ﺗﺎﻟﻴﻦ ﺗﻌﺮﻑ ﻧﻘﻄﺔ ﺿﻌﻒ ﺍﻣﻬﺎ ..
.... ﺍﻣﻬﺎ ﺗﻌﺸﻖ ﺣﻴﺪﺭ ﺍﻟﻌﺸﻖ ﻛﻠﻤﺔ ﺻﻐﻴﺮﺓ ﻋﻠﻲ ﺗﺤﺴﻮ ﺍﻣﻬﺎ ﻧﺎﺣﻴﺘﻮ ﻫﻲ ﻣﻬﺒﻮﻟﺔ ﺑﻴﻪ ﺗﺘﻨﻔﺲ ﺣﻴﺪﺭ ﻭﺗﺎﻟﻴﻦ ﺗﻌﺮﻑ ﺯﺩﺍ ﺍﻟﻲ ﺣﻴﺪﺭ ﻣﺎﻳﺤﺒﺶ ﺍﻣﻬﺎ ﻳﺴﺘﻐﻞ ﻓﻴﻬﺎ ﻋﻠﻰ ﺧﺎﻃﺮ ﻓﻠﻮﺱ ﻭﻋﻠﻰ ﺧﺎﻃﺮ ﻳﺤﺐ ﻳﺎﺧﻮ ﺟﻨﺴﻴﺔ ﺑﺮﻳﻄﺎﻧﻴﺔ puisk ﻋﻔﺎﻑ ﺑﻮﻫﺎ ﺗﻮﻧﺴﻲ ﻭ ﺍﻣﻬﺎ ﺑﺮﻳﻄﺎﻧﻴﺔ ﻳﻌﻨﻲ ﻋﻨﺪﻫﺎ ﺟﻨﺴﻴﺔ ﺑﺮﻳﻄﺎﻧﻴﺔ
ﻣﺸﺎﺕ ﺗﺎﻟﻴﻦ ﻋﻤﻠﺖ ﺩﻭﺵ ﻭ ﻟﺒﺴﺖ ﻭ ﻣﺎﻛﻴﺠﺖ ﻭﻫﺒﻄﺖ ﻛﺎﻧﻮ ﻣﺎﺻﺎﺭ ﺷﻲ ﻟﻘﺎﺗﻬﻢ ﻳﺎﻛﻠﻮ ﻗﻌﺪﺕ ﻣﻌﺎﻫﻢ
- ﻣﺎ ﺣﺒﻴﺖ ﻧﻘﻠﻚ ﺳﺎﻣﺤﻨﻲ ﺍﻧﺖ ﻭﺣﻴﺪﺭ ﻋﻠﻲ ﻋﻤﻠﺘﻮ ﻭﻗﻠﺘﻮ ﻛﻞ ﻣﻮﺗﺔ ﺑﺎ ﺍﺛﺮﺕ ﻋﻠﻰ ﻧﻔﺴﻴﺘﻲ ﺑﺮﺷﺎ ﺧﻼﺗﻨﻲ ﻋﻠﻰ ﺍﻋﺼﺎﺑﻲ ﻭﻣﻌﺎﺩﺵ ﻧﻌﺮﻑ ﺷﻨﻘﻮﻝ ﻭ ﺷﻨﻴﺎ ﻧﺘﺼﺮﻑ
- ﺍﻳﺎ ﺣﻤﺪﺍﻟﻠﻪ ﻛﻴﻒ ﺭﺟﻌﻠﻚ ﻋﻘﻠﻚ ﻭ ﺣﺴﻴﺖ ﺑﻐﻠﻄﺘﻚ
- ﻧﻮﻋﺪﻙ ﻣﺎ ﻧﺘﺒﺪﻝ ﻭ ﻣﺎﻧﻌﻤﻞ ﻛﺎﻥ ﺍﻟﻲ ﻳﺮﺿﻴﻚ ﻳﺎﺭﻭﺣﻲ ﻧﺘﻤﻨﺎﻙ ﺗﻔﺮﺡ ﻣﻘﻌﺪﻟﻴﺶ ﻏﻴﺮﻙ ﻣﺒﻌﺪ ﺑﺎ
- ﺭﻳﺖ ﺣﻴﺪﺭ ﻛﻲ ﻗﺘﻠﻚ période ﻭﺗﺘﺒﺪﻝ ﺑﻨﺘﻲ ﻭ ﻧﻌﺮﻓﻬﺎ ﺣﻨﻴﻨﺔ ﺑﺮﺷﺎ
ﺗﺎﻟﻴﻦ ﻗﻌﺪﺕ ﺗﺨﺰﺭ ﻟﺤﻴﺪﺭ ﺍﻟﻲ ﺣﺎﺳﺘﻮ ﻣﻮﺵ ﻣﺼﺪﻗﻬﺎ ﻋﻜﺲ ﺍﻣﻬﺎ ﺻﺪﻗﺘﻬﺎ ﺧﺎﻃﺮ ﺗﻌﺮﻑ ﺑﻨﺘﻬﺎ ﺣﻨﻴﻨﺔ ﺑﺮﺷﺎ ﻭﺗﺤﺴﻬﺎ ﺩﻏﻔﺔ ﻛﻴﻒ ﺑﻮﻫﺎ
