Hold Me Close (Azucarera Series #3)

Kabanata 19

Kabanata 19

Dance

Nagmamadali akong umuwi. Hinatid ko si Soren sa kanila bago ako tuluyang umuwi sa amin. Dumaan pa ako sa checkpoint ulit, kabadong kabado pero mas gamay na ang sarili. I was just caught off guard a while ago.

Laking ginhawa ko nang natanaw na wala na si Alvaro roon. I smoothly passed by the barricade and went home. I parked my car in front of the door, ayaw pa munang ilagay sa garahe.

Hindi naman madaling magasgas ang sasakyan pero solid ang barricade sa check point at may kalakasan ang pagkakabangga kanina. I squatted in front of it to check. Hinawakan ko ang halos gahiblang gasgas.

"Anong nangyari diyan?"

Napatalong baling ako kay Aria, nasa likod ko na pala siya. Tumayo ako at itinuro na lang ang gasgas.

"Na gasgas lang," I said lightly so she won't question more.

"Bakit? Nabangga ka? Saan?" sunod-sunod ang tanong niya.

Tiningnan ko ang sasakyan ko ng ilang sandali. Nakatingin si Aria sa akin at hindi ko pa sinasagot.

"Yohan?"

"Ah... nabangga ako sa checkpoint."

Kunot-noo ang iginawad ni Aria sa akin, para bang hindi siya makapaniwala sa sagot ko. Pero kalaunan, bumilog ang mga mata niya at ngumisi.

"Let me guess..."

Umirap ako at kinabahan.

Kanina ko pa iniisip na hindi naman siguro alam ni Aria na nandito na si Alvaro, hindi ba? Ako naman siguro ang unang nakakaalam? Pero sa ngisi niyang ito, pakiramdam ko nagkakamali ako. She knew. Obviously.

Naglakad na ako papasok sa bahay, hindi na siya pinatapos sa pagsasalita pero sinundan niya ako. Humahalakhak siya habang nakabuntot sa akin.

"May guwapong sundalo do'n?"

Uminom ako ng tubig at inignora siya. Alam niya nga'ng nandito na si Alvaro. How could I forget? She's close to him. Hindi niya nga lang sinabi sa akin. Ba't kailangan niya pang sabihin, Yohan?

She was laughing. I shook my head while I was drinking a glass of water. Nang binaba ay 'tsaka lang nagsalita.

"Nagkakatuwaan kami ni Soren sa sasakyan kaya hindi ko gaanong napansin ang barricade."

Napawi ang ngiti niya. "Kasama mo si Soren? Ba't kayo magkasama? Nanliligaw iyon?"

"Magkaibigan kami, Aria."

She frowned. "Hindi mo ako sinagot. Manliligaw ba, Yohan?"

"Well, gusto niyang manligaw."

She groaned. "Sinasabi ko na nga ba. Naku, tanggihan mo na 'yan."

"Aria, magkaibigan kami ni Soren. Mabait naman siya."

"Mabait pero matagal ka nang pinipilit ng mga taga bayan na tumakbong Vice Mayor. Ngayong close kayo ni Soren, baka isipin nila ikaw pa ang nagfu-fund doon."

Sumimangot ako. "Malabo naman 'yan. Imposibleng isipin nila na ako dahil may pamilya naman siya."

She rolled her eyes and paused a bit. Nanliit ulit ang mga mata niya. "So are you saying that you're seen with Soren?"

Ako naman ngayon ang dumaing dahil hindi yata ako tatantanan ni Aria sa pang-iintriga niya.

It helps that she's busy with her wedding. Pero habang palapit ang kasal niya, mas lalo akong kinakabahan. Ang daming pumapasok sa isipan ko.