خفايا القدر

البارت الثامن

الكاتبه زهراء الـ حسن

لانتسو التصويت والمشاركه

.
.
هـلي خدران كلبي من التعب ميت عدل مادري هلي وﷲ التعب وصل حدر عضمي
هلي الضيم العلي موكد مواليدي
هلي عود انتم هلي شباقي للغربه 
هلي محد بكد كلبي انلجم كلبه...

مزنه:- واكفه اغسل مواعين العشى وعمتي تدرم فوك راسي
:-ساعه السوده الاخذناج بيها
  ضربت الماعون بقوه بسنك ودرت وجهي لها

:-ولله ياعمه مااجيتكم برجليه انتم لي اجيتو تتوسلون بينه  واني لي اكلج ساعه السوده لي اخذت ابنج بيها موانتِ 

:-يا ولج طلع لج لسان بيت فضه

:- اذا ساكته لج ولبنج مو خوف منكم لا والله  لي مسكتني هو احترامي لخالي  واذا قصدج تكولين بنت حتى تعايريني فـ حابه اكلج  كلي فخر اني بنتها  ..  وهاي الماعين  اغسليها انتِ بنتج بكيفج

عفتها ومشيت لغرفه وهي تصيح وراي

:-هينه بعيوني اذا مايجي سعد اخلي يكسر عضامج

سديت باب وكعدت اندب حضي واعرف كلشي مااستفاد بس هيج ابرد كلبي شويه ودخل سعد جنه جيس تمن وكف كدام المرايه  بيدل وصاح

:- ولج عار انتِ تصيحني على امي
:- ترا امك بزعتني شغل ونشتغل طبخ ونطبخ وكلها ماترضه عليه  وكل ماشافتني ذبت سمها

:-غصب عليج تتحملينها وتصيرين خدامه جواحها

:- لاولله خاف ماترضه
:- مو اجيج

:-بس تتقرب اصيح وافضحك ولله العظيم

ماسمع مني اجه صار فوكي يضرب بيها حاولت اقاومه ماكدرت جان كلشش سمين روحي طلعت يلا وخر خله وطلع  سد الباب من برا

غضيت ايدي وصرخت بقهرر ماريد اريد بس اطلع منه  كمت اباوع بـ المرايه نفس كل يوم وجهي وركبتي مزلغ  وزراك خفيف جوه شفتي  مسحت دموعي ولميت شعري واخذت لي ملابس اغسل وهو جذب فتحت الدوش  وكعدت على صبه لي بلحمام  ابجيي بنهيار ساعتين على حاله   جريت نفس  سديت الماي  وبدلت وطلعت  سمعت تليفوني يدك  اباوع له هاي كوثر  جاوبت واجانيي صوتهاا تحجي بكل حماسسس
كوثر:-لججججج مزنههه اريدددد بشارتي منججج

:-خير شصاير؟ 

كوثر:-شيءء ماتوقعينه ابددد فنج فنج

:-خايبه احجي وحق الله مابيه حيل سوالفج

:-اهوو لاتكولين هم ضربج

:-تحجيين لو اسده

:احم احم انتِ جم اخت عندج

:-امال وو شـ قاطعتني بصوتها العالييي

:-لجج مزنه  عمييي لكه شاه زنان

انهد حيلي من سمعت اسم اختي  رديت بصوت يرجف

:- علييج لله كوثر تحجين صدك لو تشاقين

:-يمعوده تدرين بيه مستحيل اتشاقه بهل موضوع خصوصا

:-شلون وشوكت وليش انه مادري

:-باعي والله هو حتى انه مافتهمت بس خل احجي لج  لي افتهمته

مزنه:-تحجي وي كل حرف الضحكه تنرسم على  حلكي ومن كالت باجر يرحون الكاع ماشالتني  سديته منها  واني افكر بيها كبرت شلون صارت   وبعدها نفس اسلوبها ضربت راسي بغباء  على تفكيري جريت فراشي بلكاع وقررت اروح وياهم بدون ماكول لحد  نمت وكعدت الصبح اول مافتحت  عيوني  ركضت لكنتور بدلت ولبست عباتي وطلعت من الغرفه واشوف خالي وعمه شافني خالي وكال وين خالي من صبح محضره روحج

مزنه:-خالو اريد اروحن اشوف امي واتريك يمهم عادي

طفرت السوسه  (مرت خالو)

:-لا ماتروح اليوم عدنه شغل وتنضيف

خالو:-روحي خالي معليج بيها العمر يخلص وشغل لا

خليته يكمل كلامه وطلعت اركض ماباوعت وراي حتى  طبيت عليهم وهم متحضرين يريدون يرحون صعدت وي امي  وانطلقنه  وجانت بكل خطوه نمشيها ندعي تطلع هي مو شك وابوي كل شويه وكال

:-شلون بينه اذا رفضت تشوفنه

ناصر:-كول يالله عمي 

مهنا:-والعباس دام انتَ حجيت انه خليت ايدي بميه (ماي) بارده

ضحك ناصر ورد

:- والعباس من دوني يضيع امن واستقرار هل عائله

منها:-كل البركه بيك بويه

لضهر يلا وصلنه  بسب الازدحام  وكفنه جدام بيت بابه متوسط مو كلش جبير وجهال تارسه شارع تلعب طوبه 

حجت امي بصوت يرجف

فضه:- هذا بيتهم هنا عايشه ابنيتي

ناصر:-ايي خاله هذا الباب الابيض

رادت تنزل وصاح ابوي

مهنا:-اوكفي عندج يفضه مو هسه خليها شويه

فضه:-ماجيت حتى اكعد خليني انزل

عيوني تباوع من جامه وبهل لحضات انفتح الباب  درت وجهي لمي واشرت لها  عليه   طلعت ابنيه ملامحمها مو واضحه حيل بس انتهبت عليه طويله ماشاءالله  وجانت تصيح على جهال  صوتها كلش عالي وتهدد بيهم

زهراء:-  شبيكم يابويه ماتعرفون تلعبون بهدوه  راسي راح ينفجرر منكم صدك جذب روحو ليغاد لا والعباس اخذ الطوبه واشكهاا

اباوع لطفل چات الطوبه عليها  وضربها برجلها
وهي دنكت خذت طوبه وصاحت بعلو صوتهاا

زهراء:- مو بنت ابوي اذا انطيكم الطوبه بعد ويلا منا شلون شكول

ناصر:- عموو شوف نفس الوكاحه ماتغيرت ابد هم هيج جانت من نلعب طوبه تاخذه وتشرد يم ابوي تذكر

هز راسه ابوي اي اي اتذكر نزل ابوي يمشي على كيف ونزلنه وراه  دك الباب وهو يتنفس بقوه وليث وناصر واكفين يمنيه ويساره واحنه وراء  دك الباب مرتين واجه صوتها نفسها

زهراء:- اهوووو ماخلص منكم تولون لو شلون اريد انطمرررررر

ناصر:-موو عيب يابه طردون خطاركم

زهراء:- لطمت على خدي ياا عزا طلع زلمه طببت ركض جوه  وشفت زامل كتله ناس بلباب  باوعلي وراح يفتح واني اخذت طوبه وصعد فوك اطبطب بيها   خليتها جوه جربايه ورجعت اتلفلفت بلطانيه لله لاينطيهم خربو نومتي  سمعت جوه صار صوت حجي وسلام غلست او صدك تعاجزت انزل...

