القرية المجهولة

٦

حسن وكل الحاضرين خافو من اصوات العتاولة ...بس حماية عرضو كانت اهم من الخوف!! ولم وصلو نص المسافة البيناتهم وليد خشى بيناتهم!! وضرب طلقة ف الهواء وطلقة قدام رجلينهم!!؟
والمصيبة انهم م خافو بل هاجو اكتر...بس سيد صفق ليهم يدو! طوالي وقفو! جا قدامهم وقال ليهو سوق اسرتك واطلعو من قريتنا!! امآل قالت ليهو اصلا القاعد ليك فيها منو!!!
مسكت بناتها وقالت لحسن ارحكم!! م عرف  يقول شنو بس وصل لقناعة انو قعادو ف الخلا حيكون افضل من الجماعة ديل!!
وليد فتح العربية ومرق ليهم كم حاجة كدا ضرورية وشالو ليهم موية من ناس القرية وطلعو برجلينهم ماف زول سألهم ولا وقفهم!!؟ لحدي م طلعو من القرية وقربو للمنطقة الكانت فيها العربية...والبنات كانو تعبانين شديد بسبب السخانة والإرهاق والخوف اهم شيء!!
لم ابوهم شافهم تعبانين قال ليهم نرتاح شوية بعداك نواصل!! وفعلا قعدو تحت ضل شجرة! منتصر اتزكر كلام سيد ع
الشجرة الشبكتها كويسة!! وقال يمكن يكون كذب عليهم بس برضو لازم يتأكد؟ لم شافوة  قام عمو قال ليهو ع وين!!؟ وراهو انو ماشي يحاول الشبكة!! ووليد مشى معاهو!! لم وصل الشجرة الكبيرة الوصفها ليهم سيد وطلع فيها وخلا وليد تحت!!؟ وف اثناء م هو بحاول اتلفت ع اتجاه القرية شاف قرابة العشرين نفر متقسمين مجموعات وجاين عليهم وكانو مدسين ومدنقرين كانو بيحبو ع الارض!! عشان ماف زول يشوفهم بس منتصر من الخلعة تلب من راس الشجرة وقال لوليد اجر!؟ وكتحو كتح صاح وصلو نفس م قادرين يتنفسو!!؟ وحسن اتخلع يقول لولدو ف شنو!؟ بس حتى وليد م عارف بس شاف منتصر جاري وبقول جونا!! منتصر قال ليهم وهو بيلهث العمالقه دلاك وتاني قدرهم مرتين مضبين لينا وزاحفين علينا!! البنات بقو يبكو وبسألو ف ابوهم يمشو وين!؟ وامال اتبومت وم عرفت تقول شنو بس فضلت تعاين لراجلها!! وهو بدورو قال ليهم الجماعة ديل دي منطقتهم وم حنقدر نلبد منهم فاحسن شي نقعد هنا ونشوف عايزين مننا شنو!؟ م كانو مؤيدين الفكرة بس م عندهم خيار!! وفعلا قعدو ومنتصر لقى ليهو عود واقع مسكلو وابوهم عمر سلاحو وفضلو مترقبين!!
بس دلاك م جو؛ هنا ديل كل م الزمن يمش بتوترو اكتر!؟ خلاص لم فترو من الحراسة كان الواطا قربت تمغرب!! حسن قال للاولاد ارح نجمع شوك!!؟ وعرفو انو للحماية بس مرتو قالت ليهو لشنو!! قال ليها لانو عمارتك الأربعة طوابق دي م عندها باب!!
ابتسمت وقالت ليهو م تتماسخ الفينا براهو مكفي!! مشو جمعو الشوك وحسو بأنو ف زول براقب فيهم بس طنشو وعملو فيها رايحين!؟ وكانو عطشانين بس م بيقدرو يشربو لانو الموية م كتيرة وكل واحد بشيل بقة بس عشان تبل حلقو!! وفعلا جمعوه ورصوه ف شكل دائرى وقعدو ف نصو عشان يحميهم من الحيوانات!!! م كانو عارفين الستنيهم شنو!؟ إتعشو بشبس وإندومي وعندهم كيك!! لحدي م الساعة بقت تمانية ولاتسعة الابو قال ليهم نومو انا بحرس شوية وبعداك نتناوب!! مع انهم تعبانين بس من شدة الخوف النوم حلف كان يجي!! وبعد مسافة حتى نامو والابو صاحي؛ وبعد كم ساعة قريب الساعة واحدة منتصر صحى وقال لعمو انت نوم انا براقب!!
فعلا الاب نام ومنتصر كان صاحي!! بعداك حسى بصوت حركة؟! قلبو رجف بس ابا يصحي عمو قال يمكن يكون حمار ولا شيء م مستاهل!! ويطلع بسواد الوش قدامهم ولا يطلعوه خواف بس لم الحركة زادت وبدا يحس انو ف شيء بيهبش الشوك صحى عمو وخلاهو يقوم مخلوع!! وبقول ف شنو ف شنو!!؟ خلا كل النايمين صحو ولبدو ورا امهم وابوهم إلا وليد خجل من منتصر واتمالك نفسو وم لبد ورا اهلو!!
الابو قام ع حيلو وقرب ع جمبة من جمبات الشوك وبحاول يشوف دا شنو!؟ ولانو الضلام حالك م قادر حتى يشوف اطراف جسمو ومن قبل ع اولادو راجع عليهم ف حاجة خمشتو من ورا ..!!؟
نواصل بعدييين