#فوبيا_الحب ❤
الحلقة [84]
احمد ضبح بعد سمع باب الحمام انفتح : هيا سنو نصلو
سناء خشت لبست ملايه صلاه وطلعتله صلت معه كمل احمد قرب منها وحط يده ع رأسها قرأ دعاء باس رأسها مسك ايديها و باسهن
احمد : أحسن حاجه الحنه خفيفه
سناء : اها
احمد : طلعتي سمحه بكل
سناء ابتسمت
احمد : شن رايك ناكلو
سناء : لا ما عنديش نيه
احمد : لنقاني جعان إنت في حمام انس جاب عشاء كولي معايا شويا سايريني
سناء : باه
صبو ع طاوله اكل
احمد : ههه حوليها بدلة الصلاة
سناء كاينه لابسه روب ابيض قصير ومشبك من فوق وحرير فوقه ديشمبر امتاعه سلحت وقمعزو ع سفره اكل ياكلو ويهدرزو ع عرس لعند سناء شرقت من ضحك احمد صبي يجري جاب اميه وشربها قدم كرسي جنبها قعدتي كويسه
سناء : ههه تمام
احمد يبحت فيها وخلاص : نبي رهان يتنفذ توا
سناء زمطت ريقها
احمد قدم خده : هنا
سناء قعدت تبحت في لحيته بعدها وخرت : مش تبي تعرف مفاجأة
احمد بحت فيها ابتسم : شنو
سناء متحشمه ومعش عرفت شن تقول طبست رأسها قعدت تحك في ايديها
احمد : كنتي تمام وتضحكي شن صار
سناء هزت اكتفوها بمعني مش عارفه
احمد صبي مسك ايديها صباها معه قعد يبحت فيها من فوق لعند لوطي بعدها حط تركيزه كله ع عيونها قرب منها لعند سناء رعشت مع بعضها قعدت تنفس بصوت عالي طبست رأسها احمد رفع رأسها قعد يبحت فيها و سناء كل مره تبحت في جيهه مهم مش في احمد حط يدها ع قلبه ويد اخري ع كتفه هو حط ايده ع وسطها
احمد بصوت هادي : هيا شنو مفاجأه تعبتيني يا فرخه
سناء مازالت ترعش صوتها راح من حركات احمد وصوته كيف يوشوش كيف مقرب منها سكتت شويه بعدها
سناء صوت واطي بكل : ااحمد انا تعبانه اليوم
احمد فنص : مريضه يعني
سناء تفاجأة من احمد عشان كاين واخذ راحته معها بكل وهي متخزرطه : لا لا
احمد ابتسم : معناها نفذي رهان بعدين قولي مفاجأة
سناء : ماه مفاجأة اني نلغي رهان و و
سكتت
احمد رفع حاجبه : توا هذه مفاجأه والله حسيتها كارثه وقلتها لك صاح
سناء ترعش
احمد : تي كنك ترعشي هديلي روحك شويا
سناء حطت ايديا ع وجهها
احمد نزل ايدها : انا معش نقدر نصبر من امبدري نرجى فيك ع رهان لكن ما صار شي
احمد : اهدي وبحتي فيا حبيبي
سناء هدت وقعدت تبحت في احمد قعدو قريب خمس دقائق لعند هدت
قرب منها قعد يبوس فيها بشويش وسناء معش عرفت شن ادير خاطي انها مسكت فيه
احمد وخر مبتسم حط ايده ع خدود سناء بصوت واطي : نحبك نحبك
سناء رفعت عيونها فيه وقلبها قريب يطلع من مكانه احمد حط يده ع ديشمبر ويفك فيه وهو عيونه في وجهه : توا في وحده عسل وتهبل تخاف من حبيبها
سناء معش عرفت ترد عليه ولا تحول يده
احمد حول ديشمبر وعزقه وراء سناء و وخر بحت فيها هو مبتسم حط يده وراء رقبته [ زنقيره] و نزل رفعها سناء شبطت في رقبته يمشي بيها شور الغرفة النوم
احمد مبتسم فرحه في صوته وعيونه يادوبك يدوي هو بروحه تلخبط : نحبك يا سنيوه
سناء ابتسمت شوي
احمد ضحك : باهي ارخي روحك كنك معصيه معايا
خش ونزلها ع سرير من جنب قعدت مقابله دولاب كرعيها ع وطي عشان سرير فيه شماعي
مكتوب ع سرير كلمة " نحبك " نقطه الي فوق النون في شمعه ونقطه الي تحت الباء شمعه و في قلب صغير بالورد وقلب من جيهه اخري بشماعي احمد خله كلمة لكن حول شماعي وحطهن ع كومديني