مزنه:- اختفه صوتها وفتح الباب زلمه  كصير  وعيونه ناطه اخذ له صفنه شويه ورد

زامل:-السلام عليكم  تفضلو رايدن شيء

منها:-وعليكم السلام  احنه جاي نشكر ابنيتكم المحاميه وهم جايين لها هديه

رد بعدم اهتمام تفضلو
دخلنه وراء وصاح يمه خطار  طبو الولد لاستقبالهم  واجت ابنيه شابه تركض  وتخلي شال على راسها

رندا:-اهلا وسهلا  عيوني اتفضلن

دخلنه جو بلصاله  كعدنه والبنيه راحت جابت ماي واجت

رندا:- اصيح عمتي واجيكم

فضه:-براحتج حبيبه 
مزنه:- چا وينها مو مساعه تحجي
ذهب:- ولجن شمالجن انتِ وامج اصبرن صبرت اسنين بس هل شويه ماتصبرنهن

مزنه:-حگج خاله ضيم مو ضيمج
ذهب:-شتگصدين(شتقصدين)

فضه:-يبووو عليجن اسگتن اجت المره

مزنه:- اجت المره بذاك ملاكاها الحلو سلمت علينه  وكعدت كدامنه والتوتر جان سيد الموقف  وامي عيونها تفتر بلبيت دورها!!  لحد ماحجت المره

منى:-  ماعرفتونه عليكم

ذهب:-احنه الناس الوكلنه بينتج  وجاين نشوفهاا
منى:- بستغراب ليشش القضيه مو خلصت حسب علمي

فضه:-اي اي يعيني خلصت بس ابنيتج دخلت كلبنه وعم الولد اصر نجي ونجيب لهه هديه وينها ماهيَ؟

اردفت بتكذيب

منى:- ولله نايمه من يوم الرجعت منكم انلفونزه وبلفراش

فضه:-يممه اسم الله عليه

مزنه:-بس من اجينه ودكينه الباب اجانه صوت ابنيه شبسرعه نامت

منى:-خاف جنتي هاي

دخلت البنيه  بيدها صنيه جاي قدمته وكعدت على صفحه

مزنه:-لا خاله مو هي صوت يختلف

رندا:-يا تقصدين زهراء اي هي الجانت بره

عمتها بسرعه خزرتها  والبنيه سكتت

فضه:-اذا كاعده صيحوها احنه جاين ومتعنين علمودها اذا ماكو احراج

منى:؛ لا دادا ماكو اي احراج روحي رندا صيحيه هاي اذا كعدت لان نومتها عزيزه

مزنه:-تحجي واني مركزه وياها فلا ارتاحيت لهااا  كامت البنيه تصيحهاااا دقايق  ونزلت تركض وضحكه شاكه حلكها ركزت بملامحمها 

:-فتاة ذات بشره بيضا ناعمه كانها القمر ليله تمامه وعينان خضرواتان ممزوجتان بلون الاصفرِ  وحاجبان كثيفان  وشعر  مموج قصيراً يكاد ان   يصل الى كتفها..

زهراء:- دخلت رندا وكالت اكون ناس جاين عليج  حجيت بسُخريه

:- شنوو لابس عمتيي المستقبليه  هنااا

رندا:-اي ضحكي وامج جوه تخوزر بيه لا مو خطابه

:-جا ياهمه

رندا:- ناس لي جنتي يمهم قبل اسبوع

طفرت من مكاني بسرعه وكفت على حيلي
كولليي ولله بيت شيخ ابو حمزه هناا شعدهم   جا ماتحجين

رندا:-  اي يمكن هم لان اني ماعرفهم  وكالن جايات عليج مخصوص

زهراء:- شنو هم نسوان وياهم

رندا:-اي اثنين نسوان كبار وحده لابعدها صغيره

طلعت من غرفه امشي على سريع وضحكتي شاكه حلي  بلا سبب غمرتني الفرحه  نزلت وهنه كاعدات بصاله  شافني وكفن بسرعه   وحجيت بمرح

:-ياهلاا وكل هلا احلا من يجينه ولله

فضه  بلهفه:-هلا هلا يمه شلونج تعاي ليه ابوسنج

زهراء:- تقدمت عليه باستني بخدودي  وحضنتها شبكتني بقوه  وشمتني من شعري ابتعدت عنها  وباوعت على البنيه الوراهه  تباوع عليه وتضحك

مزنه:-شلونج حبيبه

زهراء:-زينه حبيبتي  بس منو انتِ ماعرفتج

كعدت بصف الحجيه صرت بنصهن

مزنه:-انه بنت شيخ مهنا وذاك اليوم من اجيتي يمه جنت ماموجوده

زهراء:-اي مو اكول ماشفتج هناك اي شلونكم ان شاءلله بخيررر

فضه:-بخيرر احبيبه دامج بخيرر

رفعت راسي لمي  كاعده وكاعده حاجبها وتاشر لي براسها اكوم  

زهراء:-اروحن اجيبن لكم جاي حجيت اي شيء اجه بالي وكفت ولزمت ايدي الحجيه

فضه:: اكعدي يمه هنا يمي

زهراء:- استحيت منها صارت عين عليها وعين على امي   ورجعت كعدت

فضه:-خيه ذهب انطيني العلبه العندج 

طلعت علبه حمره فتحتها  وطلعت سوار كلشش ناعم

فضه:- احنه جاين وجايبن لج هل هديه واتمنى ماترفضينهاا

زهراء:-لا خاله كل ساعه  اعذريني مااقبلهاا

فضه:- ابد والله  واذا ماتاخذيها هسه اكومن وامشي وترضيها خطاركم يمشي زعلان

زهراء:-لا مو هيج والله  بـ ماسمعت مني وسحبت ايدي اليمنئ وخلت الاسوار بيها صفنت على دكات وصارت تمشي اصبعها عليهن  رفعت راسها واشوف الدموع تلالي بعينها  وصدرها صار يصعد وينزل  حركت شفايفها وكلمه بلكوه تلطع منها

فضه:-يمه شـ شـ اه

زهراء:- عفوا خاله بيج شيء
اجانه صوت احمد من باب المطبخ ويصيح على امي

احمد:-يمه من رختصج البسي عباتج وتعالي هنا يريدونج

كامت امي بدون ماتحجي شيء  لبست عبايتها وراحت  احس انسطرت 

رجعت باوعت لحجيه تبجي بسكوت

زهراء:-شبيج خاله ليش تبجيننن

فضه:- بجي كولي يمه انه امج يبعد عيني ولج شاه يمه لكيتج يبعد عافيه اهلي

زهراء:- تحجي وتتلمس بوجهي  مثل تتاكد من الشيء  ابتعدت بسرعه  ..  لا خاله  يجوز متوهمه  انه مو بنتج  

