رواية قسمة ونصييييييب 🍁 🍁
الحلقة 22 🌟🌟🌟
بعنوان ♡{دقة قلبي الاولي 💓💓}♡
شافلي مجد وعيونه كلها خوف لبدني وراء الطاولة امتع التلفزيون واني انقوله مستحيييل مستحييل واللهي لما يشوفني طلعت منه حركة لاإرادية شد ايدي وباسها وقالي يستر عرضك ماتتكلميش استرينا الله يسترك واني حسيت قلبي بيطلع من مكانه وابديت نتنفس بصعوبة ووجهي ولا احمر وهوا لما حس بروحه طلق ايدي واتحشم وامشي فيسع لفراشه واتغطي بالبطانية علي اساس انه كان راقد
انفتح الباب بقوة
مفتاح الاب "بغضب " : مججججد ممممججججد تي تمنوض ياولد ماسمعتش التقربيع والعياط اللي كانوا برا ؟
مجد "ابدي يحك في عيونه علي اساس كيف ناض " : تمني تشن فيييه يابوي مانندري علي شيء راني وماسمعت شيء راهو .
مفتاح "باستغراب " : معقولة ماسمعتش العياطات اللي كانوا توا .
مجد "بارتباك وتوتر " : ت اا تي ااا لالا اا يابوي هذاا صووت التلفزيون كان عاالي اني رقدت وخليته التلفزيون يشتغل
مفتاح "قرب من التلفزيون "
لامار " خفت بعد متت وابديت نرعش رعيش "
مجد "ضرب علي راسه زي الغبي اني ! يعطيني بكشة مالقيت مانقول وناض يجري وقف قدام بوه !" : تخيرك يابوي شن فيه .
مفتاح "باستغراب " : تأهو مسكر التلفزيون تخيرك انت ياولد شن تخرط تغر قولي شن مداير من عمايل اعترف اعترف "وغمزله " .
مجد " ضربات قلبه زادوا " : تواللهي العظيم مادرت حاجة يابوي كان التلفزيون مفتوح استاقظت بيه وطفيته قبل ماتخش انت بشوية .
مفتاح :تباهي باهي ، تغر هدي خيرا وجهك اتصفر واتخضر شكلني رعشتك في عقاب هالليل برا ارقد تصبح علي خير .
مجد " بارتباك " : منخش نشرب امية عطشان هلببا .
مفتاح : تخيرك انت اليوم تي أهو مالقي المية بحداك معبي تغر قولي شن زارط يافرخ في هالليل .
مجد " بخوف ورعشة " : اااا تي لااااه عليك ياابوي معقولة اني دقولي هالكلام ، انت عارف اني مش امتع الدوة هادي بكل ، قصدي نبي ناخد طاسة عصير .
مفتاح : خلاص خيرك خايف هكي تنبصر عليك ياراجل ولدي ونهدرز عليييك وبعدين اني مربيك وعارفك تبارك الرحمان عليك وعلي اخلاقك خش انت للحوش وبعدين سكر الباب وراك " وطلع " .
مجد " تنهد براحة 😥 " الحمدلله.
لامار " تهدت تنهيدة اقوي " : واخيرا .
مجد " شافلي " :قسم بالله بعد ورقلك .
لامار "بألم " : حصلت يامجد راهو ايدي معاش قادرة .
مجد " نقز بسرعة وجاني " : غر بشوية هاتي ايديك .
شد ايديا اثنين وحاول يتلني بالشوية لكن صعب ماقدرتش نطلع المسافة ضيقة هلبببا واني انحشرت فاها ورجليا اتقوسوا بعد انكسرت قرب مني اكثر وشدني من جنابي "حسيت برعشة في كل جسمي ووجهي اتحمر واتخضر وسخننننت " سحبني بقوة لدرجة انه وجهي ابدي قريب لوجها وعيني في عينه حسيت بكهرباء في كل جسمي انفاسي اختفت ودقات قلبي اضاعفت وقعدنا انشوفو لبعض مشوار وهوا شادني من جنبي وايديا علي كتافه حسيت بدقة غريبة عمري ماحسيتها قلبي ابدي يدق بشكل غريب دقة حسيت بعدها انه كل جزء من جسمي ابدي ينتفض بقوة ..نزلت ايديا ودفيته بسرعة وقتله شكرا واخديت شالي وطلعت نجري وهوا قاعد واقف نفس الوقفة سكرت باب المربوعة وهوا عيونه عليا وحتي كلمة ماقالها .
