الكاتبة : عليا الناصر
لأجلِ عَينيكِ سَقطتُ في المَنفىٰ
البارت ال : 15
** عيد أضحى مبارك للجميع وكل عام وإنتو بخير وعساكم من عوايده وينعاد عليكم بالصحة والسلامة **
**وإعذرونا عالتأخيراللي صار لظروف طارئة وخارجة عن إرادتي **
**************
حجي عبد الرحمن : يولي ماريا تعالي هينه أگعدي يمي أرد أحچي وياچ
ماريا : بضوجة ها بابا گول شرايد مني
حجي عبدالرحمن : يولي أگعدي شبيچ عبالك راح أخذوا روحچ منچ ومن گعدت نايف جاني اليوم ورى الظهر من طلعتوا من صلاة الجمعة وحچى وياي ويگولوا بس ترجعوا اليه شتريد أسويلها وحتى يگولوا مستعد أخذها وأشتريلها نيشان ذهب كامل وجديد وأطلعها بيت وحد وأي شي يعجبها بس خلي ترجعوا اليه شتگولين وهالمرة لازم تنطينوا جوابچ مو مثل كل مرة تظلينوا تتشردين هين وهين
ماريا : بابا جراح طلب من نايف شروط وهو لساعوا ما نفذوا ولا واحد منهن وبعدين جراح ما يرضى أرجعلوا وهو ما موجود هنا شلون أكسروا لكلاموا وأرجعوا لنايف
حجي عبد الرحمن : يا الغمة شعليچ بجراح أنة أبوچ وأدرى بمصلحتچ منو إرجعي لرجلچ وفضيها عاد وروحي إشتري ذهب وأتزينوابي تزين وكلو من الغالي إشتري وگصي گلبوا گص وخلي ياخذلچ بيت وحدچ وبعدين تراني ما عندي بنات يتطلگن فاهمة
ماريا : اي فاهمة بس شنو فايدتوا للبيت والذهب وأني ما مرتاحة وأنضرب وأتعاملوا معاملة الكلاب من تجيه الحالة مالتوا الصرع ووراها الإنهيار ويفقد ما يدري بروحوا وشراح يفيدني الذهب لو شاش عليه وخنگني وموتني هاا
أنت تقرأ
لاجل عينيك سقطت في المنفى
ChickLitأحياناً تجيرك الحياة على الجور وظلم من تحب وأقرب الناس إليك بهدف الحماية أو بهدف تنفيذ العادات والتقاليد البالية فقط لأنها متوراثة وإذا لم تقم بتنفيذها لست برجل وفقاً لحساب قانون العائلة أو العشيرة هو المتسلط الاناني والشرير الذي يجزم و بكل القوى ا...
