نخش ليكم في الموضوع طوالي😂❤️بوصف بطلتنا ..
طويلة طول متوسط و جسم يودي القسم 😍شعر نهاية الضهطر اسود بي بني " خلقة ربانية 😍"
سمراء لونها 😍😂..
نمشي للوش يلا ..عيونا متوسطة لكن كحيلة برضك رباني😍و رموش الله اكبر 😍الخشم صغنوني و الجضوم كبارررات😂❤️و غمازة ي لتيييف🔥تعقققد 😍
"و بعد كدة نتكلم بي بسان البطلة "
انا اسمي تسنيم و دلعي (سومة)
في بيتنا العزيز في اربعة انفار (م تشنغلو باللغة 😂😂)
ابوي(محمد عبد الله ): الحمد لله مشى عند ربو ❤️😔كان زول فاضل ،طيب و حبوب 😍
اقرب زول بالنسبة لي ..موتو و الحمد لله😔كان صدمة كبيرة بالنسبة للجميع 😔💔نتج عن ذبخة صدرية (حمانا الله و اياكم )
و بعد اتوفىةحصلت كمية مشاكل بين امي و اهل ابوي لي قدام ح نعرفا..
امي(عبير ): يلا شوفتو كلمة عسل صغيرة عليها للحب الحب الحب 😍😍ام مثالية من كل النواحي عمرها ٤٠ سنة
جلال (جليلو ): دا اخوي الاصغر مني ..بعديني طوالي عمرو يدوب ١٢ سنة يحب اللعب زي عيونو و بالذات الكورة 😍حافظ اشماء اللاعبين واحد واحد انا زاتي بتحيير😂😂
مجاهد (جهودي): اما دا سككرة البيت عندو عالم حقو براو و العابة براو...عمرو ٣ و نص و عامل لينا موضوعوفي البيت نكوت بناكل فجاة بيقعد يغني و يتراقص براوو😂😂😂❤️في طيور الجنة ..
و يجيكم العبد لله "تسنيم " (سومة )زي م قلنا دا دلعي و بالنسبة لي عمري ١٦ سنى ة في ثانية ثانوي ..
بعد كدة ممكن نبدا:
انا نايمة فجاة احس ليك بي يدين في وشي ..فتحت عيوني لقيت حاجة صغنونة كدة شغالة تهبش في جضومي "عرفتو منو صاح؟! جهودي زاتو " طوالي قمت و شلتو و بقيت بكلكل فيهو و بقول ليهو :انا انا تصحيني ..انا كل يوم تصحيني انت كل يوم ..و هو ميت من الضحك 😂😂شغال لي :خلاث خلاث (خلاص خلاص)
بعد وقفت قلت : اها خير مصحيني لي المرة دي؟!
مجاهد: ماما دالت ليت دومي عثان المدتة
(ماما قالت ليك قومي عشان المدرسة "نتاسف على اللغة الهيروغليفية 😂😂")
قلت ليهو : حااضر من عيوني انا😍يلا تعال اديك الحلاوة دي..
مشيت فتحت الدولاب و اظيتو شوكلاتة نزلتو اديتو بوسة و قلت : اها والله خلاث ثحيت 😂😂و بضحك..
مجاهد: م تحاتيني(م تحاكيني)😡
قلت ليهو : خلاص م تزعل اها متاسفين 😂و اديتو بوسة .و قام متخارج طوالي ..
من هنا انا قلبت دخلت الحمام ادوشت و سويت روتيني اليومي في الحمام اتوضيت و جيت مارقة لقيت امي ختت لينا الشاي نشيت صليت و مسكت مصحفي قريا زي ٣صفحات❤️❤️و قفلتو مشيت شربت الشاي و قعدت قريت شوية كدة و قمت على البيت ..
نضفت البيت دا فوقاني تحتاني و (بيبوني)
" امي مالكم بناديها بال انا عاوزاو)
ماسكة المطبخ😌
يعني الشاعة خلاص ٥:٥٥ انا ابتديت البس لحدي م لبست و دبست طرحتي ٦ كان جات شلت شنطتي و بقيت مارقة ودعتهم و قعدت برا لحدي م الترحيل جاني و "طاااااط طااااط" وصلنا المدرسة
المهم وصلنا المدرسة .و م يفوتكم طبعا انا رداحة (نمبر ون) كان الهوا جا ماشي بي جمبي ساي بردح لي😂😂..
طبعا صحبتي الروح بالروح (نوفة )انفال❤️❤️جارتي و انا ركبت الترحيل و مشيت م استنيتها😂😂..
(و م تقولو لي ارجاها ذنبي شنو اجي بالمواصلات نهي ابيت 😂)
المهم نوصفها ليكم ..يلا هي جارتي طوالي ..عايشة مع حبوبتها (سكينة ) لانو امها و ابوها منفصلين حبوبتها دي ام ابوها .اللهم بس قاعد هناك ..بالنسبة لي شخصيتها هادية هدوء مبالغة لكن لو هبشتها فجاة بتنقلب حاجة تانية خالص😂😂
اها بالنسبة لي شكلها هي قصارية كدة و ضعيفونة ؛ بس رقاصة عجيبو عديل كدى .شعرها يعني نص نص م ناعم ولا خشن .طولو كدة يكون لحدي بعد كتفها بي شوية .عيونها كبيرة و حلوة شديد ❤️زي فنجان القهوة "الله اكبر " حواجبها غزيرة و مقرونة لكن خشمها شوية عريض.
