غدر يبني طريق العشگ

البارت33

(غدر يبني طريق العشگ)
#بقلمي_اقبال_محمد
&&&&&&&&&&&&

شويه وسمعت صوت مو غريب عليه واعرف صاحبته بس وهمت نفسي  ...

فتحت الباب وطلعت دخلت للصاله صارت دخلتها ويه دخلتي للصاله ..
نبراس !!!!!!!!
باوعت عمتي كاعده ع التخم تقره قران .. وبراء دخلتها ..

نبراس السلام عليكم ...

ام حيدر وعليكم السلام ..يمه براء منو البنيه ..

براء يمه بنت خال عسل وجايه عليها ..

اني صافنه بوجه ماحركت ساكن ..

ام حيدر ياهلا هلا يمه تعالي اكعدي ليش واكفه ..

راحت كعدت وتباوعلي بنضرات ماعرفت افسرها ..

نبراس شلونج عسل ..

فزيت ع صوتها ..

عسل بخيير الحمدلله ..

ام حيدر يمه براء جيبي ضيافه للبنيه ..

راحت براء للمطبخ واني اريد اطلع وراها دخلت رشا  وانصدمت بيها عبالك تعرفها ..

ام حيدر يمه عسل اشو ماسلمتي ع كرايبج ..

نبراس خاله اني وعسل ع خلاف صارت بياتنه مشكله جبيره وهيه زعلانه مني فاجيت اراضيها ..

انصدمت من حجت ..

ام احيدر يااا يمه عسل الزعل ماينفع وهيه بنت خالج .. مثل الاخوات

عسل عمه ماكو شي شغله وراحت بوكتها ..

نبراس عسل ممكن احجي وياج وحدنه بس شويه ..

ام حيدر يمه اخذيها لغرفتج وتفاهمن وخلي الزعل يولي ..

عسل تعاي ..
مشيت كدامها لغرفتي فتحت الباب ودخلت ..

دخلت هيه وسديت الباب .. شفتها تباوع لصوره جبيره  مالتنه مال العرس اني حيدر .. وكفت كدامها ..

عسل خيررر شعندج جايه لبيتي ..؟؟؟

دنكت . . نبراس عسل اريدج تسامحيني ..

عسل هاي لعبه جديده ..

نبراس فدوه خليني احجي ..

عسل جاي اسمع ..

نبراس عسل ادري هواي اذيتج بس فدوه سامحيني اريد ابدي حياة جديده واريد تبريني الذمه اني  اذيتج واذيت نفسي هواي ورخصت نفسي ..

عسل اني جنت ادور الحب بكل علاقه لكن مالكيته ابد كل واحد جان يتوددلي جان بس علمود يحصل جسمي ومن يحصله يتركن اله حيدر وادري اني فرطت بي ومااستاهله وانتي اخذتي لان تستاهليه وبالعافيه عليج بس فدوه سامحيني ..

عسل اني منو واسامج ربج هو الغفور الرّحيم وخلي نفسج تسامحج قبل كلشي ..

نبراس اني خليت كلشي وره ضهري والله اريد ابدي حياة جديدة لان لكيت الانسان يستحق اصونه واحفظ عرضه وماحبني علمود جسمي لا كل اليحمله اليه مشاعر وحب صادق ..

عسل ابدي حياة جديدة وخلي الماضي وره ضهرج ولاتباوعين وراج ..

جاي احجي ودخل حيدر .. انصدم بيها ..

حيدر شعندج هنااا ..؟؟؟!!!

دنكت مانطقت حرف ..

حيدر شعدها ابيتي عسل ..

عسل اهدئ شويه اجتي وتريدني اسامحها ..

حيدر الله الي يسامح مو احنه واذا كملت كلام الباب ينتضرها ..

نبراس خويه اجيت واريد عسل تسامحني لان هيه اكثر وحده تاذنت مني  ..

الصراحه انصدمت من كالت لحيدر خويه .. يمكن اصدك نبراس اتوب بس مااصدك بنبراس دكول لحيدر خويه ..

عسل هاهيه اني مااحقد ع بشر بس انصحج نصيحه صوني نفسج لنفسج مو لاحد تره النفس عزيزه لا ترخصينها اكثر ..

