November 1: (22:22) Ni-a na ang adlaw nga akong ginapaabot. Dili mominus sa usa ka bulan sad nako gipamalandongan ang dagan sa nobela nga gusto nako sulaton para karong tuiga sa NaNoWrimo. Wala sa akong forte ang magsulat og thriller nga klase sa sugilanon pero himuon na sad nako kini nga higayon para makalawig niining lugara nga wa pa nako nasinatian. Kinahanglan sad nako tun-an ang tradisyon sa pagpanulat og thriller sa Binisaya (kon naa man gani). Karon sa pasulat nako niini, ang duol-duol nakong mahunahunaan mao ang mga nobela nga aksyon, ala-FPJ nga klase nga plot: usa ka macho nga bida, pulis, ug adunay hinigugma nga kinahanglan niyang isalba gikan sa kamot sa daotan. Ambot lang kon unsay mamahimong kalainan u kausaban nga puyde nakong i-offer niining akong (umaabot nga) nobela. Kay nahuman na ang unang adlaw sa Nanowrimo, wa pakoy nasugdan og sulat (andam naman ang outline ug plot para sa lima ka anib).
Sa pagkakaron mao pa ni update. Ugma na nako hisgotan ang kinatikbuk-ang dagan sa nobela apil na sad kon unsay tumong para sulaton ning klase sa sinulat. Pero usa ray sigurado nako ron: excited ko niini kumpara sa niaging mga tuig nga pagsulay nga makasulat og nobela (as usual pakyas). Mao na unta ning tuiga nga makab-ot na nako ang akong damgo nga makasulat og nobela.
===== WORD COUNT: 0 =====
November 2: (15:11) Laing pahinumdom: kon makahunahuna ta sa pag-apil sa NaNoWrimo kinhanglan nabakantehan na ang inyong bulan sa Nobyembre para sa ubang mga buluhaton nga makapakgang sa inyong word count goals. Pareha nako ron. Aduna koy paper requirements. Pero kay nagtinapol man og buhat (Nov.4 ang deadline) magtipun-og na karon maong naglisod nakog sugod sa akong nobela. Maong paningkamotan nga human sa deadline, kinahanglang maapas ang word count nga nabiyaan. Kuyaw ka na basig mao pay rason nganong dili na mahuman hilabi na sa ako nga wa pay nobela nga nasulat ug sige lang og kapakyas sa pagsulat.
Pag-abot sa dagan sa storya sa nobela, aduna nay gamay-gamayng kalamboan pero human sa unang giplano nga lima nga anib gabati na sad kog blanko. Gapamatuod nga kulang sa research ug initial nga pag-plot. Laing pahinumdom: RESEARCH, RESEARCH, RESEARCH ug mahimi kini mga bulan bag-o ang Nobyembre.
===== WORD COUNT: 0 =====
November 3: Awooooo
===== WORD COUNT: 0 =====
November 4: (22:00) Nahuman na ang deadline nga akong gika-busyhan sa pipila ka semana ug nahuman na sad nakog sulat gikan sa akong hunahuna ang unang tulo ka anib (nagpabilin pa gihapon sa akong utok ang ikaupat ug ikalima). Sa nangagi nga mga pagsulay sa NaNoWrimo (nga tanang pagsulay pakyas) karon pako nakabatig kaseguradohan sa akong pagasulaton nga materyal karong tuiga (nga unta makakitag potensyal o malamdagan man lang sa oportunidad nga mahuman maski ang unang draft lang sa). Ugma, sugdan na nako nig sulat. Unta maapsan pa nako ang projected daily word count.
===== WORD COUNT: 0 =====
November 5: Duh.
===== WORD COUNT: 0 =====
November 6: (14:00) Yay! Nakasugod na gyod kog tikang sa akong unang pagsud-ong sa Nanowrimo. Para karong adlawa nagplano ko nga magpahigayon og tulo ka baynte ka minuto nga wordsprint ug sa akong pagsulat niini nga update nakahuman nako sa akong unang bahin sa akong wordsprint (bag-o nako atubangon ang akong laing trabaho ayha mosud-ong sa ikaduhang parte sa word sprint). Ug sa unang wordsprint nakakuha kog 653 words. Ambot kon igo na ba kini o gamay pero at least naa nakoy matrabahoan ug masugdan nga word count para sa umaabot nga mga word sprints.
