للكاتبه :فاطمه العساف
....................................
اتدرك حجم الدمار الذي قد تسببه المسامير
المثبته حين تنفصل عن أماكنها فجأه بلا
مقدمات
هذا هو التخلي عني بلا سبب ..!
..................................
شهلاء : اجه ابويه وكلي بعد يومين المشية وعقد القرآن بنفس اليوم كتله وضرغام اشوكت يسحب القضيه عنه
ابو شهلاء . بيوم المشية نحدد الفصل وثاني يوم يسحب القضيه
شهلاء . لأ هسا احجي ويا وكله مثل ماهو يريد العقد بنفس يوم المشية اني اريد يسحب القضيه بنفس اليوم يعني مختصر الحجي يطلع ضرغام بنفس يوم العقد مال الشيخ
ابو شهلاء. هسا اخابرة ويصير خير اني يا هو الجاي يتشرط براسي ويحجي بكيفه
شهلاء. خابر ابويه على أهل الولد وكالو ثاني يوم المشية نتنازل يعني ويطلع ضرغام .
مرن يومين مااعرف اشلون مرن ولا اعرف اشلون حالي بيهن بس كل اللي اعرفه اني بيهن جثه بلا روح صارت المشية
واجو أهل الولد واجت 3نسوان وياهم من خلصت المشية اجه الشيخ وعقدلنه من عقدلنه عرفت اسمه عمر
من لبسني الحلقه بأيدي ختنكت وكمت كوه اتنفسج اول مره اعرف انو الإنسان يختنك من أصبعه
لفت انتباهي ام عمر واخته فرحانات وكل هلهوله ولا الثانيه يهلهلنها بس البنيه الثالثة الي وياهن لاساكته ماحجت كلمه ولاتحركت صح جنت ضايجه وكارها كل الدنيا بس امه موضوعها غريب ويلفت النظر وكل ساعه كالت هلا بجنتي النجفيه بقيت مستغربه اشلون الها نفس تفرح هلكد وابنها الجبير ميت وبعدها أربعين ماطالعه وهي تهلهل وتركص وكل هوسه ولا الثانيه
من خلصت الهوسه وأهل عمر راحو دخلت لغرفتي بقيت اباوع على أيدي الي بيها الحلقه معقوله صارت صدك وصرت لرجال ثاني غير سيف بقيت ابجي من وجعي والقهر الي بيه ثاني يوم العصر جنه كاعدين بصاله اني وامي وقمر قمر تقره وامي كاعده واني افكر بسيف مشتاقلة هواي مشتاقه احجي ويا مشتاقه اسولف ويا اريد احجيله الي بيه واشكيله من الي جاي يصير بروحي احس روحي باقيه بس حطام
ثاني يوم العصر جنه كاعدين بصاله اني وامي وقمر قمر تقره واني صافنه بروحي وامي دخلت ابويه ورا ضرغام باوعت على ضرغام هذا مو هو متغير الوجه اسود وضعفان الملازمه مبهذله وهو كاتله الوصخ
دخل مزل راسه ركضت امي علي تبوس بي وتبجي وقمر هم فرحانه بي اني بقيت واكفه بمكاني ماتحركت ولا خطوه بهاي اللحظه اجت بالي ضرغام طلع وامي فرحانه وقمر وابويه هم محد خسر شي بس اني إلي خسرت ليش بس اني إلي دفعت ثمن غلطه مو غلطتي اجه ضرغام يمي
ضرغام. اسف شهلاء والله اسف مجان قصدي وكل الي صار بسبب عماد
شهلاء . ضربته راجدي من حركه روحي منه وحظنته حيل من اشتياقي اله بقينه اثنينه نبجي
ضرغام. بجيت بحضن شهلاء من الي شفته بسجن وبجيت مستحي منها واول مره بحياتي استحي منها لانو هي نبهتني من عماد بس اني إلي ماسمعت منها
سيف . مر اسبوع ماشفت الكليه ولا داومت لانو تعبان نفسيا كلش مو طايق احد ولا طايق نفسي
من خلص الاسبوع
