مساءالعسل
جيتكم بارت عنوني تصبيره منا لباجر
والله كوه كتبته راسي حيل يوجعني
ماكدرت اعوفكم منا لباجر
ملك
اني الي ماعشت مرتاحه
اني الي روحه مكسوره
اني روحي ماتكدر ماتكدر اذا ما تنام مقهوره
اني گلبي متعذب واني تعبان من همه
اني ما كعد حظي من جنت بطن امي
وين وين ياربي الكه الفرح
ستوني طلعت من الباب الغرفه واشوف بابا فتح باب غرفته وصارت عينه بعيني وستغرب من وكفتي ولبسي هنا قطره دم ما بقت بيه
حسيت نهايتي ونهايه اخواتي شفت بشرى كدام عيوني وهمه يعذبون بيه وجسمه مليان دم...
اجه تقرب مني هوه يسالني _ شنو هذا وين رايحه
والله شفت نهايتي بس اول مره افكر بعقل دخلت غرفه وقفلته وجسمي كله يرجف لان صدك روح عزيزه
خليل _ فتحي لباب لا اكسره ع راسج تردين شردين مثل اختج صاقطه
اكلج فتحي لباب راح اكسره
جان نقال بيدي سحبته واتصلت ع ضرغام
_ ضرغام فدوه اخذ لبنات وامشي بابا عرف والله يذبحهن
خليل _ بنت الخره فتحي لباب اليوم والله موتج يصير ع ايدي
ضرغام _انتي وين
_ بالغرفه وقفلته عليه
_ديري بالج طلعين اني جايج
_ لا ضرغام وين اجاي بس اخذ بنات فدوه
_ انتي بس اسكتي ولاتفتحين الباب
اجاني صوت روى _ ملك حبابه عبري من شباك الي يمج فدوه ملك لاتعوفينه
درت وجهي ع شباك وفتحته وبابا بعده يركع بالباب
شباك غرفتنه يطل ع ترك ومن ترك لباب الخروج
بسرعه عبرت منه لان جسمي ضعيف بس تعورت براسي.
ركضت ع باب وفتحته وجسمي يرجف من الخوف ومن البرد
اول ماطلعت من الباب شفت ضرغام ستوه وصل
_ ملك طلعتي
سحب مني شهد ولزمني من ايدي ولركضنه بسرعه
اهنه شافني وركضن عليه عاط بيهن ضرغام شنزلجن بسرعه صعدن
صعدنه كلنه وره رغم هيه شيل بس 3 نفرات واحنه خمسه جانت شهد بحضني كاعده
جانت عيني ع طريق لخوف مالكنه
حتى ضرغام كل شويه يباوع بالمرايه وانتبه علينه
_ لاتخافن صرتن بأمان هسه نوصل يم امي ورتاحن
هزيت راسي بخوف
ريم خلت راسه ع كتفي نايمه وريما من جهة ثانيه وشهد بحضني نايمه وبس راسي طالع
احس نفسي اختنكت وبعده جسمي كله يرجف من الخوف كلش صعب سويناه
بابا هم يعرف مكانه ويجي يذبحنه مثل ما سوه بشرى كلشي سويناه بسبب افعالههوه وصلنا هذه مرحله
عبرت شهد لجنه احس ايدي ماتت ماكدر اشيلها
وعمه كل شويه مخابره ع ضرغام
واحنه هذا حالنه وحده مخليه راسه ع ثانيه انتبه ضرغام كال وحده بيجن تجي تكعد ليكدام طريق طويل
وكف سياره ع صفحه
_ يلا بنات وحده بيجن تكوم
_جنه ماقبلت هيه روى ريم كالت هيج مرتاحه ريما ماقبلت تريد يمي
_ اني ويامن احجي اكول طريق طويل
كله هزت راسه ماقبلت
ستغفر ربه وشغل سياره وخابرت عمه
رد عليه بعصبيه _ يمه شنو سالفه كتلج بطريق وماكو شي
سحب نقال وسد الخط
_ ستغفر الله
رجع تليفون رن عندي
بوعلي كال _ هذا مال منو
