البارت الرابع والعشرون |24|
روايه اجبرتني على عشقها ٢...ثعابين سوداء
بقلم مروة اليماني
♧♧♧♧♧♧♧♧♧♧♧♧♧♧♧♧
في غرفة عبدالله اغلق الهاتف و ظل يتحرك ذهابا وايابا يلعن تلك الفكره ولاكنه لا يعرف كيف سيواجه والده اذا علم الحقيقه جلس علي المقعد وظل يحرك قدمه علي الأرض كانه يخشي أن تفتح أبواب الماضي بعد المواجهه المحتومه وبذلك يتاكد والده ان قراره كان صائب منذ البدايه ظلت تلك الأفكار تتلاطم في ذهنه كامواج البحار.
في غرفة اسر رن هاتفه وجده مالك قال : في ايه ؟!
مالك:انا عرفت المكان الي فيه الناس الي خطفوا لمار
اسر:طب ابعت location وانا هاجي انا وحسام حالا
مالك:تمام
اغلق هاتفه واتصل بمحمد ليخبره وكذلك فعل مع حسام ونزل مسرعا ليتوجه الي هناك
سرعان ما وصل اسر الي المكان المهجور نزل من سيارته بعدما تركها علي مسافة ليست بكثيره من المكان تقدم بجانب مالك قائلا:هما كام واحد
مالك:مش عارف بس في حركه كبيره في المكان وكمان معاهم سلاح
اسر:محمد وحسام زمنهم في الطريق واكيد حسام معاه شرطه
أخرج اسر مسدس ناري وقال لمالك :خليك هنا
وانا هدخل
امسك مالك يده قائلا:انت اتجننت هتدخل هناك لوحدك بقولك كتير ومعاهم سلاح
اسر:يعني كام واحد
مالك:تقريبا عشره انا لمحت يجي خمسه سته كدا
اسر:طب هشوف المكان عشان اعرف انسب طريقه ندخل بيها
مالك:ماشي يا اسر بس خلي بالك لو دخلت ممكن يحسوا بالخطر وبعدين يهربوا ومنعرفش نوصلهم تاني
اسر:متقلقش
ذهب اسر ليستكشف المكان كان يتحرك ببطء وجد المكان لايتكون من اي مدخل اومخرج إضافي سوء الباب أقترب أكثر واكثر وظل يتحول حول المكان لم يجد أي شيء
بعد قليل عاد لمالك وبعدها وصل محمد ومن بعده حسام أخبرهم اسر أنه لم يجد أي مدخل وعليهم الدخول من الباب الرئيسي للمكان وأخبرهم ان لديه خطه وسرعان ما صعد سيارته وقادها بسرعه شديده .
اصتدم في الباب الرئيسي للمكان واستطاع فتحه قاموا هولا الرجال ليعرفوا من في السياره لم يجدوا احد ولاكن سرعان ما دخل حسام ورجال الشرطه بينما كأن آسر ملقي علي الارض بعدما نزل من سيارته بسرعه قبل قدوم الرجال وظل يطلق النار عليهم وعاونه حسام ورحال الشرطه.
ظلوا يطلقون النيران عليهم وهم كذلك حتي نفذ صبر اسر وتحرك باتجاهم بعدما طلب من حسام حمايته ولاكن حسام لم يتركه وحده فقامت رجال الشرطه بحمايه كلاهما حتي يتمكنوا من الوصول للجناه .
أما مالك ومحمد فكانوا قلقين في الخارج وقررا الدخول أعطاهم أحد رجال الشرطه سلاح فساعدوهم .
وقف اسر أمام ذلك الرجل الذي كأن يهدد لمار في تلك اليله السوداء نفذ رصاص اسر فقام بإلقاء سلاحه وكذلك هذا الرجل نفذ رصاصه فالقاء سلاحه هو الأخر ونظر لاسر بسخريه .
وتقدم ليضربه في وجهه ولاكن اسر أمسك يده قبل ان تحطم فكه وبادله ضربه حطمت جدار معدته
أما حسام بعدما أستطاع قتل اثنان منهم نظر لاسر الذي يتعارك مع أحدهم ووجد واحد منهم يسلط سلاحه على اسر فاسرع وأطلق علىه رصاصه اجتاحت قلبه ووقع أرضاً وانتبه اسر لذلك وجد سلاحه بالقرب منه فتناوله بسرعه وضرب هذا الشخص علي رأسه فاغمي عليه .
بعد كل هذه المناوشات استطاعت الشرطه القبض علي الباقي منهم
خرج اسر ووجهه به بعض الكدمات الطفيفه اسرع مالك اليه ليطمئن عليه فاخبره اسر انه بخير وصعد مع مالك في سيارته وذهب محمد في سيارته اما حسام فذهب مع رجال الشرطه ليبدأ التحقيق مع هولا المجرمين .