امسك بيدي وضعها على قلبك وعاهد عيناي ان ابقى اسيرة قلبك وتبقى اسير قلبي وعاهدني على ان لايفرقنا زمان ولامكان نبقى كالشجر رغم البعد تتعانق الجذور ....❤️
خشيت نجري للحوش وسكرته وخشيت لدار وفاء وقعمزت في فراشي وتغطيت ، حاولت نهدي قلبي ماقدرتش ، حطيت المخدة علي قلبي نبي نهديه ، لانه حاساته بيفضحني ، حسيت انها الدقة الاولي لقلبي ؛ حسيت قلبي انولد هديكا الدقيقة .
شعرت ب بقلبي وهوا يولد في تلك اللحظة ♥
احسست بشراييني وهي تتجدد ♥
صارت دقات قلبي تعلو وكأنها رضيع أخرج للتو من رحم امه ♥
يإلهي كم أنا ضعيفة أمام سحر عيناه ♥
مابي هكذا هل يعقل انني استسلمت له ، ماذا حل بي ، انا التي كنت ضد الحب ودائما كنت اعتبره مضيعة للوقت ، أصبحت الان أسيرة لذلك الغريب ، الذي لم اعلم عنه شيء لجعلني احبه ▪▪▪▪▪
لامار "بصوت هادي لايكاد ينسمع" : اااااااااااخ ياحليلي حاسة جسمي متخدر حاسة بقلبي بيطلع من مكانه اااااخ ياحليلي روحي بتطلع ، اول مرة في حياتي انحسه هالاحساس ، عمره ماصارلي هذا الموقف ، لكن لا....! ديما انور ووسام يشدولي في ايديا تحتي ربيع ديما جوي معاه ملييييح وعمري ماااتحشمت زي توا ، لكن الغريب انه انور اللي كنت انحبه عمري ماحسيته معاه هالاحساس ، لالا مستحيل اني اصلا عمري ماحبيته انور كان مجرد لعب صغار ، لكن اللي توا انحس فيه هذا شن اسمه ، زعما هذا هوا الحب ، حي عليا كنهذا ، وكلام مجودة االي قالاته ، اني مانبيش نتعذب من الحب ، لالالالا اني نتوهم مستحييييييل انحب االانه ليا سنييين مسكراته هذا الباب ومتعاهده مع قلبي انه مايفتحش الباب للعشق كان طق عليه ، اني قوية وحنقعد طول عمري قوية ومش حنضعف الحب ضعف واني مش ضعيفة ، اني اصلا اكيدة كنت خايفة ايييه صح الرعشة والخلعة اللي حصلتها خلت قلبي ينبض زي توا ، اني مستحييل انكون حبيت مجد .
في حوش العم خليفة. ▪▪▪▪▪▪
اخبريهم اني احبك..لا بل أعشقك..
لا بل اتنفسك.
أخبريهم انك روحي .قلبي .حياتي.
دنيتي.لا بل أكثر..أخبريهم أنك مختلفة
أخبريهم أنك أكسجيني
أخبريهم أنك تعيشين بداخلي .اخبريهم انك روح استوطنت كياني . اخبريهم انني أختنق عندما تبتعدي عني.
أخبريهم ان يومي بدوونك كانه لم يكن
اخبريهم ان عيني لم تعشق غيرك
اخبريهم انني لا استطيع رؤيتك حزينة
اخبريهم اني لا استطيع العيش بدونك
اخبريهم انك “انا”
اخبريهم انني “انت”
مروان واقف في الباب امتع غرفة ندي " يتأمل فاها كيف راقدة زي الملاك تعبو عيونه دموع شافلها شبحة اخيرة وابتسم وسكر الباب "
يسمع في الباب يطق بقوة جي بينزل يفتح امشي شده أيمن ،
ايمن : خليك انت اهني اني توا ننزل نفتح .