احمد قمعز جنبها بس لااف روحه عليها يعني هو يبحت في جنب احمد كراع مقمعز عليها وكراع ع وطي
حول شعرها فرده لها ع ظهرها باس كتفها مازال في نفس هدو متماسك : حبيبي
سناء رفعت رأسها : نعم
احمد قرب بصوت هادي : شن رايك نلغو رهان ومفاجأه عشان تمشي ليله كيف ما انا نبي كلا هكي والله جو معيله جو هذا العين تحق ويد ما طق
سناء ضحكت وحطت يدها ع وجهها
احمد أبتسم برم سناء عليه غمزلها : معناها موافقة
كر سناء عليه لعند رقد ع سرير وسناء قلبها ع شوي ويوقف احمد مره يهدي فيها مره يخلي فيها تخاف
سناء بصوت يرعش : احمد
احمد حطها ع سرير رقدها ع ظهرها حول تيشرت امتاعه وجاء فوقها : عيونه " نزل باسها ع خذها " قلبه " نزل باسها ع خذها آخر " كبيدته " نزل باسها ع فمها "
سناء ترعش وخرته : مادو
احمد يبحت فيها ومبتسم
سناء هزت رأسها معني لا عيونها غرغرن
احمد وخر مستغرب وقمعز وقمعزها معاه : كنك حبيبي خلاص اهدي
سناء ترعش ودموعها ينزلن
احمد : باه خلاص اسكتي بس
سناء وخرت اتكت ع مخذه احمد قرب يمسحلها في دموعها وغطاها بالورغان
احمد : نجيبلك عصير ونجيك
صبي طلع للمطبخ يجري جاب عصير وشوكولاطات رد قمعز جنبها يفتح في عصير عطاها فتح شوكولاطه وعطاها
سناء : عصير بس
احمد : كولي مرات هابطه
سناء كلت شوي شربت العصير كله كانت عطشان بكل
احمد : خلاص تريحي
جاء يبي يصبي
سناء : مادو وين ماشي
احمد : قاعد يا عيوني نطفي ضوايا ونجيك
سناء هزت رأسها بمعني باه
احمد صبي شال شيشة الراوخ الفاضيه عزقها جاب وحده اخري وطفي ضوايا حوش كله وجاء
احمد حط شيشه ع كومديني جنب شوكولاطات : نعليا نا من حشومي
سناء ابتسمت
احمد قمعز جنبها وحضنها : شموع دايرات جو ولا انا تهيالي
سناء : اها ههههه
احمد : شنو تهدرزينا يا طشه
سناء : تعرف عشان اليوم ما كلمتكش في تلفون بكل امس كلمتك طشه نحس في حاجه نقصتني
احمد : نعليا نا وخلاص بس قوليلي شنو الحاجه
سناء : حاجه من جوا هك يعني
احمد : هههه وين جوا
سناء رفعت رأسها بحتت فيه بصوت دلع : مادو عاد
احمد نزل باسها طول وخر : معش تدلعي عليا معناها انا هك مش ماسك روحي
سناء نزلت رأسها مبتسمه
قعدو لعند 6 صبح هما يهدرزو واحمد كل مره ينابش ويبوس فيها وسناء شي مسكره رأسها صلو الفجر ورقدو
.............
منذر : ايوه
هاجر : نعم
منذر : قولي للهلي يطلعو مالك له ساعه يرن عليهن
هاجر : حاضر
منذر : اسمعي
هاجر : نعم
منذر : مروحه اليوم اه
هاجر ابتسمت : شن تبي فيا
منذر : مش شورك بعدين توا نفهمك شن نبي فيك
هاجر ضحكت
منذر : توا نوريك يا مجرمه
هاجر : نحبك و نموت فيك ونعشقك
منذر حك رأسه ونزل يده ورد الفون ع وذنه : شن فيه
هاجر : شي مرايفه عليك
منذر : باهي اطلعي خلينا نروحو
هاجر : ما تجيش بعدين خوذني من حوش هلي
منذر : كيف تبي اتكي ع حوش هلك
هاجر بصوت دلع : اها شويا ونطلعو و نبي ناخذ حاجه
منذر تنهد : تمام باه
هاجر : حبيبي
منذر : نعم
هاجر : نجيلي ضابط ياربي
منذر : ههههه توا نوريك إنت مش قتلك مجرمه
هاجر : ههههههه
هبه : جووري عمتك تبيك
هاجر برمت عليها : هيا هي ، باي مينو
منذر : اوكي
.........
