الضابط والمجهوله

البارت الاول

الكاتبة زهراء جواد..

الظابط والمجهوله

البارت الاول..

__________________♡_______________

هيف..صار ثالث مره الكه ورقه بجنطتي حتخبل منو الي يخليها ودائما جان بابا المقصود بيها

نرجس..كولي لابوج خاف عنده عدواه ويه احد

هيف..عزا بابا لا مستحيل لج بابا جتى عدوه يحبه بابا صاحب الكلب الطيب يصير عنده عدواه لا ماعتقد

نرجس..بس شوفيها لابوج على الاقل شوفي شنو يكول شنو يسوي

هيف..الله كريم..كملنا الدروس ورجعت للبيت..اول مادخلت شفت بابا كاعد بالاستقبال..

مساء الضهيره..وضحكت

مجيد..هلا

هيف..بابا

مجيد..ها

هيف..طلعت الثلث اوراق وانطيتها اله هو صفن وكال

مجيد..شنو هاي

هيف..مادري صار ثالث مرا الكاها بجنطتي ومداعرف منو ديخليها وكل شي مقصود عليك

فتح الورقه ويقره بيها لون وجهه شحب وصار اصفر
بابا شبيك بابا جاوبني

مجيد..مابيه شي..روحي صيحي امج

هيف..هزيت راسي ب اي رحت صحت ماما...ماما بابا يصيحج

هناء..اي..

هيف..كل الي جان مكتوب بالورقه..راح اخلي كلبك يحترك على بنتك مثل ماحركت كلبي على بنتي

ماعرف شنو يقصد..صعدت غيرت ملابسي..

اعرفكم عن نفسي...

هيف..عمري 18سنه طالبة سادس علمي اخر ايام المدرسه على ابواب التخرج الى الجامعه..وكلش

متحمسه..مواصفاتي بيضه عيوني كبار واسعه لونهن صفر ورموشي طوال وكثيفه..وشعري طويل وسرح

اسود مايل على شكار طولي 155..مشكله...عائلتي
هي امي هناء..دائما تكون قاسيه وياي..وابويه متوصط

علاقته وياي مو كلش قويه..اكو شي غريب بأهلي والي هو اهلهم معقوله ماعندي لا عمام ولا خوال..وكأنما سر

هلشي تخيلو حتى ماعرف اذا عندي او لاء..المهم..

نزلت..حضرت الغده رحت داصيح لامي ولابويه..مو قصد اتصنت والله صدفه سمعتهم يحجون

هناء..شنو تسوي هسه

مجيد..خلص سدي الموضوع لا تسمعنا

هناء..شتسوي مدكلي

مجيد..انتقل لغير منطقه

هيف..رجعت للمطبخ..شنو الي لازم ماسمعه والي لازم ماعرفه وليش راح ننتقل لغير منطقه وصديقتي

ماكدر اكمل بدونها ومدرستي راح تتغير..اجتي امي

هناء...لهسه مامحضره الغده

هيف..بدون ماحجي كمت صبيت غده وكعدنه نتغده اباوعلهم يحاولون يضحكون ضحكه مزيفه

مجيد...اييه..راح ننتقل لمنطقه ثانيه

هناء..وتتعرفين على بنات جدد مدرسه جديد واهليه همات

هيف..مدرستي وصديقاتي محد ياخذ مكانهم

مجيد..مدرسه اهليه احلا من هاي واذا تردين تضلين على تواصل ويه صديقتج اشتريلج موبايل

هيف..ماريد غير اضل هنا

هناء..وشنو راح نسمع كلامج..رجلج فوك راسج وويانه تمشين فهمتي

مجيد..على كيفج وياها اكيد راح تروح

هيف..عفت الغده وكمت...كتلكم ماريد ارووح هنا كبرت اني وهنا كل ذكرياتي هنا مدرستي وهنا صديقتي

صديقة العمر..عفتهم وصعدت لغرفتي ابجي..لحكني بابا

مجيد..هسه ليش ماتردين تروحين

هيف..انداريت عليه وكتله..ماكدر والله ماكدر هنا صديقتي مدرستي جيرانه الي من سنين نعرفهم

اني وحدي لا عندي اخوات ولا اخوان ونرجس اختي شلون تريدني اعوفها

مجيد..اعرف اعرف تحسين بالوحده واعرف نرجس مثل اختج..بس لازم نروح مهم ننتقل لغير منطقه

هيف..وشنو السبب السبب شنو

مجيد..تنهد وكال..بنتي سالفه قديمه

هيف..وشنو هيه

مجيد..ملازم تعرفيها يلا مسحي دموعج وانزلي كملي غداج حتى العصر نطلع نشوف بيت جديد

هيف..طلع..واني كمت غسلت وتغديت بعدها صعدت سبحت ونمت..

