معنى السعاده2

32

غاده :
كملنا ونسه وبعدين مشا وخلاني اضحك كتير لكن كنت خايفه من ابوي وحيسو ليهو شنو لو عرف وانو دا ولد حازم حازم حيقبل بي كزوجه ابن لانو المره الوحيده الشفتو فيها كان زهجان مننا لما جاب سامي اول مره كان شكلوا ما طايق يشوفنا خفت وام آدم انا اصلا ما بعرفها يا ربي مره طيبه انا صاح استخرت ونفسي اتفتحت ليهو اكتر بس لسه خايفه منهم عشان كدا ما عاوزة اقرب منهم بس حاعمل شنو وانا رضيت ايوة هو ما فيهو كلام بس انا متين لاقيتو ياااخ كان قرار متهور وهو زاتو غريب علي انا اصلا اول مره الاقيهو يا ربي اعمل شنو اخليهو براحتو كدا يعني اعمل شنو استشير منو ياريت لو امي حيه لكن وهي لما كانت حيه ما كانت بتسأل مننا ليي يعني معاملانا بالجفاء دا يا ربي حازم كان مانعها زي ما بيقول محمد ولا هي براها بتكرهنا اففف استغفر الله انا زاتي غبيه ليي وافقت علي آدم دا وقت يتخطبو فيهو واحنا بيت نتلمى فيهو ما عندنا وحمزه معاهو كل القروش وداها وين؟؟ دا كلو منهم انا عاوزة ام زي كل الناس تقعد وتكلمني زي اي بت وامها ليي ما عندي ابو يعزني ويغير علي وما يرضي زول يذلني ابو زي كل ابو خلاص يا دموعي ما قدرت احبسك اكتر والساعه خمسه كدا بطني وجعتني من الجوع قمت وشلت من قروشي وانا طالعه لاقاني هو تاني شايل عمود كدا فيو اكل كتير قال لي :
-"معليش اتأخرت عليكم جبت الاكل ليك ولمحمد بما انو  صحا وليلى اذا بتقدر تأكلو "
رجعنا لجنب الباب قال:
-"عارف عملت ليك وجع وش بس جبت الاكل وراجع"
-"طيب "
-"💔"
ختا الاكل ومشا اكلت حبه واديت محمد وبقى بياكل ياكل قلت :
-"الكميه دي ما كتيره عليك ؟؟"
-"لا انت عارفه اني اتأذيت في البدايه عشان الاكل"
-"صحي انت حصل ليك شنو "
-"ابوي شاتني في السلم الكبير"
-"وي لكن 😭ربنا ينتقم منو"
-"لحظه ...انت عارفه القروش الماسكها حمزه وين "
-"لا "
-"انا زاتي بس وين "
-"ما عارفه حانزل الشغل تاني الاسبوع دا وآخد مقدم عشان نمشي الحال"
-"وليلى اكيد عندها قروش"
-"متأكد"
-"اي كانت بتدي ابوي ربع مرتبها بس شغاله بقروش تراب بس البت دي"
-"بالله وشغاله وين "
-"سكرتيرة المدير في شركه واحد عجوز كدا عندها قروش كتيرة "
-"وانا ليي ما عارفه "
-"انت خوافه لو كان وريناك ابوي بجلده ساي بتعترفي "
-"انتو شريرين انا حساسه وما ولد عشان اتحمل الضرب 😭"
-"وليلى السكرتيره هي مخنثه وانا ما عارف 😀"
ضربتو وصرخت:
-"يا قرفاااااااان 😬😡😡😡 "
-"مالك ما انت قلت بت وما بتتحملي"
-"اسكت يا عفن يا زفت يا متخلف"
-"خلاص معليش سكتت"
-"انت متين بقيت كويس زاتك "
-"قلنا معليش "
-"بضربك بشلك من هسه "
-"يا حبيبتي ماهداك ليهم المشلولين عايشين حياتهم قايله ضربتك بتسوى شي وفي ناس اتشلو من بدايه عمرهم وروحهم حلوة ومتفائلين بحياتهم(تحيه ليهم♥)وانا حاقتدي بيهم "
ابتسمت وقلت:"ربنا يحفظك لي"
-"ويحفظني ليك 😂"
-" وحلاتو😂 "
-"هوي يا انتي انا ماشافع"
قلت :"خلاص بعدا المغرب بيأذن خليني امشي الجامع اقرا لي حمزه شويه واصلي واجيك تمام"
-"تمام"
مشيت..........
