عدي اسبوع
في بيت زينه
سيد بحب: يابنتي صدقيني جوزك بيحبك
زينه بعصبية: جوزي جوزي يا بابا افهمني جوزي دا انا معرفهوش هو فين جوزي دا انا هنا بقالي اسبوع مفكرش حتي يجي يسال عني خليه يطلقني وخلاص
سيد بتفهم: انتي لو شوفتي نظره الحب والوجع الي انا شوفتها في عنيه عمرك ما هتقولي كدا
زينه افتكرته وهو شايلها لما داخت وهو خايف عليها
زينه بحزن: انا حياتي اتلخبطتت اوي
في اوضه عمرو
عمرو اعد وسايب دقنه طويله زي ماهي واعد بيقلب في صورهم الي اتصوروها في بورسعيد وفي اسبوع الفرح وصور فرح كنزي وصور كتب الكتاب
اسلام دخل عليه وزعق فيه: انت هتفضل تندب حظك كدا زي الي انكب طبيخها
عمرو بضيق: عاوزني اعمل ايه يعني يا اسلام
اسلام كح وبتعب: تروحلها يا غبي تفكرها بيك لو ما افتكرتكش تخليها تحبك من اول وجديد
عمرو بفرح: صح انت عندك حق وقام يلبس
اسلام باستغراب: انت هتروحلها كدا
عمرو: ايوه يبني هروحلها دلوقت
اسلام قرب منه بتعب: عمرو حبيبي انت لو روحت لمراتك كدا مش هتفتكرك ولا هتحبك دي هتفتكرك حرامي وضارب سجارتين وهتطلبك البوليس ادخل يا جدع احلق دقنك وشعرك وارجع عمرو البرنس تاني ( وبدأ يكح)
عمرو قرب منه: اسلام انت كويس في ايه مالك
اسلام بتعب: اه اه انا كويس
عمرو : طب تعالي اما اوديك اوضتك ( وبداو يمشو وبعدين عمرو وقف اسلام وحضنه) انا اسف يا اسلام علي كل كلمه ضايقتك بيها انا لو اعدت عمري كله مش هوفي جميلك مع اختي
اسلام بحب: يا عبيط جميل ايه اختك دي حياتي يا عمرو انا عملت كدا عشاني مش عشانها
كنزي كانت داخله تطمن علي عمرو وسمعت اسلام وهو بيقول كدا قلبها فضل يدق بسرعه
عمرو بعد اسلام عن حضنه: يلا يا جدع روح مع مراتك من هنا انت هتصاحبني يلا من غير مطرود انا رايح اقابل حبيبه قلبي
عمرو اتشيك ولبس بدله شيك جدا وسرح شعره بعد ما حلق وحط من برفان كانت زينه شرياهوله في تحهيزات الفرح ولبس ساعته وبص لنفسه في المرايا برضا ونزل
في اوضه كنزي واسلام
كنزي بغضب طفولي: يا ابيه اسمع الكلام بقي وخد دواك
اسلام بتعب: يا كنزي قولتلتك مش عيان مش عيااان
كنزي قربت منه وحطت أيدها علي جبهته: مش عيان ايه بس دانت سخن مولع والله اسمع الكلام بقي
أنت تقرأ
حظي العسر
Romanceهي فتاه جميله فاقده للهويه وهو شخص قوي يمتلك مستقبل غامض لا يعلم له ملامح كيف تنقذه من مستقبل مجهول وكيف يلتقيان كيف يعود بها الي عالمها
