جبروت الشيخ حامد

ألبارت ألسادس عشر

بعد مرور 5 أشهر..

احمد.. مشتاقلج

هيلة.. اني هم

احمد.. اروح فدوة

هيلة.. ليش أحسك مو مثل قبل تحبني

احمد.. شهالحچي هذا حبيبي بالعكس حبي الج جاي يزيد يوم عن يوم

هيلة.. لا ولله مو مثل قبل حتى ممهتملي

احمد.. تعبان حيل هالفترة حبيبي شغلي تعب بتعب

هيلة.. عادي يروحي عاذرتك

احمد.. چان يدگ الفون علية.. هذا ابوية.. ها يابة خير

عمي جواد.. لا شافك الخير تعال بسرعة للبيت وجيب مرتك وياك

احمد.. شصاير غير أفتهم شكو

عمي جواد.. تعال گتلك بساعك

احمد.. ماشي ماشي.. گومي بدلي خل نروح أبوية يريدنا

هيلة.. شصاير

احمد.. مادري گآل تعال وبس.. هي راحت بدلت وآنة هم بدلت ملابسي وطلعنا بسرعة حركت لبيتنا.. استغربت نبرة صوت ابوية اول مرة أسمعهآ منة حيل عصبي ونافر مني.. خير ان شاء الله.. وصلت للبيت طبيت للهول وآنة احس نضربت على راسي.. گآعدة هي وامها گبال جدي وهي تتبچبچ.. تقدمتلها جريتها من أيدها.. شتسوين هنااااا

نورس.. وخرررر مني شفت شيخ هذا تعامل حفيدك وياية طول هالفترة

هيلة.. منو هاي احمد

نورس.. انتي اللي منو اصلاً

هيلة.. اني مرتة

نورس.. هههههههههههههههههههههههههههههههههههه انتي مرتة طلعتي ولله خوش احمد ذواق..

هيلة.. منو انتي وشهالأسلوب التحچين بي

نورس.. أحترمي نفسچ واحچي عدل وأعرفي ويامن تحچين خاتون

هيلة.. ليش ويامن داحچي بلة

نورس.. مرتة للشيخ حامد الأولى وأم أبنة عن قريب ان شاء الله

احمد.. صحت بصوت عالي رج البيت رج.. كاااااااااااااااااافي اسكتنننننننننن.. هن ثنينهن خلسن أباوع لهيلة مصدومة وجها صار اصفر ميتفسر..

هيلة.. احمد هاي شدتحچي

احمد.. بس خل افهمچ

هيلة.. شتفهمني شتفهمني منو هااااااي

جدي.. مو بس تفهم هيلة تفهمنا كلنا وتگللنا هالمرة منو

احمد.. گعدت احچيلهم وهيلة ظلت بس دموعها تجري

هيلة.. واني عبالي تحبني وصدگ ميت علية طلعت اني عايشة بوهم يعني متزوج قبلي وحامل چمالة وفوگ هذا كلة بألسر وحتى مگتلي ولا صارحتني عيشتني بوهم.. لا كفو هذا الشيخ حامد اللي البصرة كلها تحلف براسة هيچ يسوي بية.. وأنتو اكيد تعرفون ليش ليش هيچ خليتوني اتزوجة وهو متزوج ومرتة حامل.. لك لييييييييش هيچ لعبت بية ولعبت بمشاعري.. يعني كل اللي عشتة وياك چذبة.. احمددددددد ليييييش هيچ تكسرني اني شنو سويتلك حتى تورطني بهيچ ورطة.. ملگيت غيري تلعب علي زين بشنو أذيتك علمود هيچ تسوي بية.. انت مو متزوج شكو جيت وتزوجتني علمود شنو تحرگ گلبي.. لك لييييش بس گلي ليش جاوبني