نبراس اشكرج عسل انتي صرتيلي اخت وصديقه وجنت دائماً تنصحيني بس انيي للاسف ضيعت نفسي بنفسي .. تحجي ومدنكه ودموعها يجرني ..
الصراحه قهرتني حيل ..

عسل خلاص مسحي دموعج والفات مات ..

نبراس راح اروح واذا ماعندج مامنع تعالي لعرسي يوم الاربعاء ..

عسل ان شاءالله اذا كدرت اجي ..

راحت طلعت سديت الباب وراها رجعت لكيت حيدر ضاج ..

حيدر منووو دخلها هاي ..

عسل براء فتحتلها الباب ..عود كلامها صدك لو ملعوب ..

حيدر شعلنه اذا صدك ولا كذب الله يهديها وبس وممنوع بعد تدخل لبيت ..

عسل صدك اشو رشا  من شافتها انصدمت ..

حيدر ماعرف ..

عسل اممم..  يله كوم مو كتلي اروح اجيك شغلي ومن ارجع نطلع ..

حيدر عوفيها ع غير يوم مالي خلك ..

عسل اشبيك هسه دكوم ضايجه ..

حيدر كتلج مالي خلك ..

عسل اشو ضايج بس لا لان دريت بيها راح تتزوج ضجت ..

حيدر سدي حلكج شسويلها ماتولي خفه وراحه ..

عسل لعد ليش ضايج شكوو ..

حيدر والله بطرانه هييج مالي خلك وراسي يوجعني ..تعالي بحضني ولج عود غير يوم نطلع ..لزم ايدي يريد يجرني ..

عسل دوخرر ماتفكر بس بهلشغله ..نترت ايده

حيدر يطبج طوب ..

كام وطلع ..كعدت ضايجه جذاب وعدني نطلع سويه وماطلعنه لان حضرته ضايج .. اييي اكيد ضايج لان راح تتزوج ..ضليت انافخ اريد ادرس بس مالي واهس .. كمت رحت يم براء ورشا بغرفتهن ..

شفت رشا مبدله وكاشخه ..

عسل هاي وين رايحه ..

رشا راح نطلع اني وعبدالله ..

عسل هاا حيدر يدري ..

رشا ايي امي كالتله ..

عسل خوش حبي ..

براء لعد مو كلتي باجر نطلع اني وحيدر ..

عسل اخوج ضايج ويكول راسي يوجعني ..

شويه واجه عبدالله طلعت سلمت عليه حضني وباس راسي ..

عبدالله شلونج حبيبتي ..

عسل الحمدلله انته شلونك شلون صار بابا ..

عبدالله الحمدلله صار زين وكام لحيله ..

عسل مشتاقه لبابا وماما حيلل ..

عبدالله تعالي هلا بيج خلي حيدر يجيبج او اني امر اخذج ..

عسل ملتهيه بالدراسه والله بس ان شاءالله اخلي حيدر يجيبني ..

عبدالله هلا بيج حبيبتي .. باوع لرشا .. يله رشاوي ..

راحت صعدت بالسياره .. هو فتح محفضته وطلع فلوس خلاهن بيدي ..

عسل شنوو هذي ماريد والله ..

عبدالله دخذي لج مو بكيفج ..

عاندت وردت ماقبل اله اخذهن ..

راحو ودخلت اني جوه ..

ضليت لغرفتي ادرس ماطلعت ابد انتضرت حيدر يجي بس تاخرت صارت الساعه ب10:30 وهو مااجه عاد كلت يمكن راح للسوبر ماركت كعد بي ..

غفيت وين فزيت ع صوت باب الحمام ينسد فتحت عين ومغمضه عين ..
شفت حيدر طلع من الحمام الضاهر جان يسبح ..
رجعت غمضت وغفيت .. شويه وحسيت عليه لزك بضهري ودفن وجه بركبتي يهمس حبيبتي كعدي مشتاقلج ..

عسل اوو وخر حيدر نعسانه ..

حيدر دكعدي ياعمري وعوفي النوم ..

رجع يبوس واندمج  زايد .. نفرت منه لان جنت كلش نعسانه وتعبانه من الدراسه ..

عسل وخررر حيدر فدوه خلي انام رجعت جريت الغده وتلفلفت اسمعه ينافخ حسيت علي نام وانطاني ضهره ..

