Sunday na lang po ako walang pasok. Sunday na lang po ang pahinga 'ko ngayon. Kaya sunday na lang ang update. Thank you thank thank you!
-
Ang kulit mo!
May meeting nga ako ngayon!
Subukan mo talagang umalis diyan, sisispain talaga kita pag nagkita tayo!
Mabilis ang pagta-type 'ko habang umo-order si Nanay ng kakainin namin. Sunod-sunod din ang pagse-send 'ko kay Jared. Ang kulit kasi ng unggoy na iyon. Gusto niyang putahanan ako tapos may sakit siya? Hindi niya ba maintindihan? May meeting nga! Iyon naman kasi ang totoo may meeting kami, sinabi 'ko naman kay Jared 'yun diba? Ang hindi niya lang alam, lola niya ang ka-"meeting" 'ko ngayon.
Dapat naman talaga ay magpupunta ako sa condo niya ngayon kasi bigla na naman siyang nilagnat, kaso nagulat ako nung paglabas 'ko ng bahay, nakita 'ko na ang sasakyan ni Nanay sa labas. Akala 'ko nga napadaan lang siya dito, pero nagulat ako nung sinabi niyang gusto niya akong kausapin,
Nakakahiya naman kung tatanggi ako sa Lola ni Jared kaya sinabi 'ko na lang kay Jared na kailangan 'ko talagang um-attend sa "meeting" namin para sa isang report. Kaya ngayon? Nagda-drama at nagfe-feeling ang baby ang unggoy.
I miss you babe :(
Di mo ba ko namimiss?
Daya mo kasi.
Sabi mo pupuntahan mo ako.
Ewan 'ko ba, imbis na mainis ako sa kakulitan ni Jared, natutuwa pa ako. Tuwa na may halong kilig. Nakakabwisit, nakakakilig kaya! May sakit na siya, pero ako pa din hinahanap niya. Sino ba namang hindi kikiligin don? Pero mas lalo ata akong napatawa dahil sa mga emoji na kasama ng message niya sa akin.
Emoji pa more. Bakla ka talaga no?
Ayos lang girl! Kasama mo akong a-aura! Hihi.
Ako naman ang napatawa ngayon sa message 'ko sa kaniya. Pagkasend 'ko ay nilagay 'ko na agad sa bulsa 'ko ang phone 'ko at tumingin kay Nanay na busy pa din sa pago-order ng kakainin namin.
"Yes. Chickenjoy. Is there any problem, Miss?" Taas kilay na tanong ni Nanay sa babae. Napangiti na lang ako kay Nanay. Kung titingnan mo talaga, parang ang sungit-sungit niya, pero ngayong nakilala 'ko na si Nanay at nakasama 'ko siya?
Doon lang nagbago ang pananaw 'ko sa kaniya, sobrang sweet niya, kanina pa kami magkasama at nakailang beses na din siyang nakatawag kay Jared. Hindi daw kasi siya mapakali kapag di niya alam kung ano ang ginagagawa ng lalaking iyon. Maalaga din siya at sobrang saya kasama ni Nanay, para siyang dalaga na nakakatuwa kasama.
Nasanay daw kasi siyang mag-salita ng ganoon dahil sa assistant niyang si Maria. Bakla kasi si Maria, pero hindi siya yung baklang lantad. Maarte lang siyang magsalita at madami siyang pangbaklang words na alam kaya siguro naging ganon si Nanay. Pero masaya silang kasama dalawa, hindi talaga ako nakaramdam ng pagiging op.
"My god, Madame! Pang sampung beses na ata nating kain 'to sa Jollibee simula nung araw na umuwi tayo! My god, nasstress na ako sa bubuyog na 'to!" Pagrereklamo ni Maria habang nakasandal siya kay Jollibee, napatawa naman ako.
"Kung ayaw mo, edi wag! Hindi kita pinipilit kumain, pero kung hindi ka kakain dito, bumili ka ng sarili mo. Sorry but no libre for you, Maria." Natatawang sabi ni Nanay kay Maria. Kumunot naman ang noo nito bago padabog na umorder sa counter.