¤¤¤▪▪▪▪▪▪▪▪¤¤¤¤▪▪▪▪▪▪▪▪¤¤¤¤
نزل الجميع من السيارات ودلف اسر مكتب حسام قبل ان يبدأ التحقيق معهم وطلب منه ان يحضروا مني أيضا ولاكنه طلب منه ان يحقق معها بشكل غير رسمي وذلك ليعرفوا لماذا فعل عبدالله كل هذا ويبتعد اسر عن الحرج في مواجهتهم وافق حسام علي ذلك واخبره أنه سيرسل لها رجال الشرطه لاحضارها علي الفور .
خرج اسر من المكتب وطلب من مالك ان يذهبوا للمنزل لأنه يريدهم في موضوع هام .
في مكتب حسام دخل عسكري قائلا بعدما ادي تحبته العسكريه لحسام :هتحقق معاهم دلوقتي يا باشا
حسام:لا خليهم في الحجز انهارده وبكرا نروقلهم
بعد فتره وصلوا ونزلوا من السياره ودلفوا للداخل وحين رأته أمينه نهضت مسرعه وتوجهت اليه قائله:اسر ايه الي عمل في وشك كدا
ضحك اسر قائلا:مفيش حاجه مستاهله كل دا دي حاجه بسيطه اوي يا امي متقلقيش
قالت أمينه بحده:مقلقش ازاي وأنت متبهدل كدا
ضحك مالك واردف:متبهدل مين يا ماما اومال لو شفتي اسر عمل ايه في الراجل هتقولي ايه
قالت امينه بحده :انا مليش دعوة بحد الي يهمني ابني
اسر:طب أهدي بس عشان محدش ياخد باله ...اهدي بقولك ايه متعملي طقم قهوه كدا علي ما ندردش شويه في المكتب
أمينه:ماشي يا اسر انا عارفه اني مش هاخد منك لا حق ولا باطل
دلفت امينه للمطبخ ودلف الشباب للمكتب وجلس كل واحد منهم في مكانه المعتاد .
قال محمد:الحمد لله اعتقد بقا أننا كدا خلصنا من مشكلة زياد دي نهائي
اسر:الحمد لله....بس أنت عارف الي صعبان علي في كل دا زياد يتري هيعمل ايه لو عرف ان ابوه الي كأن وراء كل الي حصل معاه الفتره الي فاتت
مالك :ربنا معاهم كلهم
اسر :يارب صمت قليلا ثم أردف:المهم أنا عايزكم في حاجه مهمه اوي
محمد:خير يا اسر قلقتنا
اسر:في حاجه غريبه اوي حصلت لما رجعت الشركه مازن كان في مكتبي ولما سألته جات ريهام وقالت انوا كأن بيحط شويه أوراق على المكتب
محمد:قصدك يعني ان ريهام متفقه مع مازن
اسر:ممكن لان لما فريد بيه والد مازن قابلني وقالي انه سمع مازن وهو بيتفق مع حد عشان ياخد ورق مهم من مكتبي ويدهوله
قاطعه مالك قائلا :ايوا بس ممكن تكون مش متفقه معاه ولا حاجه وهو شافها وهي داخله المكتب بالأوراق وطلب منها إنو يدخلها هو وتبقي فرصه عشان يدور في المكتب براحته
اسر:ممكن ...بس ليه ارتبك اول ما شفته
مالك:انت بتقول أنو كان داخل ياخد ورق من المكتب يعني طبيعييرتبك لما يلاقيك في وشه
محمد:بس لازم ناخد بكل الاحتمالات الي قدامنا والمهم اننا فضينا ليهم لما نشوف بقا ايه اخرتها
اسر:للأسف قدامنا مشكله انا لازم اسافر المهمله الي خدتها من جاك خلصت والورق مينفعش يبعت في أميل وخصوصا لو كان دا الورق الي مازن عايز يوصله
مالك:لا والنبي بقولك ايه انت وهو انا مصدقت البت خلصت جامعه عايز اتجوز يا ناس
انفرط كلاهما ضاحكين علي مالك حتي دلفت أمينه فصمتوا ولاكن نظراتها لاسر كانت تعني غضبها الشديد منه خرجت من المكتب
فنهض اسر ليحلق بها ولاكنه قال لمالك قبل ان ينصرف :والله بكرا تلعن أم اليوم الي حبتها فيه
وظل يضحك حتي محمد ظل يضحك هو الأخر نظر له مالك بحده فامسك كوب القهوه وارتشف منه القليل
◇◇◇◇◇◇◇◇◇◇◇◇◇◇◇◇◇◇◇◇
في الخارج جلست أمينه علي الأريكة فجلس اسر بجوارها وبعدما ضغطت عليه لم يستطيع الكذب عليها وأخبرها ما حدث منذ بداية مشكله زياد حتي تمكنوا من القبض عليهم .