ابراهيم : اوووي انت خش جيب طناجر
ايوب يدوي في تلفون متعصب
ابراهيم عيط : تشلط يا ###
ايوب نزل تلفون : سكر ### ازف
ابراهيم : وطي صوتك يا تافهه
ايوب تباعد يدوي في تلفون ويهزب مر ربع ساعه ورد
انس : ايوب طناجر و نبي
عمر : انسس تعال
انس : نعبي عليكم يا شباب
وعدا
ايوب راقيلا : طناجر غنج وقصه ازف
ابراهيم : شن مطيبات ع حطب هنا امشي جيبهن وسكر فمك
ايوب بنرفزه : عليك جو ### من آخر
ابراهيم : تعدي ### يا فرخ
عدا وسيبه
ايوب جاء شور الباب الخارجي للمطبخ دق فتحتلا البنت خش خذا طناجر و حلو وقازوزه الي زادن حطهن في كنتر جاهم مرفع حاجبه ويفنص راقيلا
باسم كاين في سياره يرن عليا ما نسمعش في الفون دزلي مسج
" فوبيتي عبريني وردي عليا يا حبة عيني "
" توا نوريك يا فكرونه "
" شغلتيني عليك حبيبي ردي "
انا كنت مقمعزه ع طاولة معايا بنات عمامي وخالاتي وشويا من جارات جتني مريم
مريم : اوفي خشيت للغرفه سمعت فون يرن لقيته امتاعك هكي
انا خذيته : اها شكرا امبدري حطيته بعد هدرزت مع بنات
فتحت الفون قعدت نقرأ في مسجات ومبتسمه
الاء : إيلاف
انا : امم
الاء : سناء نحس فيها خايفه ع منصدمه باين عليها من وجهها
انا نكتب ومبتسمه : اهاا
" ولا أريد من هذه الحياة الا استمرار وجودك بجانبي فنبضي لك وكلي لك و أيردك الآن يا عاشقي .. نحبك ومرايفه عليك فوبيتك 🙈 "
Fafy faa..
الاء : لاا ندوي انا
انا : اهاا ههه
الاء : خزي عليك مستوها في فون تقول دايره علاقه
انا سكرت تلفون وضحكت : هااا كنك كنك
الاء : اقلبي وجك وإنت وأخذه مكان كله قريب تطربقي
مريم : صلي علي نبي ع بنت كنك
انا وجعتني كلمة من الاء خذيت تلفوني وباسم رن صبيت
الاء : زعما زعلت
مريم : شن رايك شفتي وجهها كيف دار بعد قلتيها لها
الاء : نبصر معاها
مريم : فش بصاره فتره الحمل صعبة راه تقول مانك دكتوره
انا بصوت هادي : ايوه
باسم : نعلي نا منك يا فوبيتي نعلي منك يا عيوني إنت
انا ابتسمت
باسم : شن رساله سمحه هذه اسمعي هلك شكلهم مطولين خلينا نروحو خير اليوم من صبح ما شفتكش بكل
انا تنهدت : نلبس عبايتي بس خليك فم الباب
باسم تفاجاة : نابتلك قدام الباب وراسي عنك غير اطلعي بس
انا :ههههه تمام نلبس ونطلع
باسم : اوكي
سكرت خشيت بخيت عطر لبست وخذيت شنطتي وجيت للماما سلمت عليها ونبي نطلع جاني خواتي والاء
هبه : اوفي مروحه
انا برمت عليها ماسكه عبايه بيدي : اها تبي حاجه
هبه : لا سلامتك بس قبل نبوك تروحي معانا نبو انديرو جو في حوشنا
انا : تعبانه يا هبه بكرا في صبح توا نجيكم
ايمان : تالمي ولا حاجه
انا : لالا غير نحس في روحي تالفه
الاء : اوفي زعلتي مني
انا ابتسمت : عادي
الاء : حي شكلك زعلتي
تلفوني رن رفعته لقيته باسم
انا درته صامت : خلاص فوتي يا خيا عادي هيا تصبحن ع خير باسم يرجا
بنات : قدامك الخير
الاء حضنتني : خزي عليك تزعلي مني انا
انا : هههههه لا والله عادي
الاء وخرن : بس طالعه تهبلي يا فرخه " غمزتلي "
انا : الاء
الاء : هكي رديتي فوبيا راه حرام الراجل
انا : اهو يرن اخري باي
الاء : سلام بشويش وإنت طالعه
طلعت فتحت الباب نزلت خماري مسكني باسم طول ركبني وسكر الباب برم ركب بييب للشباب علق وطلع
باسم رفع يدي وباسها في كف : صار مرايفه عليا
انا لافيت يدي ع يده وقنطت عليها : وبببكل
باسم مبتسم : اوووه هههههه تي نعلي منك و خلاص
انا سلحت الكنرده : حبيبي حوشنا ولا مزرعه
باسم : إنت شن تبي
انا : مزرعه الوقت متأخر نطولو ما نوصلو نروحو للحوشنا خير
باسم ابتسم : وين ما تبي عيوني لك
..........
