قراءة ممتعةة
ما دامتلي فرحه ولا دمعتي تروح
مدري شعنده وڪتي وياي متعاند
صرت حتى من انام احلامي مو حلوات
لو مڪتول افز لو ڪاتل وشارد .
............................
علي : بعد ما انتقلنا لبيت عمي المنطقة كانت شعبية
عمر : نروح لزيارة
علي:الكاظمية ؟
عمر:لا كربلاء صار هواي ما رايحين
علي : عادي بس خليها للجمعة
عمر :ازدحام
علي:هيَ كربلاء دوم ازدحام
طلعنا ثاني ندور شغل ومالكينا عمر ترك ذاك الشغل لان بعيد صار ملينا واحنه ندور بالاخير اشتغلت انُ ابيع مي ! وعمر خليتة يشتغل بمحل مال ورد
بيوم من الايام صادف يوم أربعاء من اوكف بالشارع أنا بس عيوني طالعة واللبس شفقة
بـ ازدحامات بغداد صاحني واحد ! من صوتة عرفتة
ابو فهد :يولد بوية ابو الماي
التفت اله اي هوَ والله هوَ بس شنو متغير كُلش هواي أشرتلة كلي تعال بدون ما احجي
ابو فهد :انطيني اربعة بعد عمك
اجت عيني على المراة الكاعدة بالسدر امي ! بدون ما احجي أنطيتة الماي كوة وكفت على حيلي شكد مشتاق لامي بس اكو شي منعني انُ احجي وياها او اخليها تعرفني وهيَ ضلت عينها عليه
انطاني الفين رجعت اله الف ومشيت بدربي بدون اييي كلمة شجابهم لبغداد !
امي متغيرة وتعبانة رجعت باوعت عليهم مشى السير وطلعت سيارتهم
ليش هيج سويت بيه وخليتني أتحسر على امي وعلى اخوتي
رجعت وانا فكرة تجيني وفكرة ترجعني، عرفتني ؟ بعدهي تذكرني ؟ صار سنة أنا مو يمها ! بعدهي مثل مادكول كبل يمه إذا تطلع البيت احسة اسود بلياك والله يايمه مشتاقلج!
وصلت للبيت اول ما دخلت صار بوجهي عمر وجهة كله دم ذبيت الي بيدي وركضتلة
علي:عمر شبيك
عمر :مابيه شي
علي:تضحك عليه شنو شبيَ وجهك ويامن متعارك شني هذا الدم
عمر :ويَ ابو المحل
علي:عليمن اليوم اشتغلت
عمر:كلب نذل مابيَ حظ
علي:غير افتهم شسولك
عمر : ماعنده أسلوب وكلمة مني وكلمة منه فلشت المحل على راسة وداروا عليه وماكدرتلهم
علي:افااا وانا اخوك تعال ارتاح واطيحلك حظة هوَ واليطلع ورا
دخل لجوا غسل وجهة وبدل ملابسة كعدنا وجان كلش ضايج فتحت الثلاجة مابيه حيل اطبخ طلعت جبت غداء واجيت
عمر :انتَ اليوم من وكت رجعت شعجب
علي:تعبت ورجعت
خلصنا غداء وهوَ راح نام ثاني يوم كتلة لا تطلع ضل بالبيت بهذا الوكت انا كنت ناجح للخامس بس انا كنت ضخم جسمي اكبر من عمري ضخم وطويل اضخم واطول من عمر
ماعرفت شسوي بالضبط وصلت للمحل سلمت رد السلام سئلته على عمر كال
صاحب المحل:ماعنده أسلوب أبدًا
علي:افتهمت ماعندة أسلوب غير افهم شسوا
صاحب المحل: تريد الصدك من البداية ما هضمتة وردت اطردة وطلعت منة ومو مني
