عارفه ان البارت كان المفروض ينزل يوم الجمعه بس حصلت لي ظروف ومعرفتش أنزله او حتي أكتب إعتذار والسبت مكنتش فاضية انا أسفه جداااااااااا
حقيقي تعليقاتكم ع البارت اللي فات شجعتني جداااااا ربنا يديمكم
اسيبكم مع البارت♥
🌸🌸🌸🌸🌸🌸🌸🌸
*البارت السادس والعشرون*
*عدي بصدمة:ايييييييييييييه..اتصرفوا اعملوا اي حاجه وأنا جاي على أول طيارة*
*ملاك بخوف:فى ايه*
*عدي بألم:قلبه وقف مرتين فى خلال خمس دقايق*
*ملاك بصدمه وخوف:هو هيبقي كويس صح*
*عدي:اتمني*
🌸🌸🌸🌸🌸🌸
*فى المشفي داخل غرفة العناية الفائقه يحاول الأطباء إنقاذ رعد*
*فى الخارج تجلس زينب بجانبها سعاد تتضرعان إلى الله ان يشفيه*
*سعاد بأمل:ربنا يشفيك ي رعد ويطمن قلوبنا عليك*
*زينب ببكاء:يارب يارب ما توجعش قلبي عليه مليش غيره فى الدنيا..يارب*
🌸🌸🌸🌸🌸🌸
*فى منزل مهاب تجلس ليان قلقه على عدي*
*ليان بضيق وقلق:مش عارفه مش بيرد ليييه ياربي هو انا ناقصه قلق*
*مهاب بهدوء:ممكن يبقي مش سامع الموبايل اهدي واقعدي*
*ليان بقلق:يا بابا.......*
*قاطعها مهاب:قومي اتوضي ي ليان عشان تهدي*
🌸🌸🌸🌸🌸🌸
*فى المطار..استقل كلا من عدي وملاك وعزالدين الطائرة الخاصه متوجهون إلى مصر*
*مر ثلاث ساعات ووصلت الطائرة أنهوا الاجرائات بسرعه واستقلوا السيارة متوجهين إلى المشفي*
*وصلوا خلال ساعة إلى المشفي..جرت ملاك إلى الداخل بسرعه متوجهه إلى غرفة رعد..وجدت زينب وسعاد جالستان امام غرفته*
*ملاك بفزع:رعد كويس طب حد خرج طمنكم*
*قامت زينب ممسكة يدها برجاء:ارجوكي ي بنتي ارمي اي خلافات بينكم دلوقتي ابني بيضيع مني..هو بيحبك والله..بصي اعملي اللي عيزاه بس لما يفوق*
*ضمتها ملاك بقوة واجهشت بالبكاء:ماتقلقيش ي امي رعد هيبقى كويس وهيقوم*
*خرج الطبيب مرهق:إحنا عملنا اللي علينا وقدرنا ننقذه بس لو استمر فى الغيبوبه دي النتائج مش هتبقي كويسه..اتمني تخلوا ملاك تيجي لأنها سبب قوي يخليه متمسك بالحياه*
*تقدمت ملاك باكية:انا ملاك ممكن ادخله*
*الطبيب باشفاق على حالتها:تمام روحي مع الممرضة هتجهزك*
*توجهت ملاك مع الممرضة إلى الداخل بعد تعقيمها*
*امسكت ملاك يده متحدثه:رعد حبيبي وحشتني اووووووي..كده عايز تمشي وتسيبني..طب انا هعمل ايه من غيرك..أنا خلاص رجعت ومش همشي تاني بس قوووم..طب هان عليك مامتك دي مموته نفسها من العياط بره..وداده سعاد وعدي صاحبك..كلنا محتاجينك ي رعد قوم يلاااا.....أمسكت يده واضعة إياها على بطنها موضع جنينها متابعه:طب هتسيب ابنك ولا بنتك..اه انا حامل وكمان 7شهور هيشرفنا بيبي صغير يقولك بابا ويجري ويطنط يلا قووووم عشان نختار لبسه مع بعض ونجهز اوضته*
*شعرت بانامله تتحرك ببطئ على بطنها وهو يتحدث بتقطع وتعب:م..لا..ك...أنا..ا..س..ف..م..تم..ش..ي..ش*
*نظرت إليه بصدمه وفرحه و................*
🌸🌸🌸🌸🌸🌸
سامحوني ع قصر البارت
مستنية آرائكم وتوقعاتكم
يتبع
#اسيرة_انتقامه
#بقلم_منار_مازن