المقدمه
مريضه ومجنونه وانا طبيب هل مسموح لي ان احب مريضتي وهل انا احبها ام انها حاله انسانيه فقط
البطله ـ اسمي شيماء عمري ٣٠ سنه اعيش وياامي مرة جبيرة وعندي اربع اخوة وخوات تلاثه بس كلهم مزوجين بس باقيه اني وحالتنه على كدنا الحمدلله مستورة
رح اتكلم عن نفسي اني مريضه عندي وحدة من رجلي معوقه يعني مااكدر امشي اجرها جر وعندي صرع صار عندي على كبر كالوو الدكاترة انووو يتعالج واخذت دوة ومتعالجت ظليت كلما انقهر لو اضوج تجيني مثل الحاله اظل اضرب بنفسي واعض لساني وماااحس على نفسي ودورات ادمي حلكي وظل امي خطيه تبجي وكامشتني لحد متفكني الحاله واني كضيت عمري اشرب دوة ومحرومه من كلشي من طلعه من فوته خواتي زوجن واكو بيهن اصغر مني واني لا سلمت امري لله قنعت انووو هاي حياتي قسمت ربي طبعا يكولون عليه مخبله هاي عدها نص عقل بس اني اعرف بنفسي اني عقلي يوزن بلد بس ماااحجي وياهم لان ميفيد لان عندي يعاقه ومريضه ينتقصون مني ويشوفوني اقل منهم حتى خواتي واخوني ونسوانهم ميدرولي بال ميهتمولي بس امي خطيه شايله همي
يمكن حبيت اتكلم عن نفسي لان اني الدنيا ظلمتني هوايه
وضليت عمري اتحسر اباوع على البنات يلبسن ويطلعن ويزوجن ويخلفن واني كاعدة وصار عمري ٣٠سنه واني حياتي فارغه جنت اكول اني موانسانه مومن حقي اصير مثل كل البنات اعيش مثلهم يصير عندي اطفال اني اموت على الجهال وجنت اتمنى يصير عندي يوم من الايام بيت ورجال يحبني وطفل بس داحلم لان اني انسانه موطبيعيه محد يرتبط بهيج وحدة مثلي وظلت هالحياة الممله دورات اكله ياربي اخذ روحي وخلصني احسن مااظل وحسرتي رح تكتلني بس سبحان رب العالمين ميستجاب لدعائي طبعا كلشي ماااعرف لا اطلع لا ابد بس انقهر علي امي مرة جبيرة وتشتغل وماعدنا احد بالبيت وابويه ميت من زمان فاانقهر على امي اكوم اسحل نفسي واساعدها اغسل الاماعين ارتب الهدوم اني كاعدة ارتب الفراش امسح الاخشاب هم شويه اساعدها واظل باقي الوكت كاعدة وماااحجي كلش قليل وحتى من يجون خواتي واخوتي ميحجون ويايه يظلون يسولفون واني اكعد على صفحه
طبعا ياهو الي يجي من جوارينه او كرايبنه احس نفسي معجبه بي ههههههه مخبله بعد بس لان ماعندي فدشي بحياتي وماعندي هدف انعجب باااي واحد اشوفه وطبعا اني مستحيل واحد ينعجب بيه للعلم اني حلوة حتى شعري اشكر وعيوني لونها بني بس اكبار خشمي صغير بيضه بس اني من الدوة الي اشربه ومن القهر وجهي مكلوب واني ماعندي امل للتالي جنت اكول يله انتضر شوكت اموت واخلص هاي اني وحياتي الكارثيه
البطل ـ اسمي مهيمن دكتور جراح من اشهر الجراحين بالعراق هددوني قبل فترة ورحت عشت خارج العراق بس مستحملت خليت ورجعت هنا بالعراق دوامي وعملياتي والعيادة مالتي واني من نوع الدكاترة الي يريدون يضيفون شي للطب احاول اخلي بصمتي لعلم الطب
عمري ٤٤سنه
اني دكتور فااعتني بصحتي جيد ومن النوع الي محافظ على شكلي فلي يشوفني يكلي عمرك ميزيد عن٣٥سنه او اقل وصراحه لبسي شبابي وحتى سيارتي كلش شبابيه روحي خضرة هههههه
طبعا اني طولي طبيعي ابيض احب ازين اكرع لان كلش يلوكلي وعيوني حلوة وباقي ملامحي طبيعيه يعني مختصر الكلام يكلولي دائما انت تجذب واحب اهتم بمظهري ويمكن لان دكتور طبعاحالتي زينه اني عندي اخ واحد