علي:وانتَ صاير زلمة براسة تضربة انتَ وياك بعد مدري شكد
صاحب المحل :انتَ هم جاي تعارك
علي :لا انا ما اتعارك انا اللعب سكتاوي وبعدين اعارك والايام جاية يا صاحب الورد الاحمر
شلت وردة شمرتها بوجهة وطلعت احب المشاكل مو بيدي افتريت بالشوارع ورجعت للبيت
عمر :اليوم بليل نطلع لو باجرالصبح
علي:دكول الله يساعدك
عمر :انجب شوكت نطلع مشتاق للأئمة
علي:اليوم بليل
هذا الحجي بـ10الصبح يايابه من الـ10 الصبح لليل هوَ يلح يلا ويلا
علي:يابه وزغنبوت الكص بلاعيمك لااا تلححح
بليل طلعنا لكربلاء نص الطريق اتصل علية رقم غريب
جاوبتة كان صوت مراة
علي:منو ؟
المراة :اريد عمر
علي:ومنو حضرتج
المراة :اني امة ! عرفنا انتَ صديقه وهوَ حاليًا يمك وكدرنا نحصل رقمك واتصل عليَ بس مايجاوبني
باوعت على عمر يباوع عليه
علي:امك تريد تحجي وياك
صفن بيه نوب دار وجهه وسكت
المراة :بس خلي التيلفون قريب يمه واني احجي
علي:خاله أنتظري ساعة هيج وارجع اتصل بيكم
سديت التيلفون وعمر كوة لازم اعصابة يريد ينفجر بس ويانة ناس
عمر:شتريد
علي: مادري كالت تريد تحجي وياك
عمر :اي هسه تذكرت عدها جلب مشمور صارلة سنة محد يدري عنة
علي:خلص اسكت
وصلنا لكربلاء الفجر تقريبًا نزلنا بالكراج اول ما نزلنا اتصلوا ويَ صلاة الفجر
علي:عمر رد وشوف شيردون
عمر :انا جاي هنا اسلمهم بيد العباس عليه السلام تريد ارد عليهم
علي :لخاطري شوف شيردون يلا يخوي
سحبتة على جهة وكفنا رد عليهم
عمر :الو
ام عمر :يمه وليدي شلونك يمه
عمر :وليدج ؟ لا خاف غلطانة ترا انا عمر مو عمار لو عامر
ام عمر :ادري يمه ادري والله متندمين ارجع يمه والتريدة يصير بس ارجع
عمر :خلي الندم يفيدكم انا عايش حياتي ومرتاح بعيدًا عنكم لا اريدكم ولا اريد اشوفكم وبعد لا تتصلون وتزعجون الولد
مباشرةً غلق التيلفون وكال يلا امشي
وصلنا بين الحرمين الشريفين جانت ازدحام بشكل دخلنا زرنا الامام الحُسين عليه السلام ونوب الامام العباس عليه السلام
طلعنا كعدنا بين الحرمين كانت كدامنا عائلة وياهم بنية الجمال الشايلتة شل كلبي وعيوني شل كانت تضحك ويَ اخوانها عدها تلاث غمازات اول مرة هيج اشوف على ضحكتهم ابتسمت لا اراديًا
ضليت صافن عليها بعدين حسيت على نفسي ودرت وجهي باوعت على عمر يباوعلي ويضحك
علي:شبيك
عمر :سلامتك ولاشيء
سكتت عنه عرفت انتبهلي شسويت بنفسي انا لليل طلعنا من كربلاء وهم تعال لهوسة العبريه وانتظر السيارة تقبط
جاي امشي وحسيت شخص سحبني من ورا
راهب:شلونك
علي:عزيز روحيي
ضحكنا ثنينا وحضنتهة
راهب:يابعد حيلي ولك مشتاقلك شسويت بيه
علي:انا اكثر شلونك الولد شلونهم
راهب:يسلمون عليك
