خيال بص وراه هو وليل لقوا واحد من الحراس
خيّال : خير
الحارس: ممنوع ست ليل تخرج من هنا
الحارس بينادي علي الحاج أحمد
خيّال ضربه بخفة فوقع قدامه مغمي عليه
ليل بصاله بصدمة وجريت ناحية الحارس بخوف وبصت لخيّال بغضب : انت عملت ايه يا متخلف انت .
خيّال مسك ايديها وشدها وركبها العربية بالعافية: اركبي اخلصي
ليل بعصبية : انت مجنون انت بتعمل ايه ..سيب ايدي ...هتسيب الشخص ده واقع كدة وتمشي بعد ما موته
خيّال مسح وشه بكف ايده بعصبية : هموت ليه يعني شايفاني قتال قتلة شوية وهيفوق
ليل مسكت وشه تلفه ناحيتها بعصبية : بصلي هنا .. انت ازاي تمسك ايدي وتشدني كدة ..مش بقرة ساحبها وراك انا .. ولما تيجي تعمل حاجة او تتصرف في حاجة تخصني تقولي الاول بعد كدة مش اختك انا
خيّال بيحاول يبص عالطريق : خلصتي عصبية
ليل سكتت لحظة
خيّال : شيلي ايديكي دي خليني اشوف الطريق بدل ما نموت
اتعدلت ليل في مكانها وسكتت
بعد شوية
ليل : احنا هنرجع البيت ده تاني
خيّال : اه عندك مانع
ليل بنفخ : لا بس هعمل اللي عايزاه... وهخرج براحتي
خيّال : مينفعش تخرجي
ليل : ليه ياتري فرض رأي وخلاص
خيّال مردش عليها..
ليل حدفت علبة المناديل في وشه .. وفي ثانية طلع قدامهم عربية كبيرة كانت هتطيرهم وفرمل مرة واحدة ... بص ل ليل : اخرسي بقي .. انتي مجنونة ولا ايه
ليل بغضب: انا مش مجنونة .. ونزلني هنا ... انا مستحيل اعيش عندك
خيّال بغضب : ليه هاكلك مثلا ... ابوكي استحمل غبائك ده ازاي
ليل بصتله بعتاب و لفت وشها الجانب التاني ودموعها نزلت
خيّال : ليل
ليل مش بترد
خيّال : مكنتش اقصد
ليل : مش فارقة صدقني .
خيّال ضغط علي سنانه بعصبية من نفسه
....................
بعد يومين في بيت الجدة فادية
تسنيم كانت في اوضتها بتوتر وبتكلم نفسها : يالهوي يالهوي طارق جيه .. لو اعتذر المرادي هسامحه .. انا بحبه اوي يارب بقي يكلمني المرادي.. هو ممكن يكون بحبني زي ما ليل قالت ومش عارف يعبر مثلا ..
رفعت قماشة بيضة من علي لوحة مرسوم عليها طارق : يارب تحبني زي ما بحبك بقي
جريت بصت في المراية بصة اخيرة وتعدل طرحتها وخرجت من الاوضة بخجل خفيف علي توتر
لقت جدتها في وشها متوترة : حببتي ايه الحلاوة دي
تسنيم بغرور مصطنع و هزار : انا حلوة علطول انا عارفة
فادية : قمر طول عمرك .. بقولك ما تيجي تساعديني بس ارتب الدولاب بتاعي
تسنيم اتوترت لأنها كانت حابة تكلم طارق : اممم طب هشوف نغم واجي
فادية اتكلمت بسرعة : يعني نغم هتطير..
تسنيم بضحك : ممكن.. هشوفها واجي بسرعة
مشت بسرعة تسنيم وراحت للاوضة اللي قاعدين فيها نغم وطارق ولسه هتخبط .. سمعت نغم بتزعق
نغم بعصبية : يا طارق بالله عليك كفاية بقي .. انت ايه مش بتحس .. انت بتحبها طيب ولا لا
طارق بخنقة : لا مش بحبها ارتحتي كدة
نغم : طب ليه اهتميت انك تصالحها
طارق: عشان غلطت ومديت ايدي عليها .. يعني الحق عليا شايفها زي اختي ومش عايز حد يضايقها
نغم بنفخ : طيب يا طارق براحتك .. انت هتخسر كتير اوي
طارق بتريقة : هخسر تسنيم
نغم بصتله بخنقة : يعني بجد يا طارق برافو بتتريق علي مشاعرها .. انا معرفش انت مش راضي تديها فرصة ليه
طارق : انا بحب واحدة تانية .. بنت صاحب الشركة اللي شغال فيها
نغم بصتله بصدمة وبصوت عالي : نعم يا خويا بتحب ايه !!