ولاكنها أعتلا وجهها الدهشة من ما سمعت ولاكنها أيضا ظلت تتساءل على السبب الذي يجعل أب يفعل هذا بابنه الوحيد وابنة اخيه يتيمة الأب والأم
أخبرها اسر انه لم يجد جواب لهذا السوال أيضا ولاكنه يعرف كيف سيصلوا له ان نكرة مني معرفتها بهذا الأمر وطلبت منه أمينه ان لايخبر فاديه بهذا الأمر فاخبرها انه كان سيطلب منها نفس الشيء.
بعد ذلك صعد اسر لغرفته كما امرته أمه واخبرته أيضا ان يكمل حديثه غدا فالساعه الان العاشره وهو بحاجه للراحه لا محال.
دلفت هي لمالك ومحمد تخبرهم بذلك وبعدها حملت حقيبه صغيره وذهبت لغرفة اسر لتسعفه
ضمدت جروح يده وعملت بعض كمدات الماء البارد علي الكدمات التي بوجهه .
ثم خرجت واخبرته ان ينام وفي الخرج خطر علي ذهنها فكره فنزلت مسرعه وأخذت هاتفها
في غرفة لمار كانت تتحدث مع ملك كعادتهم قبل النوم رن هاتفها قالت :ايه دا ماما ثواني يا لمار اشوف ايه الي حصل
ردت عليها قائله:الو يا ماما ازيك يا حبيبتي
أمينه:انا بخير يا حبيبتي بس اسر الي مش كويس خالص
نهضت ملك مسرعه واعتلا وجهها الدهشه والخوفة اردفت:في ايه يا ماما اسر حصله أيه
امينه:هااا.. لا دي حاجه متتقلشي في التليفون لازم تيجي بنفسك تشوفيه
ملك:هاجي حالا
اغلقت هاتفها وقالت لي لمار:لمار انا لازم ارجع البيت حالا هعمل حاجه واجيلك الصبح بدري
لمار:في ايه يا بنتي
ملك:هفهم وابقي أقولك
لمار :ماشي يا حبيبتي
نزلت مسرعه لتطمئن عليه فإن العشق لا يموت إلا حين ندفن معه .
********************************
وصلت ملك للفيلا ونزلت مسرعه وجدت أمينه بالاسفل فاقتربت منها مسرعه قالت: في اي يا ماما اسر ماله
خرج محمد ومالك علي صوتها احتضنها محمد وصافحها مالك أخبرتها أمينه ما حدث لتختبر حبها لاسر وفكرت ان هذه الخطه قد تعيدهم وقد تجعل ملك تسامح اسر
بعدما علمت ما حدث وازادت عليها أمينه لتزيد قلقها علي اسر اسرعت إلي غرفته لتطمئن عليه
بالاعلي فتحت الباب برفق وتقدمت ببطء كي لاتقلقه جلست بجواره علي الفراش تتفحص الكدمات التي بوجهه قالت لنفسها ماهو كويس اهو امال ماما بتقول وشه بايظ ايه ودراعه الي مجروح بقا مكسور ماشي يا ماما
زي الملايكه حركة يدها برفق علي وجهه تململ في فراشه فنهصت مسرعه ولاكنها سحبت المقعد برفق وجلست عليه حتي الصباح
اشرقت الشمس بنورها الجميل لتنير غرفة اسر وتزعجه مما جعله يقلق نظر بجوارها وجدها حوريه تعتلي المقعد وتغطس في نوم عميق ظل يتاملها وبعد دقائق ازال الغطاء ونهض من علي الفراش دلف للمرحاض غسل وجهه واسنانه .
في الخارج استيقظت ملك لم تجد اسر فحمدت ربها ولعنة نفسها لأنها استسلمت للنوم في غرفة اسر نهضت مسرعه وتحركت ببطء وجدت اسر أمامها ومعه منشفه صغيره ينشف وجهه بها .
ابتسم ونظر لها قائلا:علي فين يا جميل
ازدردت ريقها وقالت:اناااا....اسر انا لازم امشي
اسر:هتفضلي تهربي لحد امته يا ملك
ملك:انا مبهربش ...ههرب من ايه بس
اسر:طب أحنا مش هنرجع بقا
ملك:اسر انت مبتزهقش من الكلام في الموضوع دا
تنهد اسر قائلا:انا شايف أنك مكبره الموضوع زياده عن الزوم
ملك:لا يا اسر انا مش مكبره الموضوع لان الموضوع كبير فعلا ... لو فاكر انك انت الي تقرر امته نبعد وامته نرجع تبقي غلطان
نظر لها وظل صامت
اردفت ملك:اسر احسن حل أننا نبعد شويه وانا هقرر لو كان ينفع نرجع او لا
اسر:عموما انا هسافر اعتقد ان الفتره دي هتكون كفايه أوي
ملك:ربنا يسهل عن ازنك بقا عشان سايبه لمار لوحدها .