_ مال علياء
_ شيسوي مال صخام عندج وسحبه من ايدي
طلع من الخط وكسره وتليفون شمره جوه سياره بعصبيه
رجع شال نقال واتصل ع امه واعتذر منه خطيه بعد ماخابرت
حسيت بدوخه ولعبان نفس لان طريق كلش طويل منا خنكه خليت ايدي ع حلكي
ريم _ ملك شبيج معدتي لعبت نفسي
ضرغام وكف سياره ع صفحه كال انزلي
اول مانزلت بقيت اتقيء وحسيت بدوخه قويه وجع راس كعدت بالكاع جابلي بطل مي غسلت وجهي شربت
ضرغام _ اذا رتاحيتي كومي خلي نمشي وران طريق
هزيت راسي ريما جانت يمي كومتني
ضرغام فتحلي باب وكال تعالي صعدي هنا
صعدنه مشه خليت راسي ع شباك سياره وغمضت عيني بس ابد واخذت نوم
كعدت شهد تبجي اخذته يمي بس هم ماسكتت طول طريق بس تبجي احس راسي راح ينفجر
شكد حاولت وياه ماكو لحد ماوصلنه تشاهدت
ماعرف بيش ساعه وصلنه بس كلش مشينه هواي
سحب المفتاح وفتح الباب ودخلنه
ضرغام _ تعالن كعدن خلي اشوف الحجيه شو ماكو
راح ورجع بيده مي انطانه مي نشرب
جنه _ وين عمه
_ نايمه وماكدرت اكعده باوعلنه وحده وحده كال شكو شبي ابوجن وهيج خايفات
_ وحده تباوع بوجه ثانيه وماكدرنه نطق بكلمه
رجع كال _ هسه كومن ارتاحن من تكعدون الله كريم لا تخافن معليجن شي
اخذنه لغرفه وجان حتى فراش خطيه عمه مخليتنه
كل وحده ذبت نفسه بتعب ستوه عيني اخذت نوم فزيت مالكيت شهد اشوف بابا ماخذه ويعذب بيه وهيه بيده تصرخ
صرخت حيل شهد _ وفزيت من نومي باوعت عليه نامه يمي رجعت عيني ع بنات وخده وحده
اووف ياربي حتى بنوم وراي
ماصار عليه نومه كل شويه واحلم بابا يعذبني لو يذبح اخوات افز مرعوبه
حتى من النوم خفت
بقيت حاطه ايدي ع خدي كاعده مانمت من الخوف
حسيت شخص يفتح الباب
شفته عمه
_ يمه ملك عمه كاعده تقربت مني
ذبيت نفسي بحضنه ابجي عمه فدوه احمينه من بابا الله يخليج عمه
رجعت رفعت راسي مسحت دوعي لاتخافين عمه ولله ما يوصلكم محد يسال علي اني فا محد يوصلجن
رجعت راسي بحضنه عمه احمينه فدوه
_ شحده يوصلكم لا تخافين بس عمه شعجب ما نايمه ضرغام كال وصلتو ساعه خمسه
_ عمه اخاف بس تغمض عيني اشوف بابا
كالت لاتخافين اني يمج وباست راسي اووف حسبي الله ونعم وكيل هيج مخلي بيج خوفه
جانت تحجي وياي ومخلي راسي بحضنه بسرعه نمت وماحسيت ع نفسي اله وي اذان المغرب شفت جنه ستوه كاعده
كعدت بنات ورتبت افراش عيب من عمه
خليت شال ع راسي ولازم شهد بيدي طلعت واشوف عمه كاعده هيه وضرغام
_ بنات ضرغام هنا خلن حجاب ع راسكم
روى _ اووو
ملك _ امشي وللله مال خلكج
خلن حجابات ع راسها شلون حجاب نص الله ونص لعبد الله
نص شعر طالع طلعنه وسلمنه ع عمه خطيه هيه كامت جابت العشه
_ اكلن بنياتي لاتستحن
بعد ما خلصنه العشه اخذت صينيه ماقبلت اخذته مني هيه
عمه _ ملك امي احجيلي شبي ابوج