طارق : ششش اسكتي
نغم بصوت اقل هدوءا : انت مجنون يا طارق .. انت عايز تفهمني انك بتحب بنت صاحب الشركة .. وعادي كدة ..
طارق : وفيها ايه
نغم بتفكير: وهم هيوافقوا علي ده
طارق : وليه لا .. انا لسه قايل ل تيتة برة
نغم بهدوء وحزن : انا هبقي فرحانة ليك طالما انت مبسوط يا طارق .. بس عالاقل هات واحدة قد ظروفنا .. هتلاقيها بتطلب طلبات ملهاش اخر ومتدلعه .. وصدقني هتندم
طارق: لا دي جميلة جدا
نغم : مش بالجمال يا طارق . انا اللي هقولك الكلام ده بردو
طارق بانفعال: يا نغم مش هيبقي انتي و الباقي عليا.. هو الحب بالعافية
نغم : خلاص يا طارق براحتك .. بس خليك فاكر انك انت اللي عشمت تسنيم من الاول
طارق بذهول : انا
نغم : ايوة دايما كنت مهتم بيها لما كانت في ثانوي ...وبتفسحها و كنت مهتم بيها في كل حاجة... حتي المذاكرة ... قالت بأستعطاف: طارق بالله عليك متجرحهاش .. اديها فرصة
طارق بلا مبالاة : انا مليش دعوة بالهبل ده .. خليها تعقل كدة دي كبرت خلاص يعني تفكر وتوزن حياتها عدل ... انا همشي
نغم بحزن : طيب
تسنيم برة وسامعة كل ده ودموعها نازلة في صمت وكسره .. اول ما سمعت صوت الباب بتفتح مسحت دموعها فضلت واقفة باصة عالباب
خرج طارق لقاها في وشه بصلها بخنقة : تسنيم
تسنيم بغضب ضربته بالقلم .. طارق واقف بصدمة
تسنيم تصنعت الثبات : اصل انت كنت بتعتذرلي علي القلم بقالك فترة فقولت اقبل اعتذارك..
وابتسمت ابتسامة مستفزة وقالت : تحب تشرب حاجة .. ولا انت كنت ماشي صح .. عن اذنك
مشت تسنيم وقلبها هيقف من اللي عملته ..
ودخلت اوضتها وقفلت الباب وعيطت بشدة: حيوان .. زباله.... انا ايه اللي عملته ده بس ... يستاهل
ومسكت كل لوحاتها اللي رسمتها عشانه قطعتها .. فضلت اكتر من ساعتين تقطع فيهم لحتت صغيرة وتعيط من لعنة الحب اللي صابتها
فادية خبطت عليها : تسنيم .. ياحبيبتي افتحي .. حصل ايه طيب
تسنيم بصريخ : سيبوني لوحدي بقي .. محدش ليه دعوة بيا
نغم بدموع : افتحي ارجوكي يا تسنيم .. حقك عليا
تسنيم بتعيط بشدة
نغم : عشان خاطري طيب .. يرضيكي افضل واقفة كدة .. افتحي بقي عايزة اقولك حاجة
تسنيم بعياط : سيبوني لوحدي
بعد نص ساعة باب البيت خبط
فادية فتحت وكان يوسف وزينة الصغيرة معاه
يوسف بابتسامة : السلام عليكم
فادية: يوسف اتفضل يابني .. عامل ايه
يوسف : الحمدلله ... حضرتك عاملة ايه
فادية: الحمدلله علي كل حال... مين القمر دي اتفضلوا ادخلوا
يوسف قبل ما يتكلم سمع نغم بتتكلم وصوتها مسمع 😂: مين اللي بيخبط يا تيتة مش ناقصين حد من الجيران احنا .. هتقعدوا ساعة تتكلموا مش هنخلص من الحورات دي وكل شوية حد يجي قال ايه يشوفني .. محسسني اني كنت بتجوز . رجلي بايظة يا نااااس ..
