#
#بـقـلـم / شـهـودهہ
#البارت السادس و العشرون
شگد رمآد بـ روحي منك ..
شگد حِزن وشگد آحبك 🌿
-------------------
أمـنيهہ ...
ضلينه اني و منسه و روزه و البنات نشتغل صار الضهر اذن الاذان و صلينه كلنه و بدينه نصب بلأكل
صبينه الاكل كله بلأستقبال للنسوان و للزلم صبو بره بلمضيف يمكن
كعدو يأكلون
اني رحت للمطبخ نضفته و رتبته و كعدت ويه روزه و منسه يمي كالت
روزه .. خيه كومي اكلي ترا اذا عليه لٱ تخافين اكلت بس انتي و منسه
منسه .. لٱ انه اكلت فواكهه ما اشتهي بعد بس أمـنيهہ كلشي مماكله حته ريوك متريكت
كتلهم و راسي مسطور
لٱ عيني ما اريد ما اشتهي والله راسي يوجعني
روزه .. حكج خيه تعبتي كثير اليوم اكليلج لكمه عاد
ما اشتهي روزه مو بيدي والله
كامت منسه بعدهه رجعت و جابتلي صحن فواكهه ابتسمت كتلهه
فدوه لعمرج بس والله ما اشتهي
منسه .. اكلي يلا تره ازعل منج
اجت وئام كالت
وئام .. هسه شدعوه كل هالدلال هاذ كله لامنيه متريد تاكل اكيد اكلت كبلنه لٱ تخافين عليهه
روزه .. والله يخيه ما صارت مثلج تاكل قبل الوجبه و تتربع و تكعد من ينصب الاكل وصدك طالعيلي انتي شدخلج ليش تحشرين نفسج بأمور ما تعنيج
وئام .. هسه شدعوه هالحب اليوم صايرات دهن و دبس يعني انه ما عليه ما تردن اتدخل بيجن عشتو
روزه .. رحم الله امرءٍ عرف قدر نفسه » يلا بويه تغوسلي و شوفيني عرض جتافج ما اتوالم انه وياج
وئام .. ولج انتي متفرعنه من يوم الاخذج جاسر
روزه .. يمه و ليش ما تفرعن رجلي جاسر واخواني حيدر و كرار والشيخ اسد ويحقلي التفرعن و التباهي
وئام .. منين جاج اسد مو اخوج ابن عمج مثل ماهو ابن عمي
روزه .. لٱ خيه غلطانه اسد اخوي واخوي واخوي وبعدهه ابن عمي انه مو مثل غير ناس حاطه عينهه على ملك غيرهه انه مَـرّھٌ متزوجه وعندي تلاث اخوان حيدر وكرار واسد واخوات هنه أمـنيهہ و منسه وسماره ومروه بس لٱ غير فاهمه انه من احجي اعرف حدودي واعرف ويامن احجي وبطلت بعد ما احجي ويه امثالج زايحتهه الكاع و زايعه المستحه اثكلي شويه لٱ تخليني اكول لجدي عليج و على سوالفج ترا فاهمه تخطيطج ودارسته
ما حجت شي انخطف لونهه بعدهه دخل اسد
حجت ويا و هيه مبتسمه
وئام .. ياهلا بلشيخ
اسد .. هلا بعد اخوج شعلومج
وئام .. بخير أذا انته بـّخـْير يالغالي
اني فورت بس ضليت ساكته اريد اشوف لوين توصل
اسد .. يحفــظــج آللهہ
وئام .. و يحفظك و يخليك النه يا شيخ اكول
قاطعتهه روزه
روزه .. وئام امج تصيحج
وئام .. وين اكو
روزه .. انه سمعتهه يلا اعكبي واكعدي بسد امج
بدون كلام راحت اسد باوعلهه
اسد .. روزه شصابج اثاري جاسر مأثر عليج كثير بويه
روزه .. لٱ خويه سلامتك ما صابني شي بس شكلك تونست على الكلام ويه وئام مثل جاسر اليوم تونس و عرف شكو عصفوره خطيه
كاللهه اسد وهو يباوع عليه و يضحك
اسد .. بسج عاد يالملسونه تردين تعججيهه دشوفي وجهه شلون تطالع ما يبشر بخير
باوعتله و ضحكت
اسد .. خويه منسه شعلومج عساج بخير
كالتله و هي مدنكه
منسه .. الْحٍمَدٍ للـّہ بخير خويه نحمده و نشكره