بعدين باوعت على روحي كلت هسا اني ضايج على وحده انانيه مافكرت بس بنفسها ومنقهر عليها قررت فعلا انساها واطلعا من حياتي صح قرار أخذته صعب ويطول يالله اكدر اتجوزها وتجاوز حياتي بدونها بس هي الي جبرتني اخذ هيج قرار من تخلت عني ثاني يوم بدلت وطلعت لدوام اول مره ادخل لكليه وماانتظرها اول مره ادخل لكليه وحدي بدون ما هي وياي شكد صعب من تعود على شخص فجئه يختفي من حياتك و يطلع بعدني اتمشه بحديقه وشفتها كاعده تقره بملازم باوعت عليها مشتاق اسولف عليها واحجي وياها بس الوضع هسا مايشبه الماضي درت وجهي عنها ومشيت شكد ستحقرت نفسي وكرهت روحي من اتشتاقلها
وهي مامستاقتلي ولا مفكره بيه اشتاقلها وهي الي ختارت تبتعد عني عهد على بعد لأ اشتاق الها ولا افكر بيها
شهلاء . بدت المحاضره واني كل شويه اباوع على سيف موبيدي احبه صعب تحب شي وتنحرم منه احبه بكل عقلي وكل روحي احبه بكل مابيه من مشاعر اباوع على سيف متجاهلني وماباوع بوجهي وحتى بمحاضرة كعد بعيد عني صح انقهرت بس اني استاهل بعد الي سويته بي لعد شنو متوقعه منه يسوي بعد كل الكلام الي سمعه مني وبعد الطريقه الي عفته بيها
مر أكثر من أسبوع والاوضاع نفسها ايه ماتحجي وياي وسيف منتهيه علاقتي بي وصحتي بنازل أكل بيوم وجبه وحده وحتى ماتنحسب وجبه نفسي مسدوده من كلشي من الحجي ومن الاكل ومن الضحك ومن الحياة شكد اتمنى لو حياتي تنتهي بهاي اللحظه'ما اشتهي شي فد يوم جنت كاعدة بحديقه على مسطبه ومنزله راسي ومااحس الا شخص فوك راسي وكلي يالله كومي رفعت راسي و لكيتة عمر كتله وين اكوم وين اروح
عمر . كومي نروح لمحكمة نصدم عقد زواجنه
شهلاء . مو جنك مستعجل بعد وقت
عمر. بعد وقت لو لأ مستعجل او لأ شي مايخصج
شهلاء . لميت ملازمي وكتبي ومشيت ويه عمر مرينه من يم سيف باوعت على سيف باوع عليا بنظره حسيته بيها يسألني هو هذا اللي عفتيني على موده هو هذا اللي تخليتي عني على موده نزلت راسي لانو مااريد اشوفه اشلون يباوعلي لأنو والله اكره روحي زياده واحقد على نفسي واكره قدري الي خلاني احب شخص واتزوج شخص
سيف . جنت كاعده على كرسي بحديقه واباوع على شهلا من بعيد مشاقلها ومشتاق لضحكتها ومشتاق لصوتها وكلامها وسوالفها مشاق تعارك وياك وتداهرني اعاني روحي واكول مامشتاق واني الشوق كاتلني بعدني اباوع عليها
وفجئه أجة ولد جديد اول مره اشوفه حجى وياها شويه وبعدين اثنينهم راحو عرفت هذا الولد خطيبها الشعور الي حسيت بي بهاي اللحظه ياذي ويوجع أكثر من لحظه انفصالي عنها شكد شعور يحرك الروح ويهيج الوجع بهاي السرعه رتبطت بغيري اجت الاسئله كلها بالي مره وحده معقوله هنت عليها لهاي الدرجه ونست عشرتي وياها .؟!
لو هي اصلا جانت مرتبطه بهذا الشخص وهي وياي وانت تخوني
بديت اندم صدك ومن كل كلبي
خلتني اتندم على كل شيء حبي وياها وعلى كلامي وياها وعلى ضحكتي وياهة وعلى غزلي الها
وعلى طيبتي وياها وعلى محبتي الصافية الها رجعت اسئل نفسي
اشلون مرتاح ضميرها .؟! هم تنام وهي مرتاحه
والج من جنتي تجذبين عليا وماتهتمين
جان كلبي كلش بريء وياج ....
شهلاء . من وصلنه لمحكمة لكيت ابويه واصل قبلي كملنه اجرائات العقد وطلعنه رحنه لمطعم عود نتغده بقيت صافنه وافكر بسيف طلعني من صفنتي صوت عمر وهو يحجي
عمر . اكول انتي
شهلاء. باوعت على عمر كتله اول شي اسمي شهلاء مو انتي وشغله ثانيه شكو شتريد.
