زواج_تقليدي
الحلقة 63
خرج وائل من البيت مرهوج غمض عينيه و عدا لسانو على شفايفو و عضهم باش يهبل يصبر في روحو بسيف و يديه كبسهم يمشي و حاسس ساقيه رزان دخل لبيتو و نفخ مشا طول باش يعمل في دوش فماش ما يبرد ليليا في بيتها تعدي في يديها على شفايفها صحيح شاربة لكن مزالت فايقة بروحها ويني قامت نحات روبتها و لبست شورت بعد مروحها قريب تخرج وين تجي تدخل في ساقيها في الشورط تجي في الهواء بعد درجين لبست الشورت تنهدت و لبست التريكو و ما فقتشي لي هي لبسيتو بالمقلوب و هي راجعة للفرش تلفتت للمراية و عيطت كي غزرتلها و قالتلها "أنتي شكونك و شتعمل في بيتي" قدمت و أشارتلها بيديها تتحدا فيها و قالتلها "تكلم أنتي شكون و شكون دخلك و شبيك تبع في الحركات متاعي" تغزر لوحدة تشبهلها أما المسكرا متاعها سايح و عينيها حمر من الشرب ولاو كي البندة و الروج مبلبز و شعرها كل شعرة في جيها ولات تبكي "يااااا.. أمي جابت تواما و مقالتليش و أنتي أكيد جيت باش تنتقم مني كيما صار في المسلسل" في الوقت أذاكا وائل خرج من الدوش و لبس سروالو و هو باش يرمي روحو عل الفرش و يرقد يسمع في صوت بكاء و عياط نفخ و مشالها يلقاها تتعرك معا روحها لي فالمراية تبسم على جنب و مشا وقف وراها و قالها "ياخي مخليتكش رقدت أنا" درتلو و وجهت صبعها ليه و قالتلو "أنتي تسكت أكيد تعرف زادا انتي و عديتها عليا" ضحك و قالها "أش نعرف" قالتلو "بأختي التوأم لي جات باش تقتلني" قدملها و قالها "باهي تبعني و اتو تمشي على روحها" عملتلو باهي براسها و هو يعامل فيها كالصغار قعدها و شدلها وجهها يمسحلها فيه و هي ساكتة و مغمضة عينيها كمل مسحلها و قالها "أيا توا نحب نراك كيفاه باش تمشي ترقد و معاش تقوم لغدوة" قالتلو باهي براسها و قدمت باستلو خدو و مشات تجري للفرش باش ترقد
أنت تقرأ
كرونيك :❤زواج_تقليدي❤
Romanceما نودكم كان بالممو 😍😍🔥🔥🔥🔥 هيااا عسلاتي حضرولي روااحكم 😍😍😍❤❤❤❤ كرونيك :زواج_تقليدي باللهجةالتونسية منقوولة 🔥❤ انشاءالله تعجبكم 😘😘😍😍🔥🔥❤❤