اسد .. عساج دوم يالغاليه
تقربلي و كال
اسد .. شصايبج أمـنيهہ شو مصفره اكلتي
كتله واني الزم ايده
لٱ حبيبي ما صايبني شي اتطمن هسه شويه و أكل انته اكلت علي اكل
اسد .. اي حبيبي اكلنهہ و علي يم جاسر هساع راح يشتري
بعدهه كالت روزه
روزه .. خويه صدك سالفة ياسر
تعكر مزاجه و كال بضوجه
اسد .. اي والله بعد اخوج
كال و طلع
جايات للزلم حضرو راح اطلع اني
كتله
صار تأمر
كمت بلكوا احس راسي مسطور و ثكيل وازنت نفسي و كمت و كفت غسلت الاستكانات رتبتهن بلصينيه و حطيت الشكر بس ايدي ترجف ما كدرت اصب كتلهه
روزه او منسه فدوه وحده منجن تصب هاي حضرتهن كلهن
روزه .. صار خيه
رحت كعدت اكلت شويه فواكهه شفت الرمان ضحكت تذكرت اسد اكلت كسره صغيره احس راسي شويه أحسن
كملو كلهم غده و كمت حسيت شويه صرت احسن غسلت الاماعين اني و روزه و منسه نضفت كملنه كل التنضيف وصار البيت نضيف كله بدو الخطار يروحون
بقو بس أهل منسه
صحت روزه
اجتي كعدت يمي كتلهه
ليش اسد يكره هالشخص هالكد
روزه .. خيه اسمعي ياسر فد واحد مشكلجي كثير يسوي مشاكل موخير ابد وخاصه ويه اسد يكرهه لان الكل يحبه ويحترمه من طيبته واخلاقه هو من يشوف هيج يضل يفور ومن الصغر اذا كعدو سوه يتعاركون ماكو واحد يحب الاخ ابد ميتوالمون وكذالك جاسر وياهم بحيث لحد كبل ميسافر ياسر تهاونو و تعاركو سوه ميتوالمون بس سبحان اللي هسه ياسر يخابر اسد و يحجي ويا ويسلم بعد ماعرف انه الله هدا لْـۆ خافي شي ويحسب حسبه بباله الله اعلم
صفنت على كلامهه و كتلهه
ونعم بالله ماكو شي انشالله
اني والبنات كاعدات دخل خالو كال بلتركي
saif .. Selam nasılsın
( سيف .. اهلا كيف الحال )
اني ضحكت سويت نفسي ما اعرف ولا فهمت شحجه
كالت روزه
روزه .. هلا بوي يلا منسه غردي تركي فهمينه شديحجي الخال
خجلت منسه كالت
منسه .. شنو
خالو يباوع عليهه و يضحك
روزه .. ولج يلا
حجت بخجل و هي مدنكه
mnsa .. iyiyim sen nasılsın
( منسه .. بخير و انت كيف حالك)
saif .. Sahip olduğun bu güzelliğin nesi, Ey kız, sana aşık oldum.
( سيف .. ما كل هذا الجمال الذي بكِ يا بنت أنا اصبحت عاشقاً لكِ )
عزززززه فد خجلت البنيه و فتحت عيونهه بصدمه و صارت حمره اني كتله
Yeterince boş Rajaa kız utanıyor
( كفى خالي رجائاً البنت تخجل)
saif .. šen šive youruom „ Ey kiz
( سيف .. انااا احبكِ يا بنت)
كتله
يااااا خالوو كاافي
روزه. ضحكت و كالت
روزه .. انتضر يالخال هاي الكلمه سامعتهه بلمسلسلات التركيه سني سيفيروم هاي شنو بويه دا تغازل ببنتنه
اني ضحكت و روزه تضحك و منسه صايره حمره من الخجل كللهه
سيف .. ياا ويلي يا ويلي چا غير مريتي المستقبليه بنت البصره
روزه .. دسكت خالو و استر على نفسك ليسمعوك يمعود و يصير عليك خوش نهار
ضحكت بعدهه دخل أسد كال
اسد .. شنو هلضحك ضحكونه وياكم
اني سكتت حسيت راسي رجع انسطر وثكل مَـرّھٌ ثانيه والله حطيت أيدي على راسي
روزه .. ا ا ا ا لٱ خويه ماكو شي بس خالو سيف يريد يخطب
منسه فتحت عينهه و اني نفس الحاله كلشي ولا تزلك روزه و تفضحنه فطيره هاي
