حبيبه

حبيبه 🦋 يتبع 90

#حبيبه 🦋

#البارت_الاخير_الجزء_الثاني

مصعب ،، نبدو بيكي انتي قبل
ويه ،، تمام
مصعب هيا تعالي من هنا
بدو ويه ومصعب يخشو من محل لمحل
وكان مصعب هو لي يختار في اغلب حاجة ويه وهي ساكته
مصعب شن رايك اتقيسي هذين انشوفهن عليك
ويه بحتت فيه زين وبعدين خدتهن منه
خشت ومصعب قعد ايدور وجن اعيونه على بجامات وترينقات خدهن وعطهن للشوب  اسيسنت 
من دون ويه ما تشوفه
طلعت ويه وهي محرجه عشان مصعب ايشوفها
بس هو كان معطيها بالظهر ومنتبهش عليها بعد طلعت
ويه تعض على فمها ومش عارفه كيف اتناديه
وهذي كانت اول مره ويه تنادي فيها مصعب
اول ما قالت اسمه
قلب مصعب فز من مكانه وطار شوره
ويه ،، مصعب    ..  وعضت فمها
  مصعب برم عشان ايشوفها
اعيون ويه جن على فمه لي كان مبتسم ارفعت اعيونها وجن على اعيونه لي كانن مليانات اعجاب بيها
ويه ،، شنو
مصعب ،، نقول راي وماتزعليش
ويه ،، وجها قعد حمر وتوقعت ان شكلها شين قعد
مصعب فهم عليها من لون وجها
ها شنو نقول
ويه خلاص تو انخش انحولها
وهنا مصعب سمع جمله كامله من ايام ماسمعش منها
استني استني استني
ويه وقفت وبرمت عشان اتبحت فيه
مصعب قرب منها وقاللها
هو انك اتحوليها فاللازم اتحوليها عشان انشوف الموديل الثاني
بس تعرفي هذي واكله منك حته
ويه فنصت اعيونها فيه
وهو ضحك وبرم يحكي مع الشوب اسيسنت
ويه امصبيه وراها اتبحت فيه
وهو عارفها مزالت امصبيه اتبحت فيه
برم شورها وقاللها تبي مساعده انجي نساعدك فتحويلتها 
ويه طنشت وخشت للغرفه وصكرت الباب فوجه
وهو طلب منها تجهزله اندر ويرز كاملات للمدام من دون ماتشوفهن
وقعد يستنى فيها عشان تفتح الباب
كملو حاجة ويه ومنها خشو ع محلات الشباب
ويه امصبيه اتبحت فيه وهو يختار
وهي اعيونها عليه كيف ايتحرك وكيف يختار لروحه وكيف يبرم ويبحت فيها وكان متمني لو انها اتشاركه وتختار معه شن يلبس
وهالامنيه معدتش هباء يامصعب ويه عجبتها جاكيت شبابي لونها بيج غامق عدت شورها
مصعب قرب منها ودار روحه يختار وماحكش معها يبيها تحكي
ويه ،، شوف هذي تمشي معاك
مصعب ،،  معايا نا ؟!
ويه ،، اذا معجبتكش فوتها
وهنا مصعب اذكر كلام الطبيب النفسي لي قاله على كم حاجه ايديرهن لويه عشان تطلع من الحاله لي هي فيها
اول هالاشياء يشيلها الاماكن جديده عشان يبقى عندها معها هو ذكريات جديده
وثاني شي لم يسافرو ياخدها للتسوق لان المعروف ان اكثر شي ايحبنه البنات هو التسوق
واكيد حتطر تحكي معه فيه
وهو نفس ماقال الدكتور نفس ما دار مصعب لي دز شناطي سفرهم لليبيا عشان تطر تاخد دبش وتحكي معه
مصعب اذا عجابتك ناخدها
ويه ،، المهم تعجبك انت وردتها في مكانها و وخرت
مصعب قرب منها وقال
نا اصلآ من اول ماشفتها عجبتني بس متوقعتش انها تكون لي 😉
ويه معش بت اترد عليه
وهو قعد ياخد ويوري فيها بس هي مكنتش تحكي بكل
طلعو من المطار في ايديهم اكياس
ع اول سيارة اجره ركبو فيها
ومنها ع الفندق
مصعب المره هذي مبش يطلع وقعد معها
خدا دبش له وخش دوش وطلع عزق روحه ع الكنبه بدون ما يتكلم
وهي دارات نفس الشي بس بعد طلعت لقت مصعب راقد بالنوم
مرن ايام وهم فالفندق كان يوميآ ايطلع فيها
لعند في يوم قاللها ........
.................
ماما ،، ماواجعني شي فيت بخت بناتي هذين
اعميمه فاطمه ،، هضا نصيبهن من الدنيا
وان شاءالله العقبه خير
ماما  ،، كلا نا يدي على قلبي من يوم وفاة مني الله يرحمها