وين كعدت حيدر مو بالغرفه  سمعت الاذان كمت توضيت وصليت كملت صلاة ودخل حيدر شايل بيد كلاص جاي ..

عسل من يمته كاعد ..

حيدر من زمان كعدت راسي يوجعني ..

رجعت لفراشي ..
عسل تنام لو بعده راسك يوجعك ..

حيدر لا ماانام نامي انتي ..

رجعت نمت ..
وكعدت ع صوت حيدر ينده بيه علمود اكعد تسويله ريوك ..

كمت بتملل رحت غسلت ودخلت للمطبخ بيدت احضر بالريوك اجتي عمتي كعدت يمي بالمطبخ ..

اجه حيدر والبنات .. كملنه ريوك رحت لغرفتي
بدلت لحكني هو ومطنكر عرفته لان البارحه منعته
كملت تبديل شلت جنطتني وملازمي وطلعت ..

اجتي رشا وبراء تمشي وتدردم ..

براء كلجن فلتن اله اني امي اصرت اله اغسل مواعين الريوك ..

عسل والله نسيتهن حبي ..

اجه حيدر وشغل السياره .. وصلني الكليتي وراح ..

دخلت كبل للقاعه عندي اول محاضره متحان ..
شفت هستوه الاستاذ دخل صارت دخلتنه سوه ..

وزع الاسئله وقع بالارواق ..

بديت احل والاسئله كلش صعبه جانت ..هو الطب كله صعب واني تصعب عندي كلش لان مزوجه وعندي مسؤليات .. بيت وشغل ورجال وطلباته.. خاصه حيدر يريد من يرجع من شغله يلكاني لازم متحضرتله لازم مبدله ملابس نوم ومتحضرتله واقل شي ينطكر مثل اليوم ..

البيت قسمنه الشغل بيناتنه رشا عليها التنضيف
وبراء يوم عليها الطبخ  ويوم عليه ..
والمواعين كذالك ..

كملت حل الاسئله واني نص ونص ..

سلمت الورقه ورجعت المكاني باوع بيها الاستاذ ورجع باوعلي ..

كملنه وطلعت للكافتريه اجتي وراي زهره وتسئلني عن الامتحان ..

عسل انتي شلونج بي اني نص ونص ..

زهره اذا انتي نص ونص اني ولا طكه ..

عسل يااا ليش ولج عاد انتي شنو يشغلج عن دراستج ..

زهره كلشي مايشغلني بس من شفت الطب والطيحان حض كل واهس ماضل عندي خيه صعب مو شلون ماجان وفوكاها لعبان نفس ..

عسل لعد شلون تضيعين مستقبلج انتي دخلتي طب ..

جان احجي واجه ممثل الشعبه ... كال استاذ انمار يريدج بمكتبه ..

عسل معرفت شيريد ..

امير لا والله بس كال كول للطالبه عسل حسين دكتور انمار يكول خلي تجي لكتبي ضروري ..

عسل يله لعد راح اروح ..
شلت جنطتي ومشيت لمكتبه طبعاً هو نفسه استاذ لامتحانه ..

دكيت الباب .. كال ادخل ..

دخلت شفت كاعد وره مكتبه وريحه الجكاير تكتل ..
عسل استاذ كال امير طالبني ..

انمار نعم تفضلي كعدي واشر ع القنفه ..

عسل رحت كعدت انتضره يحجي ..

افتر من وره مكتبه وبيده ورقه ..

اجه كعد بصفي بسرعه كمزت ..

انمار شبيج تفضلي كعدت .. ومد ايده بيها ورقتي مال الامتحان ..

رجعت كعدت وسحبت الورقه ..

انمار هذي ورقتج صح ..؟؟

عسل نعم ورقتي ..

انمار ليش مامجاوبه ودرجتج  ضعيفه ..

عسل استاذ اتوقع اني مجاوبه ع اغلب الاسئله ..

انمار لا ممجاوبه لكيون الماده صعبه اذا تردين اشرحلج ماعندي مانع ..

عسل لاا استاذ مشكور مجاوبه اني ع اغلب الاسئله ..

انمار عسل انتي متزوجه صح ..

عسل العفوه استاذ اذا سؤال خاص واتوقع تعرف كلش زين اني مزوجه ..

كمت وكفت ..

انمار لحضه ..

تقرب مني واني عاقده حواجي ..

عسل خير استاذ ..