بجت بصوت عالي والبينه هم كامت تبجي 

فضه:- لا يمه انتِ بنتي يمه بنتي الضعيتها من اسنين

زهراء:-  كمت بسرعه وكفت   ابتسمت  خاله  اقدر مشاعرج يجوز  ذكرتج بيها بس والله اني موبنتج  مجاي اكول هيج  علمود اذيج بس هاي حقيقه  بهل لحضه صارت اصواتهم عاليه تطلع من الاستقبال  بسرعه مشيت وكفت يم الباب  ويارتني ماوكفت ولاسمعت الحجي 

الشيخ مهنا:- خويه انه مجاي اسوي مشاكل ولا اتعدئ على حرمت بيتج مثل ماتكولين هنه جم حجايه اكولن

منئ:- ماعندي اي كلام وياكم وياريت تحجون العندكم.بسرعه

ليث:-اي حجيه نحجي ليش لا 

مهنا:-هاي الكلاده لبنتي الصغيره وابوي لله يرحمه  صاغها له وضلت بركبتها لـ حد ذاك اليوم المشؤم من انخطفت مني  وهي لابستها

منئ:-والمطلوب مني شنو

منها:-اريدن اعرف هاي ابنتي لو لا واذا موهي كلاده شاه شوصلها لهاا

منى:- بتوتر
لاخويه انتَ غلطان هاي انه صغتها لها  وهي لابستها من زمان

اسمع صوت زامل يحجي بكل برود

زامل:-يمه احجيها وفضيها اذا ذول اهلها كولي ليش  تشلعين كلبهم

صاحت

منئ:- انتَ تسكت  وهذه بنتي 

صارت صياح وكلها تحجي  سوه

ليث:- لاااا خلييي يحجي

احمد:-كافي زامل اطلع برا وانتو  رجاءٍ اطلعو برا لااتصل بشرطه

زهراء:- اتجمدت اطرافي وانه استمع لهم  كل مواقفهم صارت كدام عيني كم مره استمع لهم ومن يشوفوني يسكتون  اشرت لرندا اريد شال  ركضت جابته وشمرته شمر  ما فكرت منو جوه فتحت الباب  وحجيت بغصه

:- اي يمه خلي يكمل ليش سكتو انه هم اريدن اعرف
كلهم باوعو لي مصدومين من دخولي المفاجاه

منئ:- شدخلج ماما معليج بكلامه هذا يسولف وحده

زهراء:- ماكو دخان بلا نار يمه  ..  انتَ احجيي لاتسكت كمل

اجه احمد سحبني من ايدي يريد يطلعني نترت ايدي منه    عوووفنيي مااطلع   

زامل:-احجي يمه لو انتِ تحجين ها؟ 

منئ:- هو شنو التحجي ماما تريد تجذب الجذبه وتصدكهااا هااا

زامل:- حجي لله  بلخير عليك  زهراء مو بنته او بـ الاصح لكيناها بلشوارع تفتر

ناصر:-احترم نفسك واحجي بااحترام

زامل:- هاي الحقيقه  لاسف امي لكتها وجابتهاا  مو يمه

منئ:- كذب لاتكذب

وكفت كدامها

زهراء:- احجي يمه وريحي كلبهم وكلبي عليج بروح ابوييي وفضي هل سالفه 

منئ:-  لاتحلفيني ماما شنو ماعندج ثقه بيه

زهراء:-  يمه لان اثق بيج اريدج تحجين 
دارت وجهه مني  غمضت عيونها
منئ:- بس احجي تعوفيني

زهراء:- يعني صدك!  كلامه

منها:- ياخويه مو شلعتي كلوبنه احجي

ضلت تباوعلنه بقهر  ثواني

كعدت على تخم  وصارت تمسح بدموعها  باوعت لـ احمد  واردفت

منئ:- قبل 22سنه بيوم شتاء ودنيا مطر جنت راجعه من المستشفى  منهاره لان بنتي العمره شهر ماتت  واحنه بطريق  شفت طفله يطلع عمرها بلسنه ونص كاعده على رصيف ومبينه تبجي  خليت زوجي يوكف سياره  ونزلت عليها والكاها فاحطه من البجي  وملابسها مبلله بدون مافكر شلتها وهي تصرخ ماتريدني تريد امها!  وبعد محاولات سكتت بس ماحجت شيء  من اول ماشفتها روحي اتعلقت بيها وكلت ربي عوضني بدال بنتي  اخذتها وياي لبيت رغم زوجي كان معارض بس ماهتميت له ضلت هل طفله اسبوعين عندي وهي ماتحجي وياي شيء وكل مااحاول اتقرب منها تكوم تبجي  وبيوم اجه زوجي كال انه مااتحمل مسوليتها خاف يصير بيها شي لازم ادور على اهلها تلكينهم هسه حال الضيم حالهم  رفضت رفض قاطع انو اسمع له بس هو ماسمع مني وضل اربع شهور  يدور عليهم بنيه يرجعه وبهل اربع شهور اتقربت منها اكثر وصارت تجي تنام يمي وتاكل من عندي  وتطلع وياي وصارت تنطق اول كلماتها واول وبيوم بليل اجه زوجي  وكال يمكن لكيت اهلها  سالته كال اسمهم **** وبفلان منطقه**  تخبلت ماقبلت انطيها  وتعاركت وياه   ورحت لهلي  ضليت يمهم اسبوعين وقررت اسجلها بـ اسمنا  وفعلا سجلتها وامي مشت بمعاملتها وصارت بسمنا  و اخذت كلادتها وضميتها وسميتها زهراء وكل هذا زوجي  مايدري ومن دره سوه يوم اسود علينه وبعدين لله فرجهه ورجعنه سوه وضلت عندي  ربيتها لحد ماصارت ثلاث اسنين وصارت تحجي  وزوجي اول شي  يعاملها زين بس بعدين اتغير وصار مايشوفها ودائما يصيح عليه واني اجي  اقنعها مو عليهاا وتكعد يمي تلعب ماتطلع صرت اخاف عليها حتى من الهوا   لحد مااجه زوجي يضحك شالها ويلعب وياها كلت يالله بلكت حن عليهه  كال راح اخذها اشتري لها واخذها وطلع  ليل رجع وهي ماكو هنا ماضل عقل عندي ومن سالته كال بعتهاا لمن مخليها كدامي  ضليت اصرخ والطم ورحت لاهلي ورحت اشتكيت عليه ولزمو شرطه  شهر وهم يحققون وياه لحد ماعترف طلع بايعها لـ لعصابه    بس ربك ستر بسرعه لكوها  وكلشي مابيها اسنجن زوجي  ثلاث سنوات  وبقيت اربي بيهاا وي ولدي لحد ماكبرتها  وصرت اكحل عيوني بطولها  وخليتها تصير محاميه وهسسسسه جاين تريدونها منييييي ماعدكم شيء يمي..