رجع حضني ويضحك
راهب: متغير شمسوية بيك الغربة عن اهلك
علي:شسوي بعد انتَ ويامن هنا
راهب:انا وابوي دخل للمحل يشتري غراض ولمحتك
عرفتة على عمر تعرفوا سلمت عليَ نوب اجهه ابو هم سلمت عليهم وترخصنا منهم وطلعنا سوا همَ راحوا لسيارتهم للبصرة واحنه صعدنا بغداد
وصلنا بـ2بليل كبل نمنا فزيت بـ7على دكة الباب مو دكة الباب انشلع من مكانة طفرنا ثنينا فتحت الباب
صاروا بوجهي اربع شباب وثنين زلم كبار بالعمر وبنية شابه ونسوان ثنين كبار
علي:تفضلوا
ابو عمر :عمر موجود
علي:ومنو حضرتك
عمر :هذا ابوي علي
علي:اها حياكم الله تفضلوا
دخلوا لجوا عمر كان واكف ومكتف ايدية تركتهم ودخلت لجوا ابدل حتى اطلع لشغل
اجه وراي عمر
علي:شو جيت وراي وين خليتهم
عمر :لا تروح لشغل خليك يمي
علي:عمر اهلك ذول
عمر :اي ادري غضبي ذول ضل وياي
هزيت راسي بالقبول وهوَ طلع طلعت ورا كعدوا وبدوا يحجون ويا الولد ثنين اخوانا وثنين ولد عمه والبنيه بنت عمة وجدة وابو وامة وبيبتة
كال اخو الجبير عمار
عمار :انتَ وين كنت كاعد كل هاي الايام شلون عشت
عمر :ليش هسه اذكرتوا اسئلون صار سنة شو محد منكم سئل
عمار :لا الله يشهد من يوم الطلعت لحد ماعرفنا مكانك احنه افترينا عليك الدنيا ويوم عيد عدنا من عرفنا مكانك
عمر : هسه شعدكم جاين
جد عمر : نريدك ترجع ويانة لبيتك واهلك
عمر :هذا اهلي وهذا بيتنا وهذا اخوي وصديقي وحزام ضهري شعندي راجع الكم بعد هذا يسواكم
ابو عمر :وسبع تنعام منك عمي مانعرف شلون نجازيك
علي:ماعليك زود
عمر: رجعة لهناك انا ما ارجع واحسبوني ميت انسوني
كالت بيبيتة
لخاطري ارجع انا الربيتك وتعبت عليك ارجع اكعد وياي والله احطك بعيوني
عمر : صعب ارجع ما ارجع
ام عمر :اجيناك من طريق بعيد اذا مو لخاطرنا لخاطر جدك وبيبيتك
عمر :خاطرهم على العين والراس بس ما ارجع
حجوا ويا ما فاد انا كنت مستمع فقط ما حجيت شي لا صرت ويَ عمر ولا صرت ويَ اهل عمر ضليت ساكت دك تيلفوني اترخصت منهم وطلعت برا
الشيخ :عاش من سمع صوتك
علي:هههه وانتَ العايش شلونك
الشيخ :اسئل عنك شنو الاخبار شلون عيشتك
علي:الحمدلله م
قاطعني صوت صياحهم جوا صار صوت جدًا عالي
الشيخ:شنو هذا الصوت منو يمك وين انتَ
علي:بالبيت بس اهل عمر اشوفهم وبعدين ارجعلك
الشيخ:خير ان شاء الله روح
سديت الخط ودخلت عامر اخو الثاني على كولت عمر المدلل لازم عمر من ياخة وعمار واكف ورا ومكتف ايدية والبقية كاعدين وهذا يغلط ويصيح عمر ناعم يعني مستحيل يكدرلهم
دفعت عامر وهوَ عامر طويل بس ضعيف بنفخه يطير
علي:ايدك دير بالك ترفعها اكسرها الك والله
عامر :انت مالك دخل اخوانا وبينا
