97
نورا:الو ...اه عايشة لباس
عايشة:لازم نحكي معاك ونتلاقاو
نورا:اوكي.وين حابة
عايشة:اذا تقدري جي.لعندي
نورا:اوكي غير نلقى الوقت راني نجي ليك اليوم
اشرف:عايشة وينك جبت معايا فطور
عايشة علقت ومشات
موح:خرج من بيرو تاعو ومشا يشوف نورا
فتح لباب اهلا نورا شافت فيه..
نورا:اهلا موح تفضل اقعد .
موح دخل وقعد في الكرسي وجهو محطم
نورا:غير الخير موح واش كاين
موح:شاف فيها وضحك بجنب....والله يا نورا تعبت من عايشة ونضن الي هذي هي اخر مرة نروح ليها كل مرة نفهمها وتعبت وانا بعيد عليها حبيتها تكون قدامي حبيتها تعيش معايا ولي زاد هبلني انو هي حامل
نورا:ممكن من الحمل الهرمونات تاعها غلبوها هذا مكان ساعفها..
موح:هذا لخلاني ناخض قرار ممكن خلاصت حكايتي وحتى اني منقدرش نعيش بلا بيها ممكن هذي المهمة تكون تاليا ليا
نورا:واش قصدك موح....شافت فيه ومستغربة
موح:المهمة هذي مهيش كما المهمات لسبقو منيش مركز فيها جملة منيش حاس روحي الاز نخمم غير في عايشة ووليدي حاس روحي الي ممكن راح ..قصت عليه
نورا:واش بيك موح ...منعرفكش هكذا انا ..بالعكس عايشة راهي حامل بولدك لازم تجمع كامل القوة لعندك وتحارب على جالهم وعايشة خليها عليا..
موح:ضحك بجني ..وقام ..انا نروح صح صدعتلك راسك معايا وراح نحارب في خاطرهم يطيك صحة نورا ..خرج وهو مهزوم من امرو
نورا:اففف عايشة هذي راح تهبلني ...شافت في ساعة ومشات...
اشرف:عندك رونديفو غدوا لازم تروحي شوفي لبيبي وزيد يقدرو يشوفوه اذا طفلة ولا طفل
عايشة:ياا صح!...تحجرت دمعة ..مست كرشها ..وتفكرت موح..
اشرف:شدلها يدها...متخميش راني معاك تحبي نجي معاك. غدوا مكاش مشكل
عايشة:يطيك صحة ...نزلو دموعها وقامت تجري للبيت وغلقت على روحها تبكي واشرف خلاها على راحتها عارفها الي هي مجروحة ..
جلال:وين ماشيا يا لالة طلع حاجبو...
نورا:راني رايحا لعايشة نشوفها..
جلال:اركبي خليني نروح معاك ..
نورا:ممم امشي ..شافت فيه وتضحك
جلال:شبيك.؟ يخي عمرك مشفتي خو يروح يشوف ختو
نورا:مم قول توحشتها وحاب نشوفها عادي
جلال:اففف منك ركبو وهوما كالقط والفار ..
موح:يرحي في دخان رحيان وقاعد يخمم كفاش يعمل ....
نورا دقت الباب...اتخبى افف منك
جلال:ضرك.جيت نلعب غميضا انا.
عايشة فتحت الباب...
عايشة:اه نورا جيتي..ادخلي
نورا:جبت معايا ضيف..هايا ادخل افف منك
عايشة :شافتو وهي فرحت مشات تحضن وتعنق وتبوس ..جلال توحشتك...جلال حاوطها بيديه وحضنها ...تكي من الفرحة ونورا تأثرت معاهم...علاش مجيتش ليا علااه توحشتك
نورا:افف هي في الحقيقة انا مخليتوش يجي حفت اذا يتبعوه ويعرفونا الي رانا نجو ليك..
عايشة:افف ادخلو خليتكم عمد الباب...
قعدو يحكو وهو يحكيلها كيفاش موح بعد عليها بسبتو وكل شي ...
جلال:سامحيني يعني مكانش عندي القوة كثر باش نزيد نشد ونخبي عذبوني ومخلاو فيا مقدرتش وموح مقدرش يريسكي بيك على هذيك بعد وخلاك
نورا:عايشة موح مهوش مليح ...راني خايفة عليه.
عايشة:تحجرو دموع في عينيها...نورا تحسابلك راني الاز.بلا بيه تحسابلك راني فرحانة وهو بعيد وانا حامل بولدو ..نزلو دموعها...حتى انا وراني نتعذب ..
نورا:قربت ليها..علاه مالا متحبسيش هذي المسرحية علينا وتهمو رواحكم
عايشة:خايفة ...خايفة يرجع يبعد عليا...عشت حياتي وانا هاربة ...وضرك منقدرش نزيد نهرب راني حامل ..ومنقدرش نريسكي بلبيبي منقدرش نعيش وانا دايما نقول راح يخليني ولا راح يقتلوني
نورا:شافت فيها...لقات الي عندها الحق ...اوكي خليها عليا وموح لازم لازم تحكي معاه مبقاش على المهمة ونروحو
عايشة:شافت فيها وهي مفزوعة...واش ..واش من مهمة ..
نورا:مهمة صعيبة ومنيش حابة نزيد نفجعك وموح صباح وهو يقولي منيش حنعيش اذا مقدرتش تسامحني
عايشة:عضت شفتها محروقة عليه ...كيفاش تعمل...انا نحبو ...وقلبي معاه..
جلال:سامحيه هكذا يرتاح قلبك..وزيد في زوج راكم على جمرة
نورا:خمي مليح ..لازم حنا نروحو منطولوش...وقفو وعايشة قلبها ياكل فيها كيفاش تعمل ..شدت نورا عنج الباب..
جلال:عايشة راح نرجع ليك نشوفك..سلمو على بعضاهم...راني نستنا فيك متبطايش
عايشة:شافت في نورا..نورا...غدوا ..عندي رونديفو غدوا مع طبيبة باش نشوف سكس متع لبيبي
نورا:اه صح يااا ربي ...شافت في عايشة...مممم الي في بالك هو لي في بالي متخميش خليها عليا اطيني لادراس وانا ندبر راسي
عايشة:حضنتها وباستها...ياا مننسالكش مزيتك وربي يطيك هلى حساب قلبك...
نورا:ههه طاني ربي خوك ههه يكفيني...
عايشة:صح هههه ياااا ربي يكمل بالخير ...
نورا:اه راهو.يعيط لازم.نمشي باستها ..غدوا نكلمك ..مشات وخلاتها...
عايشة:فرحانة ومتلبك