ملك _ عمه ولد عمو عزيز ومعتز قاتلين واحد
عمه _ اي
_ يردون لو دم لو فصليه
_اي وتالي
_ جدو بابا كالو ناخذ ملك
_ حسبي الله ونعم الوكيل عليهم هذا ابوج شني
جنت احجي وضرغام مركز عليه
نزلت راسي ودمعه بعيني
_ عمه اني وافقت ماعندي شكال بس عمه هذا عزيز يريد جنه يعني ما كفى عذاب موت فطومه عمه خواتي صارت جوه تراب من وره عذابهم ناوي يخلصنه وحده وحده
عمه باوعت ع ضرغام ورجعت كالت _ الله يرحمه فطوم
_ حاولت وياه ورجع ضربني حجيته بخنكه
وماعدنه غير هذا الحل نتصل
بس طاري رقم مجابته
جنه.. عمه تعبانين مريد نرجع عذاب خليل نريد يمج عمه والله تعبنه عمه والله نموت اذا رجعنه يمه
عمه... اخليجن بعيوني والله يمه انتن بنياتي الله شاهد عليه واحبنجن بس ابوجن اخخ يا ابوجن لا تخافن يمه اني عمجن سنين ومحد سال عليه طمني محد يوصلجن
وهذا ضرغام اخيجن ايشي تردنه لا تستحن حسبني مثل امجن
ملك.. هيه تحجي دموعي تنزل والله شايله حنيه
رجعت باوعت ع بنات شبيجن يمه خلي اسمع صوتجن لاتخافن
باوعت لريما ودمعه بطرف عينه
_ وانتي روى بعده لسانج طويل
_ ابتسمت بوجه
_ هاي شبيه ماتحجي
روى _ عمه تعبانه من الطريق
وانتي جنه شلونج
_ الحمد الله
بلا تعالي يمي.... شافت ايده واخذت حسره
_ باوعت ع ريم وريما _ وسالتها شلونجن
_ ريم الحمد الله صرت بشوفتج
يبعد عمري تعالي يمي عوفن اختج شويه
راحت يمه ريم
ريما خلت راسه ع كتفي عمه انتبهت عليه كالت _ شبيج ريومه
_ ريما هزت راسه
ماتعرف عمه بريما فاقده صوته واني سكتت ماحجيت
_ كومن غيرن ملابسجن وصيت اسيل بنتي وجابت خطيه انتظرت تكعدن بعدين خابره زوجه ومشت
رحنه غيرنه ملابسنه جايبتنه تراكات اطول بس حيل اعراض
عمه شافتنه كالت ع قيساكم بس تراك شهد يخبل وع كده
ساعه عشره عمه راحت نامت وكالت وشغلت تلفزيون وكالت كعدن عليه اخاف ماتكدر تنامن وجابتنه صحن فواكه وخلته يمنه..
ملك _ جنه هسه تتوقعين بابا جدي صاير بيهم
جنه- عساهم بالحرك ماريد اسمع عنهم شي اذوني حيل
ملك _ اتمنى لو بابا مايعرف مكانه ونبقه يم عمه عايشين بس حيل خايفه سويناه غلط
جنه _اني هم مثلج هذا اتمنى ماريد اشوف علياء هيه جانت سبب موت امي واني عاجزه وماكدر اسويله شي وماريد اعيش بس ع ضرب بابا ولا اريد اعيش وي قاتل اختي الله ياخذك بس سويناه بسببهم والله همه وصلوناهذا الحد
ملك _ اوووف لو فاطمه ويانه هسه وبشرى هم وكاعدين يم عمه محد يوصلنه
جنه _ فاطمه وبشرى ارتاحن من دنيا وخليل وحامد
ملك _ سبب من ماما هيه عافتنه انتو مو كد المسوليه ليش هيج خلفتونه وخلتنه نتعذب
تعرفين والله اذا اشوف ماما ما اسامحه ع الي سوته ابد..
جنه _ ذولي مو اهل اني اسميهم مجرمين كلهم بجهه وعلياء وعزيز بجهه ماكو شي يفوخلي گلبي ذولي اخذو اعزاز قلبي..