علي:غصبًا على شواربك ادخل واذا انتَ خوش زلمة وبيك حظ مد ايدك عليَ مرة ثانية
التفتت لعمر ساكت مايحجي شي
علي:وانتَ شبيك صرت اخرس ماتعرف ترفع ايدك وادفعة
عمار : كوموا خل نروح ابين اخوانا مغسول عقلة ويّ ابن الشوارع
علي:منو ابن الشوارع ولك
عمار :انتَ
علي:كد كلامك انتَ
عمار :تخوفني شنو
علي: لك اصلي يشرفك ويشرف امثالك
يمي صلاحية ماي شمرتها بوجهة
علي: علموني اهلي وربوني إذب ضيف داس بساطي لو كان عدوي احترمة واحطة على راسي وعلموني بنفس الوكت إذا تجاوز أحدودة احترمة مره والمره الثانية اخربط معاني وجهة حاولت احترمك انتَ واخوك بكل الطرق وامشيها الكم بس انتم مو مال احترام وتقدير مال واحد يهينكم ليل ونهار وهسه بيتنا يتعذركم والباب الدخلتوا منه يطلعكم
عمر كان لزم ايدي مااعرف شبي لزمتة رجفة همَ طلعوا واحد يغلط على الثاني كعدت عمر وطلعت لكيت جدهم واكف ويا ولد عم عمر
جد عمر :بويه انا اعتذر ع الصار بس ذو
علي:لا تكمل حجي وصارت بوجهك بس احفادك ما يحترمون وانتم جايين تحجون ويا مو تتعاركون
قيصر :ياريت تحجي ويا تخلي يرجع
علي: اعفيني من هاي الشغلة مستحيل احجي ويا
قيس:ممنونين منك وان شاء الله نلتقي مرة ثانية
علي:حياكم الله
طلعوا سديت الباب ورجعت لكيتة كاعد ومخلي راسة بس أيدية
علي:شبيك مادكلي شحجوا وياك وهيج انكلبت
عمر :علي انا جنت احب بنت عمي وهسه عامر النذل يكلي انا ازوجتها والله العظيم احبها مو حب مراهقة ولا حب ضحك هذا النذل يكلي اخذتها وحاليًا راح اصير اب منها والله حبيتها
بس كمل كلامة ضل يبچي هيج الحب صعب ويوجع الكلب
حضنتة وهذا انهد بالبچي شنو من حب هذا اليخلي الوادم تبچي
غفه بحضني صفنت بيَ الله يساعدك اجيت اوخر عنه فز
علي:اسم الله على كلبك يابه كوم نام بالغرفة
عمر : تعبتك وياي وانا اعتذر على الكالث عمار
علي:انجب مابينا هل الحجي وعمار ماعليه بكلامة
كمت من يمه صح غثاني بكلامة بس يمسلت اتصلت على الشيخ وكتله ماكو شي سوء تفاهم صار بينهم وراحوا وانتهت السالفة
رجعت لشغلي عمر تمرض بالفراش الشيخ كل مايصير بيدة مجال يدزلي مصروف
بس انا ما اعرف اكعد لازم افتر رجعت لنفس لمكان كنت ماعلية بأحد ولا اعرف ولا احد يعرفني اخلص شغلي وارجع خلصت بسرعة رحت لصيدلية اخذت علاج لعمر ورجعت للبيت
علي:شلون صرت
عمر :زين
سكتت عنه اعرف حالتهه تعبانة بلشت المدراس وكعدت بعددما اشتغلت وعمر صار زين وبلشنا نقرا سوا حتى نطلع من الخامس ....
..........................................................
البصرة :
ريم :صارت الكعدة لكن صدمونا بطلبهم فصليةة!!
