وردايتي

البارت الرابع

البارت الرابع 

#وردايتي
ـــــــــــــــــــــــــ
بعد مرور 3 أيام...
يبقى ابو حسن وحسن في بيت ابو وردة..
وتستمر المشاحنات بين وردة وحسن..😅
(لكن بداخلهم شيء آخر)...

تدخل ام اسماء واسماء..
بعد السلام والمقدمات تقع عين اسماء على حسن.. لكن حسن لم يعرها أي أهمية..
اسماء : حسن احجيلي على نفسك..
حسن : شحجي؟
وردة : عرفها بنفسك عيني حسن بن الهيثم 🤣😂
حسن : محد اخذ رأيك عيني بتهوفن 😏
اسماء : هاي شبيكم هههه
نور : همة على طول هيج بس يتعاركون
اسماء : بس حسن مبين عليه حباب مو مال واحد يتعارك وياه 😁
حسن يستغرب من كلامها...!!! 🤔🤔 ..تسلمين من ذوقج
وردة :شنو رأيكم اجيبلكم عصير واعزفلكم حتى الأجواء تحلى اكثر..🙄
(حسن يضحك بداخله ..لإن كام يحس بغيره وردة عليه
فحب يزعجها اكثر)...👇👇👇
حسن : ياريت والله جيبيلي عصير..اسماء انتي شنو تحبين تشربين حتى وردة تجيبلج...

وردة تترك المكان بعصبية وتروح...

نور : هههه عذروها من تخرجت من الجامعة وهي متتحمل كلمة هاي أثار التخرج (حبت تغطي عن موضوع اختها) ...اني راح اجيبلكم عصير

حسن واسماء يبقون كاعدين وحدهم يسولفون..
اسماء بدت تنجذب لحسن..

لكن هو تفكيره بغير وادي..يفكر بوردة 😍
فرحان لان حس بيها بدت تغار عليه..😍❤

(واللي متعرفوا عن حسن هو بكل حياته ما حاب ولا مرتبط..وهاي أول مرة كلبه يدك لبنية..حتى هو مستغرب من مشاعره شلون خلال ساعات وأيام قليلة كبرت)...وبنفس الوقت مستحيل يضهر لوردة مشاعره..(خشمه عالي مثلها) 😅

وردة تروح للمطبخ... نور انتي هنا وتاركتهم وحدهم..
نور : منو قصدج وحدهم؟
وردة : حسن وأسماء غير
نور : وذا يعني ليش ضايجة؟؟
وردة : ههه أني اضوج.. ع اساس شلون اثنين احبهم حتى اضوج 😏

وردة تروح لمكان جلوس حسن واسماء..
وتعلي التلفزيون وتكعد تتفرج..
حسن : ممكن توطين الصوت لان دنسولف أني واسماء..
وردة : لا مو ممكن
حسن : ما عليج منها اسماء احجيلي عن حياتج شنو تحبين شنو تكرهين..(يحاول يعلي صوته)
وردة : هههه تحبني إلي..
حسن : ليش انتي هم تنحبين؟؟! 🤔
وردة : لا طالعة مكروهة على ابن عمي 🙄
حسن يضحك ويحاول ميهتم لكلامها..
يقدم العصير لأسماء.. ويظل يسألها عن نفسها
(اسماء تفرح بداخلها)
بس حسن غايته غير شي...

يطلب من وردة توطي صوت التلفزيون مرة ثانية

وردة ترفض..

حسن يطلب من اسماء يطلعون يكملون حديثهم بالحديقة لإن اكو ناس دتزعجهم.. 😅

وردة تنظرله بنظرة عصبية وتكله : اذا حاب اطلع واترك إلكم المكان كله ؟؟
حسن : لا ميحتاج أريداطلع بالحديقة على الطبيعة واتعرف على اسماء أكثر...

يطلعون حسن واسماء للحديقة..

وردة تبقى تراقب من الشباك ومن وره البردة..😅

حسن ينتبه عليها... فيحاول يستفزها اكثر...!!
بطلب من اسماء تكعد بالمرجوحة وهو يظل واكف يباوع عليها..ويظل يحجي وياها (مواضيع عامة)
وردة تنقهر..😥😥 تفكر شي ثاني ديحجون..

تروح لغرفتها وتبدي تعزف (هي دائما من تضوج تعزف ع كيتار🎻🎻🎻)

حسن ينتبه إنه وردة اختفت من يم البردة..وفجأة يسمع العزف مالتها🎻..يقطع الحديث وية اسماء ويظل ساكت..

اسماء تنصدم ليش فجأة سكت..؟! 🤔
اسماء : حسن ليش سكتت؟؟
حسن : ليش احنه بشنو دنحجي؟ نسيت؟ ..خلي ندخل للبيت افضل.. يتركها ويدخل

تستمر وردة بالعزف..🎻🎻🎻

حسن يتقرب على باب غرفتها..
وردة تحس بخطواته من ديقترب..
فجأة تبطل عزف وتفتح الباب تلكي حسن واكف بباب غرفتها..
وردة : (بعصبية) شترييييد؟؟؟
حسن : جيت حتى اكلج بطلي عزف لان اسماء انزعجت من الصوت...

يتبع
#الكاتبه_شهد_الابراهيمي