وبعدها سلمى لي ماحصلت اعويل لعند توا وقاعده لاهيه بوعيلة اختها لي تو ايجيهم يوم وياخدهم يوسف
وكان ما دارها يوسف تو ايديروها هلهم
وهذي ويه لي ظلمت مصعب معها بحزنها والحاله لي خشت فيها
قلبي واكلني عليهن وخايفه  على حبيبه لي مبتش فرح يطلع لين اخته اتروح وتحظر معها
اعميمه فاطمه ،، البنات مش قادرات يفرحن بلا اختن
الله غالب عليهن
هذي عين وما صلت ع النبي ولا تخاف ربي
باذن لله يزول همك وتفرحي بيهن وربي يجبر بخاطرك
وخاطرهن بالذات سلمى لي اعيونهن يقولن يبن اعويل
كل مانبحت فيها
ماما ،، ربي يسمع منك ياافطومه
شوفيهن كيف لافت على دانه وفي شي ناقصهن
اعميمه فاطمه خنقتها العبره وين بحتت فيهن واذكرت يوم حنة سلمى كيف كانن مني ودانه ونا وصال ودانه وايمان لي سيبت حنة نجوى وجت اقعدت معانا كلنا منتفرقوش كنا وسبحان الله كيف شاء القدر وتفارقنا
هالمره ساره قاعده واسطن هي وجوان هالمره ساره جايه عشان خاطر خوها
لي يوم اعلمو ان اميره و مصطفى فيهم الايدز وان حتى الجنين لي جابته مصاب وقف معها وشالها ودارلها التحليل .
ويوم طلعت نتيجة التحليل زف بيها رغم حزنه على وليد الا ان فرح بسلامة اخته
وهضا كان مصير اميره الاصابه بالأيدز وهذي جزاة مصطفى الخاين لي مصبرش على مراته لي هرمونتها متاثره من الولاده ودور غيرها عشان يشبع غريزته الحيوانيه
وللأسف طفلهم لي مطقش حتى ثلات اشهور توفي بسبب معانته الضعيفه
.......................
يوم الفاتحه ٠٠
دانه حايسه وجوها مش حلو
اعميمه فايزه كانت قاعده في دارها وماتبيش تبكي قدامنا وبالذات قدام دانه
وصال تكلم في مصعب ونحن كلنا قاعدين فجنبها نبو اتشوفو ويه وامرايفين عليها
شن دايره توا مزالت ما تبيش تحكي معانا
مصعب والله شن انقولك ياوصال
هي اليوم متكلمتش بكل
عطيني اشوي وكان حكت تو انرن عليكن
وصال تمام ما توصي على شي
مصعب بوسيلي اودي واجد
وصال ،، يوصل قاعده راقد مع اجديده
مصعب ،، حبيبها عاد هضا من كيفه
وصال ،، مانحكيلك عليه
مصعب ،، سلميلي  عليهم كلهم  
مع سلامه
سلمى  ،، الله يسلمك
بعد صكرت
دانه ،،  يانعلي هذي مزالت كيف قبل
سلمى ،، نحلف عليها مصعب في تركينه وهي في تركينه
نا ،، نبحت ومتاكده ان كلام سوما صح
نجوى ،، يابنات تفائلن خير بعدين تو مش وقت كلام هيا صبن عشان نلبسو دانه ونشقو بالفاتحه
مزال وراكن بكره صاله وكوافير
ايمان  لي خشت عليهن وهي تسمع في كلامهن
وليله امطننه مع ميدو لي مشيط فيا النار عشان انجي
دانه ،، سلم راجلي
وصال  ،، بدت هذي
نا ،، من جماعة حتى راجلي الاخت
وصال ،، هههههه
دانه ،، 😏😏
كلنا ضحكنا من قلوبنا
خشن علينا ماما وعماتي
شايلات سلتين وحده فيها بدله حرير كبيره لونها وردي
ولاخرى فيها طاقم كبير ومرايا ومصحف
دانه ،، من دون زعل نبي اعميمه  مريم هي تلبسني
عشان يبقى اسعدي كيف سعد سولي
كلهن اضحكن
اعميمه فاطمه ،، ان شاءالله تبقى خير حتى من سولي
وصال   ،، باهي يااعميمه
اعميمه فاطمه وهي اتغني لدانه مدام جيت عندنا ان شاءالله اسعدك يبقى كي سعدنا واحسن
ماما ،، ايوه هضا الكلام السمح
وبدن ايلبسن فيها ونحن عدينا شور المطبخ برمنا ع الحاجه اشوي وسمعنا صوت سيارات واسلاح
على نزلة عماتي ايزغرتن ودانه اتدرج فيها ماما
صندرنها  وجابن امحبس انحس فيها امياه ورد
وعمله فضه حطو فيه كراعين دانه
وعبلها فمها  جاوي  (طبعآ في ناس واجد مزالت اتدير فيها لعند توا ) (وفكني من الدوه الزايده)