Unicode
အင်းလေးဒေသသည် ရှမ်းပြည်နယ်၏အလှကိုပါ ထင်ဟပ်စေယုံသာမက မြန်မာနိုင်ငံ၏ အလှကိုလည်းထင်ဟပ်စေသောအရာတစ်ခုဖြစ်သည်။ ကျွန်းသဖွယ် ဖြစ်ပေါ်လာနေကြသော အစိုင်အခဲစုကို “ကျွန်းမျော” ဟုခေါ်ကြသည်။ကျွန်းမျောပေါ်တွင်ခရမ်းချဉ်သီးအစ ဂန္ဓမာပန်းအဆုံး သီးနှံပန်းမန်မျိုးစုံကိုလဲမြင်တွေ့ရ၏။(Google မှရေးထားသဖြင့် #crd အပြည့်၀ပေးပါသည်)
"ဟေး နိုင်ငံခြားသားကြီးတွေ ရောက်လာပြီလား"
အင်းလေးစရောက်သည်နှင့် ဩဆက် ဟိုငေးဒီငေးဖြင့် ရှမ်းပြည်အလှကိုကြည့်ရှုနေသည်။ စက်လှေဆိုက်ရောက်လာတဲ့ဘက်က သူကြီးအိမ်ဖြစ်မည်ထင်၏။ ရေပေါ်တွင်ဆောက်ထားတဲ့ သစ်သားအိမ်ကြီးနှင့် လူအများကြီးက ဩဆက်၊ခန့်စစ်နှင့် ဘန်တို့အား လှိုက်လှဲစွာကြိုဆိုနေကြသည်။
"ကြိုဆိုပါတယ် နိုင်ငံခြားသားကြီး"
"အဟိ အရပ်ကြီးတွေအရှည်ကြီးဘဲတော့ ချောလိုက်ကြတာ"
"ကယ်...ငါလုပ်လိုက်ရမကောင်းဘဲရှိတော့မယ် ပါးစပ်ပိတ်ထားစမ်း ခလေးမတွေ!"
ရွာသူကြီးရဲ့အော်သံကြောင့် ခလေးမလေးတွေ ပါးစပ်ကိုလက်ဖြင့်ပိတ်ကာ ဩဆက်တို့ကိုကြည့်ပြီး ပြုံးနေကြ၏။ ဩဆက်ကလဲ သဘောကျစွာရယ်ပြီး
"နိုင်ငံခြားသားကြီးမဟုတ်ရပါဘူးဗျာ မြန်မာသွေးတ၀က်ပါပါတယ်"
"အို~ကျုပ်တို့ဖြင့် နိုင်ငံခြားသားကြီးထင်နေတာဗျို့ ဒီလိုဆိုတော့လဲ ကောင်းသပါ့ မဟုတ်ရင် ဘာသာပြန်ပြီးပြောနေရမှာ"
သူကြီးကစကားပြောနေပေမဲ့ ဩဆက်နားမ၀င်ပါ။ သူတွေ့ချင်တဲ့ အရိပ်ဖြူလေးကိုသာရှာနေ၏။
ခန့်စစ်ကဘဲ သူကြီးရှေ့ကိုလာလိုက်ပြီးလျှင်
"ကျတော်တို့ ခရီးပန်းလာလို့ အဲ့တာ..."
"နားလို့ရပြီ နားလို့ရပြီမောင်ရင်တို့ ကျုပ်တို့နေစရာကအစ အကုန်စီစဉ်ပြီးပါပြီ... ဇာဇာရေ! ဟေး ဇာဇာ"
"ဂျာ တတီး"
ဗိုက်လေးလုံးလုံးလေးနှင့် ခန္ဓာကိုယ်လေးကို ယိုင်တိုင်တိုင်လျှောက်လာတဲ့ခလေးလေးကို ဩဆက် ပြုံးစွာကြည့်နေ၏။ ထိုခလေးလေးက သူကြီးရှေ့ကိုရောက်လာပြီး