- ﺷﻨﻴﺔ ﺳﻲ ﺣﻴﺪﺭ ﻣﺎﺯﻟﺖ ﻣﺘﻐﺸﺶ ﻋﻠﻴﻨﺎ ﻧﻌﺮﻑ ﻣﺎ ﻣﺎﺗﺴﺎﻣﺤﻨﻲ ﻛﺎﻥ ﻣﺎﺗﺴﺎﻣﺤﻨﻲ ﺍﻧﺖ
ﻣﺸﺎﺗﻠﻮ ﺗﺠﺮﻱ ﺑﺎﺳﺘﻮ ﻣﻦ ﺧﺪﻭ
- ﻭﻫﺬﻩ ﺑﻮﺳﺔ ﺻﻠﺢ ﻣﺘﺨﻠﻴﺶ ﻗﻠﺒﻚ ﺍﻛﺤﻞ
- ﻫﻬﻬﻪ ﺑﺎﻫﻲ ﻳﺎ ﻟﻼ ﺍﻟﻠﻪ ﻻ ﻳﻌﻄﻴﻨﺎ ﻣﺎﻳﻐﻠﺒﻨﺎ ﺳﻤﺎﺡ ﻣﺼﺎﺭ ﺷﻲ
- ﺑﻬﺎ ﻣﻨﺎﺳﺒﺔ ﺳﻌﻴﺪﺓ ﻗﺮﺭﺕ ﻧﻌﻤﻠﻚ ﻗﺎﺗﻮ ﺷﻜﻮﻻ ﺗﺎﻛﻞ ﺻﻮﺍﺑﻌﻚ ﻭﺭﺍﻩ
- ﺍﻧﺎ ﺑﺎﺵ ﻧﺪﺧﻞ ﻟﻠﺒﻴﺮﻭ ﻋﻨﺪﻱ ﺑﺮﺷﺎ ﺧﺪﻣﺔ ﻭ ﺗﺎﻟﻴﻔﻮﻧﺎﺕ ﻧﺨﻠﻴﻜﻢ
- ﺑﺎﻫﻲ ﻣﺎ ﺍﻧﺎ ﻫﺎﻧﻲ ﻣﻊ ﺣﻴﺪﺭ ﻧﻮﻧﺴﻮ ﺑﻌﻀﻨﺎ
ﻏﻤﺰﺗﻮ
- ﺷﻨﻴﺎ ﺭﺍﻳﻚ ﺣﻴﺪﺭ ﺗﻌﺎﻭﻧﻲ
- ﻳﺎﺑﻨﺘﻲ ﻣﺎﻧﻌﺮﻑ ﺷﻲ ﺍﻧﺎ ﻋﻀﻤﺔ ﻣﻨﻌﺮﺵ ﻧﻔﻘﺴﻬﺎ
ﺷﺪﺗﻮ ﻣﻦ ﻳﺪﻭ ﺗﺠﺒﺪ ﻓﻴﻪ ﻟﻠﻜﻮﺟﻴﻨﺔ ﻭ ﺗﻀﺤﻚ
- ﺍﻧﺎ ﺷﺎﻑ ﻭ ﺍﻧﺖ ﻣﺴﺎﻋﺪ ﻣﺘﺎﻋﻲ ﻭﺍﻟﻲ ﻧﻘﻠﻚ ﻋﻠﻴﻪ ﺗﻌﻤﻠﻮ ﻭﻓﻤﻚ ﺳﺎﻛﺖ
ﺣﻄﺘﻠﻮ ﻳﺪﻫﺎ ﻋﻠﻰ ﻓﻤﻮ ﺧﺰﺭﺕ ﻟﻌﻴﻨﻴﻪ ﻭ ﺿﺤﻜﺘﻠﻮ ﻣﺤﻼﻫﻢ ﻋﻴﻨﻴﻪ ﻋﻠﻰ ﻗﺪ ﻣﺎﻫﻢ ﻣﺰﻳﺎﻧﻴﻦ ﻟﻜﻦ ﻛﻠﻬﻢ ﺧﺒﺚ ﻭﻗﻮﺓ ﺍﻟﺮﺍﺟﻞ ﺍﻟﻲ ﻗﺪﺍﻣﻬﺎ ﻣﺶ ﺳﺎﻫﻞ ﺯﻋﻤﺎ ﺗﻨﺠﻢ ﻃﻴﺤﻮ ﻭ ﺗﺨﻠﻴﻪ ﻳﺤﺒﻬﺎ ﻭ ﺗﺒﻌﺪﻭ ﻋﻠﻰ ﺍﻣﻬﺎ