"بتقرو في الكلام و الوصف بي مزاج حسستوني انها البطلة 😂🙄"
نكمل..
وصلت المدرسة و قلت خلاص بما انها مافي اقعد اقرا شوية لانو بعدين عندنا تسميع "احياء"
اها و انا بقرا كدة فجاة من حيث لا ادري جا طاير فيني حجر و شوية و كان ح يقد عيني ..
طبعا اكيد عرفتو منو ال جدعو ياها زاتا قليلة الادب "انفال "
انفال : انتي بالمناسبة صحبة زفت ..لي م وقفتي الترحيل لحدي م انا اطلع?
انا طوالي ختيت الكتاب و قبلت عليها و اها عاوزة اصفق ليها كدة جرس الطابور ضرب..نزلت هدومي و احترمت نفسي و بقيت بضحك بس😂😂
انفال: اعوذ بالله.. انا ماشة يلا يلا انتي زاتك بدل يجو يعاقبوك..
المهم لحدي م خلص اليوم طلعنا مع بعض وةركبنا الترحيل وصلنا و اي واحدة مشت على جهتها ..
انا من م دخلت البيت .كالعادة امي فاانة " جلال" بالشبشب عشان يجي يقرا ..قعدت اضحك😂😂
و قلت : السلام عليكم 😂
" بيبو" بتضحكي في شنو تضحكي من غير سنون 😒دا بدل م تجيبي ليي
م رديت ليها مشيت ..بوست جهودي😘كان نايم ..دخلت جوا ختيت الشنطة و قلعت هدومي ..و جيت مارقة اتقلبت (سونيك فجاة 😂😂)
" لل م بعرفو دا برنامج كرتون لو م حضرتو نص عمركم ضايع )
و بقيت جارية ورا جلال لمن الكتاحة قامت و " طققققق" قبضتو ليك و قلت ليهو: تعال هنا ي كلب مجننا معاك تعال
و " كررر كررر كرر" كركرتو لي بيبو و قلت ليها : اها اي طلبات تانية ي برنسيسة 😏
بيبو :اديني لي ..و انت والله الليلة بحلك مني الحلة بلة ..اصبر بس.
و ساقتو و دهلت انا بقيت بس بضحك على حالة بيتنا 😂😂
اللهم دخلت طفيت النور و فتحت المكيف و شخرتها ليك م صحيت كالعادة عارفين منبهي "جهوودي "😍
قمت اديتو حلاوة و مشى
بقيت قاعدة بقرا .تاني نادوني للغدا .طبعا لقيت العيش م بكفي .طوالي لفحت توبي و بقيت مارقة لمن وصلت المخبز كان زحمة شديدة و الصف طوييييييل خلاص
قلت : م عندك حل تاتي ي " سومة" غير انك تقيفي 😔
و بقيت واقفة اها قريب النص ساعة و الصف دا يمشي براحة براحا فجاة و من دون اي مبررات جا ولد كدة شاب في العشريناا اتحشر قدامي و انا بي زهجي داك طوالي اتنفضت ليك فبهو😡
قلت ليهو' لا انت جادي؟! طبعا اكيد بتهظر 🙄انا واقفة في الصف دا لي نص ساعة عشان انت تجي و تتخطاني ..مالك انت يااااا ارجع ورا ورا .م ممكن معاك
الولد: اسمعي هنا ي اخت م كنت شايفك مافي داعي تفوووري فينا هسي بتطقي " و طاااارت الجبهة 😂😂"
قلت ليهو : بلا م شايفك بلا م شايفك ..هسي شوفت اتفضل يلا ورينا عرض اكتافك😌
بتاع المخبز : (طبعا بعرفني زيين المعرفة😂لاني كل مرة بشتري منو ): يبتي هاك م تكوركي امشي بيتكم امك بتكون جعانة و اخوانك يلا ..
شلت العيش و لمن جاية ماشة الولد كان بشتري وقفت عند ست الكسرة و اشتريت و في مسافة اشتريت الولد كان ركب عربيتو و دورها ..
حمرت ليهو و بقيت مااااشة ..
و فجاة حسيت بي عربيتو ماااشة ورااي قلت يبت يسومة : م تخافي يعني ح يخطفك امشي امشي خلي الهبل ..
و واصلت مشيني لمن خلاص وصلت لفة بيتنا ..لفيت كدة جا لافي معاي هنا انا خلاص قربت ابول في روحي 😂😂بس شنقت ليك توبي دا فوووق و كتحتها ليك فيراري بس😂😂👋..و دخلت بيتنا اتنفضت و قلت :ود الكلبة قال يخطفني قال و اشيل و اضحك فيهو عشان م ح يخطفني😂😂
دخلت اديتهم العيش و قعدنا اكلنا كدة و هظار و في المدرسة حصل و ايش و م ادراك ..خلصنا ..
لمينا الصفرة غسلت العدة .
تاني و انا ماشة عشان اقرا اتذكرت كراسي مع "انفال" طوالي طلعت ليها بالحيطة و الجاعووورة "انفاااال" ي"انفاااال"
انفال: نعم خييير 😡
لقيتها لابسة عبايتها ولافة طرحتها .
قلت ليها : مالك يبت فشنو ؟! متلفلفة كدة ماشة وين؟؟
" انفال": م طايرة اي محل ..بس ود عمي دا جا من السفر و غشانا بي جاي ..عاوزة شنو؟! مالك تلعلعي كدى
قلت ليها : كراسي معاك ي استاذة سريع😌
يتبع...