روايتي الاولي لبقية حياتي معك - الجزء التالت بقلم بسمة سمير

الحلقة 11

الحلقة الـ ( 11 ) مـن - الجزء التالت - لــ روايتى الاولى

لبقية حياتى معك

For The Rest Of My Life,I'll Be with You

دخل عبدالقوى الى غرفة نور

و قال: جايبلك عريس لقطة

نور (بصدمة ثم بإرتباك): ما انت عارف يا بابا ان كل تركيزى دلوقت الاقى شغل و أثبت نفسى

عبدالقوى: بقولك ايه بلا اثبات بلا بتاع خلينى افرح بيكى

نور: انا مش فى دماغى دلوقت يا بابا اصبر عليا شوية

عبدالقوى: شششـ هيجى يوم الجمعة و هتقابليه ,, تصبحى على خير

و تركها و ذهب و هى إنفجرت فى البكاء

و ظلت تحدث نفسها و هى فى زهول: عريس ! عريس مين ! طب و باسم !! ,, باسم اللى قلبى محبش غيرو و فضلنا سنين مع بعض نحلم باليوم ده

طب أروح أكلم مين دلوقت ! أروح أقول لأبلة بسمة إلحقينى ولا جوزينى لأخوكى !

و بكت بحرقة و قالت: هروح لـ ربنا ,, هو الوحيد اللى بإيده كل حاجة و حاس سبيا

و إتجهت لـ تصلى و تشكى همها لله ..

و تمر الايام و فاطمة مهتمة جدا بصحتها و براحتها لثبات حملها

و بدأت تهتم بقراءة القرآن لكى يكون سهل حفظه على طفلها عندما يأتى

و على يشتغل ليل نهار ليزود دخله و يحاول يوفر لزوجته و إبنه القادم ما يحتاجون

و فاطمة تعمل كل ما فى وسعها من قراءة كتب و مشاهدة برامج عن تربية الاطفال ,, كانت كل يوم تشتاق أكثر و أكثر لمجيئ طفلها لتعطيه مما حرمت منه و هى فى الصغر

و فى أحد الايام ذهبت نور تقضى اليوم مع فاطمة و رتبت معها البيت فهى تعتبرها الاخت الكبرى و فاطمة كذلك تعتبرها الاخت الصغرى و كليهما يعوض ما يفتقدونه

و عندما إنتهو قالت فاطمة: مالك يا نور شكلك دبلان كده ليه

نور: أهو أنا مكنتش عايزة أجيلك عشان قولت بحكم انك دكتورة هتقفسينى

فاطمة: هههههههههههه بس انا دكتورة نسا و توليد لكن انتى فعلا باين عليكى اوى

نور (تاخد نفس عميق كى لا تنزل دموعها): بابا جابلى عريس و قعدنى معاه بالاجبار و هما مستنين ردى و كل يوم يضغط عليا و انا مش موافقة

فاطمة: و مقولتيش لـ على ليه

نور: أبيه على مش فاضى يا بطة زى مانتى شايفة 

فاطمة: يفضالك عشان مصيرك يا نور ازاى تسكتى يعنى كمان لو مكنتش كلمتك كنتى هتعملى ايه هو انتى مش بتحبى باسم يابنتى ؟!