رح تمشه المكتبه ..

وسحب كارت ..

سحب ايدي وخله الكارت بيها ..
نترت ايدي منه وخزرته ..

انمار هذه كرتي الخاص وبي رقمي اخاف تشوفين صعوبه بالماده اتصلي بيه واني اشرحلج كلشي ..

خزرته واني افور ..

عسل مشكور استاذ عن اذنك ..
عفته ومشيت شفت حيدر واكف يم زهره يسئلها عني ..

حيدر وين صرتي ليش تاخرتي وشريد منج هذه ..

عسل ماتاخرت هستوني  رحت وكالي ليش ممجاوبه وليش ضعيفه بالماده  لان اليوم امتحن واني اساسه ضعيفه بالماده ..

حيدر خير ان شاءالله ومرت الثانيه من تروحين لمكتب اي استاذ ممنوع تروحين وحدج مفهوم ..

عسل تمام ..

حيدر عندج شي ..؟؟

عسل ايي عندي محاضرات ..

حيدر يله لعد اني رايح من خلصين رمشيلي ..

راح واني دخلت لمحاضراتي كملت واني رحتله مارمشت عليه ..

شفته واكف بالكافتريه ويمه بنات ثنين كصيتهن كلش وحده طويله وسافره لابسه تنوره قصيره لون نيلي وقميص ضيق لون وردي فاتح والمكياج فول

الثانيه محجبه لابسه تنوره قصيره جوه لركبه بشويه ولابسه بدي ابيض وستره مارونيه  ..

ولاستاذ مرتاح وداكها ضحك وشقه .. تقربت منهم ..

عسل هلاا ..

حيدر ياهلا اعرفج يارا بزوجتي عسل ..

يارا اهلا وسهلا ماتوقعتك مرتبط الصراحه ممبين عليك ..

عسل ليش ممبين عليه مرتبط والحلقه البيده شنو معقوله ممنتبه عليها ..

يارا لا والله ماجنت منتبه يله ع كلً فرصه سعيده ..

حيدر وهذه عنوان المحل مالتي باي وقت تشرفينه ..
يارا تمام ان شاءالله امر عليه .. يله بيباي .

عسل باي ..
راحت واني انهديت بي...

عسل شعندك وياها وشنو توزع ارقام وكارتات بكيفك ..

حيدر لحظه شبيج انهديتي شعندي وياها قابل .. سئلتني ع المحل مالتي وانطيتها العنوان ...

عسل داكها ضحك وياها ودكول ماعندي شي ..زين انطيتها العنوان شكو منطيها الرقم هااا ..

حيدر هو رقمي مطبوع بالكارت  مالت المحل ..

عسل حلووو استاذ حيدر وممكن اعرف شعندك طابع رقمك ..

حيدر اهووو فتحت تحقيق .. طابع من زمان من قبل لا نتزوج ..

عسل حلوه هاي كل مااكلك ع شغله وكتلي من زمان من قبل لا نتزوج ..

حيدر وهسه شتريدين مره واجتي تريد تمر للمحل وهذه باب رزقي قابل اطردها ..

كمت انافخ منين مااجي يطلعلي بدرب ..

عسل خلصت ماعندي محاضره رجعني ..

حيدر انتضري رشا بالمحاضره تعااي تشربين شي ..

عسل اريد نسكافية ..

راح جاب واجه وكعدنه نشرب ..

عسل ضوجه طلعني  مليت من الدراسه وكعده البيت ..

حيدر تمام من نرجع بس شويه ارتاح ونطلع ..

عسل خلي نروح ع براء للصيدله ..

حيدر يله امشي ..

عسل انته ماعندك محاضره ..

حيدر لا ماعندي ..

تمشينه اني وياه شابك ايدي بيده ويمشي ..

نمشي واحنه ساكتين ..

وصلنه لكلية لصيدله اباوع لحيدر عقد حواجبه بضوجه باوعت شفت براء واكفه بالحديقه مال الكلية ويمها واكف ولد وهيه مدنكه ومبتسمه ..

تمشى سريع شبه يهرول واني وراه .. وصلنه يمهم شفت براء وجها اصفر من شافت حيدر ..وهو خزرها خزره شلعها من كاعها ..

حيدر خيرر ابو الشباب امر خدمه ..