فتح الباب
نائف " بغضب وعاصر علي سنونه " : تواللهي انتم ناويين نرتكب فيكم جريمة في هالليل .
أيمن "بغضب " : تتكلم باهي راهو خيرلك رااااك مش في الشارع اوزن كلامك قبل مااطلعه .
نائف " ازفر بقوة " : توينها الحيوانة علاش مارجعتش ولا تبيني انجي اني نجرها من شعرها زي النعجة.
مروان انزل وهوا عيونه تطلق في شرارة من الغضب : تبرا يامرييييض واللهي حراااام واحد زييك يعيش بيناتنا ، انت عندك عقدة نفسية برا اتعالج احسنلك راااهو ، ماهو عيب علي واحد بطولك وعرضك يتغلف باسم الدين ظاهريا بس وهوا باطينيا خامر حتي الدود يلعب فيه لعب .
نائف " امشاله زي الثور الهايج " : تي انت شكلك قاعد ماتربيتش تي اني لما نربيك ياكلب .
وهجموا علي بعض وايمن يحز بيناتهم
"كان العم عبد الفتاح والعم خليفة في ليلتها في رحلة صيد "
طلع ربيع يجري من الداخل ويحك في عيونه شكله كان راقد لقاهم يتعاركوا خش يحز
طلعت سعاد علي قولة وووووووووووك وووووووووووك
وندي نزلت تجري وابدت تبكي جبدتها جيهان وقعدت تسكت فاها ومودة تبخ في امها بالمية لانها تنوص تندب اشوية وتسيخ .
علي خشه عمي عبد الفتاح وعمي خليفة
انصدموا من المشهد الفظييع
عمي عبد الفتاح : تلاااااااه عليكم تغر شن فيييه ، هذا ماناقص تتعاركوا وتقطعوا بعضكم واحني عايشين .
العم خليفة "بغضب " : تقسم بالله كان انشدكم لما نمضغكم بسنوني واللهي اني ماعرفت انربي .
نائف " بهزوة " : اييييه ياعمي ، صح ماعرفتش اتربي ، اصلا العار اللي داره ولدك يوطي الراس .
العم خليفة " انخلع " : منهوا اللي دار العار وشنهوا العار اللي داره تإنت شن ادقول ياولد تربح ماترعشنيش .
نائف : زي مااسمعت ياعمي ولدك استغفلنا وطعن بعرضنا وشرفنا واني مش حنسكت وحنحاسبه علاها كوييس .
عبد الفتاح " برجفة وخوف " : تي انت شن ادقول اطعن شرف مني
نائف " حكالهم "
مُؤلِمٌ جِدَّاً عِندَمَاٰ يَرسُمُونَگ🎨🍁
َفِيٰ خَيَاٰلِهُمٰ بِصُورَةٍ خَاٰطِئَةٍ👊❌
وَ هُمٰ لَاٰ يَعرِفُونَ مَاٰ بِدَاخِلگ 😔
خليفة قعمز من هول الصدمة وشد علي قلبه
عبد الفتاح " بغضب وعاصر علي ايده ووجها ابدي اسود " : اتفووووووو عليييييك ياخسارة ثقتي فيك يامروان واللهي ماكنت نسحابك قليل اصل زي توا .
وشاف لندي بنص عيين وقال لنائف هاتها .
مروان " بحزن ووجع قلب " : بنتك نباها ياعمي نباها حلالي اعطيهالي باهي مش اني غلطت اعطوهالي بالحلال وتوا ، يشهد ربي عليا انها مجرد لحظة ضعف واني توا مستعد نذزوجها رغم انه غلطتي ماوصلتش في شرفها لاني مؤمن وعارف حدودي ومع ذلك اني غالط ▪
العم عبد الفتاح : هيا القصة مش قصة انك غلطت مع البنت ونبو نسترو علاها ، لان الحمدلله القصة ماوصلتش للحد هذا *وكانت خفيفة * "قالها بهزوة " القصة يامروان انك استغفلتنا وخنت الامانة اللي عاطينهالك عمري ماقتلك شن ادير ولا علاش جاي لحوشي ولا خاش لمني ديما مخليك علي راحتك وبناتي يتحركوا قدامك ماعمري قيدت واحدة فيهم لكن انت تطلع في الاخير امداير علاقة مع بنتي من وراي ، واللي حارقني انك مادرتش ليا اي اعتبار. ولا لي ولادي الشباب وتتواعد انت وبنتي وفي نص حوشي تاني.