كعدت العصر على صوت امي

هناء..ولج كومي هم اهل الكهف مو هيييج كومي

هيف..ها

هناء..كومي بدلي ابوج منتضرنا حتى نروح نشوف بيت جديد

هيف..اي..كمت غسلت ولبست بنطرون اسود وقميص نص ردن ابيض سرحت شعري تعطرت اخذت جنطه

صغيره بيها سنسله خليتها بكتفي ونزلت....صعدنا السياره وكانت منطقه كلها بيوت فخمه وكأنما قصور

نزلنه يم بيت كلش حلو وبي طابقين الباب سلايت والحايط من برا مرمر دخلنه جوه وويانه الي يبيع

البيت الحديقه من جتهين ذبلانه ومحلوه..بابا كال مو مشكله اني ارتبها وارجعها احلا..دخلنه جوا الاستقبال

اكبر من استقبال بيتنه القديم والبيت كله محجر ومكيش درج ابو لويه كلش حلو صعدنه اني وامي

فوك نشوف الغرف غرفتين وكل غرفه بيها حمام مشترك وجوه هم اكو غرفه..واكو حمامات فوك وجوه

اهم شي يكون بي بلكونه اختاريت الغرفه الي بيها بلكونه..والحمامات المحجر مالتهن وكأنما مرايه

تعامل بابا ويه الولد والايجار وباجر ننتقل بي..
مافرحانه ابد مافرحت

مجيد..شنو رأيج بالبيت والمنطقه

هيف..وين رايحين لعالم القصور ومادري ليش حسيت بأنو اهل هلمنطقه..اووه حلو حلوين

مجيد..هاهيه باجر ننتقل

هيف..تعشينه ورجعنه للبيت كبل سبحت قريت وبال١٢ونص نمت..

كعدت الصبح غسلت ونزلت..صباح الخير

مجيد هناء صباح النور

مجيد..اليوم اخذتلج اجازه..لحتى ننتقل

هيف..اي..كعدت تريكت وكعدت بالاستقبال شويه واجه بابا

مجيد..يلا غيري ملابسج

هيف..كمت غيرت ملابسي ونزلت جانو ثنين عمال ياخذون الاغراض من البيت للبيت الجديد بالكراتين

اختصر...نقلنه كل الغراض..اووف والله تعبب ساعه بال١
بابا

مجيد..ها

هيف..اريد اروح اشوف نرجس حتى ماودعتها

مجيد..عود العصر لان حاليآ متكسر تكسر

هيف..اي..رتبنه الاغراض..وصعدت لغرفتي يووو..جبت ماسحه ومسحتها عطرتها وعلكت السبلت..اخذت

ملابس ودخلت سبحت وطلعت..نزلت اندك الباب جانت امي ترتب المطبخ كالت

هناء..افتحي الباب هيف

هيف..رحت فتحت الباب طلعت مره كبيره ووياها بنيه شابه بيدها صينية اكل سلمت عليهم

المره الكبيره..هاج حبيبتي هذا غده ألكم انتو جدد واكيد ماملحكين تسون غده

هيف..اخذت الصينيه على صفحه..مشكوره خاله والله ماقصرتي..تفضلو جوا

المره الكبيره..لا حبيبتي احنا نترخص

هيف..غاليه خاله..راحت بابا توه طلع من الحمام خليت الصينيه امي كملت تعزيل وغسلت وكعدنه نتغده

كملنه غده وترتيب البيت صار فدشي..صعدت نمت اخيرآ نمت..كعدت العصر..غسلت ونزلت

بابا كاعد بالاستقبال هو وامي..بابا انت مو كتلي اخذج العصر لنرجس

مجيد..صح نسيت..روحي تجهزي لبين مابدل

هيف..صعدت بسرعه لبست فستان جوه الركبه ونص ردن رجعت لونه كريمي..وتكرمون حذاء كعب لونه

اسود..رجعت شعري وره ونزلت..يلا بابا.....دكيت الباب طلعتلي نرجس كبل كمزت عليه وحضنتني كمت ابجي

نرجس..ولج هيف ماتدرين شصار بيه من كالو انتقلتو لغير منطقه والله متت قهر وشبعت بجي

