اكذوبة الحب

ثالث عشر

#اكدوبه_الحب
ثالث عشر
بقلمي فردوس عبد اللطيف
+++++
للتوضيح
اتصلت بي جواهر وضحتلي بذيج الليله من حلمت بالجني 👇
جواهر
واني نايمه اجاني الرجل الملتحي وحجه وكال ماراح تفوت سلامات واحنا عدنا امر من ملك الجن ان ننتقم منكم ومن ذريتكم
وخنكني برقبتي وحسيت روحي جاي  تطلع
اصرخ ماكو صوت وجسمي ثلج انشلت حركتي
ونفسي قل اوكسجين ماكو ماكدر اتنفس وهو يخنكني
كوه رفعت ايدي اريد اوخره ماترفع
بس اصيح لا لا لا وروحي جاي تطلع بدت من رجلي لحد ماوصل ل رقبتي
واني اصرخ وروحي تنسل من جسمي
حمود شكد نومته ثكيله فز ع صوت الصريخ
ويضربني راشديات اشبيج كعدي
فزيت واني مرعوبه معقوله ؟
منو هذا الي حنكني حمود هذا الجني حنكني راد ياخذ روحي
حمود معود حلم لو تأثير الصدمه مال بنتج
جواهر لا حمود صدكني هو كال حركتو ابن ملك الجن وراح ننتقم منكم
والله حمود صدكني
والله انت من حركت العلاكه الي بيها العمل يمكن جان بيها ابن ملك الجن
وحترك وياها
حمود اقري قرآن ونامي
اقري اذكار النوم بعد ماتشوفين كوابيس
جواهر حمود جاي اكولك الجني كال ننتقم منكم وانت ليش تستهزء ليش تكابر لازم نسوي حل
حمود ترى لحيتي هواي خليني انام وراي كعده من الصبح انت تبقين خامده للظهر  واني لازم اروح لشغلي من الصبح
بطرانه جني ويهدد

جواهر ماهتم حمود ل كلامي ولا صدك يكابر
اني خايفه مرعوبه لا صدك ياذيني
اوووف وينج ماما عفتينا وسافرتي
هسه شسوي وحدي
اهووو واخوتي يردون اكعدهم الصبح يرحون للدوام
ولازم اكعد اطبخ وانظف البيت
وعلياء تريد  واحد متفرغلهه
والله دخت ماعرف اتحمل المسؤليه هيج
شوكت ترجع ماما

طولت سفرتهم لان رجعوا ل عمان وبقت عشرين يوم
وحمود ميقبل احجيلهه ع الي صار ولا يقبل اكوللهه ع مرض بنتي
وهي متعلقه بيها وتسأل عليها

رجعت ماما واحمد من سفرتهم وكانت مشتاقتلنا وجايبه هدايا كثيره
وعلياء جابتلهه ملابس كثيره وحلوه ماكدرت احجيلهه
بيومها رجعت لبيتي وماكتلهه عالي صار لان ساجده هم جانت مسافره
بعمان تلتقي باخواتها يجون من الكويت
بس مارجعت ويه ماما

واخواني حجولهه ل ماما وانقهرت واتصلت بي وكالت تعالي اريد افتهم مو نهزمتي ومجاي افهم من اخوتج شي
وره يومين رحت وحجيتلهه وكالت ليش يحركه واني دفعت فلوس ل ساجده
اريد احافظ ع عائلتي من الجن وانتو تخبلوهم علينا
اذا نتقمو من عدنا منو يتحمل اذيتهم

تسريع الاحداث
حملت بطفلي الثاني وحملي اصعب من الاول بوقتها حمود شتغل ع خط عمان بغداد و ترك الشغل ويه بابا
بسبب احد العملاء مع الشركه
هذا العميل كان يسرق كل يوم من المخازن بضاعه وحمود كان واثق بي ثقه عمياء لان العميل (ابو نجم ) بالبدايه تعرف عليهم وعزمهم ع سفرات وطلعات وراها اخذ ميانه بالشركه وصار يجي يوميه
بوقتها محد جان يخلي كاميرات
وابو نجم من يدخل للشركه بيده يعمر النركيله ويبقى كاعد يمهم ثلاث او اربع ساعات ومن تجي الفرصه ويشوفهم مشغولين يدخل للمخزن ويسرق
من البضايع اثناء تجهيز بضاعته
والي يسرقه اكثر من الي يشتري