سيف: هذا الاسبوع جدا مهم وحاسم بأمر الشركة،اللجان راح تجي وواحد من الأعضاء ادري بيه كلش زين صار مدة مو طويلة دايحاول يلفق تهمة او يلكي خطأ واحد رحت للشركة ودزيت دعوة للإجتماع لرؤساء الأقسام،الإجتماع بالوحدة اليوم ضروري جداً
حسن:استاذ صاير شي ؟
سيف:لا استاذ حسن ماكو شي،اليوم إن شاء الله بالإجتماع كُل شيء تعرفون،واطلب مكارم تجي للمكتب ضروري والمعتمد راح يجي من البصرة أنت واستاذ ربيع أستقبلوه
حسن:تمام أستاذ
نور:ريام وعمتي قبل ما يرحون خابروا على عمي ودا يطلع مُقفل وحسيت على عمتي أنحرجتي بسبب الموقف
نور:مدائن عمر موجود ؟ وينه؟
مدائن:ما ادري يمكن مو بالبيت
نور:عفية خابريه اذا تكدرين حتى يوصل عمتي
رحاب:لا يمة ميحتاج هسة عمج يرد أكيد مشغول او طافي الموبايل
مدائن:سيف موجود اذا عمرماكة،سيف تكدر توصلهم؟
سيف:أكيد،تفضلوا اني اوصلكم
ريام:لا لا منريد نتعبكم هسة والدي بلكت يجي
نور:ريام شنو هالحجي !! مابيناتنا هالشي
سيف:تفضلي خالة على السيارة،ركبوا عمة نور وبنت عمها اجيت اشغل السيارة متقبل تشتغل جانت الدنيا ماطرة والهواء قوي بشكل ماكو مجال حتى اصلحها
دا اخابر على عُمر وصدفةً هو أجا للبيت
عمر:ها سيف،شو هنا بالمطر واكف؟ شبيها السيارة شو فاتحها،منو بالسيارة؟
سيف:عمر عمة نور وبنت عمها اجوي عليها وهسة دا يرحون ومدااكدر اشغل السيارة عطلت،سيارتك تشتغل؟
عمر:اي تشتغل مبيها شي،طبت للبيت انت سبحان بالمي راح تمرض حيل والهوا قوي،واني اوصلهم
سيف:مشكور،عمة تعالي،عُمَر اخوية هو راح يوصلكم لا تخافون
عمر:تفضلوا ..
عُمَر نزلوا عمة هور وبنية ركبوا بسيارتي ودلوني على طريق بيتهم ووصلتهم شكرتني المرية هواي وشوية تأخرت بالرجعة مطر والأرض زالكة ما اكدر اسوق بسرُعة ..
مسرة:تعال عُمر اخذ هاي المنشفة ونشف شعرك وروك لغرفتك لا تتمرض،كبل شوية سيف وهسة أنت
عمر:وين أُمي؟
مسرة:عند بيبي هي،دا تنطيها علاج
نور:عرفت من مسرة سيف ما وصلهم،عمر إلي وصلهم وعادي هو سيف شوكت شفت منه خير !! خابرت على ريام واطمنت وصلوا بسلامة وسديته منها رحت سويتلي شي دافي وكعدت
سيف:حسن وينها مكارم ؟ مو كَبل شوية طلبتها ؟
مكارم:نعم أستاذ اعتذر على التأخير،تفضل ؟
سيف:مكارم هاي المستندات اريدج تفحصيهن مرة ثانية وبكل تركيز
مكارم:استاذ احنا فاحصيهن لهذني مرتين من قبل !
سيف:حتى لو ما أريد أي خطأ صغير تعاوني انتِ وشيماء عليهن ومو بس هن تروحين لغُرفة الحسابات هم اكو شكم ملف دققيهن ما أريد أي خطا طفيف .
مكارم:ماشي أستاذ،اروح أبدي بيهن اترخص ..
