مرحبا اني حور من بغداد عمري 17 الوحيدة عند
اهلي والمدللة كولشي اطلبة يجيبو الي بس شي
واحد لا اگدر احجي ولا اهلي يعرفون حتى
يجيبو الي وهوة حبي الاول والاخير ابن خالتي
الي ضامة حبة بگلبي وساكته راح احجيلكم قصتي
بتفصيل،،، وخلال قراءتكم للقصة راح تكولون عني
انانية، حقيرة، خبيثة..... بس صدكوني هاذا الشي
موبيدي اذا حبينة شخص مانكدر ننسى لو مهما
حاولنة! واني حاولت اكثر من مرة بس فشلت....
خلي اكولكم مواصفاتي اني بيضة حيل عيوني
رصاصي رشيقة مو محجبة شعري اسود ليل
طويل يوصل لخصري اهلي منطيني حريتي
بش بحترام واني محافضة على هل شي.
وبدت القصة......
حور.جنت گاعدة بغرفتي العب ب فوني وندك الباب
مال غرفتي..تفظل
الام...ها ماما شدسوين
حور.العب بفوني ملانه ومبية حيل اطلع
الام.بمناسبة الملل خالج ابو احمد عازمنة على العشة
حور..بس سمعت باسم احمد گلبي كام يدك بسرعة..
شنو يمة يمتة!!؟
الام...اليوم شبيج يلة هسة الساعة 7 گومي بدلي حتى نروح نساعدها
حور.يمة قصدج تروحين اسولفين ويا گرايبنة مو
الام..هههههههههههه نجبي
حور.ههههههههههه فديت هاي الضحكة الي ترد الروح
الام...يمة فديت بنوتي يلة ماما اني اروح ابدل ونتي هم ماشي
حور.اوك ماما
حور..قررت اليوم اعترفلة بحبي وريد اكتشف عندة حبيبه لو لا جنت كولش خايفة من هاي الخطوة اخاف
اكتشف عندة حبيبة وگلبي ينكسر بس قويت نفسي
وقررت اگولة لان كافي اسكت صار 3 سنين احبة بسكتة ايي لاتنصدمون 3 سنين واني دافنة حبه
بگلبي يعني من جان عمري15 سنة وحاليا17 سنة
مدة كولش طويلة والي جان واكف بطريقي هوة(كلبي) گلبي اخاف اكتشف عندة حبيبة ونكسر
جنت عايشة بحلام ومخيلات وردية ما جنت
افكر بالواقع صحيت من التفكير ودخلت سبحت
بلوشن اسمة (LUX) اموت عليه عطرة خيالي
ويبقى بالجسم سبحت وطلعت نشفت شعري
وسحبتة سحبة بسيطة لان شعري كولش
سرح خليت سيروم للشعر عطرة فدشي اموت
عليه خليت ميكب بسيط كولش لان ابد ما احب
الاوفر رشيط عطر لبست كم اكسسوار..
وجتي امي اصيح فوك راسي...
الام..ولج يلة تاخرنة
حور.. يمة والله خلصت بس اخذ تلفوني اخذتة
ونزلنا لكيت بابا نتظرنة
الاب..يلة بابا تاخرنة
حور..يلة ماعدي شي
الي يسئل شنو جان لبسي جان عبارة عن بنطرون ابو السرج اسود وتشيرت زيتوني ربع ردن.....
صعدنة بالسارة ومشينة الطريق كلة افكر شون
راح اواجهة وعترفلة احسها صعبة وهوة جان
من يشاقة لو يضحك وياي يعتبرني مثل اختة
مو اكثر شون راح اگوله ياربي اطيني القوة
والجرئة حتى اگولة بقيت افكر طول الطريق لمن
وصلنة....
نزلت ومشينة بابا دك الجرس شوية وطلع مصطفى
اخو احمد سلم على اهلي ودخلو واني وراهم
مصطفى...ياهلا حور شلونج مشتاقين
حور..والله اني اكثر مشتاقتلكم شونك شونهة
الجامعة وياك؟؟؟
مصطفى..تمام تفضلي ليش واكفة
حور.دخلت لكيت العشيرة كولهة مجتمعة ودك سوالف
سلمت عليهم كولهم ورحت للمطبخ اساعد خالتي
خطية بس هية وبتها وجنتها اكيددد تعبانات.....
دخلت وكلت..هلاوووو خالتي شونج
ام احمد..هلة وميت هلة بالعزيزة ولج والله مشتاقتلج
صايرة ماتمرين
حور..يحبيبتي يخالة والله اني اكثر مشتاقتلج بس
تعرفين دوام وقراية مدى الحك والله
ام احمد...عاذرتج حبيبتي
حور...سلمت على فاطمة اخت احمد وعلى زهراء
جنتهم يلي هية تصير زوجة علاء اخو احمد.....
