صرخه خوف2

5

ميرال :
جا وقال  :
-"بطنشيني يعني "
-"..."
-"يا بت قومي "
جا سالم وقال :
-"بابا تعال "
-"طيب "
ومشا معاو وانا عملت اضراب خليتو يسوي عشاو براو ولاني عشيت سلوم قبلو وبقيت مستنياه يجي يعتذر جا واخيرا قال :
-"سالم نام "
قلت ليو بملل :
-"وانا عاوزة انوم وانت اتخمد مش عندك شغل😠"
-"انتي زعلتي يعني "
وقعد يضحك قال :
-"هووي خلاص الفات مات "
-"اي صح خمسه سنه مرت وانت ما فاضي لي ولا لولدي صح "
-"قصدك شنو😶"
-"ما قصدي حاجه "
-"عايني يا زوله دايرة تتكلمي اتكلمي بالواضح وزي ما قلتي عندي شغل وما عاوز اتاخر "
انا اتخنقت واتغظت منو وقمت وصرخت :
-"داير كلام واضح هاك انت ما مهتم بينا نهائي وولدك  بيكبر ومفروض تكون معاهو بس انت ماشي من مكتب لمكتب وما فاضي لينا انا زاتي ما بتتكلم معاي"
وما قدرت امسك نفسي وقعدت ابكي قال :
-"ميرال حبيبتي ما تبكي"
-"ما تقول لي حبيبتي يا زول اتكلم بالواضح زي ما انا قلت ليك لانو بالطريقه دي انا ما قادرة اعيش كدا انت فاهمني "
-"لا والله ما فاهمك قصدك شنو يعني ما دايرة تقعدي هنا "
-"لا يا نديم بس القى لينا مكان في يومك لانو ما ممكن اشوفك مرة في الاسبوع "
عاين لي ببرود ونظرة حقارة وقال:
-"لو دا نقاشك افصليها احسن والوقت اتاخر لازم انوم...مش"
ورقد وقبل مني اتغظت وخفت وزعلت وكلو ونمت بدموعي بالصباح صحيت وهو مافي كان في المطبخ كالعاده قمت خلاص اكتفيت مشيت ووقفت في الباب جا شايل قهوة وعاوز يطلع وقفت ليو في وشو قال:
-"زحي من قدام الباب "
-"ابيت اتكلم معاي "
-"لا انا ماشي "
-"نديم ما حتمشي الا بعد نتفق على حاجه لانو موضوعنا ما حيستمر سوا فاهم "
-"موضوعنا قصدك زواجنا يعني "
-"ما عاوزة نصل ل كدا اسمعني "
-"انت ما سمعتيني..."
صرخت وقاطعتو:"انت اصلا ما قلت حاجه "
-"انا قلت انو كلامي انا بيمشي يعني كلامي بيمشي"
-"كلامك ما بيمشي ولا حيمشي "
صرخ:"كلامي انا ماشي في البيت دا خمسه سنه هسه جايه انت تتنرفزي "
-"انا صبرت عليك خمسه سنه يا نديم "
-"غالبك تصبري باقي حياتك "
-"نديم "
-"زحي من الباب "
كنت في صدمه كبيرة من كلامو زحاني من الباب وطلع سالم طلع من غرفتو وسألني:
-"في شنو يا ماما "
-"ماف حاجه "
......
مراد :
مشيت المدرسه الصباح ونفسي مقفوله زي كل يوم بس الليله مما وصلت نادتني استاذة لينا المراقبه الاجتماعيه تاني افف  مشيت ليها وقلت :
-"في شنو تاني "
-"مراد عاوزاك تكون صادق معاي "
اتنحنحت وقلت :
-"اها"
-"في ملفك مكتوب انك يتيم "
بلعت ريقي وقلت :
-"وبعدين"
-"ودا معناه انك كنت بتكذب علي '"
-"وبعدين😒"
-"الكذب ما صاح يا مراد "
-"عارف "
-"مراد العناد ما بينفعك انا زاتي كنت يتيمه "
حسيتها جذبت انتباهي قالت :
-"عندك اخوان "
-"اي "
-"ساكن معاهم "
هزيت رأسي ب لا قالت :
-"متواصل معاهم وكدا"
-"لا هم ما بيتعاملو معاي "
-"ليي ما بيتعاملو معاك "
-"...."