حاجاه الولد .بس اجيت اخذ السجلات ملاتي من زميلتي براء ..

صدت براء ع الولد وكالتله خويه السجلات انطيتهن لنرجس ..

رد عليها تمام خويه .. عن اذنكم ..

عافنه وراح ..

حيدر منووو هذه وشعندج واكفه وياه وحدكم ..

براء ماعندي شي بس اجه ع السجلات مالاته واني انطيتهن لصديقتي نرجس ..

حيدر وليش تاخذين منه سجلات ..

براء لان اني مالحكت اكتب الشرح فاخذته منه ..

حيدر براء سمعيني زين ماريد صداقات بالكلية هاي الشغله ماتمشي يمي عندج صديقاتج وبس زميلي وماعرف شنو ممنوع ..

براء ان شاءالله ..

حيدر كملتي ..

براء اييي كملت ..

حيدر جاا امشي نكعد شويه بين ماترمشلي رشا ونطلع اغديكم بمطعم ..

مشينه كعدنه بالحديقه مال الكلية ..

براء حيدر تدرين باجر شنو يصادف ..

حيدر شنوو مادري ؟؟؟

براء ههه وانتي عسل ماتدرين شنو يصادف ..

عسل لاا والله مادري اتحفينه شنو يصادف ..

براء تهييي ثنينكم ماتعرفون باجر يصادف عيد ميلادج ياغبيه يادكتورة عسل ...

عسل ياااا والله ناسيه باجر 11/2 صح عيد ميلادي ..لعد اريد هديه..

حيدر طاح حضج ماتعرفين تسكتين تعال جيب هدي انوب ..

عسل اييي والله اريد هديه ومو تروح لمحلك تجيب كلاده وتجي لا عيني شبعت ذهب روح اختار هديه بذوق وكون شي يعجبني ..

حيدر يله بله وماعاجبج  دكتورة عسل من اجيبلج كلادة ذهب الا صدك مو مال دلال هاهيه لا تحاتين بعد اروح اجيبلج كيكه من السوبر ماركت وفضت راحت ..

عسل يااا ماريد ..

حيدر بالحرام كلسي ماجيب خوش ..

اباوع ع براء تفر براسها بيني وبين حيدر ..

عسل ولا تجيب ماريد اني اروح لباباتي يجيبلي احلى هديه واباتلي يمهم فد ثلاث ايام ..

حيدر ارتاحيتي من شعلتيها حاروكه ..

براء هههههههه ..

شويه واتصلت رشا مكمله ..

رحنه اخذنها وتغدينه بالمطعم واخذنه سفري لعمر وعمتي ..

وصلنه دخلت سلمت بسرعه ودخلت لغرفتي سبحت وبدلت .. اجه حيدر يمي ويتحايل واني ادلل ..

حيدر لج تعالي مو شعلتي اهل اهلي ..

عسل اوو ماا وخر ..

حيدر ولج وين اوخر مشتاقلج ..

عسل اممم صير عاقل حبيبي وبطل وكاحه ..

حيدر اصير عقال بس اول شي تعالي ...

جرني وصرت كلي بحضنه ..

........ شويه وكام سبح وصلى واني هم دخلت سبحت وصليت كملنه وبدلنه ..

حيدر يله حبيبتي  ..

عسل كملت عمري ..

كملت وطلعت وره شفته واكف بالكراج يخابر..

صعدت بالسياره واجه صعد ..

اول شي اخذني للسوك اخذت ملابس للكلية وللبيت ماخليت شي بنفسي لان صار هواي مطالعه ..

انوب اخذني لمحله مال الذهب ..

فتحه ودخلنه كعدنه وكام يمشي بالعالم دقائق واجه اخو عمر كعد بيه واحنه طلعنه اخذني شوفني محلاته واحد مال انشائيه مكعد بي ابن عمه يدرس اهنا ابغداد واحد مال بقوليت وادوات مال بيت ومواعين محل كلش جبير واحد مال ملابس ..
يجي يوميه يجيك ع كلشي والصبح يلزمهن الجمعه والسبت ..

ماشالله شغله خير من الله ..

افترينه شويه واخذ لخواته ملابس كال انتي اختاريلهن مال بيت ومال طلعه لعمتي هم ..
وراها اخذني لمطعم لعشينه ورجعنه للبيت ..