رجعنه نباوع ع تلفزيون يباوعن فلم هندي ميتاب
تقريبآ صارت ساعه وحده طلعت لحمام وبنات بعدهن كاعدات
باب مطبخ جان مفتوح تقربت منه حتى اقفله واسمع صوت ضرغام يخابر بره اول كلمه سمعته متكد حامد
صار عندي فضول اسمع صار هناك
شويه وخلص اتصال دار وجه شافني
_ خير شكو هنا ليش طالعه هنا
_ ضرغام شكو
_ شبيج شكو
_ ضرغام اني اسالك شكو بيت جدو
_ مالج دخل ودخلي جوه حسبيهم ماتو كلهم انتن يتامه لا اب ولا غيرهم فهمتي
_ عليك الله كلي شكو اريد اعرف
_ باوع كال امي ماتعرف
_ صار
_ جدج صابته جلطه بعد ماعرف بيجن واحد من ابن عمج مقتول وثاني بلمشفى مصوب جان يحجي فجئة سكت صار يباوع ع باب مطبخ
جانت جنه واكفه وتسمع علينه
كال بعصبيه_ بعد ماكو وحده تجي وراجن
تحسست من عصبيته حسيت نفسي ثكيله عليه
مارديت عليه
جنه فوتي خلي ندخل جوه
هيه هم ماكالت شي لان جانت مثل حالتي
عاد صدكون ابد ولانقهرت ولاوكعت دمعتي اكول حيل صار بيهم
اني ملك ام قلب طيب عمري ما حقدت ع شخص كنت احب الكل بس معاملتهم خلتني انسانه ثانيه
احرموني من اخواتي ومن كلشي شلون بعد اكدر احبهم او اسامحم اي شخص كان مكاني وما شاف شي بحياته ولابطفولته بس الاذيه ومسوليه اكبر من عمره ولاحنان الام راح يكون ردت فعله اقوه
صبح ساعه تسعه كعدت بعيوني نعاس
بس كعدت وكعدت لبنات بس يبقن تخرب عليهن نومت ليل يبقن النهار كله نيمات وبليل سهرانات
ولاوحده قبلت تكعد
ريم _عوفيني والله ستوني من اذن اذان الصبح ونمت
ملك _ وصليتي
_ لا نسيت والله
_ لعد كومي
_ والله نعسانه بس شويه
_ يلا هسه صارت شويه كومي
_ ستغفرالله انتي شبيج
دخلت عمه نضال _ صباح الخير
_ صباح نور عمه
ريم _ اووف ياااربي كون كل يوم هيج اصبح بهذا الوجه وتأشر ع عمه
عمه _ يمه فدوه اروح لسانج الحلوو
_عمه كليله خلي انام
عمه _ نام يا عمه نوم العوافي
ريم _ وهاي كاعده ع راسي
ملك _ عمه بس تنام نومه ليل تخرب عليه ما اخليهن ينامن
صاحت اوو وكعدت _ رتاحيتي كعدت
رجعت ع ريما بس خليت ايدي ع جسمه بسرعه فزت وكامت مثل مرعوبه وتباوع ع جسمه نفسه يصعد وينزل سريع حتى عمه انتبهت عليه
ملك _ ريما حبيبتي شبيج
بقه جسمه كله يرجف اخذته بحضني هذه حاله تجيه بس تخاف من شي جانت حيل مجلبه ملابسي وترجف كله
عمه _ شبيه
وخلت ايده عليه ريومه حبيبتي شبيج
ريما دفعت ايد عمه بقوه ونضمت نفسه بحضني
ملك _ لاتخافين ريما اني يمج ماكوو شي حبيبتي
عمه _ شبيه ولج اختج
ملك _ _ عمه ريما تخاف من تجيه هاي الحاله من الخوف
عمه _ خليه بس احاجيج منين تخاف
ملك نزلت راسي ع راسه وكتله عمه _ ريما ماتحجي
عمه لطمت ع وجه _ ولج شبيه ماتحجي
ملك _ ريما من زمان فاقده صوته صارت بيه خوفه
ريم _ عمه من وره هذا اخوج الخر..
روى.. هذا خر... ابن خر..
كعدت ريم تحجيله كلشي صار من سحبه من درج من اجه يشرب السم كلشي بتفصيل
وعمه بس دموعه تجري
عمه _ اخ يا خليل دومكم شلعان گلب.. زين امي ما اخذتوه لدكتور شكال عليه
ريم _ منو ياخذه اخوج مارحم بيه...
عمه _ لاتخافي اني اخذه لدكتور وخلي يشوف شبيه
ملك _ لا عمه ماخليه تطلع خليه هيج
عمه _ ليش
ملك _ عمه اخاف بابا واحد من بيت جدي يشوفونه ماريده تطلع خليه هيج
عمه _ ادري عمه اني اصلا ما اطلع هسه هم اخاف عليجن الله شاهد عليه
شويه هدأت وكعدت بنات...
لكيت عمه مخليتنه ريوك....