مروان : هادي البنت حتكون حلالي ومش حتكون لحد غيري تسمع فيا ياعمي.
عبد الفتاح " النار تشعل من بين عيونه " : ماليكش نصيب عندنا بعد اللي درته .
مروان " بغضب " : البنت حناخدها تبو ولا ماتبوش حتي لو اضطريت إني نخطفها واللهي ماني مقصر .
عبد الفتاح " بحقد وغضب " : هذا الكلام اكبر منك ياولد راهو تقسم بالله ماااااك طايلها مادام تفكيرك خامر زي توا .
مروان "بغضب " : واللهي لما ناخدها ونتحداااك تقرب----
العم خليفة ضرب مرواااان كف قوي
مروان قعد حاااط ايده علي وجها وادموعه يقطروا
العم خليفة " برجفه ورعشه في كل اطرافه وحاط ايده علي قلبه " :ياخسارة تربايتي فييك يامرواااااااان ياخسارة " وشده من حوايجه وابدي يخضخض فيه " اني هذا الحوش معاش نبي نشوفك فيه ياكلب سامع ولالا اتفووووووووو عليييك لا يوم الدين ياحقير ، خزيي عليك .
قرب ايمن وشد بوه وبعده علي مروان
نائف " جر ندي من شعرها وهيا تعيط وتبكي وطلعها وطلع عبد الفتاح وراه
جي مروان بيقدم يبي يلحقها شدوه ايمن وربيع °ابدي يعيط بأعلي صوووت °' ندى اااااا يانننننننددددى واللهي لما ناخدك ياندى غصبا عليهم كلهم مش حيحرموني منك ياقلبببببببي وياعيوووووووووني "يبكي بدموعه ونزل علي ركابه " ياندي سااااااامحيييييني يااااندي اني السبب اااااااخ ياعيوني بيحرموني منك بيحرموني ، شفتييييهم ياندي شفتيييييييييييهم يبوا يقتلووووووووووني ياااااااا ندى .
سعاد جت شدت مروااان وشدتله وجه
سعاد " بدموع " : لااااااه ياوليدي ماديرش في روحك هكي علي خاطر بنت ، فوتها واني نجوزك ست ستها ، اني ندورلك وحدة احلي منها واصغر منها ، فوتها ياوليدي وخووود كلامي ، معاش ولا كان اللي يبكي واحد من وليداتي ، ا ني توا انوريهم ياوليدي .
مروان " متلبط امه بقوة ويبكي بدموعه وكبيدته محروقه حرق وبعبرته " : يممممممه اني انحبببببها يممممه مانبي غيرها يمممه حرموني منها الله يحرمهم من الجنة '''اخدي ايدين امه وحطهم علي عيونه ''' هيا عويناتي اللي نشوووووف بيهم يمممممه اني منغيرها مانسوي واللهي مانسوي .
خليفة "بغصة في قلبه " : اطلللللللللع اقلب وجهك وانت تدمع قدامي زي البنية امشي اقلب علي رمتك .
سعاد "تبكي بحرقة " : وليدي اصغير مايطلعش منه الحوش ماتلزاش علي خاطر خوك وبنته اللي مايسوو ، تي طز فاها بنت خووك ريتي هالشكيله اللي مدايرين علي خاطرها هذا كله تراهي هيا اللي غراته باش يدير هكي نعرفها اني واللهي لفعة الافاعي هادي ندي .
مروان "بغضب وحرقة " : مادقولييييش علاها هكي يمه ندي مظلومة ورب العزة مظلووومة اني اللي ماننفعش ، ندي اشرف مني بمليون مرة .