دخلت للصاله مجتمعين عمتي وبراء ورشا ..انطتهن العلاليك مالاتهن ومال عمتي ودخلت لغرفتي ...

بدلت وغفيت بسرعه .. شويه وحسيت حيدر دخل وياي بالفراش .. حاول وياي وراد واني كوه افتح تالي عافني ونام ..

كعدت الصبح سويت ريوك وكعدت حيدر كعد وعاقد النونه ..
كملنه ريوك ودخلت بدلت بسرعه ..

مر يومي  بين الكلية والبيت رجعت من الدوام .. اني ورشا بسرعه حمينه الغده ..كملنه وغسلت المواعين ..
ودخلت لغرفتي ادرس لليل واني ع كعدتي وراسي الكتب ..

اجه حيدر كمت لملمت هوستي وغفيت .. شافني نايمه وعايفته .. نفخ ونام ..

كعد الصبح مقفل .. داومت ورجعنه ..

للعصر كاعد يمي واني ادرس .. دك موبايله جاوبه ..

حيدر الؤؤؤ . . ياهلا..  ايي عرفتج .. هاا تنورينه هلا بيج .. اي اني شويه وافتح تمام ..

غلقه واني اباوعله ..

عسل منوو  هاي ..

حيدر يارا الشفتيها بالكلية تريد تجي للمحل ..

عسل وشعدها جايه ..

حيدر شنو شعدها غير تشتري ..
سكتت .. اشو  هذه كام سبح وبدل وتانق ع اخر حبايه ..

عسل وانته شعندك متانق ..

حيدر جاا اتبهذل ..

عسل مو عوايدك هيج تكشخ من تروح للمحل ..

حيدر متوهمه اني يوميه هيج اطلع بس انتي اليوم يالله اتبهتي وحقج لان اني اخر همج ..

عسل اهاا ومن شوكت انته صرت اخر همي ..

حيدر ماعرف اسئلي نفسج بس واضح عليج ..

عسل غلطان اني يوميه انتبه عليك من تطلع ومن اطب ومو اخر همي شنو نفعه هذه الحجي ..

حيدر اكول عسل معه السلامه اني طالع ..

عسل شنووو وين طالع خلي عمر يفتح شعندك انته رايح ..

حيدر غير اني صاحب المحل ولازم اني موجود ..

عسل والله ماتروح خلي عمر يفتح المحل ..

حيدر ماتحكميني محلي واريد افتحه والزم شغلي ..

عسل اشو ذابح نفسك الا اليوم لازم تفتحه ..

حيدر خايبه هذه باب رزقي شبيج اليوم متخبله ..

عسل مامرتاحه لهذي يارا ..

حيدر مو مشكلتي اذا مرتاحتلها واذا لا هذه باب رزقي .. مع السلامه
عافني وطلع ..

ضليت افور بمكاني الحقير اعرفه يكوم يحقر من امنعه بليل دشوف بعد منو التحضرلك وتنتضرلك ..

كمت لملمت الغرفه ورتبتها وعطرتها ..

دخلت سبحت ومشطت شعري وشسورته ..

طلعتلي دشداشه ورديه قصيرة للركبه ربع ردن ..

لبستها ونثرت شعري ..اييي هسه تمام بسيطه اعرفه شلون احركه ..
لبست روب خفيف مال بيت وطلعت سويت عشه ورجعت لغرفتي ماتعشيت بداخلي يفور .. اريد اتصل عليه بس مااتصلت خلي حاير بيارا خانم ..

للساعه ب9 اجه اني كاعده بس سويت نفسي نايمه ونثرت شعري ع المخده ..

احس بي يتحرك راح للكنتور بدل ملابسه ورجع فتح الغطه وجرني لحضنه ابتعد عنه وانطيته ضهر رجع لزك بضهري ..

حيدر دكعدي ادري بيج مانايمه ..

سكتت مارديت ..

تقرب يبوس ويجر بيه لحضنه ..

عسل ابتعد وخلي يارا تفيدك مو عفتني وطلعت ..

حيدر لج يارا ياصخام هو اني شعندي غيرج ياعمري بس هذه رزقي دكعدي هو انتي متحضره ولابسه ليش يروح تعبج ع الخالي ..

عسل غلطان مامتحضره لك ..

حيدر جاا المن ..

عسل هيج لنفسي مو الحد وهسه خليني انام ..