كانت صدمة للكُل
رسُل:وين عايشين ؟
الكُل كانت نضراتة على وردة لان اكبر خواتها
ام اسيد :لو بنتي لو ابني صخام بوجهي
اسيد :خلوا ينسجن حتى يبطل رعونة
الجد : والله حيرة
وردة :خلوا يطلع واني اروح فصلية عادي
اسيد :وين ترحين تعرفين شنو يعني فصلية انتِ
ياسر :انتَ شبيك ماخذنا بصوتك ترا كلها تعبانة وضايجة بس تصيح
اسيد :انتَ اسكت عني ما ناقصك
ابو اسيد :كافي صغار انتم بوية وردة هذا القرار مو سهل خليها على الله وين ما تصفى
وردة :لا بابا خلي اسر يطلع واني اروح فصلية
اسيد :هاي التريد تجلطني لج بابا شبيج عاقلة انتِ عاقلة
امير : روح انتَ وفضنا خبصتنا كافي خلي البنية تحجي واذا ما راحت اسر ينسجن ترا شمنتظرين وباجر يردون الجواب لو اسر لو هيَ عليمن بعد
ام جاسر :مو كالوا تنازلوا عن الدعوة
جاسر : اذا تنفذ طلبهم يطلع واذا لا يبقى بالسجن
وردة :كتلكم اروح كااافي خلوا يطلع وانيي اروح عادي اتحمل كُلشي
كالت هيج وصعدت فوك بذاك اليوم كان التوتر والخوف والعصبية علينا كلنا
يعني لو وردة تروح فصلية !لو اسر ينسجن لو دمة ينهدر
عشنا ساعات وايام ولا اصعب ايام مراح تنسي ابد صعبة حيل
بالاخير صار القرار وردة تروح فصلية
وردة :رااح اشتاقلكم
سبأ:لا ترحين
وردة بدموع :لازم اروح
صار الوداع حيللل صعب شكد ما اكول صعب قليل حيل قليل
اسيد:يلا هسه خل يرتاح استاذ اسر
شاهين :ترا اسر هم اخوك شبيك انچلبت
اسيد:اخوي ارعن يسوق بخبال عبالك الشارع بس اله وردة شنو ذنبها تروح وتنذل هيج ومانعرف شنو يصير بيها
ام اسيد :اسر شوكت يطلع
شاهين :باجر ان شاء الله
راحوا ويَ وردة شاهين وجدو وعمي ابو فهد وعمي ابو اسيد
ثاني يوم طلع اسر من السجن سلم علينا كلنا افتقد وردة
اسر :چا وردة وين شنو بس لا نايمة
الكُل سكت باوع علينا وكال
اسر:وردة وين شبيكم
اسيد:راحت فصلية
اسر :شنو شتحجي انتَ فصليه شنووو
اسيد :فصلية افعالك الردية
ضل يلطم على راسة واسيد صاح بيَ جاسر يلا سكت
اسر :اذا هيج المن مطلعيني المن ليش ما خليتوني بالسجن شلون تنطوها فصلية وردة صغيرة
حجوا ويا مفاد راح لبيتهم ومن بعدهي اسر مشفنا ابد ورا كم يوم نزلوا صهُيب واسد
اسد :شلون تنطوها فصلية بيا حق والولد ماميت ؟
محد جاوب على هذا السؤال كذلك سكتوا ورا ايام نزول الشيخ حرفيًا كان الخوف عام على الكُل وخايفين شلون نكولة وشنو ردة فعلة ومنو يكولة !!
دخل سلم وكعد الكُل كان موجود عدا وردة واسر
الشيخ :شو لا اسر ولا وردة وين ؟
واحد ضل يباوع لثاني الولد واحد يأشر لثاني انتَ احجي اخير شي حجة أسيد
اسيد :وردة راحت فصليثة واسر موجود بالبيت
باوع على اسيد بصدمة ممستوعب
الشيخ:وردة وين
الجد:مثل ماكال اخيك بوية
الشيخ:شلون وشوكت وليششش
وكف على حيلة وهوَ يحجي
اسيد:اسر ضرب واحد بسيارتة وراحت هيَ
الشيخ بعصبية :لاا تنطي السالفة من ذيلها وتسكت احجوا السالفة شوكت صارت بيا حق تروح فصلية
كعدوا حجوا السالفه من البداية لنهاية