نور:عطلنا وبالعطلة خالي ما قصر ولزملي مُدرسين خصوصي واتفقت ويه مها وويه المُدرس يوم ببيتها ويومين ببيتي تكون المحاضرة وبموافقة خالي وبيبي
مسرة ومدائن قرب وقت روحهتن تقريباً بعد اربعة ايام حيرجعون للبصرة واني تعودت هاالأيام عليهن وعلى اطفالهن حسيتهن صدك خواتي
عمومًا بديت بالخصوصي وباجر المحاضرة ببيت مها وحايرة معندي من يوصلني
نور:خالو شلون باجر علمود المحاضرة؟
خالي:لا تخافين هسة اخذ رقم ابو حسين من عند سيف لإن أنمسح الرقم،واخابره وان شاء الله يوافق يوديج ويجيبج
خالي:سيف دزلي رقم ابو حسين
سيف:خالو محتاج شي ؟ اني اخابره اذا تريد
خالي:ماشي،خابره واتفق وياه بخصوص خط نور وشكد ياخذ وحجاله التفاصيل
بيبي تعبانة اليوم وعمة سلمى دايخة كمت شاركت مسرة بالعشا
مسرة:متحمسة للسادس؟
نور:اي هواي،اريد اخلص،وأعرف بيا كُلية حصفى
مسرة:تخلصين تخلصين وتصير ذكريات وتضحكين عليها مثل ظا اني اذكر خبال مدائن من جانت سادس ومرة من المرات لزمت شعرها وكصته
نور؟عزاا،صدك مدائن
مدائن:بسيطة مسرة ..تدرين نور نسرة شجانت تسوي من صارت سادس؟
نور:يا ساتر،شنو؟
مدائن:جانت تأكل هواي بحيث هدومها مابعد يجون عليها ابداً
نور:خوفتوني،ما اريد أطب سادس لعد
مسرة:ما ألج علاقة صح عانينا هواي بس كسبنا طبينا للكلية واحنا مفتخرين بنفسنا وتخرجنا وصار كل شي ذكريات
عمة سلمى:شنو هالتجمُع هذا بنات،صار العشى؟الشباب هسة حيجون يلا
مسرة:هسة يمة ما بقى شي،كله بسبب مدائن ضيعت الوكت
مدائن؟ اني !!! منو جان دا يحجي لنور علية وينتقدني؟
عمى سلمى: بس بس،كل وحدة جهالها بطولها وبعدكم تتناكَرن،ابقن هيج ابقن ..وانتِ نور تعالي خالج دا يصيحج
رحت على خالي جان كاعد بالهول دا يتفرج على التلفزيون
نعم خالي ردتني؟
اي نور سيف خابرني وكال اتفق ويه الخط باجر راح يجيج وهو يرجعج هم بس لا تتأخرين عليه بالطلعة
رحت حظنته . شُكرًا هواي،لوما انت مجنت ادري شراح يصير بيا
بلا هالحجي بنيتي انت بنتي قبل ما تكونين مجرد بنت أختي .
هلو حجي شو بعتنا ؟ هلو نور شلونج
هلا عمر مَ بعتك بس هاي بنتي طبعا أحبها
هلا عمر الحمدُلله انت شلونك؟،دا أحجي ولمحت سيف واكف وياه،رفعت عيني عليه ونزلتها بسرعة وراساً كُمت من يم خالي وانسحبت للمطبخ بحجة العشا ..
ثاني يوم كعدت متحمسة رتبت غُرفتي وأموري وجهزت كُل شيء وكعدت بالهول ويه كُتبي وغراضي شفت نظارات رجالية توقعت مال عمر لان هو يلبسها دائما خليتها بإيدي و انتظرت ابو حسبن يحن ويجي ..
بكعدتي نزل سيف من فوك،جان دا يخابر ومشغول هواي،وكف بباب المطبخ وأشر بيده ما فهمت !
رجعت كعدت على القنفة متجاهلته تمامًا
حسيت على خطوات قادمة نحوي،تقرب بإتجاهي أكثر،توترت،ومعرفت شرايد،مد إيده على إيدي وسحب النظارات منها بقوة وبنترة !