والدي قبل فترة مات ترك النا فلوس وتلث بيوت مساحتهن جبيرة تقاسمنه اني واخويه بالورث واني امي ميته الله يرحمهاواخذت حصتي وردت ابني بيت وفعلا اشتريت كاع بمنطقه كلش حلوة وراقيه ومساحت الكاع حلوة وجنت مخطط للبيت انوو اسوي بيت كلش حلووو طبعا اتفقت ويا واحد يبني البيت يعني مقاول وجنت كل فترة اشوف العمل وين واصل ومرة من المرات جذب نظري وحدة خطيه معوقه تكزل طلعت من بيتهم يمكن فاتت بيت جوارينهم اوبالعكس او من بيت جوارينهم لبيتهم المهم ماادري باوعت عليه لحد مدخلت للبيت انقهرت اني بطبعي عندي انسانيه بداخلي كلش قويه يمكن لان شغلي هيج اتعامل دائما باانسانيه المهم ظليت اتردد على البيت الي دابني ومرة اجتي عليه مرة جبيرة سلمت عليه كلتلي يمه هذا بيتك كتلها اي وكالتلي ترة العماله دمرونه ومن هالحجي لان بيتهم كبال بيتي اعتذرت منها ومرة جبيرة اصرت اروح اشرب يمهم جاي ستحيت اكول لا
ورحت و دخلت وجان اشوف نفس الي شفته قبل كم يوم ابد متحجي عبالي خرسه طلعت هي متحجي بس تباوع بعيونهاوكاعدة على صفحه اني استحيت اسئل شنو مشكلتها هاي بس والله نقهرت حلوة ومبينه موجبيرة المهم سلمت عليهم وطلعت
بس خطيه انقهرت عليها كلت يمكن هاي بيها حاله نفسيه
اني حياتي الشخصيه خاليه من الحب
جنت مزوج دكتورة ازوجنه بعد مخلصنه الكليه بس ظلينه مشاكل وظليت وياها تلث اسنين وطلكتها صار عندي ولد منها بس الله قدر انووو ميعيش تقريبا عمرة ثمن اشهر ومات الله يرحمه وطبعا مقبلت اجيب اطفال فنفصلت عنها
وظليت بلا زواج مفكرت انووو ازوج بعد
ومشت الايام واني كل حياتي بالشغل واسافر يوميه ل مكان ومؤتمرات وشغل مرت الفترة واني جنت يوميه اشوف حجيه ام محمد ام هاي البنيه خطيه وتحاول ادخل يمهم بس اني اكللها مستعجل او شوف شنووو وفتره وخلص البيت البيت يخبل صار واثثته صار تحفه فنيه عبالك وبديت انقل ملابسي داكعدبي وفعلا كم يوم ورتبت وضعي ورحت كعدت بي
شيماء اني شفت هذا البيت كدامنه ينبني كلت اكيد عائله جبيرة رح تكعد بي بس ورة كم يوم العماله ضوجونه بالوصخ فكالت امي اروح احجي ويا صاحب البيت وراحت وشافته وعزمته على جاي يمنه طبعا اني من دخل صفنت عليه شكد حلووو ومرتب وظليت بس اباوع ماااحجي وهو كل شويه يندار يباوع عليه ويرجع يحجي ويااامي ضليت ساكته ومتحركت من مكاني بس اسمع الحجي وظل يجي للبيت مالته يشوفه ومرت فترة والبيت خلص وبدة ينقل بي اثاث طبعا مندري اذا عندة مرةاطفال بس عرفنه هو دكتور جراح وبس هووو مبين عليه خوش ولد اجه كعد اول يوم ماااكو مرة بالبيت ماكو اطفال وامي سوتله اكل وراحت وكالت هو كاعد وحدة لان ماعندة مرة امي فضوليه رايحه سائلته واجايه جان دكلي شفتي شكد حلووو لو انتي زينه جان رتبتلج الوضع وخليته يزوجج طبعا اعرف امي متقصد بس اني كلش انقهرمن احد يحجي هيج كلبي ينمرد يحسسوني بالنقص دائما ميخلوني انسى انو اني موطبيعيه يله الحمدلله كلمن ياخذ نصيبه ثاني يوم اجه الدكتور
شافني كاعدة بالحديقه سلم عليه مجاوبته لان حجي امي بعدة بالي بس هزيت راسي وجاب الاماعين مال اكل وامي جلبت بي الاتكعد والله كعد وضلت امي تسئل بي مزوج ممزوج امك ابوك بعد امي ومتشتهي تحجي وتدخل بكلشي هووو شخصيته حلوة وراقي كلش بكلامه ويجاوب امي بكل رقي وبعدين باوع عليه واني كمت دخلت جوة اني اسحل بنفسي ولمن دخلت جوة حسيت هو يباوع عليه يمكن منقهر على حالي كلت يله عادي متعلمه على نظرات الشفقه من الناس كلها دكول خطيه هاي صكط من امهاتموت تنشمر بالشارع ومن هالحجي وفعلا دورات اكول ل نفسي اذا امي صار بيه شي وين اروح اني منوو يتحملني وبعدين اكول الله مينساني الله موجود الحمدلله دورات اقنع نفسي اكول انو الله بتلاني يجوز يريد يجازيني بشي احسن