Natawa kami parehas ni Nanay. "How about you, Hija? Ayaw mo ba dito? Just tell me kung anong gusto mo, papabili 'ko kay Maria. Gusto 'ko lang talaga ng Jollibee, namiss 'ko to. Wag kang maingay, ha? Favorite kasi 'to ni Jared nung bata siya kaya nasanay na ako kumain dito lagi."
Doon naman ako napatawa ng malakas. "Talaga po?" Di makapaniwalang tanong 'ko, natatawang tumango naman sa akin si Nanay.
"Titingnan 'ko kung nandoon pa sa bahay yung video nun nung sumasayaw siya nung birthday niya sa Jollibee." Tuwang-tuwang kwento ni Nanay sa akin. Napangiti ako. Kahit nawala ang Mama ni Jared, sobrang maswerte siya sa Lola niya. "Hay, my baby boy is now a big boy na talaga. Hindi ako makapaniwalang kausap 'ko na ngayon ang babaeng kaniyang iniibig!" Kinikilig-kilig pa si Nanay sa amin kaya napatawa na lang ako.
"Madame, Kira, tara na let's go there! My legs is nangangalay na talaga, omg." Maarte niyang sabi habang nakasabit na sa braso 'ko ang kamay niya. Nakakakatawa talaga tong si Maria.
"Akala 'ko ba ayaw mo dito, Maria?" Tanong ni Nanay habang paaakyat kami sa second floor, wala na kasing magandang pwesto.
"Ayaw 'ko dito, Madame pero may isang poging waiter, kaya go!" Tuwang-tuwa na sabi niya. Nagtawanan na na lang kami habang naglalakad kami paakyat kami sa second floor. Nag-usap naman si Maria at si Nanay tungkol sa business kaya kinuha 'ko muna ang phone 'ko at nakita ang pangalan ni Jared sa screen.
Jared Babe
10 missed calls
5 messages
Bwisit, sinabi na wag muna akong tawagan ng tawagan kasi malo-lowbatt agad ang phone 'ko. Pero ang kulit kulit kulit talaga ng unggoy na 'to. In-open 'ko ang phone 'ko at binasa ang mga message niya sa akin.
Bakla ako? Halika, dumiretso ka sa condo 'ko ng magkaalaman tayo.
Baka gusto mong bigyan natin ng apo si Nanay para lang malaman mong lalaking-lalaki ako.
Joke lang babe! Nakikita ko na namang nakakunot yang noo mo. Love you!
Damnmit. Answer my call, Kira. Hindi ka ba pwedeng umalis muna dyan kahit 5 minutes lang?
I miss you. :( Gusto ko sanang kumain kaso gusto ko kasama kita.
Kahit na text lang iyon ni Jared, ramdam 'ko pa din ang pmumula ng mukha 'ko dahil sa message sa akin ni Jared. Dammit. You really know how to make me blush, Jared Flinn. Bwisit ka at ang mga banat mong patok na patok pa din sa akin. Bwisit talaga.
"Kira hija! Oh my gosh, are you okay? Ang pula ng mukha mo. Ayos ka lang ba?" Nagaalalang tanong ni Nanay kaya naibaba 'ko agad ang phone 'ko. 'Maria, ipatawag mo yung waiter dito, ipafull mo yung aircon!"
Agad na tumakbo si Maria papunta doon sa waiter, si Nanay naman paulit-ulit ng pagtanong sa akin. "Nay, nako. Ayos lang po ako. A-ano po kasi.." Kinagat 'ko ang labi 'ko kasi hindi 'ko alam kung ano ang dapat kong sabihin. Sasabihin 'ko ba kay Nanay yung tinext ng apo niya? Hindi pwede! Nakakahiya naman masyado kung pati iyon sasabihin 'ko pa kay Nanay!
Biglang nawala ang kaba sa mukha ni Nanay at agad na napalitan ng isang ngisi. Nagulat na lang din ako ng bigla siyang napapalakpak, "Si Jared iyon 'no? Oh my gosh! Ganiyang-ganiyan din ako nung panahon 'ko! Nako, grabe! Matinik talaga itong anak 'ko!" Kinikilig na sabi ni Nanay.