حيدر شبييييج ؟؟!!!! كل مااجيج وكلتي عوفني خليني انام حسسسسي رجلج واريدج ..

عسل ليش تصيح ليش ماتقدر بيمن احير بدراستي لو بالبيت لو بيك والله جاي اتعب وانته ماتقدر لو امتنعت يوم ثاني يوم تقفل ..

حيدر انتي هاملتني كل همج البيت والدراسه مادكولين رجلي واله حق عليه راح يصيرلج شهر هاملتني وتقربت منج عبالك فرض عليج وخلص ..

عسل هسه شنو صرت اني موزينه ..

عافني وطلع .. ماحجه ..

شسويلك والله حلوه مايكول خطيه جاي تتعب ...

عفته ونمت كعدت الصبح شفته نايم بالستقبال...

سويت ريوك ورحت كعدته ..

كعد مطنكر عافني وراح غسل وبدل ماتريوك ..

اني عفت البنات يتريكن ودخلت بدلت ..

طلعنه وصلني وراح ..

نص الدوام ورحت لكليتة .. شفته واكف يم شباب ثنين شافني ترخص منهم واجه ..

حيدر شعندج جايه..

عسل هيج عندي ريست كلتي اجي ..

حيدر اهاا ..

عسل بعدك زعلان ..

حيدر ليش يهمج زعلي ..

عسل ليش مايهمني زوجي وحبيبي اكيد يهمني ..

حيدر واضح كلششش ..

عسل حيدر شعندي غيرك ني والله احبك بس جاي اتعب من الدراسه وانام والبارحه جنت ضايجه لان رحت للمحل وماهتميتلي اغار عليك ..

حيدر حبيبتي من  بدايه زوجنه واني محسب لدراستج ورحت اشتريت بيت علمود نكعد وحدنه وماتتقيدين بالشغل وكتلج نكعد بي وانتي رفضتي ..وشغله يارا بنيه اجتي لمحلي اشترت وراحت يعني شنو اي بنيه من الكلية مابيع الها هذه باب رزقي ..

عسل تمام .. وهسه مافكيت ..

حيدر عمري انتي اني ماازعل عليج لان احبج ..

عسل حياتي انته ..

حيدر يله مانرجع للبيت .. 😉

عسل ههههههه لا بعدني ممخلصه ..يله ماضل وكت لازم ارجع لكليتي ..

حيدر امشي اني وياج...

لزم ايدي ومشينه وصلني للقاعه وراح ..

كملت دوام ورجعنه للبيت حيدر بس ارتاح شويه وطلع لشغله ..

اني كملت شغلي بالبيت ودخلت سبحت وبدلت ملابس نوم ومكياج خفيف سرحت شعري ورتبت الغرفه .. طفيت الاضويه خليت بس اضاء الكنتور ..

كلت اكعد درس بين مايجي واسهر وياه ..

ضليت ادرس هو يمكن تاخر ماعرف شلون غفيت ..

حسيت عليه نص الليل يبوس ومندمج بس اني منعسه والنوم بعيوني قفلت روحي ورجعت نمت ..

كعدت الصبح شفته نايم وحاضني ..

كمت حس عليه رجعني لحضنه ..

عسل اكعد حبيبي ..

حيدر ابقي بحضني مشتاقلج ياظالمه ..

عسل لا حبيبي كوم ..

حيدر اليوم of مانداوم ..

عسل ياعمري دكعد والله عندي متحانات ..

كام من الفراش بعصبيه ..

حيدر دنعل ابوج لابو الامتحانات خابصتني كال الدوام صخم الدوام واني كلشي ممحصل منج ..

عسل حيدرررر اله الغلط ماسمحلك تغلط وتجيب طاري اهلي ..

حيدر صوتج ماتعلينه بوجهي لا السانج اكصه ..

عسل من الصبح كاعد ادور مشاكل شبيك كاتل روحك ع الفراش هذه ...

حيدر مو صوجج صوجي اني الكاتل روحي عليج الا اكو كومه نسوان بس اني الكديش الباقي انتضر الكلمه منج ..

عافني ودخل للحمام سبح وطلع بدل واني بس اباوع  ..

اشو هذه بدل  شغل سيارته وطلع ..

عزااا بعيني ودوامي ..

طلعت شفت براء بالمطبخ ..