-"عندك زول بترتاح ليو في الكلام "
-"لا "
-"طيب فكر اذا لقيت كلمني "
-"طيب "
وطلعت وانا بفكر قعدت في الفصل وكانت الحصه الاولى فاضيه وكالعاده بكتب رفعت رأسي واتلفتت وزمايلي كلهم بيتونسوا ويتكلموا سوا اما انا قاعد مع نفسي حسيت بالاختلاف بس ما ايجابي اختلاف سلبي انهم كلهم بيضحكوا وبيفرغوا مشاعرهم ببساطه وانا صعب علي راجح ما كان غلطان لما قال لي انت ما طبيعي رقدت في الكنبه منو البتكلم معاو براحتي منو منو.....عمار صح خالي هو الوحيد البقدر اتكلم معاو بس كيف اكلمو كيف اصل ليو ما عرفت جاني مزاج اكتب قصه عن شخصيه سعيده بس ما حتدوم السعاده لانو دوام الحال من المحال اي حاسميها كدا دوام الحال من المحال جاني زميالي اسمو..ما عارفو لانو بقولو ليه ارنب  قال :
-"هوووي مراد "
قمت وعاينت ليو قال :
-"ممكن اجي اقعد جمبك الحصه عربي ونسيت الكراس "
-"اا طيب "
جا وقعد جمبي قال :
-"كان ااسمك منو تاني "
-"مراد "
-"مريود حاناديك مريود "
-"طيب"
-"م حتناديني ارنب مش "
-"......"
فتحت كراسي وقعدت اكتب قال :
-"مريود ما طنشني ناديني باسمي اتفقنا "
-"طيب "
-"مالك بتطييب من قبيل "
-"اسكت مني لو سمحت "
-"خلاص سكتت"
جو اصحابو هنا وبقوا بينقنقوا وانا بكره زول يتكلم جنبي وحاولت ارجع اكتب بس غلبني شميتهم شمه قلت ليم :
-"هووي داير تتونس مع اصحابك امشي بعيد "
-"سمح حنخليك مع روايتك الحبيبه "
-"😒"
ومشو وبعد مضا اليوم مشيت ل أ.لينا دخلت المكتب قالت :
-"مراد جيت اها عرفتو "
-"اي خالي عمار ما عارف رقمو او كدا بس برتاح ليو"
-"سمح "
طلعت وسمعت ولدين في رابعه بتوسوسو جمبي ..
-"دا مراد ماهر المتوحد في فصل اتنين "
-"ياحليلو ما بعرف يعمل اصحاب "
-"امو وابوهو ما ورهو"
-"ما عندو "
حسيت بغيظ شديد الشفع في المدرسه عرفو عني طلعت من المدرسه ورجعت البيت جاني سلوم صحبي قال لي :
-"مراد "
-"اها "
-"ماما وبابا كانو بيتشاكلو "
-"ليي؟؟"
-"ما عارف بس ماما زعلانه من بابا وما بترد ليو وهو قام زعل "
-"طيب يا سلوم ماما وبابا عادي يزعلو من بعض بس بعدين بتلقاهم اتصالحو ورجعو اصحاب "
-"ما عارف بس خفت "
-"ما تخاف هم الاتنين فاهميين وحيحلو الموضوع "
-"طييب "
-"شاطر "
طلع سرعه فرحان ما عارف ليي بس الوحيد البقدر احس انو شايفني في البيت هو سلوم بابي دق فتحتو وكان راجح قلت :
-"نعم "
-"ارح معانا لمحسن قالو ممكن نفقدو "
-"ما ماشي "
-"ليي عادي عندك اذا مات شقيقك "
-"ما عادي بس ما داير امشي معاك "
-"عارفك حتكتلو زي ما كتلت ابوي عشان كدا احسن تقعد هنا "
-"كتلت ابوي؟؟"
-"لأ ما ابوك ابوي انا اذا اصلا كان عندك ابو "
-"كيف تقول كدا "
-"اشك لانو بدلوك في المستشفى "
وقفل الباب بقوة دا اخوي الكبير او بالاحرى ما اخوي لانو بدلوني في المستشفى قال انا متلت ابوي كيف بس اكون كتلتو وانا ما متذكرو ...
رنيم :
مشينا انا وراجح مع خالي عمار ركبنا قال :
-"ويين مراد "
راجح :"قال ما جاي "
-"سمح"
مشينا المستشفى وكان مؤيد قاعد برا بهدوم المدرسه قعدنا معاو سالتو :
-"اها كيف"
-"قالو انو بعد ما الدكتور يكشف عليو ممكن نتكلم معاو"
بعد شويه طلع الدكتور وقال لينا :
-"اتفضلوا"
ودخلنا ليو بطنو كانت لسه منفوخه واتنفخت اكتر مؤيد مشا جمبو وهمس :
-"محسن "
محسن فتح عيونو وعاين لينا قال ليو:
-"محسن انت كويس"
-"لأ ما كويس زح مني كلو بسببك ما داير اشوف وشك اطلع "
-"طيب واتراجع بهدوء "
قربت منو وسألتو :
-"كيفيك يا محسن "
-"ما حاسي برجلي "
-"ما تخاف دا البنج "
-"وبطني "
عمار :"لسه حالتها ما كويسه حتلازم المستشفى لوقت طويل دا القالو "
-"طيب والمدرسه "
-"في ااي وقت لاحق "
-"طيب "
راجح :"هسه حاسي بحاحه "
-"ولا شئ"
عمار:"ومؤيد"
-"ما تجيب لي سيرتو ياا "
-"طيب اهدا "
قعدنا وونسناو حبه وطلعنا لقينا مصعب وانا ليي خمس سنه ما بيننا غير السلام....
             رايكم +تعليقكم+انتقادكم
                   صوتوا♥♥