محمود : شنو بكرا نذبح وخلاص هل احمد دايرين اسبوع ما فيش وقت بيش اندير حاجه
رحاب ترضع فى علي تضغط ع سنونها : اممم الي يريحك ديراه
محمود قمعز جنبها : حبيبي كنك
رحاب : شي كويسه
محمود باس خدها : باهي تبي حاجه
رحاب ابتسمت : لا سلامتك
محمود : توا نشوف امي كان هذا بعد فرح نسرين اديري حاجتك ولا قبل فرح بجوك
رحاب هزت رأسها بمعني باه
محمود : وخضرا وحولي امبدري جبوهن هلك قاعدات بس تبيلي نزيد عليهن بيش اندير عشاء للجماعتي وهلي وهلك
رحاب كملت رضاعه علي مازال ع كرعيها واتكت ع ظهرها
محمود قدم عليها وحط يده ع رأسها : كنك
رحاب : خاطري نرقد
محمود رفع علي وحطه في سريره جاها من جيها اخري
رحاب : ضي حبيبي
محمود طفي الضي ورقد جنبها
..........
بنات روحن قلبنها غيطه ع اصل اصلها وماما ترقص فرحانه بعدها غيرن وحطن سحور وهاجر روحت لكن ايمان لا غسلن مواعين طرحن فراشات للضيوف قعدن يهدرون مريم قعدت ترن عليا لقته مقفل وهاجر مقفل
الاء خذت تركيته مركبة سماعاتها وتهدرز مع انس
.............
باسم خش للفيلا ويسمع في صوت بنات قالبتها ضحك قرب عند باب حوشنا نزلنا وخشيت قمعزت ورفعت خماري وعباية باسم رفع عيونه فيا طول وابتسم
انا : كنك ههههه
باسم قدم عليا : نعلي من بنيتي
انا : توا انا بنتك ههه
باسم قدم اخري : إنت بنيتي وحبيبتي ودنيتي كلها
انا صبيت ع روس صوابعي حطيت ايديا وراء رقبته وبسته وخرت
باسم : شن في " غمزلي"
انا : شنو ما نرايفش
باسم ابتسم : لا جوك ههههه
انا : حبيبي نبي شنطه الي عطيتها لك بعد روحت بيا من مزين
باسم : توا
انا هزيت راسي بمعني اها
باسم : حاضر
خذا مفاتيح من طاولة اكل وطلع خشيت خففت ميك اب قعدت نرجا فيه شوي وخش خذيت شنطه وخشيت بيها للحمام " حشاكم" غسلت و نوضيت للعشاء ودهنت من دلكه جديده شريتها من مزين لونها ابيض علبتها طشه لكن عطرها يجنننن بكل لفيت المنشف وطلعت لقيت باسم متكي ع سرير وفي يده فونه طلعت بحت فيا ابتسم ابتسمتله وعديت للزيانه قمعزت قعدت نفرد في شعري بيدي بخيت من عطري بختين بس بعدها ظلمت
انا : هييي باسم الضي
باسم جاء ورايا مسكني : اسسس انا طفيته
انا تريحت : فجعتني والله انا مرعوشه بروحي
باسم نزل عليا ويشم في شعري : شن عطر جديد
انا : اها
باسم وخر بيا ع سرير : شن اندير فيك ناكل توا ولا شن
انا ضحكت
باسم نزل عليا ورحنا في خبر كااان......
..........
انس : نعسان والله
الاء : تبيش تسهر معايا
انس : والله ياروحي تعبان ونعسان ما رقدت كويس امس ونضت بدري نهيت كم مشور شور شقة بعدها لهيت مع احمد
الاء بنبره زعل : انباه خلاص تريح
انس : سامحيني حبيبي بكرا نكلمك
الاء : ان شاء الله تصبح على خير
انس : وإنت من اهلي نحبك
الاء : انا نموت فيك حبيبي
انس : اوكي
سكرت الاء برمت لقت ياسمين تبكي
الاء : هيي كنك
ياسمين : ما في شي ولو سمحتي خليني بروحي
الاء : براحتك تصبحي علي خير
برمت لقت هبه تحكي مع عصام وتضحك ابتسمت ورقدت
.............