مهيمن ـ كلش استغرب من تصرفات شيماء حتى مسلمت من سلمت عليها ورة شويه كامت وشفتها تواجه صعوبه بالمشي بكوة تمشي انقهرت كلش ولمن دخلت جوة سئلت امه كللتلها هاي بتج صح كلتلي اي صحيح كتلها شنو مشكلته متحجي كلتلي لا تحجي بس هي مريض وحجتلي عن حاله شيماء وشلون تعاني وشلون هي كاسرة كلبها وتخاف تموت وتعوفه المن كلش نقهرت وظليت احجي عن شيماء وبعدين قررت انوو اروح وكمت طلعت من بيت شيماء ورحت للعيادة بس ضلت شيماء شاغله تفكيري استغربت لان هوايه مارة عليه هيج حالات يعني شي عادي بس اني انقهر عليها مبينه نفسيتها كلش متاثرة بحيث تفضل السكوت وعازله نفسها
شيماء ـ اني كلبي رفله للدكتور ولو اني يوميه انعجب بااي شخص اشوفه طبعا بيني وبين نفسي الاعجاب بس الدكتور يمكن ارقى شخص اشوفه بحياتي مرتب راقي طريقه كلامه مختلفه بس اكيد هيج واحد ميباوع على وحدة مثلي مريضه ومخبله
اليوم اجوي العصر بيت اخويه وكعدت مرت اخويه تسولف وجان دكول اكو دكتور زين يسوي عمليات للي ميمشون وكرايبنه رايحه علمود ابنها ليش متودين شيماء
عد كالت اسمه دكتور مهيمن
عد امي كالت لايطلع هذا جوارينه الي كعد جديد هم دكتور واسمه مهيمن كالت مرت اخويه روحي خاله احجي وياة بلكي خطيه يسوي جارة ل شيماء طبعا مومحبتن بيه هيج تحجي مرت اخويه بس تخاف امي تموت ابقه براسهم
المهم امي كالت العصر اروحله والله شافت امي السيارة مالته وراحت اتاري حاجيه وياة وكايللها هووو اني اريد جنت اجي اريد احجي وياج علمود شيماء انو جيبيه للعيادة وافحصها
امي كالتله اي فدوة ماعدها هاي احد وكايللها باجر تعاي للعيادة
ثاني يوم رحنه اني وامي وفحصني دكتور مهيمن وكال لازم عمليه وكال بس المشكله انووو عمليتها هنا مو ناجحه واني اعرف دكتور صديقي بس هووو بكندا هووو يجي كل فترة لتركيا يسوي عمليات هناك وهوو صديقي ممكن اكله كال لاامي حجيه بتج احتمال كلش جبير ترجع تمشي طبيعي وراح احولها لدكتور تروحيله علمود مرض الصرع الي عدها وكتبلنه ادويه كومه وكمنه دنطلع جان يكول حجيه باجر تحضري انتي وشيماء اني اوديكم للدكتور زين امي كلتله تسلم ابني تعبناك ويانه كللها لا ماسويت شي تدللين
شيماء ـ اول مرة واحد هيج يباوعلي مثل ميباوعلي دكتور مهيمن اكو شي بعينه وبنظرانه مختلفه يمكن نظرات شفقه ماادري اعجاب هههه وضحكت على نفسي وكلت والله خيالي واسع هيج واحد ينعجب بيه اني المهم ثاني يوم ودانه دكتور مهيمن للدكتور
وغيرلي الادويه ومرت فترة وماكوشي
المهم اني اختصرت هوايه احداث اعتياديه بس الحدث الاكبرر انوو دكتور مهيمن خطب دكتورة حسب ماكايل ل امي انوو خطب دكتورة مااادري ليش احترك كلبي من سمعت
وبعد كم يوم اجه مهيمن على امي كللها حجيه دكتور مصطفي صديقي الي رح يسوي عمليه ل شيماء بتركيا فااذا تريدون حتى ارتب وياة كلتله امي ماادري كللها حجيه رديلي خبر منا لباجر حتى ارتب الامور
اني ماجنت مهتمه لان امي ماعدها سفرني والله العالم شكد فلوس العمليه واخوتي وخواتي هم على كد عيشتهم فاامي كالت شلون كتلها عوفيه كوليله منريد
راحت امي ثاني يوم وطبعا كايلتله ماعدنا فلوس ومنسافر
وهوو كايل اني اسوي العمليه على حسابي ومقنع امي وامي اجتي كلتلي واني كتلها لا مااريد وماقبلت امي كايله لدكتور مهيمن شيماء ماتقبل كايل اني احجي وياشيماء
وصدك بالليل وجان يجي الدكتور كلي ليش متقبلين اسوين العمليه كلتله احسن كلي لا رح اسوين العمليه لصيرين ضعيفه صيري قويه خلي تكون عندج عزيمه مختصر الكلام قنعني و اني من شفته بعد مكدرت افكر بشي بس ظليت اباوعه يحجي بس بالي مو يم الحجي وبس اكول اي عد قبلت وكال اني رح ارتب الوضع واردلكم خبر
#الكاتبه #روجمان