مـا تـهـون الـعـشـره بـس هـانـت لـك؟

11

جا وقت المباراة
وكل المدرسه حاضره لتشوف المباراة المستحيلة
مباراة بين شلة هجران وشلة غياث
اقوى شلتين في المدرسه بس شلة هجران اكثر عشان ميزاتها اكثر
وقف غياث وقال بسخرية:هلا هجران اجل بتتحداني؟
هجران ببرود:انت الي متحديني تستهبل؟
جمران بغباء:مين الي متحدي الثاني؟
رماح بطفش:كلزق انت وياه العبو يلا
ضحكو الطلاب كلهم على رماح كلهم يحبونه
غيث بخوف:ياخي خلاص خلونا نلعب
غياث لف على اخوه وقال:اسكت
هجران:اخلص يلا
بدو يلعبون وكان هجران لعيب بس ما يلعب بالحصص بس كان لعيب
كان قدامه سيف من شلة غياث جاه ركض واخذ الكوره ورجمها لرماح
ورماح اخذها وقام يلعب فيها شوي ومررها لرمح وقام يركض وطلع قدامه سياف بس قدر يمررها بسرعه لهجران واخذها هجران وسجل
وصارخو المدرسه كلها من قوة اللعب
ورجعو يلعبون مرا ثانيه(تراي ما افهم في الكوره فا مشوها لي)
مررها غياث لمحمد ومحمد اخذها بس كان جمران وراه وجمران الي كانو يلقبونه بـجني الكوره لأنه وانت معك الكوره يجيك ويكسر رجلك
جاه ركض من ورا وكان يضحك وعيونه تخوف وقام يصارخ محمد ويقول:الله يلعنك ياغياث الله يلعنك
كلهم قامو يصارخون ويشجعون جمران ويضحكون
جمران زاد سرعته وتزحلق في الثيل وطيح محمد ومحمد جاه شد عضلي وقام يصارخ وجمران اخذ الكوره ومررها لمخلد ومخلد اخذها ورجمها بقوه لجهة هجران وكل المدرسه صارخت يحسبون مخلد يبي يأذي هجران بس ماكانو فاهمين هجران استقبل الكوره براسه وسددها في مرماهم وصارخو وانحسبت (٢:٠)
صاروخ الكل بحماس وركض مخلد ياخذ الكوره بس طيحه سيف واخذ الكوره وجا يبي يسددها بس يوم رجم الكوره جت في صدر مطلق وقام يكح بقوه من الصدمه والوجع على طول اخذه هجران وطلعه وكان جمران معصب وقام يلحق سيف وهو معصب وجاه من ورا وضربه بكتفه وتسبب في خلع كتف سيف طاح سيف وهو يبكي ويصارخ ومن قوة الالم اغمى عليه وعصب سياف جا يبي يضربه بس انضرب من جهة صدره من هجران وتسبب في توقف النفس عنده
طاح سياف وهو ينازع الموت بس ساعده هجران بطريقه متعلمها وخلا نفسه يرجع له وهمس في اذنه بصوت مخيف
:ودع اخوك لأنك راح تفقده يابعد حيي
وقام وطلع وطلعو وراه شلته
مر اليوم بخيره وشره
وطلعو بالحصه الرابعه لأن صارت امطار غزيرة وما قدرو يكملون وطلعو وكل واحد راح بطريق اما هجران الي من بعد المباراة اخذ مطلق ووداه لـ المستشفى وهو في الغرفه يشوف اخوه نايم ابتسم وباس راسه وقام يسمع صراخ قوي برا
طلع وكانت الصدمه يوم شاف علي ابو سيف وسياف يصارخ ويقول:من الي كسر كتف ولدي مين؟؟
هجران من وراه بصوت حاد:انا عندك شي؟
لف عليه وكان يبي يضربه كف بس تدخل غيث وقال:لا يا ابوي لا تكفى لا والله لا هو هو سيف الي جاب المشاكل لنفسه هو ضرب مطلق اخو هجران وجمران انتقم منه ولا هجران ماله دخل