براء وين راح حيدر ..

عسل شعرفني وين راح اخوج ..

اجتي عمتي ..

ام حيدر يمه شبيك من الصبح صوتكم طالع ومصبحين ع المشاكل ..

دخلت الغرفتي اتصفن ماكدر اغيب امتحانات عندي لراسي ...

كلت شسويله  يتزعل من الصبح جريت موبايل واتصلت ع عبدالله ..

جاوبني ..

عبدالله الوووو عسوله ..

عسل هلاوو حبيبي عبودي شلونك ..

عبدالله بخير الحمدلله انتي شلونج ..

عسل الحمدلله اكول عبدالله انته وين ..

عبدالله بالبيت ..

عبدالله هم زين عبدالله تكدر تجي توصلني للكلية اني والبنات حيدر طالع واني ماكدر اغيب ..

عبدالله بعيني هسه اجيج ..

سديته منه وركضت بدلت وطلعت خبرت البنات عبدالله يوصلنه ..

براء عسل اتصلي شوفي حيدر وين راح ميصير طلعين بدون علمه ..

عسل شسويله يدري بيه عندي دوام وطلع ..

دقائق واجه عبدالله طلعنه سلمت عليه وصعدت ذبني بكليتي وراح يوصل رشا ..

دخات امتحان اول محاضره مااخذنه ريست هم امتحنه ..

كملت امتحانات وطلعت من القاعه شفت بوجهي استاذ انمار ..

انمار عسل اريدج بمكتبي ...

رحت وراه لمكتبه .. دخلت سد الباب وندارلي ..

عسل نعم استاذ ..

انمار عسل اني معجب بيج ..
تقرب مني واني صافنه مد ايده يريد لزم خدي ..

دفعت ايده بكل قوتي ..

عسل استاذ عيب هذه الكلام اني مره متزوجه ..

انمار واذا متزوجه ماعندي مشكله تريدين تنفصلين منه او تبقين وياه المهم اني احبج ..

عسل استاذ انمار هذه الكلام مايجزو لاوتخليني اشتكي عليك عند العمادة واخبرهم بتحرشك ..

انمار ههههههه مايهمني لان العمادة كلها بجيبي ..هسه تعالي شو شويه .. وتقرب رجعت ليوره وكملت كلامي

عسل اذا هيج يااستاذ يامحترم تعرف اني منو وبنت منو ..

انمار لا والله مانعرف خبرينه ..

جان حجي ومترهي ..

عسل راجع اسمي وانته تعرف عسل حسين عبد الكريم  ال........ ومااتصور اكو واحد ابغداد مايعرف العقيد حسين ابو احمد ومنو هو واذا يعرف بهذه الكلام صدكني وثق يهدم مكتبك فوك راسك ورقه فصلك توصلك لبيتك  ..

جنت احجي بتكبر وعدم احترم لان هيج نماذج ماتستحق الاحترام .. خوفته بابوي  لان بابا معروف ابغداد ورتبته تكفي تسكت هيج جبانات ..

انمار احترمي تبقين انتي طالبه عندي .

عسل اول شي انته احترم وبامقابل طالب بالاحترام مدامك ممحترم حرم الجامعه فانته ماتستحق الاحترام عن اذنك ياستاذ واتمنى ماتنسى كلامي  لان ثق بالله ماتردد لحظه ورقه فصلك توصلك ...

عفته وطلعت ..

واني افوررر .. شلون حقير مايحترم مهنته وحرم الجامعه .. اني شخصيتي قويه والساني ينطلق بهيج مواقف ومو تكبر مني من هددته برتبه بابا بس حتى اخوفه انو ماجرب حظه وياي .. المفروض انو اني اهدده بزوجي مو ابوي لان اني هسه راجعه لزوجي بس اعرف مراح يخاف لان هيج عالم بس الي عنده سلطه يخوفهم واذا حيدر يعرف بكلامه لزمه يكسره ومااستبعد انو يبطلني بس هددته بابوي لان ابوي اكدر اخبره وادري راح يتصرف بنفوذه ..

طلعت للكافتريه بعد مالتقيت بزهره شويه واجاني حيدر عيونه نار ..
&&&&&&&&&&&&&&
مو دوم اضل ميت بجي

وحضرة جنابك تضحك

#اقبال_محمد