متاهة العشق

٣

واشـتـاگـيت ِللـمـا يُـعـرف الـشـوگ ، ?

كعدت الصبح يمكن اليوم كاعده متاخره لان ماكو وحده من البنات بالغرفه
قررت بعد مانزل وحتى اذا نزلت قليل هذا مو بيت ابويه واصرف بكيفي اني هنانه خطار وخطار ثكيل هم
ضليت اصفن وراها قررت اتصل بساهر اشوفه وين اباوع عل ساعه 6:00 صبح لعد ذني وين راحن بهل وقت اتصلت اكثر من مره عله ساهر ماكو ميرد
وره شويه اجتيي فنار
كالت
فنار
صباح الخير ياحلو
عشق
صباح النور هلو حبي اكلج وين الكل شعدكم من الصبح
فنار
جاي يخبزن بالبستان اليوم عزيمه ويله انتي هم تعالي تركيي
عشق
ماشي حبي هسه اسبح وابدل واجي بس فدوه كلي لاحمد اريد احجي ويه ساهر شو اتصل عليه ميرد
فنار
من عيوني دللي

فنار
اليوم كعدنه من 5 الصبح امي كاعده مصليه وعاجنه
صعدت اكعد عشق خلي تتريك ويانه احسه اتحب لمتنه وهم البارحه وهب طوخه وياها واحمد من الصبح يوصي يا عشق ويا عشق
وذني الحقيررات منار وعذراء يسولي روحي كعدي حماتج 
كعديه بوسه وتخيليه سهوري
ماعولت اشرد منهن لاحد يسمعهن

ساهر
اليوم كعدنه من وكت رحنه اني واحمد وهب نركب خيل صار فتره ماراكبين وهم اليوم عزيمه وشغل لازم نصحصح من لصبح 

ساهر
والله ماعرف شلون اشكركم على جميلكم وياي
احمد
خير شمسوين
ساهر
شسون بعد اكثر هل فاتحين بيتكم لاختي واستقبلتوهه .....
احمد
دنجب وسكت عبالي سالفه بيه حظ ترى حاله حال البنات
ساهر
والله والنعم منكم ارده ان شاء الله  بالافراح
احمد
اي عود رده

احمد اجاه اتصال وراح بقه بس وهب وساهر كال وهب

وهب
اكلك انته شكم عم عندك
ساهر
عمام ثنين وعمه بس مو هنانه طالعين كلهم للخارج
وهب
وخوالك
ساهر
عندي ثنين هنانه بغداد
وهب
اني عبالي كل كرابيك بالمانيا
ساهر
لا يمعود خوالي هنانه بس مستحيل اخلي اختي يمهم لو لدري انومه بالشارع .....
وهب
هووووب هووووب جاي اسال عله اهلك الموضوع مو يم اختك وجيته
ساهر
لا يمعود ادري شنو جاي  اجربكم بس وهب اكو واحد من ولد خوالي طايح حضه كل حيله مستحيل اامن عليه بيتهم

وهب 
صدمني كلام ساهر على خواله وبالذات هذا طايح الحظ ابن خاله
معقوله اكو هيج بشر ولكم اني عندي بنات عمي وبنات خالي خط احمر رجال طالع من ضهر ابوه الي يكدر يرفع عينه على وحده منهن بحضوري

كملنه دربنه شفت البنات يخبزن بالبستان وهاي اخت ساهر الصلفه وياهن مصدكه بروحه هاي لابسه دشادشه مجسمه عليه وفتحات من الجوانب والرجلين بيض طالعه استغفرك ربي شهل صباح هاي تاليتي اصفن بعرض صاحبي والله هل بنيه حرامات اخت ساهر
والمصييبه احمد حاطه براسه بس لا البالي صدك ويجيب هل فالته جنه النه
اشو هاي هيه شافت اخوهه وهيه اجتنه لا ولافه الشال مثل المصريات 
ساهر اخذه وراح عله صفحه بالحديقه الوره البيت لان اكيد مراح اقبل يبقه واكف بهل مكان والبنات يخبزن
اصلا هو الرجال عينه مايشيله بس المصيبه اخته الفالته