حور..يلة خالة كوليلي بشنو اساعدج
ام احمد..والله ماعدي شي خلصت بقت بس النواعم
ما اريد اتعبج روحي ارتاحي
حور..لاوالله خالة الة اساعدج خطية البنات ونتي
تعبتن انتي روحي ارتاحي يم النسوان واني والبنات
نكمل النواعم يلة خالة روحي
ام احمد..والله ما اريد اتعبج
حور..شنو هل حجي تعبج راحة
ام احمد..حبيبتي فدوة ويگلولي ليش اتحبيهة
حور..هههههه واني هم اموت عليج
راحت خالتي واني والبنات بقينة نسوي زلاطة
وخضرة ولبن هيج اشياء بسيطة....
كملنة والبنات راحن يرتاحن خطية تعبن واني جاي
اغسل ادية ودخل احمد من شفتة جمدت بمكاني
بعد ما اعرف احجي...
حور...اااا احمد اا شلونك
احمد..حور بيج شي؟؟؟
حور..لامبية بس خفت بسرعة طلعت بوجهي
احمد..هههههه هيج اخوف
حور..لا شنو هل حجي مقصدي هيج
احمد...اعرف عيوني
حور..ايي شلونك مشتاقين صاير متجي لينة
احمد..والله اني اكثر بس شغل تعرفين
حور..الله يساعدك ويوفقك ياربي يلة عن اذنك اروح
اكعد يم ماما
احمد.. اي اي شردي
حور..هههههههههههه
كعدت يم خالتي وبقينة نسولف شوية وگمنة نصب
اول شي لزلم بعدين صبينة لنسوان كملت صب ويا
خالاتي وگعدنة اكلنة خلصنة شالا المواعين واني
احمد كلي...
احمد..فدوة حور گومي سويلي جاي
حور..اي من عيوني كمت سويت جاي وصحتة اجة
اخذة بعدين صبيت لنسوان وگعدنة نشرب جاي
لمن بابا خابر امي گالها يلة خلي نروح صارت
الساعة10 بليل
الام..ايي يلة
حور..ها ماما شكو
الام..يگول ابوج يلة خلي نروح
حور..ايي يلة
ام احمد..وين بعد وكت والله مشفناكم زين باتو هنا
وباجر الصبح روحو
الام..لا دايميا لازم نرجع نشالله غير مرة
ام احمد..زين خلو حور تبات عدنة وباجر احمد يرجعها
ليكم والله البنات واني مشتاقيلها
الام..بكيفها
ام احمد..ها حور تباتين مو؟؟؟
حور..اوك
البنات..يسسس واخيرا
حور..😂😂😂😂😂
راحو اهلي وخالاتي بقيت بس اني گمت اسولف
ويا البنات وخالتي بعدين اجوي مصطفى وعلاء واحمد
وخالي گالو احنة اروح انام تعبنة انتو ابقو سهرانين😂 تصبحون على خير
علاء ومرتة هم راحو مصطفى هم راح احمد گلي
احمد..فدوة حور ممكن اسويلي جاي راسي
موتني
حور..تدلل من عيوني
فاطمة..لعد اني اروح انام والله كولش تعبانة
حور..ايي حبيبتي روحي ارتاحي
فاطمة.. من تخلصين تعاي نامي بغرفتي اوك
حور..اوك
مشت فاطمة واني دخلت للمطبخ اسويلة جاي وهنا
فكرت انو لازم اعرف عدة حبيبة لو لا لان مالگي
غير هاي الفرصة جاي افكر وسمعت احمد دخل
حور..خلص الجاي وصبيت2 الة والي يلة حمودي
تعال اشرب جايك لايبرد
احمد..ايي شلونج شخبارج
حور..تمام بخير انت شونك
احمد..تمام بخير
حور..احمد عادي اسئلك سؤال شخصي شوية
احمد..عادي سئلي ونتي تعرفين اكثر واحد احجيلج
مشاكلي ف عادي سئلي
حور..احمد عدك حبيبة؟؟؟؟؟
يتبع...
اتمنى حبيتو البداية اريد تفاعلكم لان جاي اتعب من اكتب ف فرحوني بتعليق احبكم وريد اوضح شغلة
اني اسمي حوراء والبطلة اسمها حور ف عادي اذا تشابهن الاسماء شوية ولا تاخذنها على انو هاي القصة الي لا القصة من بنية قريبة علية كالت احجيلهم قصتي والبطلة جاي اتابع ويانة القصة ف بليز بدون تجاوز احبكم باي 😘😘😘😘❤❤❤❤
كاتبتكم..حوراء