الشيخ :الله اكبر على راسكم وراسهم فصلية للميت مو للمجبوح بالمستشفى
تركنا وصعد فوك نص ساعة مو اكثر وسمعنا صوت التكسير رادوا يصعدون منعهم جدو شوية وسمعنا صوت وكعة قوية صعدوا الولد
اسد :فهددد فهددد
صعدنا لفوك كانت الغرفة عبارة عن تكسير العطور الساعات الغراض كلها مكسرة حتى المراية صايرة قطع ايدة كلها دم وهوَ واكع
الجدة :ذبوا عليَ ماي وهوَ يكعد المن ماخذينا للمستشفى
مشينا بكلامها شوية وكعد بس ما نطق ولا حرف سكت احنه هم سكتنا وطلعنا من يمة البنات الغرفة نضفنها
الجده:شمالها وجوهكم صفر
امير :شبيج زوزه شبيج
الجده :خايب انتَ كون بـ عصة وحك هوَ علي اكسرك تكسر
امير :اوي فدوة للعصبي
الجده :كرت عينك امك اوي انوب
ضحكوا وسكتوا لليل نزل الشيخ سلم وكعد محجة شي بعدين احنه طشينا كل واحد لبيتهم
ورا سبوع صادف جمعة اجتمعنا وكذلك اسر مموجود
الشيخ: چا اسر وين
جاسر :حابس نفسة بالغرفة مايرضى يطلع
الشيخ:ليش محاجينا انتم
جاسر :يكول انا السبب
جاسر كال هيج وأشر على اسيد الي داير وجهة
الشيخ:اسيد انتَ محاجي
اسيد:اي
الجد : شكتلة
اسيد:رزلتة
شاهين :اي شكتلة
ياسر :هوَ من راح للبيت ذاك اليوم راح ورا رزلهه رزايل ماكو هيج ولو ما امي جا انضرب اسر وكلام هواي واخير شي البارحه شبعة رزايل يكولة انتَ السبب يا ارعن
اسيد بصوت عالي :ياسرر
الشيخ :صوتك لا تعلي بوجود جدك وابوك وعمامك وليش رزلتة شبيدة هوَ قضاء وقدر وصار وذاك هم غلطان طريق عام وطالع من فرع غير يباوع يشوف
اسيد :اسر هم غلطان شايفة شكد يمشي طاير بين السماء والكاع
الشيخ :اخوك تعبان ويحس بالذنب تجي انتَ تجمل ضيمة وإذا على وردة اسر ما غلطان انتم الغلطانين الولد عايش ماميت شلون تنطوا فصلية وين جان عقلكم
كلهم سكتوا محد جاوب
الشيخ :تعرفون نفسكم غلطانين
كام الشيخ من الاكل واسيد كام لياسر وياسر طفر ورا جدو
اسيد :انتَ ماتعرف تسد حلككك والكفل زينب من الزمك اله اطيح حظك
ياسر :حتى أتوب وعادي المهم حجيت البكلبي
اسيد طلع وياسر رجع ياكل والشيخ فوك
رسُل بهمس:مشتاقين لوردة
ضلينا نحجي بنفس نبرة الصوت
ريم:اي والله هذا العدها ميجيبها عابتلة
رسُل:خاف لان فصلية ميجيبها
ريم:لج غير صديقهم قابل مغزر بيَ السم اقصد الملح والاكل والخبز هههه
رسُل:هههه سدي حلكج لننفضح
خلصنا غداء وغزل اخذت الجاي الهم شوية ونزل الشيخ
الشيخ:انا رايح لـ اسر اشوفة
الجد :اجي وياك بوية
الشيخ :چا يلا
راحوا جدو والشيخ وعمتي ام فهد لزمت شاهين وجاسر
ام فهد :انتم الاثنين معقولة ماتعرفون مكان علي
شاهين :انا ما اعرفة جاسر تعرف مكانة
جاسر :لا
سكتوا وضلوا يحجون بسوالف عادية وراها دخلوا الشيخ وجدو واسر يبووو اسر حتى جوا عيونة صاير سواد
اسر:السلام عليكم
الكل:وعليكم السلام
سلم وكعد ضلوا يحجون ويا ويغيرون نفسيتة شوية واتصل اسيد على الشيخ
الشيخ :ها اسيد
اسيد :ايهاب يريدك يم الشارع
الشيخ:خل يجي
اسيد :مايرضى
الشيخ :يلا جاي