===== WORD COUNT: 653 =====
November 7: (14:00) Wala nako naapas sa pagdugang sa akong word count aron makumpleto nako ang giplanohang tulo ka tag-baynte ka word sprint (target 600 words matag sprint). Maong karon pa natapos ang ikaduhang bahimn (oo ikaduha ra nga bahin ug oo baynte minutos rako nagsulat karong adlawa. Layo na kaayo ko sa gitakdang matag adlaw nga word count. Ug nakasulat kog 611 words. Buot pasabot nga sukad sa sinugdanan aduna lang koy agi nga 180 words per day (adunay 90% nga biya nga kinahanglan maapas bag-o mahimong thank you nasad kini nga proyekto, nga unta dili) ug 1264 words ang akong kaya masulat sulod sa 40 minutes. Dasig lang. Aduna nakog bag-ong plano pagabuhat pag-abot sa 10 sa Nobyembre. Dili maguol. Naa pay panahon. See you on November 10.
===== WORD COUNT: 1264 =====
November 8: **tuko tuko**
===== WORD COUNT: 1264 =====
November 9: **krooo krooo**
===== WORD COUNT: 1264 =====
November 10: (14:00) A-diyes na! Ug karon na sugdan ang pagpaninuod nako sa Nanowrimo. Pero bag-o niana, word count update sa. Karong adlawa natapos ang usa ka siklo sa 3 ka tag-baynte ka word sprint nga nasugdan niadtong 11/06, gitiwas sa 11/07, pero nahuman karong adlawa. Ug hapit na ta motungtong sa 2k (dili manaway) sulod sa napulo kaadlaw: 1988 para insakto. Buot pasabot aduna koy 199 words per day nga masulat (10% nga increase kon ikumpara sa word count update niaging adlaw. Matod sa akong gitalaan nga NanoReport Card nga sa ing-ani nga klase sa pag-abanse, mahuman nako kining libroha karong January 15, 2019. Haskang layo-a. Sige lang. Change tactic ta karon.
Btw, natapos naman ang usa ka anib niinign nobelaha, ako na kinign gipost para mabasa sad ninyo. DISCLAIMER: Wala pa na miagig edit kay akong gipaningkamotan nga dili mahurot akong oras tungod sa pag-edit sa Chapter 1. Kon malampos nako ni nga challenge, sa December 2018 na nako sugdan ang pag-edit. Pero andam gihapon ko maminaw sa inyong hunahuna mahitungod sa plot ug sa ikstruktura sa istorya. Ayaw kahadlok sa paghatag sa inyong komento pinaagi diri sa Wattpad o sa akong email: gilnambatac(at)gmail(dot)com.
Baynte ka adlaw nalang bag-o matapos ang bulan. KInahanglan na nakong apason ang mga word count nga wala nako naapot sa milabay ka napulo kaadlaw. Busa sugod ugma Nov.11 imbis 1667 dapat akong daily word count mahimo na kinign 2401 words per day. Sa ingon-ana makakita naghayag ang nobela nga dugay ko nga ginapaabot. Base sa kasamtangang stats, kinahanglan ko magsulat og bali tulo ka oras sa usa ka alaw . Way problema abg atong kagustohan nga maasulat pero ang kinadakong kontra anto amo ang aatong kaugalingon. Masugdan a utna kini ugma.
===== WORD COUNT: 1988=====
YOU ARE READING
Ako Si Miguel
Mystery / ThrillerPaabotay na ang pista sa Dakbayan sa Iligan ug unang tuig kining pagasaulogon ubos sa pagdumala ni Atty. Nassef Tomawis, ang kinaunhang Maranao nga Mayor sa dakbayan. Kini usa ka mahinungdanong parte sa kasaysayan sa Iligan. Pero dili tanan ang na...
