"طلع من عيني ذاك الجان تارسها "
•
•
بقلم - هدى الهاشمي
•
•
•
#الدخيله
#البارت_الاول_الجزء _الثاني
لقطه مستقبليه
مجهول /
صارلي محبوسة بهالغرفه ٥ سنين
كل يوم ينعاد بيه نفس السيناريو
اكون على الفراش
اكوم اغير ملابسي والبس دشداشه بيضه
اطلع من الغرفه
اروح على غرفة بنتي
اوكف كدام الفراش اباوعلها وابتسم
اتخيلها موجوده
افرك عيني
اشوف شخص ثاني مو بنتي
اعصب
واحاول اخنكه بكل قوتي
ليش نايم على فراش بنتي ؟؟؟
احاول اجره من رجله اسحبه ويايه للغرفه
اشوفه كدامي يكعد من النوم مخروع وخايف
ابتسم واحس نفسي بعدني قوية برغم كل شي
وارجع لغرفتي انام
...
رجوع الى القصه :
بسعات : يعني شون يايمه غير دخيله عدنا شنسوي نعوفها؟ ؟
لمى : مالي شغل شوفولها مكان غير مضيف الشيخ زايده هاي كلش وانتو تعرفون اني اله من احنه وصغار .
عافت وراحت معصبه ..
قبل شهر من الان :
ولاء :
وين اني ؟
شديصير ؟
الدنيا دتفر بيه
حطيت ايدي على وجهي اريد استوعب
باوعت حواليه
بساتيين وصخر وخضار
اباوع كدامي جذوع نخل مكطرع
اخذت ثانيه اتنفس حتى اذكر الصار
اذكرت كلشي بالتفصيل وصرت اشهك
اني دانهزم؟ اي اي اني لازم انهزم كلي مقداد انهزمي
جريت نفس وشلت ملابسي وكملت بتعب طريقي
وفجأة قررت اوكف
حسيت نفسي مالي خلك حتى اكمل هروبي
بلحظه يأس حسيت لازم استسلم واموت وارتاح
اسال نفسي ليش عايشه ولاء ؟
المن بعد ؟ شبقالج؟
انتي نحس كل الي تعرفيهم ماتو او سافرو
من وره منو؟ من ورااااااج رجعت انهاريت
احس بالثواني عيوني رادت تنفجر من البجي
تعبت وكعدت بالكاع بارهاق
سمعت صوت الطلق بده يخف
ارتاحيت اكثر
وره فد دقيقتيين
سمعت صوت رجلين دتدوس على الزرع بحذر
وشخص ديهمس
اوووووش
خفت
وفزيت على حيلي
معناها بعدهم ديلحكوني
رفعت فستاني وركضت بكل قوتي واني التعب بده يبين على تنفسي
وخطواتي ضليت اركض فد عشر دقايق متواصله
ماعرف بعدهم ورايه لو لا من التعب منتبهت
نفسي راد ينكطع
شفت شجره استندت عليها شويه
حسيت ايد من ورايه رادت تنمد على حلكي
وشخص صاح
لكيتهاااااا اوكفوووو
ماعرف شوصف خوفي بهالثواني
شفت صورة مقداد وهو يوصيني على نفسي قبل ميموت
أنت تقرأ
( الدخيله )
Non-Fictionعندما يجتمع العذاب والظلم مع الحب المستحيل والألم هنا تكتمل قصة الدخيله ... قصة احدى متابعاتي ترويها لكم من خلال الدخيلة ، فلنسافر بالزمن معها 🤍 اول كتاباتي بأذن الله 🤍