سيف:إذا متفهمين،كوليلنا مرة ثانية ..أكتفى بهالكلمتين وكالعادة مباوعتله من يحجي ولا رديتله
حجى الكلمتين وراح طلع
باوعت بعده بغضب وبتعجب على تصرفه،شبيه هذا؟
كاضي عُمره بس ينتر !!!
عمومًا أجا خطي طلعت عليه ومزاجي معكر بسبب ذاك،وصلت لبيت مها المُدرّس جان دا ينتظرني هو ومها،سلمت عليهم وبدينا بالمحاضرة حسيت افصل بهواي من لو مسجلة بمعهد،الحمدلله فهمت المادة
بيبي:مسرة تعالي
مسرة:ها بيبي
بيبي:مسرة نور شوكت ترجع بالي يمها
مسرة:لا تخافين بيبي الدنيا ظهر بعدها وماصار الها وقت طويل يجوز محاضرتها دسمة وتطول
بيبي:زين خابريها خلي يرتاح كَلبي
مسرة:اي بيبي هسة اخابرها
نور:جنت مندمجة بالمحاضرة ودك موبايلي ترخصت من الاستاذ وبلغت مسرة بوكت رجعتي وكتلها تخابر ابو حيدر هم حتى يجيني على الوكت ما أفضل اخابره أني،سديته منها وكملت المحاضرة
سيف:رجعت من الدوام وأعرف نور مو موجودة بِمُحاضرتها وخالي هم مموجود توني طببت صاحتني بيبي
بيبي:الله يساعدك حبيبي
هلا بيبي ويساعدج،محتاجة شي ؟
بيبي:اي سيف،تكدر باجر تجي وياي للدكتور حاجزة عندن بس خالك بالشغل وما أريد اقاطعه وعمر كُليته
سيف:باجر ؟ ساعة شكد؟
بيبي:اي باجر ساعة 4 العصر
سيف:ماشي بيبي،اشوف شلون ادبرها لا
بيبي:الله يرضى عليك أبني ويوفقك،روح ارتاك هستوك اجيت من الشغل وتعبان
سيف:بست رأسها لبيبي وصعدت لغُرفتي واني افكر بدكتور بيبي،مااكدر اني اوصلها باجر اللجان تصل ومستحي اكدر اغيب عن الموضوع،وما اكدر أرد بيبي ..دا أحجي وافكر ويه نفسي لمحت عيني الشمعة الوكعتها نور ذاك اليوم،جانت على الميز،تقربت شلتها بيدي،تمعنت بيها،تذكرت تفاصيل ذاك اليوم،قاطع شرودي صوت جهال مدائن دا يصيحوني على الأكل ..
شفت عُمَر جان دا يصعد،ردتها من الله ...
صيحته واجا
سيف:عُمَر تكدر باجر تودي بيبي للدكتور؟
عمر:انت عندك شي ؟
سيف:اي عندي لجان وما أكدر،وديها انت
عُمَر:ماشي،بشرط تنطيني سيارتك
سيف:عندك سيارتك
عمر:بكيفك لعد،كول لبيبي ما اكدر اوديج عندي شُغل ..
سيف:لك تستغلني ! خوش
عمر:كتلك عرضي ومقبلت انت شسويلك،تخاف على سيارتك حيل
سيف:انت تدري اذا أبيعك متجيب حكَها ؟؟
عمر:هاا هييج صارت !! ضربته بكتفه
تعال اشاقة وياك،اخذها للسيارة ووصل بيبي باجر
نور:اجاني أبو حيدر وودعت مها واتفقنا على الموعد للمحاضرة القادمة،طبيت للبيت صار بوجهي "العكرة"
جان دا ينزل من الدرج،الأكل مصبوب،شافني دار وجهه ..شبيه هذا ؟؟ هسة اني اريده بس يباوع عليّة مثلاً !!!! فعلاً ناس عكرة ..
يتبع ...
___
يا جماعة القصة راح أحذفها إذا بقى الوضع بهالشكل بسبب قلة التفاعُل والتشجيع،صراحةً التصويت مُخيب للأمال
وأعتذر على التأخير،أنا طالبة ويادوب ألحق أكمل دراستي وأكتب البارت،ألتمس العذر ..