- ﻳﺎﺑﻨﺘﻲ ﻭﻳﻦ ﺳﺮﺣﺖ ﺻﺤﻴﺢ ﻋﻨﻴﺎ ﺣﻠﻮﻳﻦ ﻭ ﻳﺪﻭﺧﻮ ﺍﻣﺎ ﻣﺶ ﻟﺪﺭﺟﺔ ﺗﻐﻴﺐ ﻋﻠﻰ ﻭﻋﻲ ﺟﻤﻼ ﺳﺎﻋﺔ ﻭﺍﻧﺎ ﻧﻜﻠﻢ ﻓﻴﻚ ﻫﺒﻂ ﺻﺒﻌﻚ ﻫﻬﻬﻪ
- ﻫﻬﻬﻬﻪ ﻣﺒﻠﺪﻙ ﺍﻧﺎ ﺩﻳﻤﺎ ﻋﻨﺪﻱ ﺑﻬﺘﺔ ﻭ ﺩﻳﻤﺎ ﻧﺴﺮﺡ ﻣﺘﺼﺪﻗﺶ ﺭﻭﺣﻚ ﺑﺮﺷﺎ
ﻃﻴﺒﺖ ﺗﺎﻟﻴﻦ ﻗﺎﺗﻮ ﻭﻫﻲ ﻛﻞ ﻣﺮﺓ ﺗﻌﻤﻞ ﻋﻤﻠﺔ ﻟﺤﻴﺪﺭ ﻣﺮﺓ ﺗﻔﺠﻌﻮ ﻣﺮﺓ ﺗﺎﻣﺮﻭ ﺣﻀﺮ ﻗﺎﺗﻮ ﺑﺪﺍﻭ ﻳﺰﻳﻨﻮ ﻓﻴﻪ ﺑﺸﻜﻮﻻ ﺣﻴﺪﺭ ﻣﺮﻛﺰ ﻭ ﻳﺰﻳﻦ ﻭ ﺗﺎﻟﻴﻦ ﺷﺎﻳﺦ ﻋﻠﻴﻪ ﺑﻀﺤﻚ ﻛﻴﻔﺎﺵ ﻋﺎﻗﺪ ﺣﻮﺍﺟﺒﻮ ﻭﻳﺜﺒﺖ ﻭ ﻳﻌﺎﻭﺩ ﻳﻠﻘﺎﺵ défaut
- ﻫﻬﻬﻪ ﻳﺎﺧﻲ ﻓﺎﺵ ﺗﻌﻤﻞ ﺑﺎﺵ ﻧﺎﻛﻠﻮﻫﺎ ﺧﺒﺰﺓ ﻣﺶ ﺑﺎﺵ ﻧﺤﻄﻮﻫﺎ ﻓﻲ ﻣﻌﺮﺽ ﻳﺰﻱ ﺳﺎﻓﺎ ﻫﻜﺎ
ﺣﻴﺪﺭ ﺿﺤﻚ ﻭ ﺣﻚ ﺭﻗﺒﺘﻮ ﻗﺮﺑﺘﻠﻮ ﺗﺎﻟﻴﻦ ﻋﻠﺨﺮ ﻭﺑﺎﺳﺘﻮ ﻣﻦ ﺭﻗﺒﺘﻮ ﺑﻌﺪﻫﺎ ﺷﻮﻳﺎ ﻋﻠﻴﻪ ﺧﺰﺭﻟﻬﺎ ﻓﻲ ﻋﻴﻨﻴﻬﺎ ﻳﺴﺘﻔﺴﺮ
- ﻳﺎﺧﻲ ﻫﺒﻠﺖ ﻓﺎﺵ ﺗﻌﻤﻞ
- ﺷﻲ ﺣﻜﻴﺖ ﺭﻗﺒﺘﻚ ﻭ ﻳﺪﻙ ﻣﺴﺨﺔ ﺑﺸﻮﻛﻮﻻ ﻳﺎﺧي لحستها
🔥🔞"لعبة إنتقام"🔞🔥
By Prisoner_of_love__
هاااي حبيباتي🙋 أنا جيييت🏃♀️ و تعرفوني أنا كيف نجي☺❤ ما نجيش يدي فارغة😁✌ لازم نجيبلكم كروو 🔥🔞و بالسيف... More