دخلت الحجيه  وصارت تعاتب بيه

فضه:- شتكولين لربج هناكك من حرمتي ام من ضناها حتى بس انتِ تفرحين لج اسنين وانه دمعه مافاركت عيني وروحي تلوب عليه انامن واكعد وافكر بيها شكلت شربت بردانه  حرانه  وهم تذكرنه  ليشش هيجج لو رجعتها بوكتها   وفرحتي كليبي بيهاا

منئ:-وشنو هسه تحلمون تاخذونها  على كص ركبتي

منها:-  مالج حگ خويه  البنت بنته

زهراء:- صدمه ورا صدمه كلام امي  سلايه نخل ونبت بكلبي الجسد هادئ وبس عيوني تتحرك  والـ هوسه والصياح والوجع  كلها براسي 

:- هوسه براسي
ودُوخه الصوتِ
وأتلمَس جروحَي
واحد يلچم أبواحَد
آنه ماتوجعني بس روحِي.

خليت ايده على راسي وصرخت

:- كاااااااافييي اسكتوو كافي مو لعبه عدكم اني عوفونييي  عفتهم وصعد فوك  غفلت الباب    صرت مثل المسودنه افتر بلغرفه  واضرب على راسيي

غبيه غبيه جم مره كالج اياها زامل  جم مره سمْعتهم يحجون ومن تدخلين يسكتون جم مره  اتعيرت بهل جلمه بصغرج (انتِ مو بنته)   وبكلمتين ينضحك عليه وانسه  اخ اخ  شعوري كان
شعور أبكم لا يعلم كيف يستخدم الكلمات
هُناك الكثير ليقال و لكن كيف يقال ؟

لميت روحي بزاويه الغرفه وبجيت بهدوه  فصلت عن العالم كل الاسمعه هو صياح روحي

الثاني يوم بسته صبح و واني  بلغرفه  على حطتي  مامستوعبه الصار وكم مره شفت رجلين جوه الباب بس مااسمعهم  غمضت عيوني العمن تمدتت على كاشي  دقايق وانفتح الباب عبالهم نايمه واني بس مغمضه عيوني

احمد:- اتقضلو طبو

دخلو الشيخ والحجيه لي على اساس ذول اهلي 

اسمع احمد ترخص منهم وطلع 

ثواني ونشال راسي من كاع وصار على رجلين شيخ

منها:- اخ يابويه لو ادري هيج يصير بيج فلا اجي والله  اسنين اريد اشوفنج ومن شفتج لجمت كلبيج ياعزيزه عيوني

انطبعت بوسه  دافيه ممزوجه بدموعه  على خدي  ويمسح على راسي ومستمرين بلبجي  وانه كاتمه انفاسي ماريد افتح عيوني 

فضه:-  يمه تسمعني وحق علي كلبي متلوع عليج  كل يوم اذكرنج بلمتنه من نكعد كلنه  واكولن يسويها البخت  واشوفن طولج وي اخوانج
جانت تحجي بقهرر
زهراء:- ماتحملت شكهت وعدلت كعدتي امسح بدموعي   باوعت عليهم وحجت ليشش مادورتوني اذا انتم صدك اهلي وانه جابني لبغداد فهموني راسي راح ينفجر

مهنا:-اسم الله  عليج بويه؛  دورت شكد ماخليت مكان مارحتله  من مستشفيات  مراكز    وحتى لشمال  ادور هناك مجان عندي بس صورتج وانت صغيره شايلها وافتر ادور عليج  صرت  مسودن يابويه  كاعد بلباب وياهو اليمر اشوفه صورتج بلكت شافج  وكل جامع لو حضره اطبنها اخليهم يصحون بسمج عسئ ولعل الكا اثر منج بس ماكو فص ملح وذبتي

:-لهيج من شفتني صفنت بوجهي عرفتتني موو

هز راسه  واخذ طفر شماغه يمسح دموعه

منها:- من اول ماشفتج  هاجست اعرفنج من زمان  كلشش اتغير بيج له لعمت عيونج نفس ماهي  هنه الخلني اهوجس انتِ نفسها شاه زنان

:- شلون ضعت منكم

فضه:- كله من وراسه يايمه لو مانه ماجان انخطفتي 

منها:- بسج يفضه هاهيه ماضي خلص وراح

زهراء:-اريدن نسوي تحليل DNA  لان مجاي استوعب الصار

ابسمت الحجيه بحنيه 

فضه:- نسوي بس اول اكلج على جم شغله وانتِ احكمي

:-شنو هنه؟ 

فضه:- الشامات المنثوره على ركبج جنهن حبات هيل  والنساوه الوره اذنج  ودكات ايدج

زهراء:-  انتِ شدراج عندي شامات ونساوه هااا

فضه:- اعرفهن وحافضتهن بصم

زهراء:- بقيت صافنه عليهم ماعرف شحجي  بلا وعي اتقربت منهم شويه  وباوعت لشيخ  واردفت بشهكه
يعني هسه انتَ ابوي؟ 

سحبني لحضنه وصار يبوس بوجهي  ويبجي ويريدد
:- اي اي انه ابوج ياعزيزه عيوني

بادلته الحضن وضليت ابجي واعاتب بي هو خاصا

:-ليش مالكيتوني بسرعه هاا خلصت عمري اباوع لجاهل وي ابوهم من يطلعون من مدرسه  ويشل جنطهم ويكود ايدهم ويمشون سوه ويشتري لهم لي يدرونه  ردت بس احس  بحنان الابوه  ماكدرت لان مجنت اذكرر عندي ابو يجي يسالني شبيج مابيج شنو المضوجج   ويحامي لي لو واحد. من اخواني يضربني لو يصيح عليه وصلت لمرحله اريد اعتب ربي لان اخذ ابوي  وتالييي يطلع هووو مو ابوييي

منها:- احجي بويه انه هنا يمج اسمعنج

زهراء:- نسيت روحي  وصرت احجي له كلشي صار وياي وشلون زامل عذبني وشلون اتهموني بشرفي 

احتدت ملامحه بس ماحجه شيء ساكت ويهز براسه

والحجيه:-  مدت ايدها وتمسح بدموعي وصارت تدعي عليه بحركه كلب يمكن هسه لو كبالها  تخنكه بيدهاا

:-اتماسكت نفسي وخرت من حضنه  امسح بوجهيي  وصرت احجي وياهم

:-هم عندي اخوه

:-اي بويه عندج بعد  اثنين خوات وثلاث اخوان

:-شنو اسمهم

فضه:-اخيج الجبير حمزه وليث ومنتضر وامال ومزنه وانتِ الكعده

:- منو حمزه هذا الجوه والبنيه لي وياكم اختي

سحبنتي الحجيه لحضنه لافتني بعبايتها

:-اي الجوه هاي اخيتج مزنه واخوج ليث  وحمزه بدوامه مايدري بينه اجينه

:-زين هم يتذكروني لو بس انتم

مهنا:-اي يابويه جا شلون واكثرهم حمزه  كل يوم يتذكرج حتى لعبات  يشتري لج

:-هاا

ضحكت ورد

:-اي بويه  كل ماراح لسوك لو لزياره ومن يجب صوغه يجيب وياهم بكل مره لعبه شكل ويردد