هيف..ولج اني اني متت قهر توسلت بيهم ماننتقل بس بابا كال مهم

نرجس..يعني راح نفترق بعد ماشوفج

هيف..اسكتي لا تحجين هيج والله اموت

نرجس..تعالي جوه

هيف..ابوها لنرجس استقبل بابا واني دخلت جوه ضلينه نسولف..بعدها بابا صاح عليه من طلعت

ودعتها شبعت بجي..رجعنه لبيتنه امي محضره العشه صعدت لبست دشداشه قصيره ونص ردن لونها وردي

ونزلت تعشينه..وكعدت بالاستقبال علتيفي..بابا شوكت انتقل للمدرسه

مجيد..عكب باجر لان باجر اكمل اجراءات النقل وانشاءالله عكب باجر داومين بيها

هيف..ماشي..بال١٠ونص امي سوت..كيكه بالككو كلش طيبه..بال١..كمت اطفي من النعاس كل واحد راح

لغرفته بس خليت راسي نمت..كعدت بال١٠لان ماداوم نزلت غسلت وتريكت مسحت البيت وعلكت التيفي

على القرءان..بال١٢ونص اجه بابا هلكان من التعب

مجيد..نقلج تعبي ول

هيف..راح سبح ونزل صبيت غده وكعدنه نتغده....

بعد مرور يوم..كعدت الصبح كلي نشاط وتوتر اول يوم الي بالمدرسه الجديده..غسلت ونزلت تريكت وصعدت

لبست ملابس المدرسه سويت شعري ضفيره مرخيه وصفح تعطرت ونزلت..بابا وصلني لان بعده

مامشتركلي بخط..دخلت للمدرسه حسيت نفسي وحيده نرجس ماكو وياي وبنات ماعرفهن

يباعن عليه اجتي بنيه تمشي اتجاهي ومبتسمه نفس الابنيه الي البارحه اجتي ويه المره

نورهان..هلاو

هيف..هلاوات

نورهان..عرفتيني

هيف..ايي..همزين موجوده..شنو اسمج

نورهان..اسمي نورهان وانتي

هيف..اسمي هيف..طلعت بنت واحد معروف بالمنطقه وكلش حبابه..وتعرفت على صديقتها اسمها رنده فقيره

كلش وحبابه

رنده..يعني انتو الجدد

هيف..ايي

رنده..هلا بيكم..احنا هم جدد بس بالفرع الثاني

هيف..اي كلنه بمنطقه وحده همزين

نورهان..اي زين حتى مانتفرق

هيف..تذكرت نرجس ودمعتي على خدي

نورهان..شبيج ضجتي

هيف..لا بس تذكرت صديقتي..وكعدت احجيلهن عن نرجس وعلى المواقف الي صارت ويانه بالمدرسه

خربن ضحك..دك الجرس ورحنه للصف..اخذنا اول درس وطلعنه بالساحه كعدنه على مصطبه اجتي بنيه

تعلج ووياها بنيه..نورهان همست

نورهان..دربالج تتورطين وي هاي مصيبه..طركااعه هاي وكل البنات يكرهنها هيه وصديقتها

رنده..هاذي اول مادخلت لعبت بيه طوبه عوفيها

هيف..هه كل عقلج تخافين من هاي الزعطوطه

مسره..هيي عليمن زعطوطه

نورهان..مسره ماعايزين مشاكل روحي منا حبيبتي

رنده..كافي عاد دورين مشاكل بروح كل المدرسه تكرهج

مسره..لزمت نورهان من كتفها..خلمره سامح لخاطر هلبنوته الجديده

هيف..لزمت ايد مسره ودفعتها عن نورهان..اكلج حبي انتي الضاهر ماتعرفيني فلا تورطين نفسج وياي ترا

اني من احجي صدك احجي واشوفج يومج الاسود الي انخلقتي بي بعد اذا مديتي ايدج على وحده من ذني

الكاعدات فهمتي..فلتت ايدها وغمتنا وراحت..احنا كعدنا شبعنه ضحك..

كملنه كل الدروس ورجعنه للبيت مشي هنه عدهن خط بس كالن وياج مانخليج وحدج..ودعتهن ودخلت البيت

سبحت ونزلت..بابا جايب عامل مال حديقه وجايب شتلات وورد جوري......

بعد مرور شهر..

هيف..حبيت نورهان ورنده وصارن احلا صديقات بس نرجس ماتنسي..وتعودت على مشاكل مسره كل مره

تسوي مشكله النه وهيه توكع بيها وكم مره رادت المديره تفصلها من المدرسه

...........يتبع

الكاتبة زهراء جواد