Ngumiti na lang ako kasi nahiya ako bigla. Bwisit na Jared. Kahit na wala dito, nagagawa niya pa din akong papulahin ng ganito. Maya-maya nakita na lang namin si Maria na mukhang kilig na kilig na naman habang may dalawang waiter na kasama, dala dala ang pagkain na in-order namin.
"Tara na, let's eat na Madame!" Kilig na kilig na sabi nito habang kinukuha ang pagkain doon sa dalawang lalaki. Napairap na lang si Nanay habang nakita ang itsura ni Maria, natawa na lang ako.
"Kira hija," Tawag sa akin ni Nanay habang kumakain kami. "Kaya kita pinuntahan kanina kasi, gusto kong malaman kung anong ginagawa ni Jared sa'yo. I mean, anong ginagawa niya kapag magkasama kayo? Please, Hija. Gusto 'ko lang talagang malaman."
Hindi 'ko alam kung bakit gustong-gusto malaman ni Nanay iyon, pero sinabi 'ko pa din. Baka talagang nagaalala lang si Nanay kay Jared kaya pati iyong ganung bagay ay inaalala niya din. "Nung unang date po namin, dinadala niya ako sa pangmayayaman na resto, tapos pinapadalhan niya po ako ng magagandang damit at kung anu-ano pa pong mga gamit. Aminado naman po ako, hindi po ako sanay sa mga mamahaling kainan, ayaw 'ko din po ng magagarang damit. Kaya lagi po akong tumatanggi kapag niyayaya niya ako sa mga ganun, tapos kumakain alng po kami sa mga ganito, Jollibee, tapos hindi 'ko na din po tinatanggap yung mga binibigay niya."
Nahihiya ako sa lola ni Jared, baka kasi isipin niya, ginagamit 'ko lang ang apo niya. Gusto kong malaman ni Nanay na mahal 'ko si Jared kahit nandyan o wala ang kayamanan ng pamilya niya. "Ayaw 'ko pong isipin niya na gustong-gusto ko ang binibigay niya. Ligawan lang naman po kasi ako ng normal ni Jared, mas ayos na po 'yun sa akin. Tapos nasanay na po kaming gumagala lang po sa mga mall, sa mga park at... nung isang gabi po, hinarana niya po ako."
Doon na ako napayuko. Nahihiya kasi ako magkwento ng mga ganito. Hindi 'ko na nga din nakikiwento yung mga ganito kay Maegan kasi hindi ako sanay, pero mas doble ata ang hiya 'ko nung sa lola na ako ni Jared nagkwento. Narinig 'ko pa ang pagtili ni Maria at ni Nanay kaya mas nahiya pa ako lalo sa kanila.
Hanggang sa ganoon na nga ang nangyari, nagkwento lang ako ng mga ginagawa namin ni Jared at si Maria naman ay todo sulat sa mga sinasabi 'ko. Gusto kong magtanong kung para saan iyon, pero hinayaan 'ko na lang. Nakakahiya naman kung pati mga ganoong bagay itatanong 'ko pa.
Ihahatid na dapat ako ni Nanay sa bahay pero nagpaiwan na lang ako sa Mall. Dumiretso ako sa grocery para bumili ng ice cream at mga chips bago dumiretso sa condo ni Jared. Maggagabi na, pero ewan 'ko ba. Parang kulang kasi yung araw 'ko kapag hindi 'ko naasar yung unggoy na iyon.
Nakangiti pa ako habang papunta na ako sa condo niya. Mabuti na lang at alam 'ko ang password ng condo ni Jared kaya nakapasok din naman agad ako. Napakunot ang noo 'ko nung napansin kong parang walang tao, pinatong 'ko muna ang dala-dala 'ko sa lamesa bago dumiretso sa kwarto niya,
"WHAT THE PAKING PAK?!" Malakas na sigaw 'ko nung nakita 'ko si Jared, agad akong lumabas sa kwarto at agad na nagdasal. Jusko. Nakasandal na ako sa pinto pero rinig 'ko pa din ang malakas na pagkalabog ng puso 'ko.
Feeling 'ko, makasalanan na ako! Sorry po! Hindi 'ko naman po sinasadyang makita si Jared na nakahubad at naka-boxer lang!
//