اذا لله جمعنه بيها بهل دنيا انطيهن لها كلها واكلها شكد جنت اسولف بيج وماناسيج

:- اريد اشوفهم

باوعو واحد لثاني  وحجت بتوتر

فضه:- تجين يمنه؟ هناك لعربنه وتشوفين عمامج وخوالج

زهراء:- مادري

مهنا:-افتهمت بويه  بالج يم امج

زهراء:-  هزيت راسي ايي  اريد انزل احاجيهاا عادي؟ 

فضه:-عادي يمه جا هي هم امج

زهراء:-راح انزل  عفتهم بلغرفه ونزلت هدوه صوتهم من استقبال رحت لغرفه امي  الباب مردوده فتحته ودخلت اباوع لبنيه   مشيت لها

زهراء:-انتِ اختتتتي مزنه موو الشيخ كالي عليج

مزنه:-  بدون مافكر بسرعه حضنتهاا  احجي وابجي  اي انه اخيتجج ولج شاه شلونج

زهراء:- زينه زينه الحمدلله  

مزنه:-  وخرت منها اضحك وكل شويه ابوس بيها وهي بس تبتسم  راحت سلمت على خالتي         وباوعت لـ امها

زهراء:- يمه عادي تجين شويه طلعت لصاله    واجت وراي كعدت وعيونهاا حمرر  حجيت بقهررر

ليشششش يمه هيج سوويتي بيه  تدرين بروحج  حركتي لي كلبيييي  هسه اريددد اعاتبنج ماعرف مينين ابدييي 

منئ:- ماصار لهم بس جم ساعه وفرو راسج

زهراء:- لاتغيرين الموضوع  ليششش جذبتي هااا ولله  لو كايلتي من زمان يمكن ماضوج ولاانقهر منج ابدد بس مال اعرف بهل طريقه لا ولله  الموت احسلي لج يمه  شلون هان عليج  هيج تسوين بيه

منئ:- يمه خفت ترحين من ايده ولله العظيم

زهراء:- هذا الهامج اروح من ايدج بس ماهمج من  كل ضيم شفته يمه انه ماانسئ الاذاني لو حتى بحرف واذا شفنتي اضحك واسولف مو معنه هاهيه كلشش نسيته  اني تناسيت لخاطرج  ولمره الملياررر تكسريني   وهي ساكته تباوع لي بجمود

احجيييي لاتضلين ساكته لو مرجعتني بنفس اليوم مجان صار لي صار ولاانحطيت الموقف

منئ:- ياموقف هاا شنو لابس تريدن تعوفيني وترحين  شنو بسرعه حبيتهم وصدكتي  بيهم بلكي رادو يذنوج

زهراء:- ضحكت بقهرر لا مايذوني صارلهم ساعتين مكابليني ويبجون ويحجون لي شلون يدورن عليه 

:- وصدكتيهم

:- اي اي صدكتهم  نبرت صوتهم وكسره كلبهم ثبت لي كلشي  

منئ:- لج غيبه ولله لو رادوج من زمان لكوج ضحكو عليج بهل كلمتين

:-محد ضاحك عليه غيركم وشلون يلكوني وانتِ مغيره اسمي   هاااا

منئ:-بسرعه نكرنتي العشره وتعبي عليج

زهراء:-تحجي برود  خلتني اشيل روحي واطكها بلكاع  لا مانكرت العشره وتعبج على عيني وراسي  بس افعالكم  ماكو لها مبرر فعل اسو من فعل واني تعبت روحي والعباس ابو فاضل 

منئ:- هسه لي تريدنه شنو

زهراء:-رغم كل لي سوتي تضلين امي ومكان لام ينحط على راس واني مقهوره منج اي بس يمكن مستحيل اكرهج  وجايه اكلج اريدن اروح وياهم خليني  عفيه

منئ:- شنو شنو  مستحيلل  اخليج تروحين وي هل همج  لي مدري منين اجوني اليوم

زهراء:- بس لي تكولين عليهم همج طلعو اهلي

صارت اعصاب ونست الزلم الابستقبال  وتصيح عليه بعلو صوتها بدون ماانتبه له تقدمت عليه وخنكتني من ركبتي   وتصيح

منئ:- اموتج واموت روحي وماخليج ترحين وياهم

زهراء:- عيونها حمر وتباوع عليه بغضب اريد اوخر ايدها مني ماكدرت روحي انسحنت بيدها    واضافرها  مثبتهم بركبتي  حجيت بصعوبه

:-يمه راح تموتيني

:اي اي اموتج وماخليج ترحين

شويه وبعد افقد الوعي واشوف  احمد وزامل  طلعو  يركضون من الاستقبال  وطلع وراهم ولد   شافني وصاح  

ليث:-حجيهههه عوفيهاااااا حجيه راح  تموت 

اجه احمد بسرعه سحب امي مني كعدت بلكاع اجر نفس بلكوه   نزلو امي وابوي  هم كلشي مافاهمين  اجت امي تركض عليه

فضه:-شيبج احيبه يمه شسويتو لها

زهراء:- جريت نفس عميق ورديت

:-لا ماكو شي لاتخافون

مهنا:-هو شنو ماكو شيء وجهج صاير ازرك

ليث:-لا هاي الحجيه جانت تخنك بيهااا

مهنا:-شنهييييي هل حجي

ليث:-ولله العضيم

زهراء:- كومتني مزنه واشرلتها تاخذني لمطبخ  اغسل وكفت وجسمي كله يرجف حتى الماي ماكدر الزمه

رندا:-عوفي اني اغسلج ماتشوفين روحج بلكوه واكفه

غسلت وجهي  وكعدتني على كرسي  ارتاحيت شويه واسمع كلامهم يجي من صاله

الشيخ مهنا:- ولله ياخويه جنه ناوين  ناخذ رائيج ورائيها واذا مقبلتي احنه راضين لان انتِ تعبني عليها اكثر منه  سهرتي وربيتي وكبرت كله على عيني وراس واحنه   وشكوت مانريد نجي نشوفها اهنا  بس بعد هذا الشفته  لا والله  حتى لو ماقبلت اخذها   غصبن عليه شنهي بايع روحها انه؟ 
شدراني اذا عفتها ارجع الكاها جناز

منئ:- اذا تاخذونها اشتكي عليكم  واكلهم خطفو بنتي

منها:- اشتكي خويه ماعندي شيء انه   انتِ احجي وانه هم احجي العندي

فضه:- خيه انتِ جدامنه ردتي تجتلينها جا من احنه ماكو شمسويه بيها؟ 

ردت امي

منئ:- كله من وراج الصار حتى بااحلامها لاحكتها

زهراء:- بعد تفكير  قررت وادري قراري  ماراح يرضي امي لكن اني لي تعبت  لو مالحكين عليه  يمكن هسه انه بلطب العدلي ومن الكاتلني امي!!!