_ هه ذكرت كلام ريما اول ما شافت عمه نضال وكالت همزين اكو شخص من بيت حامد بقلبه رحمه ويحبنه
جتي عمه وياه ابنيه حلوه بس جماله عادي بشرته سمره بس هم سماره كلش حلو طويله ع عمه نضال بس جسمه عادي حلوو ولا ضعيف ولاسمين
_ هذه بنتي اسيل
كعدت تعرفنه عليه
ريم اخذت بته بحضنه عمره كم شهر بعدهي صغيره يمه فدوه لحلوات
شافته شهد بقت تبجي اله تخلي بحضنه
ريم _ لا حبيبتي توكعيه
جتي عليه _ ماما اريده داد
كعدت واخذت طفله واخليته بحضنه لو تبوسه من حلكه لو من راسه لو من خده طلعت روحه
شهد _ ماما هاي الي
اسيل _ مو هيه لعابه.. ملك عود ليش سميج ماما
ملك _ من هيه صغيره متعوده صيحلي ماما مو متعوده بس عليه
_ شكد عمره من امح طلكت
_ اسبوع او اكثر من اسبوع من ولادتها
_ عززه شنو من گلب عده امج اني هاي جنات ماكدر اسمعه تبجي اركض عليه ركض
نزلت راسي بحزن وماعندي جواب اله هوه هذا مكتوبنه نعيش بقهر
_ ياصف انتي
_ نجحت لثالث وبعد ماداومت ع مود شهوده
وانتي جنه
_ هاي سنه خامس علمي دخلت
وانتن
_ ريم هاي سنه ثالث روى ثاني ريما هم ماداوم
باوعت ريما نزلت راسه خطيه مثل نقهرت
اسيل _ بس ليش هيج ضعاف ولا وحده بيجن شويه سمينه حتى هاي صغيره
عمه _ هسه حتى يجي يخطبهن يشوف بس عضام مابيهن علج لحم
اسيل _ شنو ماما هنه ما ياكلن
عمه _ وين ياكلن كل وحده اكله مثل عصفور اني اعلمهن ماطول عندي
اسيل _ اي والله ماما كون مره ثانيه من اجي اريدهن اسمن منج
عمه _ ولي عوبه جا اني سمينه....
كعدت سوالف وهيه كلش محبوبه
رن نقاله وكات هذا زوجي يريدني
جت تاخذ بته ماقبلت شهد صرخت
_ ولج هذه بنتي انطينياه
شهد تباوع ملك _ ماما راح تاخذه
_ حبييتي غير بته وتريده
_ ما هاي بتي
_ شهوده حبيبتي انطيه جنت مخليه ايدي جوه طفله حتى لاتوكعه اخذته منه
وهيه صرخت حيل
_ امشي ولي غير بتي
شلت شهد وخليته ع گلبي حاولت اسكته _ حبيبتي من تجي مره ثانيه جيبه وياه جانت قافله وتبجي تريد طفله
جنه _ اذا تاخذين طفله ملك راح تنومه ع ايده وتبقه ماتحبج وتحب بس طفله وطلع بلسانه
شهد _ ما هاي ماما مالتي
راحت اسيل وعمه توصله كالت ممنوع تفتحن الباب وضرغام جان بشغل
شويه وجتي عمه بيده لعابه كلش حلوه تقريباً صير بطول شهد
كالت _ هاي جبته لشهد تعالي شوفي شهوده جبتلج حتى تحبيني
خطيه فرحت بيه واخذته ع گلبه صدك بطوله بس كل ساعه واكعه بيه
احجي وياه ابد ولاتحاحيني ملتهيه بالعابه
عمه _ عمه ملك ولو راح اتعبج بس سويلي جاي راسي مادري شماله
_ صار عمه تدللين
دخلت وخليت قوري ع نار صحت ع عمه وين مخليه جاي كالت فوك بل كونتر
مديت ايدي مالوحه عمه اطول مني وضخمه
باوعت محد بقيت اكمز حتى الوحه تعبت درت وجهي اشوف شي اصعد علي واشوف ضرغام واكف باب مطبخ
هسه هذا حظي جابه
ضرغام _ شبيج جنج قرد تكمزين ماتكليلي
نزلت راسي بخجل _ اريد جاي مالوحه
تقرب وجابلي جاي.....
يتبع
انتظروني ببارت جديدي
احبكم كلش هوايه😘😘😘😘😘😘