فادية باحراج بصت ل يوسف اللي مقدرش يتماسك وضحك بشدة : هي لسانها دايما كدة
يوسف بتلقائية : احلي حاجة والله
فادية: اتفضل يابني البيت بيتك
يوسف باحراج : اتفضلي حضرتك الاول اكيد يعني شوفي الدكتورة الاول
تفهمت فادية مقصد يوسف.و دخلت فادية شافت نغم قاعدة وممدة رجليها من التعب مغطياها ورمت الطرحة في وشها : البسي دي
نغم بتلبسها وبتتكلم بنفاذ صبر : أراهن انهم بيجوا هنا عشان يشربوا البيبسي مش عشاني
فادية : يابت اسكتي لسانك ده هيوديكي في داهية .. وصلت صوتها وقالت : اتفضل يا يوسف ادخل
نغم وشها قلب خمستلاف لون قالت بصوت منخفض : يالهوووي . حد يولع فيا نااااو
يوسف ابتسم: حمدلله عالسلامة .. عاملة ايه
نغم بصوت متقطع واحراج : انت .. انا .. انا كويسة.. الحمدلله ..
فادية بابتسامة: تشرب ايه
يوسف ضحك : اي حاجة عادي
نغم حاولت تغير الكلام تدراي احراجها : مين القمر دي
يوسف نزل زينة وجريت علي نغم : زينة بنت اخويا
نغم بتلاعبها : كيوت اوي .. عندك كام سنة يا قمر
زينة ظهرت اربع صوابع
نغم بانبهار مصطنع : اربع سنين ... ايه البنات القمر دي بس
زينة ضحكت بطفولة
يوسف : انتي عاملة ايه دلوقتي ... ورجلك
نغم بتعب خفيف : هي كويسة اهو بحاول اتأقلم يعني .. هي بتتعبني جدا بس بمشي عالعلاج مظبوط
يوسف : لعله خير ... انتي بقي حابة تبقي دكتورة ايه
نغم بابتسامة وحماس: دكتورة اطفال ... انا بحب الاطفال كدا
يوسف بتلقائية: انا كمان بحب الأطفال جدا
التقت نظراتهم في نظرة غريبة .
زينة كانت بتجري وتلعب قدام باب أوضة تسنيم
تسنيم بدموع: سيبوني لوحدي بقي
زينة قربت من الباب قالت بصوت مسرسع : انا وبدأت تلعب في الباب وتحاول تفتحه
تسنيم باستسلام فتحت الباب علي الخبط لقت زينة قدامها بصتلها : مين جابك هنا
زينة : يسف
تسنيم بدموع : انا مش فاهمه .. تصدقي جيتي في وقتك .. انتي اللي هتحسي بيا
تسنيم مسحت دموعها وسابت زينة تدخل وبدأت تشخبط معاها علي كل ورقة كتبتها تعبر عن مشاعرها المكنونة تجاه طارق
زينة بتشخبط وتلون
تسنيم : جدعة شخبطي علي دي كمان
....................
ليل في البيت بدأت تغير حاجات كتير وتفكر في طريقة للانتقام ونزلت تعمل اكل ليها تشغل نفسها
خيّال دخل البيت لقاها بتجهز اكل .. بصلها وقال : انتي كليتك هتبدأ امتي صح
ليل : كمان اسبوع كدة مستنية نغم اشوف هتعمل ايه
خيّال : ايه رأيك نروح من بكرة عشان نشوف موضوع الظابط ده
ليل : كنت هقولك كدى بردو ... معلش انا عندي سؤال
خيّال بصلها
ليل : انت قولت انك عندك عيلة وكدة .. هاتروح معايا ازاي كل ده وتسيبهم
خيّال : عادي يعني ... هو انا هقعد معاهم اعمل ايه
ليل : عيالك مثلا او مراتك مش هتتضايق
خيّال بجمود: مش متجوز
ليل من جواها فرحت بشدة بس مش عارفة ليه : اممم اها
خيّال بصلها بنظرات غريبة : انتي بتفضلي لابسة الطرحة كدة علطول
ليل بصتله بدهشة : قصدك ايه