سامي:
😭😭😭😭😭😭😭😭😭😭😭
دي كانت حالتي وانا بحنس في ابوي نطلع قال :
-"خلاص يا سامي احضر التلفزون "
-"لأ"
-"اعمل ليك حاجه امشي اقرا"
-"رجلي بتوجعني اذا قريت"
-"يا ولد ️😕"
-"انا جادي ياخ "
-"طيب بطلعك بس انت ادلعت كتير في الفترة الاخيره اوعدني انك تذاكر ومستواك يكون زي ما هو "
-"طيب بوعدك"
-"طيب امشي غير هدومك "
-"ظابط ماشين وين"
-"نتفقد اخوانك"
-"طيييب بما انها طلعه في النهايه "
لبست هدومي بصعوبه بسبب رجلي وطلعت جات حسنه وقالت لي:
-"ماشاء الله هدومك حلوة "
-"شكرا "
-"طاالع؟؟"
-"اي"
-"مع منو؟؟"
-"مع ابوي"
-"ابوك طلع قبل شويه"
-"شنو 😨💔 "
-"طلع سرعه زي الهربان من زول"
-"لااااا غشاني"
قالت :"خلاص طيب وقت اصلك ماعندك شغله هسه تعال اطبخ معاي بفتر براي"
-"طوالي"
مشيت وقعدت ادتني بصله وقالت :
-"يلا قطع"
قطعت وبكيت لكن اصريت اقطعوا  كلو عشان البيبي قالت:
-"هوي نسيت انو بيوجع العيون "
-"اااي حار بس عشان البيبي "
قعدت جنبي وكانت بتبشر في جزر سألتها :
-"عاوزين تسوو شنو بيتزا "
-"ايوة اخوك الكبير مكرهنا "
-"سمير"
هزت راسها بعد شويه جوا ودخلوا المطبخ واكتشفت انهم ما بالشر داك بساعدو بعض بقدر الامكان وانا قاعد اونس ساي وبعدين سمعت صوت عمي مهند بينده علي وهم ولا واحده جمبها توبها وهو جاي قلت:
-"ايوة بجيك استناني بره"
قمت ومشيت براحه مع ركيزتي البلازمها طوالي ومشيت ليهو برا حسيت بخوف وتوتر لما قرب مني  قربت ابكي من الخوف قال :
-"سامي !!"
-"......."
-"مالك صاري وشك كدا "
خلاص حابكي بقيت بخاف منو شديد (ماهو سامي شافع في النهايه)دنقرت منو وقلت:
-"ماشي غرفتي "
وهربت سرعه حاول يناديني بس عملت ما سامع ودخلت غرفتي مسحت دموعي سرعه وقعدت وفتحت كتاب وانا بعاين ليو ساي من غير ما اقرا اي شي وفعلا بقيت قاعد كدا من غير حركه لما وعيت وابوي بطقطق اصابعينو قدامي:
-"هوي سرحان وين مشش قلت طالعين يلا ارح "
-"ابوي انت مشيت وخليتني انا زعلان"
-"تعال اعوضك بطلعه امشي قدامي العربيه مفتوحه"
مشيت وركبت وراجيهو فجأه جا مهند خفت منو تاني دخل العربيه وأمن الابواب قلت ليه:
-"طلعني انا مستني ابوي ما انت"
-"ابوك ما كلمك انو الطلعه معاي"
-"لأ لأ ما عاوز ما عاوز خليني انزل اخش البيت اخير لي"
نهرني:"حتمشي معاي"
-"رجعني لابوي😭"
-"لا لا انت حتجيي معاي "
حرك  العربيه قلت :
-"طلعني بكلم ليك ابوي لما نرجع"
-"منو القال ليك راجعين تاني"
-"بتهظر صح ........."قلبي وقف قال :
-"انا شغال مع مصعب واذا خلصت عليك حيديني مبلغ كبير"
-"لأ لأ ما تكتلني عليك الله رجعني البيت عاوز ابوي 😭😭😭😭"
-"ابكي زي ما عاوز اصلي ما شغال بيك"
-"عاوز ابوي رجعني لابووي "
-"........."
اتصدمت وقف العربيه جنب البحر كدا وقال :
-"يلا نغطس "
-" 😭😭"
.
.
.
.
.
.
فجأه كدا بدأ يضحك ويضحك بصوت عالي لدرجه خوفتنيي داس بنزين وقربنا نقع بس رجع لورا وقال:
-"صدقت يا سامي اني عاوز اكتلك "
-"قصدك شنو"
-"انا اصلا مصعب دا ما حصل سمعت بيو الا هسه قلت اغشك شويه واشوفك حتسوي شنو😃"
خفت دا ما بشري دا كائن بشع عجبو اني ابكي كدا صرخت ورجعت ابكي:
-"رجعني لابووووووي "
-"خلاص راجعين"
فضلت ابكي لما رجعنا البيت وطلعت وجا قال لي:
-"اساعدك تخش "
-"زح مني 😭"
مشيت جوا سررعه بالنسبه لزول ساقو مكسوره بس وصلت لابوي ومشيت ابكي سألني:
-"بسم الله مالك "
جا مهند خاشي:
-"يعني ...ما مشكله تبكي في حضن البابا "
-"سويت ليههو شنو انت قلت لي ماشي تصلح الامور"
-"ماهو انا صلحتها بطريقتي"
-"ذكرني المرة الجايه ما اخلي اولادي معاك "
-"كل مره بتنسى وان شاء الله البيبي الجديد حيكون عليهو الدور "
-"ياااخ 😒 بالغت معاو صغيروني لسه سامي دا"
-"طيب بالمناسبه مددنا الفتره حننزل هنا شكلنا اجر لي الطابق الفوق عشان اقعد اكرهكم بوشي وعماد طاير اصلا "
-"اقعد مع الاولاد طير"
......................