عمر . اعرف بس اسمج غريب ما ينحفظ المهم انت يا مرحله
شهلاء. اني مرحلة ثالثه ليش
عمر. يعني انت وبيادر مو نفس المرحله
شهلاء . اوف هم بيادر هنا لاحكتني لأ مو نفس المرحله انت منين تعرف بيادر
عمر. هنيالي لو اعرف بيادر مااعرفها قبل لأ اجي عليج افتريت بكليه وشفتها سألت عنها وكالولي
شهلاء . ها
عمر . زين هي صعبه لو سهله
شهلاء . لاتعرفع بروحك ترة بيادر بت العميد وما اتقبل بيك
عمر . وشو يعني عميد
شهلاء.. مثل ما اكو بمدرسة مدير بكليه موجود عميد
عمر . فهمت ليش ماتقبل بيه مو انتي قبلتي
شهلاء . اني ماقبلت بيك اني مجبرة عليك اني نجبرت بيك تذكر هذا الشي طول عمرك اني نجبرت عليك
عمر. مو مهم نجبرتي عليه المهم اني تزوجتج
شهلاء . وشنو الفايده من زواجك مني ها
عمر. فوائد شخصيه وهاي الفوائد ماتخصج فهمتي
شهلاء. دخيل الله شكد مكروه حبيت اغير الموضوع واسئله عن امه لانو بقت بالي اكول عمر
عمر. خلصيني وكولي
شهلاء. انتم كم نفر بعائله يعني اخوانك اشكد خواتك
عمر. وليد وليلى من ام واني وحسام ولين من ام
شهلاء. يعني ابوك متزوج اثنين انت من ام وليد الي توفه من ام
عمر.. أي
شهلاء. يعني امك مو نفسها ام وليد
عمر . انت شكد غبيه وماتفتهمين لعد اني جنت شحجي
شهلاء. لتغلط واني اكول ليش اجت امك تهللهل وتركص حقها ماميت ابنها.
عمر . انتي مبين عليج انتخمتي يالله كو مي كدامي اوديج ل اهلج
شهلاء. انت ليش ماعندك ذوك بكلام ولا عندك احترام الحيوان ينتخم والانسان يشبع واني انسانه فهمت
عمر. تعالي بعد اخذيلج راجدي مني كوممي بسرعه كدااامي
شهلاء. صاح بيه صوت كدام الناس خلاني امشي كدامه ركض من الخوف منه والمستحه لانو خلاني بموقف زباله وصلني لبيته وراح حتى ماكتله تفضل او ادخل لانو ما طايقه شكله ولا طليقته شكد شخص مكروه
سيف. جنت بعدني كاعد بمكاني ومنزل راسي وصافن افكر وسمعت واحد يحجي باوعت لكيت بارق كدامي ويضحك
بارق. هههههه لك سيف الصفنه مو الك ل ابو قاط رصاصي
سيف.. كتله ان شاء الله باجر البس قاط رصاصي ولايهمك
بارق. أي ي سيف والتفت عليك الدنيا واخذوها منك مثل مااخذتها مني
سيف. انت مجنت تحبها مثلي ولا راح يجي احد يحبها مثلي وبكدي
بارق . صح اني ماحبيت ها مثل اني اول ماحبيت ها بعدني ب البداية و رفضتني على مودك بس انت حبيتها ومتت عليها وبيها وعافيتك علمود ولد تعرف من ضربتني على وجهي ونكسر خشمي شكد ضجت وكرهتك بس هسا من شهلاء عافتك فرحت بضربه خشمي حتى انت كلما تشوفني تعرف وتذكر روحك شكد غبي لانو حبيت هيج وحدة وعافيتك على مود ولد ثاني تعرف حالك شكد يقهر ويبجي هم من اشوفك شكد انقهر عليك وعلى حبك الها
سيف. بارق يحجي واني بقيت ساكت مااعرف شنو ارد ومااعرف شنو اكله لانو حجيه صحيح اوف ياهلا شنو سويتي بسببج عيرتني الناس المابيها خير
والماتسوه عفت بارق يحجي ومشيت عنه