اسد .. المن يريد يخطب يالروز
روزه .. أ أ أ مما ادري بس هو يعني ديكول يريد يخطب
التفتت على خالو و كاله
اسد .. تريد تخطب احنه حاضرين نمشي وياك بويه
سيف .. يسلمك بس انه رايد بنيه من عدكم على سنة الله و رسوله
يمهه انصدمت من جرئه خالو و ربي شنو يريد يجني على نفسه
عكد حواجبه اسد و كال
اسد .. ما عدنه بنات كلهن متزوجات وصاحبات عيال
سيف .. لٱ عدكم بنيه ما مزوجه عجبني ادبهه و اخلاقهه و رايدهه على سنة الله و رسوله
اسد .. منيه هالبنيه و وين شفتهه بلسلف
اشر خالو على منسه خطيه خافت و رجعت لوره
اسد شو لمحت بي اثر و بداية تعصيب اوويلي يا خالوو اويلي
اسد .. تعاالي منسه تعاالي بسدي احجي وياج
راحت يمه اني كمت كوا لزمت راسي و كتله
اسد معليهه منسه لٱ تأذيهه
جتي صارت كدامه دموعهه نزلت كالت
منسه .. خويه معليه اني والله ما اعرفه لٱ تكول لابويه
وكف كدامهه خالو
خالو اليوم شكله ناوي على نفسه
سيف .. يابه عدك كلام احجي وياي شعليهه هيه تحاجيهه خلي كلامنه رجال لرجال اقسملك بالله وبلقران البنيه متعرفني بس شفتهه وردتهه ام بيتي وجهالي وعلى سنة الله ورسوله وطالبتهه مـڼـڱ ما نهبتهه اني لْـۆ هي تعرفني وعاشكتني و علاقه ومخابرات وياي ذيج الساعه حقك تعصب عليهه بس البنيه حته متعرفني ولا تعرف اسمي ولا شافتني غير هسه
بعدهه اسد و كال
اسد .. بسك يابه كفو زلمه نشمي وما ينخاف عليك كررربي منسه كربي
تقربت يمه و كالت
منسه .. خويه والله
مسح دموعهه و كال
اسد .. بعد اخوج شرايج ما اريد اجبرج انه
خويه .. ابوي وانته شيخ انته اخويه انه ما عندي اخوان وحاسبتك اخوي لانك زين وياي وحنين ومافد يوم اذيتني ومعتبرني اختك مثل روزه وما فد يوم فركت بيناتنه وامشي برايكم انته وابوي
اسد .. بعد اخوج الغاليه منسه انه اكول ما تلكين مثله زلمه ينشد بي االضهر و وكفته هاي ما انساهه لاخر يوم بحياتي و شلون دافع عنج و بساعة المشكله ما اخذ درب الشرده لٱ واجهه وخلاج بضهره ما صار بضهرج وبعدج انتي ما صايره بذمته حافظ عليج وعلى مكانتج و هذا سندج بالضيج و القرار الج بعد بويه
خجلت و كالت
منسه .. التشوفو انته و ابويه انه انفذه خويه
بعدهه عافتنه و راحت للأستقبال خجلانه
خالو حضن اسد و كله
سيف .. مَشَـــڪُوُرْ خووي ما انسه وكفتك
اسد .. الشكر لله بعد اخوك ولوما نيتك صافيه ما اوكف وياك بس معلوم
سيف .. الغالي فد يومين واجيب عمامي باجر طالع لبغداد انشاءالله
اسد .. على راحتك
بعدهه ردت اكوم بس راسي ما توازنت حسيت الدنيا تفتر بيه كبل كعدت
شربت مي اسد كدامي
ضغطت على نفسي و كمت مشيت خطوه حسيت راسي ثكل والدنيا افترت بيه
ما حسيت ألا وكعت اجاني اسد كبل كومني واني عيوني كوه فاتحتهه
خله أيده على راسي و وجهي و كال ونبرته خايفه عليه
اسد .. حبيبي أمـنيهہ شصابج ما عجبني وضعج من الضهر مصفره اليوم
كتله و صوتي بلكوا اطلعه
اسد راسي ما اكدر ارفعه يوجعني
اني بين النايمه واالكاعده سمعته كال
اسد .. روزه بسرعه العبايه
بعدهه ما حسيت بشي غير الظلام سيطر عليه