زهراء:- انه قررت  هاهيه اروح وياكم
منها:-كل الهلا بيج بويه

منئ:- ماترحين ولله

زهراء:- يمه جاي تاذيني هيج ولله  وصدكي انه اعوف الدنيا وماعوفج  بسس  هسه كلششش روحي توجعني منج 

عفتهم وصعدت الم بملابس  بس هل مره بدون بجي هاهيه  خلاص اهم شي  راحتي

اجت مزنه وهي مبتسمه

مزنه:- اساعدج؟

زهراء:-لا عيني  ماعندي شي 

مزنه:-لج ولله لحد. هسه مامصدكه

زهراء:-ولا انه

مزنه:حبابه لاتضوجين وتقهرين بروحج هسه ترحين يمنه  وترتاحين شويه واذا ماعجبتج العيشه هناك ارجعي

زهراء:- وابوج وامج  يرضون 

مزنه:- احم راح اكلج شيء هم همه ودوني اكلج هل شيء بس كالو لا تكولين احنه هيج حجينه 

زهراء:- اها افتهمت  ماخذت كلشي بس الاشياء الاريدها بدلت ولبست عباتي وطلعت اجر بجنتطي وياها اجر بخييه املي  واباوع  باركان البيت  اريد ذكره حلو ماكو 

نزلت وهم شافوني وكامو   حضنت احمد ومبين مقهور ماحجه بس كلمه

:-اهم شيء راحتج

واباوع لمي كاعد ياجبل مايهزك ريح

خلينه وطلعه  وجان ناصر واكف بكراج يخابر  والجكاره بحلكه   سد تليفون

ناصر:-ها عمي نتوكل تره حمزه دره وخابر هسه  تعارك وياي
منها:-اي بويه

جانن سيارتين ام شيخ صعدت وي ابنها واحنه وي وحده

ليث: شو بله فضه اصعد يم رجلج خليني اشوف اختي

صعدت امي  بلسدر وهو مزنه حطوني بنصهم  ويسولفون وياي وضحكه شاكه حلكوهم  واني بس اهز براسي

هاجر:- كاعدين انه والبنات وعمه وداد وحسن وايدنه على خدنه منتضرين منهم خبر

وداد:-عفيه حسن ارجع دك

حسن:- خايبه واداد ماتسكتين بكثر مادكيت اخاف ارجع ادك ويطلع ابو الخط يجرني بزيج  ويخلني مضحكه لجن

   اندك الباب عبالي هم ردت اطلع وصاح حسن
. حسن:- اكعدي لج انه افتح الباب

ودخلو عمامي وخوالي كلهم بخويطهم 

حسن:- السلام عليكم  تفضلو بويه

رد ساجد

ساجد:- لا هلا ولامرحبا شنهي السمعنه ولكم

حسن:- شنهي على كيفك جاي حامي علينه يعمي

ساجد:- ولك صدك لكوها

حسن:- اها على هاي راحو يتاكدون بعدنه منتضرينهم

رد عمو گاين

گاين:-جا ماخابرتهم بعد عمك

حسن:-اتصلت عليهم محد جاوب

گاين:- فهمنه سالفه بويه

ساجد:-هو شيفهمك مهنا يلعب بكيفه

گاين:-هسه انتَ شفتهمت وكبل حجيت ياخويه

حسن:- كعدو  افهمكم

هاجر:- كعدو كلهم بلحديقه و الفضول اكل كلوبهم

حسن:- انسطو لي رحمكم لله

ساجد:-تحجي عدل لو شلون

حسن:-شيبك عمي ماتعرف اداب كلام مايصير واحد يقاطع ثاني  اي خلي اكمل  صار يحجي لهم وهمه مصدومين  رد خالو

عيسئ:- جا ليش ماحجه نروح وياه

گاين:- هي هاي عمله يسويها بله من لبارحه ليوم وهم ماكو

حسن:- ماحجه لان ماراد الخبر يطش  وتطلع سالفه مو صدك منا لمن يتاكد  صدك انتم ياهو كال لكم واجيتو جنكم  هجره الحبشه

طلعت امال  وهي عصبيه 

امال:-انه الكلت لهم مايصير نضم هيج خبر

مصطفى:- والعباس عرفتج انتِ شرقيه نيوز مالتنه ماكو غيرج

امال:-رجاء احترم نفسك

مصطفى:-ضجتي عود

حسن:-معليك عوفها

اشرلي اخلي بيده   بمعنى جاي

سحبت امال وخذتها لمطبخ لكيت كوثر مخليه القوري

كوثر:-ادري بينج كلشي ماكو كلت اكوم اخلي احسن

هاجر:- عوفي دور امي

كوثر:-تجي لو ماتجي له اكلها هاجر ضلت نايمه لضهر اليوم

هاجر:- احجي وشوفي  وانه اكول لناصر اكو كايمه تغلس ماتنطي اكل لشموخ وغمزت لها

كوثر:-لا والله  ماحجي بس لا تكولين له

هاجر:-عفيه

امال:-عوفنه من سوالفجن كليلي شلون هسه

هاجر:-هو شنو الشلون

امال:- ماريدها تجيي

كوثر:-عزاا تحجين صدك

امال:-اي

هاجر:-غير نعرف ليششش

امال:- مادري مادرييي  بس طاريها يخنكني

كامت كوثر تصب جاي وصارت ورا امال

وتحرك ايده بمعنئ اخبال

وداد:-ولله ياعمه سالفتج عجيبه حيلل

امال:-صح ومن هسه  مااطلع ولا اسلم خوش اودعناكم  اروحن يم نواره احسن..

وداد ولج هذا مو صوت سيارت حمزه

هاجر:-اي ولله  وكفنه ثلاثتنه باب المطبخ

فتح الباب وطب يضحك  شايل جنطته

حمزه:-  السلام عليكم

الكل:-وعليكم السلام

حمزه:- شنهي وينكم شوه مضيفنه فارغ

حسن:- ها ذكرتني ناصر خلاني هنا شيخ وماعاجبني اكعد بي يخنك

حمزه:- چا وينه ناصر

ساجد:- جا انتَ هم ماتدري

حمزه:-خير شصاير؟ 

ساجد:-يكولون لاكين اخيتك وراحو لها

وكف فاتح عيونه على وسعهن  مامصدك

حمزه:-شنو شنو عيدي عمي

ساجد:-لاكيييين اختك

حمزه:-لك حسن صدك هل حجيي

حسن:-اي

حمزه:-  بصياح جا ليششش محد كالي  شنهي رجلي كرسي هنااا

حسن:- بس خلي افهمك

حمزه:-شتفهم وابوي وين

گاين:-وياهم عمي

طلع تليفونه ماعرف عليمن دك ثواني وحجه

حمزه:-لك ها كلب وينكم

ناصر:-حمزه احترم نفسك

حمزه:-من اشتعلت نفسي اي ولله  وينكم انتو

ناصر:- راح نجييي

حمزه:- وشاه صدك لكيتوها ولككك

ضحك ورد

ناصر:-اي لكينها بشحمها ولحمه  وهل جايه ويانه

حمزه:- بداعت عزيزت فؤادك  ماجاي تجذب

ناصر:-مو راح اجي ادوس بطنك لاتجيب اسمهاا   ويلا ولي وكل لولد يحضرون الذبايح

حمزه:- لكك مو تدلل حتى حسن اذبحه اذا طلب الامر
هاجر:- كلها تباوع عليه بسرعه تغيرت تعابير وجه لفرح سده من ناصر  وصاح حسن