منذر : صحه حبيبي
هاجر تنشف في شعرها : سلمك ياروحي هدرزلي شن درت في الأسبوع بلايا
منذر قرب من هاجر : بكرا نحكيلك مرايف عليك توا
هاجر : تبيش تحكي
منذر نزل عليها وراحو في خبر كان....
.......
ثاني يوم ناضت سناء قعدت تبحت في احمد كيف راقد ابتسمت قعدت تحاول تصبي معش عرفت احمد لف للجيهها اخري سناء ناضت للحمام غسلت وطلعت صلت وبحتت في ساعه لقتها ساعه 2 قايلة خشت شربت عصير وشوكولاطه وغسلت سنونها قرت قرآن ردت للدار نوم قمعزت ع سرير
سناء بصوت هادي حطت يدها ع خد احمد كانت في قمة الراحه: حبيبي مادو نوض ساعه قريب 3
احمد برم عليها ورقد ع ظهره مسكر عيونه حط يده ع عيونه ويكح سناء تبحت فيه
احمد فتح عيونه : صباح العسل
سناء ابتسمت : صباح النور
احمد : من امتي واعيه
سناء : من امبدري
احمد مسك يدها باسها من جوا وحطها ع قلبه : تعالي نقولك حاجه في وذنك
سناء قربت وقلبها يدق : نعم
احمد باسها : نحبك
سناء حطت يدها اخري عليه يا دوبك تدوي : وانا نحبك
احمد فنص ابتسم رقدها ع سرير : مش قتلك صبح عسل
سناء ترعش مبتسمه احمد بدون اي مقدمات او اذن نزل عليها وراحو في خبر كان.....
............
ماما : رنيتي انس يشيل الغذاء
هبه : باهي
جاء انس خذا غذاء احمد وسناء وعدا وابراهيم مصبي ع امتاعين مسرح صغير الي في خيمه بنات يحوسن ع عشاء وجتهن هاجر
ابراهيم : هذا عليش راقيلك امس
ايوب : مش فسخنها عليش ترن
ابراهيم : ماه البنت غبية كيف ترن ع اشكيلة نفسك
ايوب : ابراهيم راه هيا بروحها ### ما تزيدش عليها الله يرحم والديك
ابراهيم : معناها سكري فمك توا نحله لك بعدين قوليلي شن صار في غرباوية
ايوب : حظرت ### امها حتي هيا ما مشتش مع طبعي ما تسمعش في كلام قالتلي بعد تلبس فيا دبلة تحكم فيا
ابراهيم اطبرق ضحك
ايوب : انا ### الي دويت واحد شكلك
ابراهيم : والله معاها الحق البنت
ايوب : معاها امك
عمر : شباب من عنده كاشف الأرقام
ايوب : انا
عمر : ترا شوفلي رقم هذا 092#######
ايوب سجل : نجلاء
عمر فنص
..........
باسم يوخر في شعري : فكرونتي فوبيتي بست
انا : اممم
باسم : خلاص حبيبي نوم هيا
انا فتحت عيوني : صباح الخير
باسم ابتسم : صباح الورد ع وعسل
انا ابتسمت
باسم نزل يبوس فيا : نجك ليا إنت نجك ليا انا يخليك ليا انا وليا انا
انا فطنت للروحي : حبيبي خلاص
باسم بصوت هادي : ماه واحد ما يشبعش منك ياروحي
انا ابتسمت وشوشتله : نحبك
باسم باسني ع فمي : انا نموت فيك
انا : هيا خلاص
باسم : هههه باه صبي بيش تفطريني جعان هذا فطوري أول خذيته
انا صبيت لبست خشيت غسلت وطلعت صليت ودرنا فطور قمعزت نفطرو
انا : باسم كنك تنطنقش ع فطور راه ساعه 3 ونص هيا
باسم : كولي إنت كويس بس
انا صبيت : الحمدلله هيا
باسم ضحكت : باهي نغيرو بس
خشيت غيرنا وطلعنا
..........
انس دق مره وحده ما فتحش دز مسج للاحمد وحط سفره قدام الباب رد شاف ابراهيم حاط يده ع شعره ويكلم في فون وراكع درس سياره ونزل يجري
ابراهيم يفنص : كيف يا خالي كيف لا ونبي ما تقولها
خاله : قول لا إله إلا الله قول لا إله إلا الله يا راجل
........
يتبع... +
الحلقة كتبتها متأخر اسفه لها تابع ان شاء الله قريب مش حنطول جزء هذا عشان وعدتكن
Fafy faa