صحيت واني اشوف نفسي بغرفه كلهه اضويه بيضه حاولت اكوم ما كدرت راسي
باوعت على أيدي مشڱلھِ بيهه كانونه
حطيت أيدي على راسي وجعه سكن شويه احسن بس يعني اني هسه بلمستشفى
اسد وين شو ماكو محد يمي خفت تذكرت اخير مَـرّھٌ جنت بلمستفى بوفاة أهلي
بعدهه انفتح الباب و دخل أسد سده و اجه يمي
باس راسي كتله بصوت خافت
اسد لٱ تعوفني وحدي اخاف اسد
حضني و ضمني لصدره و كال
اسد .. لٱ حبيبي ما اعوفج وياج انه
كتله
اسد شنو شبيه مريضه اني
كلي و هو يمسح على شعري
اسد .. لٱ حبيبي اسمالله عليج ما بيج شي بس راح تصيرين ام
كتله
هاا عبالي مريضه لْـۆ شو شبيه
بعدهه من استوعبت كلامه كبل طفرت بفرح حته الم راسي نسيته لزمت بطني و كتله
شنوووو صدك أسد عليك الله يعني هسه روح بداخلي عايشه طفلي هنا
حضني و باس خدودي ثنينهن خله ايده على بطني و كال
اسد .. اي يبعد روحي طفلي وطفلج هنا نديرين بالج عليه بلا تصرفات طفوليه و تكمز و هيج شغلات احسبي حسابج روح ببطنج تحافضين عليهه تسع اشهر
لزمته من خدوده وكتله
فديتوو الحنون انا حبيبي اسودي
ضحك و كال
اسد .. شكل هرمونات الحمل راح تلعب بيج لعب
وخرت الكانونه من ايدي وحطيت كلينس عليهه حته لٱ يطلع دم
وكتله بزعل
خووش من هسه كمت تضوج شيخ اسد
اسد .. لٱ حبيبي انه اضوج منج ماكو هيج شي رويحتي و عافيتي انتي
ابتسمت وكتله
فدوه لعمرك هسه اني شكد بلحمل
اسد .. ما اعرف بس الدكتوره كالت اول اسبوع وكتبت مقويات وجبتهن
كتله
اهاا ماشي
اسد .. يلا كليبي امشينه نرد للبيت
رجعنه للبيت و اسد كال للكل و كيفو و فرحو وكلهه تنطيني نصائح للحمل
مشت الايام و اسد يخاف عليه من الهوا الطاير
صار على حملي تلاث اشهر و برزت بطني قليل كمت كلش تلعب نفسي و اكرهه العطور القويه و هواي اشياء نفرتهه خالو خطبهه لـ منسه و عقدو سيد و محكمه و بعد شهرين زواجهم هسه هو بـ بغداد
واكفه ارتب الميز بلغرفه كملت و تقرب عليه أسد ديحضني و حاط عطر قوي اني راسي افتر ولعبت نفسي من العطر ديتقرب عليه اكثر دفعته كبل
و دخلت للحمام تقيأت و احس روحي راح تطلع كلش تأذيت
غسلت ومسحت وجهي اباوع على عيوني صارت حمر دم
طلعت كعدت على الجربايه
جان اسد خايف عليه ديتقرب كتله
لٱ اسد حباب لٱ تتقرب اتأذيت والڵـهٍ
وكف بمكانه وكال
اسد .. حبيبي شصابج
كتله
اسد عطرك ما احبه قوي كلش
كال بضوجه
اسد .. شلون شغله هاي النوب اطلع للمضيف ارحم و علي وياي ماخذه
لبس شماغه و عكاله وساعته و الخواتم ورش عطر و طلع
كلش انقهرت والله قابل بيدي والله مو بيدي لٱ ارادي ادوخ وتلعب نفسي
كمت بدلت الدشداشه و لبست شال لفيته و رحت انضف الغرفه بيبي كالت اليوم يجي ياسر كملتهه
اذن المغرب توضيت و صليت و قريت قران و من كملت نزلت اسوي عشه بيبي جانت كاعده و مشغله القران الكريم سورة البقره و تسمعهه
سويت عشه و كملت كعدت على الكرسي و كبالي الميز انتجيت عليه و افكر بأسد هسه زعل مِڼـّي اووف والله مو بيدي شلون اراضي بوسط زحمة افكاري صحاني صوت
جان شاب واكف كدامي كال
يتبع ..........