ايهاب يصير زوج وردة وبنفس الوقت صديق الشيخ
ازل : كولة خل يجيبب وردة ويا
رسُل:كرصتها غير تنجب الشيخ هز راسة وطلع
ريم :وثول وعمه ايي والله انتِ مكلتي غير لشيخ
ازل :ازعجتني اسكتن
عسل:وجع
ازل:اشششش
رجعوا الشيخ واسيد ماسئلنا الشيخ كايلة او لا وهوَ هم محجة
اسر كان زعلان على اسيد ميحجي ويا
الشيخ :اسر بلا عناد اخوك الجبير ويمون
اسر كان ساكت ميحجي
الشيخ :اسر يلا بوية انتم اخوان شني الزعل بينكم
اسيد:ترضى لو ما ترضى يلا اريد اولي انام
الجده :يععع دهر صابك فوك حكة دكة نوب السانك شطولة كوم راضي اخوك
اسيد :چا صغيرون يابه حقك علينا
الجده :ييعع انوب مان عليه شو كوم حبة براسة يلا (بوسة)
اسيد :ترا اني الجبير
الجده :الجبير الله يلا
كام اسيد باس اسر براسة وحضنة
اسيد:اعذرني بس احترك كلبي على وردة والله مو قصدي
اسر :عادي ماصار شي وحقك
امير :ماصار وزعلان صارلك سبوع
اسر :انجب انتَ مو طلع السانك
الشيخ :صدك استاذ امير شلونك بالدراسة
امير :عال العال
الشيخ :والاسلامية
امير :تخبل وسهلة
مر اكثر من شهر
وردة ما اجتنا،علي انقطعت اخبارة نهائيًا معدنا خبر عليَ
ام فهد :ولكم شوفوا اخوكم وين كلبي طك على شوفته
صاروا يحجون وياها بس ميفيد مرت سنة وعلي ماكو اييي خبر عنة
غزل:بيوم من الايام كال ابوي
ابو فهد :نروح لزيارة للامام الكاظم علية السلام
ام فهد :اي والله ياريت صار هواي ما زايرين
الشيخ :روحوا انتم هسه وحدكم وبعدين نروح كلنا لان البنات دوام وامير هم
امير :اخذ اجازة
الشيخ :انثبر ياخذ اجازة هوَ غير امتحان شهري عندك
امير :اي عادي شنو يعني هو امتحان نمونة
الشيخ :امير اسكت لا اكوملك
ابو فهد :هو انا هم هيج كلت
الجده :كون نروح لكربلاء
ابو فهد :ان شاء الله بالعطلة ترحين ويانه
الجده :لا يمه مابيه حيل
بالاخير راحوا امي وابوي وخالتي ام اسيد وعمتي ام جاسر
راحوا طلعوا الفجر يرجعون ثاني يوم
اسد : بعد ما راحوا اهلي طلعت للحديقة لكيت رسُل بنت عمي واكفة لازمة كتابها وتحجي
رسُل:هسه اني لو رب العالمين خالقني وردة مثل هذا الورد الجميل ولا هاي الحياة الي مخلصتها بس اقرا وصدمات يعني شنو يصير مثلًا
اسد :هوَ انتِ وردة
رسُل:يمه اسم الله الزهره منين طلعت
اسد:شعندج هنا
رسُل:اقرا ومليت من البيت
اسد : ماضل شي وتخلصين ان شاء الله وتجيج العطلة
رسُل:اي ان شاء الله
كالت هيج وباوعت على الكتاب رجعت باوعت عليه وابتسمت حسيت الدنيا كلها ابتسمتلي
اسيد:اسمعلج ؟
رسُل:هوَ اني اجيت اكلك بس استحيت
اخذت الكتاب من ايدها وهيَ بدت تقرا خلصت يمكن ورقة وحدها جنت هايم بعيونها وصوتها الناعم
رسُل:ها زينة ؟
اسد :شطورة
رسُل:كُلش شكرًا
اسد :بالخدمة
اخذت الكتاب وراحت حجيت بصوت مسموع بعد ما اختفت عن نضري
اسد :اوف كاعدة بنص كلبي ياروح الروح
فززني صوت امير من ورا
امير :يا يمه روح الروح
سميته اني
عايف بيوت الناس ساكن شرياني
اسد :شبت بضلوعي نار احا يما الحب يما
