هلوو اني اسمي بتول و عمري 16 من العراق تحديداً بغداد و ميسان و هاي اول روايه الي اتمنى الدعم منكم و بسس خليكم ويه الروايه(ملاحظه:الروايه تحجي عن لاعبين المنتخب بس كوميديه).
.
.
.
.
.
.
.
.
.
.
.
تعريف عن الابطال:
.
زيدان:لطيفف ينكرط و كلههَ تحبه عمره 21
يوسف:كراش البنات بس مشكلته ابو نسوان عمره 21
حودي:هذا دره مال الله احبه اموت عليه عمره 20
ايمن:متواضعع بشكللل يصحوله ابو طبر عمره 27
ابراهيم:عصبيييي و نص البنات يحبنه اذا مو كلهن عمره 24
(باقي اللاعبين تتعرفون عليهم بعدين لأن تعبت من التعريف)
الصبح اليوم الاول ببيت المنتخب:
كعد ايمن الصبح ساعه 7:30 و سبح و كعد الجماعه بغرفه زيزو(زيدان)
ايمن:ولك زيزووووو اكعد الساعه 7:30 ورانه تدريبب اكعد ولكك
زيزو:ايي هسه اوكف بس خمس دقايق
ايمن:ولك شنيي اكعددد تره يجينا بابا كاساس(مدري ليش كتبت بابا كاساس فَ غلسو) يريدنه بالملعببب
زيزو:هاا اي اي كمت و رجع تغطى بالبطانيه و نام
ايمن:لا حوللل تمام راح اصيح بابا كاساس
زيزو و هوه يطفر من الفراش:لاااا بشرفكك لا تصيحه كمتت
ايمن:شلون ناس ما تجي الا بالعين الحمره يلا اسبح و بدل و تعال تزقنب
زيزو:تمام بس اطلع من الغرفه
طلع ايمن من الغرفه و بقى زيزو يطلع ملابس التدريب و دخل سبح وره 6 دقايق طلع من الحمام و نزل يتريك
زيزو:صباح الخير شباب
الجماعه:صباح النور
امير:هوه الي يشوف وجهك يشوف خير؟
(ملاحظه:زيزو و امير متعاركين)
زيزو:دروحح قابل حجيت وياك على الاقل كول صباح النور جنك قنينه غاز
امير:يلا عمييي صباح النور هسه ارتاحيتت؟
كاساس:يلا كافيي كدامكم نعمه احترموههَ و بدون مشاكل ورانه تدريب و عقاب الكم راح تدربون وقت اضافي.
خلص كلامه و هوه يأشر على امير و زيدان
كملو اكل و راحو للملعب يتدربون بعد فتره خلصو تدريب بس زيدان و امير بعدم بسبب الوقت الاضافي الي انطاه الهم كاساس عقاب يوسف:اكلك بابا كاساس خطيه امير و زيزو خليهم يدخلون مو راح تمطر هيج يتمرضون خطييه
كاساس:لا خليهم هيج حتى يتعلمون ما يتعركون بالاكل ويلا وخر مني اريد انام شوي و كعدوني
الجماعه:تمام
بعد فتره دخلو امير و زيزو للبيت و واضح عليهم التعب و ملابسهم مبلله بسبب المطر
راحو كل واحد لغرفته و سبحو و غيرو ملابسهم و نزلو ياكلون كملو اكل و كعدو يباوعون على فلم رعب و ياكلون حلويات
و....يتبع
انتهى البارت الاولل اشوفكم بالبارت الثانيي بايي💋💋