بيسو
الحلقه الثالثه عشر
غلاب:علي فين العزم ياباشمهندس
بيسو:هنروح بس لحد الاوتيل نجيب هدومنا ونيجي
ماتقلقش مجرشين عندك
غلاب:طب مانجيب هدوم لكو من عندنا
بيسو:الله يكرمك دي فركه كعب ونيجي
غلاب:خلاص ماتتاخرو علينا
بيسو:مسافه السكه
يلا حبيبتي وياخذها للاوتيل
وفعلا وصلو للاوتيل وطلعو لتجميع بعض الملابس
بيسو:مشلازم كلهم كده كده الغرفه محجوزه لنا خدي نصهم ونرجع نغسلهم ف الدراي كلين هنا وناخد الباقي واهو نبقي كل فتره نيجي نستحمي حمايه نظيفه
بسمه:هو انت مافيش ف دماغك غير كده
يقترب منها :هو في اجمل من كده
مالكيش حجه بقي الحمام واسع ويساع من الحبايب الف بدل المقبره مترف متر اللي بتستحمي فيها هناك مابنبقاش عارفين نتحرك
بسمه:وسع بقي يابيسو سيبني الم الهدوم
باسم:هي طارت أمال انا جاي بدري ليه بلاش رخامه بقي حتي اعتقك من الطشت انهارده
وفعلا نفذ خطته وبعد الاستحمام جهزت الشنط
بيسو:يلا اوصلك تقعدي مع زينه
واروح لشغلي كده اتاخرت انا عامل زي اللي جاي شهر عسل مش شغل ابدا انا عمري ماكنت كده ف شغلي هتدمري سمعتي
بسمه:دا انا السبب بردو مش انت
باسم:اه طبعا هو انا ببقي عاوز امي مش ببقي عاوزك انتي يبقي انتي السبب انتي اللي بتطلعي ف نفوخي
بسمه:طب يلاهو انا هخلص منك
وانطلقو للخيمه فتركها وذهب لعمله
.................
زينه:شو اخبارك
بسمه:شو اخبارك انت ياعسل
واخبار فحلك
زينه:والله مابيتهد يااختي خلص عليا والله ماعاد فيني ولو قلتله كفي بيتزوج علياوانا ماتحمل دره دا انا طخه والله بالنار ولا يتزوج عليا
بسمه:وهو يقدر
زينه:والله مابيقدر هاد بيعشقني عشق بس هو يحب يغيظ فيني ولما اجول اتجوز يزعل مني ويقولي خلاص ماعدتي تحبيني وتريديني لغيرك
والله بيصعب عليا وهاد الفحل اخده بحضني كالعنزه الصغيره
بسمه:هههههع يخرب بيت تشبيهاتك
زينه:شوفي يابنيه الرجال مهما عملتي هياخد اللي بيريده هياخده طالما طقت ف نفوخه يبقي تديهاله بالتراضي بدل ما تقضيها خناق وزعل
وكمان الملايكه تفضل تلعنك من سابع سما
بسمه:ف دي عندك حق عشان كده ممشياها مع بيسو بطريقه الاستسلام لحد مانوضع حد لحياتنا لانه لسه جوزي وله حقوق عليا
زينه:بس انتي عشجاه وشكله من نظراته عاشجك
بسمه:اوي ياحبيبتي
زينه:واش المشكل عاد زوج وزوجه وعاشقين بعض
بسمه:المشكله اني ماعنديش ثقه فيه ومش هستحمل خيانته
زينه:لا الا الرجال الخاين والله لو عملها هاد الفحل دا اني اشرب من دمه كاسات وافرج منها ع القبيله ولا يهمني حجمه
جمال :يازينه
زينه:يامري يامري سبع الرجال جه بشوفه وبنرجع نكمل لو فيا حيل بعد اللي بيسويه فيني
بسمه:هههههه ربنا معاكي
دا باسم ارحم دا لسه ف مرحله الاشبال هههعهه
.....................
وجاء باسم ليلا كعادته بعد انتهاء اليوم بين زينه وبسمه واكلهم سويا وتسامرهم
باسم:مبسوطه هنا حبيبتي
بسمه:جدا جدا
باسم:طب مافيش مكافاه ع الانبساط ده
بسمه:نعم امال اللي عملته الصبح ده ايه مش وعدتني انه بدل بليل والطشت
باسم:طب شايفه الطشت قالي الطشت قالي ياحلوه يالي قومي استحمي
بسمه:لا قومي ياحلوه انتي مش انا
دا غلاب هيكرشنا من القبيله بفضيحه
نام بقي انهارده شكلك تعبان
باسم :اه والله مهدود جدا جدا ونام وهو يتحدث من الارهاق
فعدلته لينام وقبلته من جبهته وغطته لينام
وقامت لتتمشي وتستنشق الهواء فوجدت زينه هي الاخري
بسمه:فلتي منه ازاي
زينه:والله نام هذا الفحل بمعجزه ربنا يستر ومايقوم تاني نامت عليه حيطه والله هدني هذا الفحل بس بحبه ومابطيق بعده
بسمه:ربنا يهنيكو ببعض حبيبتي
زينه:وانتي مافي شيء كده ولا كده جاي بالطريق
بسمه:والله مااعرف ماهو شعال ليل نهار هو بيعتق وانا ماكنتش عامله حسابي علي كده وخايفه يكون في حمل عمره ماهيرضي يطلقني
زينه:هاااا وانتي ليش تتطلقين
بسمه:مش واثقه فيه حاسه انه هيبقي سايبني ف البلد ومعاه واحده تانيه ف حضنه وانا مش ممكن استحمل كده علي كرامتي ابدا مش انا اللي يتعمل فيا كده اول اما نرجع لازم اشوف حل
زينه:بس هو بيحبك
بسمه:عارفه وانا كمان بموت ف التراب اللي بيمشي عليه بس مش قادره اتقبل فكره انه ممكن يخوني وانا مش واثقه لو كنت نزوه ف حياته وحاجه جديده وبعد كده يسبني مااستحملش كده انا اللي اسيبه الاول انا دماغي هينفجر من التفكير والله يازينه وتعبت عشان كده مريحه دماغي لحد اما ارجع واقرر