محبوبي جوا ضلوع احا چا وين اضمة
امير :احمسه الاخ واكع على وجهه
اسد :هههه شجابك هنا
امير :جابني صوتك
دخلنا لجوا وهذا كُل ساعة ذاب كلمة يا ساعة السودة سر وعند امير
ثاني يوم رجعوا امي وابوي اول ما دخلوا تعاركوا وامي تبچي كلشي ما مفتهمين
ام فهد :كتلك هوَ بس خل احجي وياا
ابو فهد :انتِ وين عرفتي هوّ حتى ماحجة وماطالع شي من وجهة
ام فهد :ابني واعرفة
صهُيب:هسه غير نفتهم شكووو
ابو فهد :من دخلنا بغداد ولد اشتريت منه ماي كلشي ماطالع منة منكب ولابس شفقة وماحجة شي ادكلي هذا عليي شلون عرفتي
الشيخ : وين عرفتي علي
ام فهد :ابنييي واعرفة حتلو ماحجة ومنكب عينة ضلت علينا
امير :شني شفتي عينه ضلت عليكم
ام فهد :انتم شنو تضحكون عليه متاكدة هذا علي
اسد :يايمه تعالي اكعدي وارتاحي واذكري الله
باوعت على الشيخ باوعلي واشرلي هوَ
سكتنا وامي خلصتها بچي وقافلة الا علي
غزل:من رجعتوا ما شفتوا
ام فهد :هم باوعت ماكو
ومرت الايام وامي ما نست هذا الولد وادكوم وتكعد ادكول هذا علي
چنة كاعدين نتغدى و اندك الباب كام اسد فتحة شوية ودخلت وردة
غزل:عزاا وردةة
الشيخ كان مدنك ياكل من كلت وردة رفع راسة باوع عليها
سلمت علينا وصلت يمه هم سلم عليها بعدين دزوا على اهلها
ازل :تعالييي احجي شلونهم وياج هم مثل القصص اكعدين بالخمسة الصبح وتنامين بالمخزن وبعدين شعرج يوكع صفح وهوَ ينسحر بيَ وهاي وبعدين يصعد وتسوين كيك وتنضفين البيت بربع ساعه وريحة الشامبو تسطر اذا عندج هذا الشامبو اريدة
وردة :صخام بعينج سدي حلكج خل احجي
علاقتنا اني وايهاب اخوان داخل الغرفة وخارج الغرفة زوج وزوجتة ايهاب اخو الي ومن عرف اني اللي يحبها فهد ضل يلطم على راسة وهوَ ميدري ولا قابل على هاي السالفة بس عمامة واخو زين وايهاب يحب وحدها من العمارة وهيَ تحبة وان شاء الله يزوجون بس هاي بنت عمتة حقيرة
ضلت وردة تحجي عنهم ونامت يمنا كان احلى يوم
التمينا بليل كلنا وكعدوا ياسر وامير ومهند وايمن يغنون
ايمن :جابوها دفع لدار
لا ديرم ولا حنه ولا صفكة
مهند:ولادف النعب بالسلف
لا هلهولة لا طلكة
ياسر:نشدت الناس عن قصتها البنية
عجب داروا عليها بغير حنية
امير :ورديت بكلب حسان من كالولي فصليهة
عجم ضلم التقاليد بألف حركة
وردة :تشمتون ان شاء الله ترحون فصليات
امير : شنية سالمين جاي نلطف الجو عينيي ست وردة
وردة :المهم ان شاء الله اربعتكم فصليات
ضحكوا وسكتوا كان احلى يوم ثاني يوم بليل اجه ايهاب علىمود ياخذ وردة
طلع الشيخ سلم عليَ
وردة من طلعت الشيخ كان واكف جوا باب الاستقبال الداخلي وايهاب برا يمه جدي وابوي
وردة : شوف حياتك وانساني اني ما استاهلك هواي اذيتك كلام وافعال
الشيخ : لا تحجين هيج انتِ ما اذيتيني انتَ دواء جروحي مراح انساج ابد الله يوفقج بحياتج
ابتسم ابتسمت ونزلت دمعتي مسحتها وسلمت عليَ وطلعت سلمنا ورجعنا للبيت جنت كُلش فرحانة ...
.....................................
باي