سعاد " بغل " : انت بتقتلني ياولد هيا السبب في كل شيء وادافع علاها تاني .
طلع مروان يجري برا الحوش وادموعه يقطروا اركب في سيارته وطلع بأعلي سرعة ويخبط علي الدومان ويبكي بحرقه حتي فاتت سيارة نضال من بحداه ونضال يبيب يبيه يوقفله ماوقفش زاااااااد السرعة اكثر
كسرو خاطري يكسر الله خاطرهم
ويش مايكون العذر مانعذرهم ..
الله يرزيهـم
الله لا يسامحهم ولايهنيهم
فيهم يوريني مصيبه..
زي ماقهروني يالله تقهرهم
ولا عاد ايجوني ولا نريد انجيهم🤒
قطاعت ارحام يقطع الله خبرهم🤦..
عالخير لا يصبحهم ولا يمسيهم 🤢🤐
ولا انريد شوفتهم ولا ننظرهم
#خليها_تحرق
اااااااخ شن داروا فيييييك ياكبيتي انتي ياندي قهرووووووووني وعذبووووووووووني بيك ياندى حتي اهلي تخلو عليا ياندى مافيش من وقف معاااااااااي ياعمري انتي.
رن تلفون مروان ماباش يرد رجع رن مرة تانية خداه ورد
مروان " بعصبية وتضايق " : الووووووو شن مازال تبوا مني شن مازال مش طردني بووك من الحوش ولا علاش تتصلو بيا خلووووووني نمووووووووت
ربيع " بصوووت مبحووووح وحزن " : ------------
مروان "من الصدمة شد افرينوا "
---------------------------------
في حوش العم عبد الفتاح
نائف يضرب في ندي بهمجبيية وسناء وبراءة يحزو وفاتن تدعي عليه وتندب وتخبط وتبكي .
وعبد الفتاح مقعمز علي الصالون ويشوف فيهم بحسرة
فاتن " بحرقة والم " نوضله ولدك تربح نوووووووووضله بيقتلهالي بنيتي ياحليييييييلي ياحليييييلي زودله ولددددك زودله ، واللهي ماني مسامحتكم كان يصيرلها حاجة رااااااااهو .
عبد الفتاح " ناض ورجليه فاشلات ووجها اصفر خش للدار "
فاتن "ناضت تعييط وتضرب علي وجها " : ووووووووووووووووووو وووووووووووك عليا اني و وووووووووووووووووك ياحليلي ياحلييييييييييييييييييييلي .
خش نضال يجري وشاف امه تعيط وتندب ونائف مش معدل ويضرب في ندي
امشي يجري وشد نائف وبعده علي ندي ودخله للدار.
سناء وبراءة شدوا ندي وسنداها ودخلاها داخل
خشت لحقتهم فاتن وامشت حضنت بنتها ندي بقوة
وندي " تبكي بعبرة " : انحببببببببه ياماما واللهي انحبببه باللهي عليكم ماتحرموني من ضيء عيوني ،مانقدر نعيش بدونه والله مانقدر .
فاتن " تبكي وماقادرة لدقول شيء تواسي بيه بنتها "
------------------------ - - -
نضال اخدي تلفونه واتصل برقم جيهان خطيبته
نضال " بحزن " : الووو حبي طمنيني علي الوضع عندكم .
جيهان "تبكي بحرقه "
نضال " بخوف " : شن فييه حبيبي خيرك .
سحبت سعاد التلفون من ايدين جيهان
سعاد : هذا الرقم تنساااه تسمع فيا ولا
نضال " بصدمة " : انتي شن ادقولي ياعمتي سعاد جيهان راهي خطيبتي كانك ناسية .
سعاد " بهزوة " : لامانسيتش ياغالي توا يوصلك كل شيء جبته لحوشكم ، انت معادش عندك نصيب عندنا .
نضال " بغضب " : علاش فهميني السبب شني اللي صار .
سعاد " بعصبية " : برا اسال الحيوان خووك
وسكرت عليه
يتبع .............
انتهت الحلقة 22
تابعونا