودك تجنني انتِ يعني
ترف؛ الله يقلع اللي يجي عند ناس عاطفين بزيادة تاركين الضيوف وجالسين يتغزلون بالمطبخ
ذيب؛ وانتم ضيوف انتم خوات رولا وهذولاك اخواني يعني كلنا اهل ، بعدين يالضيفة جيتي سلمتي علي ولا بس داخله بشرك
استوعبت ترف وراحت تسلم عليه وصفقته وهو ردها لها
رولا؛ ذيبب شيله وروح يلا تأخرت عليهم
ذيب؛ منعيوني
رولا؛ أحبهااا
ذيب؛ وهي تموت فيكك
ترف؛ ياولد تقلع روح
ذيب؛ ياليل ذي باقي هنا داخله عرض
راح ذيب و جاء و المجلس مقلوب فوق تحت وهو يشوف الاطفال يلعبون وازعاج وقروشة
ذيب؛ انا في وجهه الله هذولا أيش يسون
حمد؛ أبد هذولا عيال أخوانك شفهم ما شاءالله عليهم
ذيب كان يطالع وانصدم لمَ ماحس الى ومخدة طايره على وجهه
ذيب؛ ابككك مين ذااا
علاوي؛ أنااا أيش بتسوي
ذيب؛ أنت ولد مينننن لسانك هالطوللل
فارس؛ ما نعرفه ما نعرفه
علاوي؛ ولد فارس سعود وولد ترف صقر
ذيب؛ وين بتروح قلتها ولد فارس وولد ترف يعني اهبل اثنين وجابوا واحد يهرب قبيلة
ريان ؛ علاوي تراه بيجيه نونو يعني يدلعك الحين بعدين يدلع ولده ولا بنته
حمد؛ ذيبب قم افزع لولدك لزوجتك الحين يروحون  يطلعونه
ذيب؛ أعقبببب
فارس؛ والله علمناك وبكيفك عاد تبي ولدك لا تقهرهم فيه الحين
سكت ذيب بصدمة وهو مصدوم من عيالهم و ما انتبه الى و أصيل جاي عنده وجلس بحضنه
نايف؛ أصيل بابا تعال هنا
أصيل بهدوء ؛ بابا أبي عند عمو ذيب عمة رولا تقول روح عنده
ذيب؛ بسم الله عليك ولد مين أنت والله أن العقل زينة
أصيل؛ ولد بابا نايف
ذيب؛ والنعمممم
نايف؛ ماعليك زود
صقر؛ عمو ذيب ليش تحبه اكثر مننا
ذيب تورط؛ لا يا عمو أنا أحبكم كلكم كلكم
ريان؛ كذاب تحب ولدك أكثر مننا
ذيب؛ لا احبك أنت أكثر واحد بعد
حمد؛ تسلك لا ولدي يعني عيني عينك
ذيب؛ اسكت أنت انا جالس أحافظ على مستقبل ولدي وسلامته
قطع كلام ذيب صوت جواله وشاف الأســـم وابتسم لمَ شاف{ وليفة قلبي}
رد ذيب؛ عيونه
رولا؛ يلا تعال حطينا عشاء الرجال
ذيب ؛ منعيوني يلا جاين
رولا ؛ يلا
قفلت و راح ذيب يقوم العيال على العشاء وكانو العيال يتعشون وبنفس الوقت البنات يتعشون وبعد ماخلصوا بدوا واحد واحد يطلعون ويروحون لين ما كلهم خلاص روحوا
رولا؛ اههه خلاص بمموووتتت
ذيب؛ بسم الله عليك ياروح ذيبك أنا
رولا؛ ذيب مو قادرة أتحمل الغثيان كل ماله يزيد
ذيب؛ اخذتي علاجك طيب
رولا؛ مالحقت
ذيب؛ عشان كذا قايل لك لا تنسينه بروح الحين اجيبه واجيك
راح ذيب يجيب علاج رولا
رولا كانت تشوف كيف البنات نظفوا البيت وماطلعوا الى وكل شي مرتب ونظيف عشان رولا ماتتعب
بشيء جاء ذيب وشربها العلاج
ذيب؛ بسم الله عليك يابوي أنتِ جعلني فداك
رولا؛ ذيب جيب لي بجامتي احس خلاص انكتمت من هالفستان شوي ضيق
ذيب؛ منعيوني
راح ذيب وجاب بجامتها وراحت الحمام { يكرم القارئ }
وبدلت وبعدها طلعت وراحت غرفة نومهم وانسدحت على السرير بتعب بحضن ذيب و هو يلعب بشعرها ويقراء عليها وهو خايف
رولا من قوة التعب غفت ونامت و ذيب لحفها وقام بدل ملابسه و طفى النور وانسدح ينام و أنتهت أجمل ليلة بالنسبة للكل

انتهى البارت يا حلوينن