حسن:-شنهي بويه طبيخه البارده لكم انه

حمزه بفرح:- انجب انجب ورحو انتَ ومصطفى جيبو الذبايح يلا

حسن:- رايح لعيون عمو مو لعيونك العمص

حمزه:-يلا ولي... ولكم عمي لاكينها هي هي ولله

گاين:-من لله يبشرك بلخير 

عيسئ:-جا امشونه نتانيهم برا

حمزه::- امال عمه وداد وينجن

وداد:-ها عمه اجيتك

حمزه:- بلا امر عليج طلعي لي دشادشتي وعكالي

وداد:-صار عمه  رحت جبتهن  له  وهو دخل سبح شويه وطلع لبس  وكف  على مرايه  يعدل بعكاله  وحجه

حمزه:-لو ماعيب على شواربي جا طكيتها بلهلوله

هاجر:- واكفه اتامل بي شلون يحجي  ولاارادين حجيت

:-ولا يهمك هسه يجي حسن ونخلي يهلهل

باوع لي ورد

:-عاد اخوج معلم بهل سوالف

يلا اودعناكم

طلع وضلينه احنه ضلينه  بلبيت  نحضر بلعشى وطايرين من الفرح وكوثر كل شويه وكالت

كوثر:-لله واخيرا راح يصير عندي بسيت فريند جديده

هاجر:- جا ياهو جان مشبعها عضات

كوثر:-شيبج جنت صغيرونه وهي هم كلش صغيرونه جنهه بطيخه مال عض

لعصر كلشش وطب ابن ليث يركض  يصيح اجه جدو اجه جدو

طلعنه نركض  وحده تدفع بالثانيه عبالك عدنه سباق طبن سياراتهم والكل وراهم

نزل عمو مهنا وخاله وامي هم بسرعه اجت يمنه كالبه وجهه مادري شبيها

زهراء:- وصلنه لهم العصريه كلشش وبعدنه بلشارع  والهوسه بابهم وكلها زلم معكله  شافو سيارت الشيخ وسوه له مجال حتى يدخلها لجوه دخلنه وهم نزلو واني متوتره ماعرف شسوي  جرتني  مزنه ونزلتي وراهاا  وبسرعه حوشهم اترس زلم عبالك غزو 

باوعلي ابوي مبتسم  واجه وكفني يمه وصاح

:-ااهنا يـ ولد ثابت ورد الصار اسنين ندور اعليه

الولد صارو يهوسون بغترهم ويرددونها
:- اها ويـ ولد ثابت ورد الصار اسنين ندور اعليه

من نص الهوسه طلع شاب طويل  يمشي وعيونه عليه    صار جدامي وحجه بغصه

حمزه:-عرفتيني خويه

زهراء:- باوعت لشيخ  ورجعت باوعت له وهزيت راسي انتَ حمزه مو؟ 

جرني لحضه بقوه وهو يبوس براسي

حمزه:-يابعد كلب اخوج
زهراء:- مشاعر غريبه اجتاحت صدري كل مره احضن احمد عادي بس هسه لا غير لفيت ايدي على ضهره  شد على حضتنه بقوه دقايق واحنه على حاله وهو يبجي بسكوت بس صوت اسمعهاا

حمزه:- شلونج

زهراء:-ابتعدت منه  والموجودين كلهم صافنين علينه..  بخير الحمدلله 

گاين:- جا احنه هم لنه حصه بيج عمي بس اخيج صار ساعه حاضنته
 
رجع جرني من ايدي ويحجي بضحكه وصار يعرفني عليهم واحد واحد  وعرفت ذول عمامي وخوالي ولدهم   وصلت لشاب اعرفه

باوعلي وضحك

حسن:- وانه متاكد عرفتني

زهراء:- ابستمت على ابتسامتهم ورديت

:-انتَ مستر حسن شلون ماعرفتكك

حسن:- ولكك عمي بنتك هاي انگريزه تحجي انكلش

منها:-يلوك لهااا بيويه

دخلنه جوه واجن نفس البنات لي شفتهن بيوم عزيمتهن يبوسن بينه

هاجر:-احنه بنات عمج  انه هاجر وهاي كوثرر

زهراء:-كل الهلا بيجن عيوني

وداد:- وانه عمتج

زهراء:-باوعت لها بعدها ابنيه صغيره يطلع عمره متوسط الثلاثينات...  هلا بيج عمه

ضليت كاعده منحرجه منهم كلهم يسولفون بيه  وحمزه كل شويه حاضني صبو البنات العشئ  وكلهم كعدو ياكلون  وامي ابوي يجبون ويحطون اكل كدامي مانطين فرحتهم لحد
واني اكل على كيفي

كوثر:-ولجن نزل سوكنه بعد الشيخ باوع بوجهنه

رد  واحد من الولد

مصطفى:-حيلللل بعد ايدي حتى تحسن بمعاناته

منها:-كلكم عندي عزاز بس هاي اغلئ حتى من روحي

كوثر:-لا لا هو نسيتنه بعد

زهراء:- حجيت وانه اريد اكسر خجلي

لاتخافون بعد جم يوم هم ينزل سوكي وكلمن يريد لمكانته

كوثر:-اي عفيه ريحتي كلبي

كلمنه اكل  وكمت وياهن لمطبخ وهنه ماقابلات

زهراء:-شيبجن عود وياي هو بعد اسبوع اسبوعين وتجن تكربني وياجن على شغل عاد خلينه من اول احسن

وداد:-والعباس حبيتج يمعه

هاجر:-هاي بنت مهنا على سن ورمح غصبن عليج تحبينهاا

ضحكت وراحت صبت جاي لهم ورجعت وراها  وهم يسولفون على عزيمه مدري شنو   عاد عمامي لشويه وترخصو ضلو بس همه   طلع وياهم ناصر  شويه وطب  يسحب بجنطتي  وراه

ناصر:-هاي جنطتج يابه

زهراء:-اخذته منها وريدت  شكرا لك شيخ

فضه:- يمه مزنه صعديها اخيتج فوك خلينها ترتاح لها شويه

زهراء:-صعدت وراه مزنه  ودخلتني لغرفه تجننن بيها جربايتني   بلون ابيض وردي  وميز مرايه

زهراء:-مزنه منو هذا النايم

مزنه:-يااا عزاا هاي امال لججج امال كومي

وخرت الغطى منها  ونزعت سماعتها وحجت بنزعاج

:-خيرر شصاير

مزنه:- ولج الهوسه كلها وتكولين شصاير

امال:- اي شكو

مزنه:- ولج باعي هاي اختنه شاه

باوعت لي من فوك لي جوه  بنضرات غريبه  وحجت بدون اهميه

امال:-هلا بيج عيوني

زهراء:-رديت بنفس طريقتها  هلا ولله

مزنه:-تعالي اتمددي هنا ارتاحي

زهراء:-اي ولله تعبت  تمددت  واسمع طكطت عضامي  وامال رجعت نامت وغطت راسهاا

خليت ايدي على اعيوني  وافكر بهل يوم شسبرعه انكلبت حياتي سبحانك ربي قادر على كل شيء  طلعت تليفوني  ودزيت مسج