اسر :علي فكره انا في حاجه لازم اقولهالك
ملك:نعم
اسر:ابقي ردي علي تليفونك وأكيد لو احتاجت مساعده هكلمك
ظلت صامته ثم ذهبت لغرفت مكه
*******************************
في غرفة مكه دلفت ملك وجدتها نائمة جلست بجوارها علي الفراش قالت :مكه .......مكه هتصحي ولا نجهز الميه
مكه بصوت مصحوب بالنعاس:لا هقوم هقوم
نهضت ببطء قائله :صباح الخير
ملك :صباح الورد
احتضنتها واردفت :كدا يا لوكه تفضلي كل دا بعيد عني وكمان مبتساليش عليا
ضحكت ملك واردفت:غصب عني يا قلبي هما يومين بس لحد ما اطمن علي لمار وهاجي
مكه:لا دا انتي تروحي تجهزي شنطتك عشان انا خلاص هتجوز
ضحكت ملك من طريقة مكه :بس غريبه محدش قالي يعني
مكه:لا دا مالك الي جه وقالي انوا اتكلم مع اسر ومحمد بس طبعا ليه محددوش اليوم
ملك:اه ....طب بصي يا حبيبتي موضوع لمار خلاص فاضله يومين تقرييا ويخلص بعدها اعملوا الي انتوا عايزينه
مكه:ماشي بس احنا لازم نعمل قبل ما اسر يسافر
قالتها وهي تنظر لملامح اختها التي لم تتغير ولم تتأثر بكلامها إطلاقا فاردفت :غريبه يعني مزعلتيش
قالت ملك وهي ترفع حاجبيها :هزعل من ايه
مكه:يعني عشان اسر مسافر وكدا
ملك :لا ماهو انا واسر مفيش بنا حاجه عشان ازعل انوا مسافر
مكه:ايه دا يعني فعلا بتكدبوا علي ماما
ملك وضعت يدها علي فك مكه وقالت:هشششش اسكتي خالص اوعي تقولي لماما انتي فاهمه
هزت مكه رأسها إيجابا فتركتها ملك وادرفت:بصي إحنا عملنا كدا عشان نريحها لحد ما تخف بقا وبعدين نقولها اننا مس هينفع نكمل
مكه:اه عشان ترجع ترقد تاني
نظرت لها ملك بغضب ونهضت قائله:انا همشي
قالت مكه لها قبل ان تفتح الباب :متنسيش تطمني علي ماما .
*************************
في غرفة فاديه كانت تفكر فى ملك واسر مازالت تشك ان كل هذه كذبه وعندما اخبرتها امينه ان ملك هنا اليوم واخبرتها أيضا عن زواج مالك ومكه قالت لنفسها ان هذا هو الوقت المناسب .
قطع تفكيرها ملك التي جلست بجوارها وقبلت يدها ولاكنه أتت في الوقت المناسب .
قبلت جبهت أمها واردفت :وحشتيني اوي
نظرت لها فاديه ولم تتحدث فشعرت ملك أن والدتها غاضبه منها فقالت:مالك يا حبيبتي
قالت فاديه:مفيش كنت حابه اتكلم معاكي في حاجه كدا
ابتسمت ملك قائله:اكيد يا ماما
بادلتها فاديه الابتسامه واردفت:انتي طبعا عرفتي ان مكه ومالك خلاص هيتجوزو قريب جدا لاكن امينه مجبتش سرتك انتي واسر
نهضت ملك مسرعه وتحولت ملامحها لملامح غاضب وساخطه من اسر اما فاديه راقبت ملامحها تلك لتتأكد من ظنونها
قالت ملك :فرح ايه بس يا ماما دا اسر هيسافر
فاديه:عادي ممكم ياجل سفره
جلست ملك وابتسمت قائله"مش هينفع يا حبيبتي اصله كأن المفروض يسافر من فتره بس أجل عشان مشكله لمار
فاديه:ملكيش دعوه انا هكلمه أنا
ملك:طيب يا حبيبتي انا لازم امشي بقا
خرجت ملك مسرعه لغرفة اسر وأعلنت قتله اليوم لأنه اوقعها في تلك المشكله
في منزل مازن الجديد كأن يتناول طعام الإفطار
رن هاتفه وجده على تحدث معه قائلا:كله تمام
علي:ايوا كل حاجه جاهزه وهنبدا التنفيذ انهارده
مازن:سلام وابقي قولي عملتوا إيه .
&&&&&&&&&&&&&&&&&&&&&&&&
نهاية البارت من رواية اجبرتني على عشقها ٢ ثعابين سوداء بقلم مروة اليماني
رائيكم 😍⬇⬇