:-احمد امي شلونها  خو ماصار بيها شيء

ساعه ورد

احمد:-لاتخافين مابيه شي 

زهراء:- تحجي صدك لو تجذب عليه؟  احمد ترا حافضتك انه

احمد:- مابيه شي والله  بس شويه صعد ضغطها

زهراء بخوف:-وهسه

احمد:-هاي نايمه

زهراء:-عفيه دير بالك عليهاا

احمد:- يعني مازعلانه منهاا

زهراء:-لا طبعا زعلانه بس تضل هي الربنتي

سديته منا وضليت اتكلب اريد انخمد ماكو   وراسي صار يوجعني  هسوتني غفيت وحست على احد يحضني  كمت مفزوعه

ضحكت بفشله ورد

حمزه:-انه حمزه شاه

رجعت لمكاني وهو بصفي

حمزه:- اي شلونج بعد

زهراء:-زينه والله 

حمزه:-اخ ياخويه جنت خايف يكضي عمري وانه بحسرت شوفتج 

زهراء:-اسم الله 

حمزه:-جنتي تنضريني من ارجع من المدرسه باب المضيف وانتَ كاضه الفلوس بيدج تريدني اشتريلج حتى ماتخليني ابدل لازم بساعتها نروح

زهراء:-اني؟؟

حمزه:-اي انتِ واذا اخذت منج الحلويات تكلبين الدنيا عليه  بلصريخ لحد ماتسمعين ابوي لو جدي ويجي يكتلني يلا تسكتين  ومن يرحون تضلين تعيبن عليه

زهراء:-جنت وكحه

حمزه:- غمض عيونه وحجه بضحكه لا ماحجي اخافن احصلي عضه منج

زهراء:- افتهمتكككك معناها وكحه

حمزه:- رغم صغر سنج جنتي الكاع جانت تصرخ منج الغوث

زهراء:- ترا حزعل اني فقيره

حمزه:؛وانه اشهد يلا نامي خويه وارتاحي

زهراء:- نومني على ايده ويمسح على راسي وصدك غفيت ونمت بعمق  لحد ثاني يوم كعدت اباوع محد بلغرفه   كمت عدلت الجربايه  وطلعت لي ملابس ماندل الحمام وكفت ورا الباب وبدلت باوعت لساعه ساعه عشره صبح خليت الشال على راسي ونزلت لهم لمطبخ بس هو الوحيد اندله

كانو كلهم ملتمين داير مداير ابوي ويتشاقون وامي بصفهم تضحك عليهم

وريحه الچاي المهيل والمخلمه تطر الراس بس شميت ريحتهم جعت 

:-صباح الخير 

مصطفى:-شوف هاي تكول صباح الخير ماتدري بينه لاغينها من القاموس

حسن:- موهيج كلهن تكتهن فرد نوب لاتشرد البت

حمزه:-معليج بيهم صباح نور تعالي اكعد هنا يمه

زهراء:-باوعت له جان ناصر كاعد يمه  رديت لا اكعد هنا بصف الحجيه

ناصر:-اذا تريدني نكوم يابه

زهراء:-لا شكرا؛
حجيت بكلبي

(طلعت ابن العم مو سهله) 

فضه:-تعالي احبيبه كولي شتريدني بيض جبن اجيبلج كيمر عرب

زهراء:-لا شميت ريحت المخلمه  واشتهيتها
كامت جابت الطاوه وخلتها كدامي  ابوي صبلي جاي  وكعدت اكل بهدوه  وهم يسولفون

ناصر: عمي تسوين العزيمه عشئ لو غدة

منها:-لا عشه يابه

ناصر:-اكتبو النواقص حتى يبجبوها الولد

حمزه:- ولايهمك هسه نروح انه وحسن

ناصر:-انه بلمضيف شتريدون دزو عليه

كملت الريوك وبدت الخبصه مال بيت البنات كامن يحضرن طلعت الجدوه واني اساعدهم على لي اكدر بي غسلت اماعين الريوك واجت امي سحبتني وراها ودخلتني لغرفه يمكن غرفتهم   وفتحت الكنتور وطلعت منه جنطه جبيره وكعدت تفتح بيها كعد يمها وطلعت منهاا كومه ملابس مال جهال ومال مدرسه وفساتين  وقراريص وحتى احذيه ودفاتر واني صافنه كلشي مافاهمه

فضه:-ذني كلهن الج

زهراء:-الي؟ بس ذن بيهن مال جهال.

فضه:- كل مااجيب لخواتج  شيء احسب حساب وياهن 

زهراء:- عحزت شلون ارد عليه وشنو من حب شايلته لي برغم ماجانت تدري بيه عايشه لو ميته  .. بس لاتبجين كافي من لبارحه ليوم 

فضه:-دموع الفرحه يمه  ..  ويلا كومي بدلي والبسي هل فستان ماصار جثير من جبيته

طلعت فستان بلون ابيض وبي ورد احمر ناعم

اخذته منها

زهراء:-حجيه وين ابدل؟

فضه:-كولي يمه

زهراء:-دنكت راسي وحجيت  حجيه بعدني مامتعوده والله 

فضه:-اذا هيج  شوكت مايعجبج كوليها والحمام ذاك يمج بصف درج

رحت بدلت ورجعت لها اباوع بلمرايه يجننن عليه

فضه:- تخبلين يمه لله يرحسج

زهراء:-شكرا شكرا  رجعنه يم البنات الحجيه  هي اتحزمت تطبخ وتوجه بلبنات  شنو يسون مايسون   ليل كملن كلشي  واجو المعازيم وطبت وحده تهلهل وبدها جيس جكليت وسلمت على حجيه 

نرجس:- جا انه ناذره يو  فرح كلب اخيي  اطشن جلكيت  واخلص الدرب هلاهل

زهراء:- ندست هاجر  هاي منووو

هاجر:-هاي عمه نرجس  وذيج الوراها  الواكغه تحجي وي انوار عمه هند

زهراء:-هم اسلم احس كافي مليت

هاجر:-يا فلك جا هي العزيمه لمن مسوينها لبوي

فضه:- ماتقصرين ام محمد

نرجس:- جا وينها بنتج

زهراء:-هاي انه

نرجس:-تعاي ليه احبنج يمفحطه كلب اخوي

زهراء:- سلمت عليها  وكعدتني بصفها  العزيمه كلها  لمن راحت يلا عافتني

شهر واني وبهل شهر ضحكتني مافركت وجهي ابد وبديت اتعود عليهم وعلى سوالفهم   وخاصا كوثر وهاجر  كلشش حبيتهم لطيفات بشكل

بيوم عصريه كاعدين بلحوش هم متعودين كل يوم هيج وقت يشربون جاي بلحوش.. اندك الباب وصوت زلمه يصيح.

.
.
.

(ومَن هنا اقول لكم اهلا وسهلا بــــ خبائث ومكائد ال ثابت)

.
.
.