فريحه اول ماناضت لقت رساله في تلفونها
" واعيه" من رقم مجهول
فريحه
" لالا كنت تاختها نوم لين نشخر من معايا اصلاً؟! "
المجهول
" معاك كمال"
فريحه كشرت و ضحكت
" باهي شن تبي ناوي تكسرلي كراع تانيه ولا كيف"
كمال قرا الرساله قال في عقله السانك الطويل هو اللي يبي تكسير وكتب
" هههه لا والله مغير نسال نبي نشوفك تحسنتي ولالا"
فريحه
" اها لا الفتره هذي اهو صح المشيه زي البطريق بس مفش وجع قوي زي قبل "
كمال
" اها باهي الحمدالله خفت عليك اصلا انكسرتي بسبب اهمالي"
فريحه ابتسمت
" خفت عليا ههههه اللي يسمعك يحسابنا مرتبطين ولا شي حاجه "
كمال
" اها باهي "
فريحه
" اها وقولي كيف حصلت رقمي؟! "
كمال
"سرقته من ميس بدون علمها"
فريحه
"كلا انت عبيط تلفوني كان عندك انت كنت خذيته من الاول عليش السرقه و تعب الزايد"
كمال
" اها ندمت اني عطيته لها ههه و بلعكس لا تعب لا شي التعب عشانك راحه بنسبالي "
فريحه ابتسمت
" هههه اها"
كمال
"من الاخير ي فريحه بنقولك شي"
فريحه
" شن؟! "
كمال
" انا معجب بيك و يلقنك مرحه و جميله تلفتي الواحد و نبي نرتبط بيك"
فريحه ابتسمت
" هههههه كلا انت انا ميمشش معايا ارتباط وهك انا تبيني تجيني في المربوعه بالحلال
كمال قرا الرسايل ومردش
فريحه تمت تراجي في رد محصلتش طفت التلفون حسها وجعتها معناها كان يبي يلعب بيها
وكمال عدا شور الحوش بتاعه
كمال : امي
امه: نعم ي وليدي كنك رديت من العمل بسم الله؟!
كمال : نبيك تسمعيني
امه: خير انشاءالله
كمال: خير خير انا قررت نخطب
امه: مشاءالله مبروك عليه وليدي لولولولوليييييييي
كمال: هههههه الله يبارك فيك
امه: تقربلنا ولا تعرفها
كمال: لالا متقربلنش تعرفيها البنت اللي خبطتها من فتره انعجبت فيها هذي هي اللي نبيها
امه: اهاا باهي حدد يوم بيش نجوهم و عطيني رقم امها انصق معاها
كمال : تمام معناها على خير ، بعد تروح ميس قوليها لها
امه: به
_____________________________
ناضت رزان طول تجري شور الحمام تستفرغ
رواد صبى وراها وقال:كنك ؟!
رزان: كليت واجد امس لين استفرغت
رواد: اها كان توجع فيك مزالت نعدو للعياده
رزان: لالا توا تريحت قمعز نديرلك الفطور متعدش بدون فطور
رواد: لا تو نتاخر
رزان: لالا منكش ماشي ايواه
رواد ابتسم ع منظرها : به
قمعز رواد ع الصالون وحط المفاتيح بتاع السياره ع الطاوله
رزان : رواد تعال شويه
رواد: نعم؟!
رزان: بنة التن و دحي مزفر تعرف تو ناخذو حاجه حلوه
رواد: لا مفش زفره وين عدا خشمك
رزان: هضا كله ومتشمش زعمت كبدي يرا
رواد: حاضر سكتت ديري حتى سم هاري راضي
رزان: هههه تمام
رزان حطت بريوش ساخن و نسكافيه معاه
و قمعزت يلا رواد وقالت : قول اااا
رواد ضحك : هاتي تو ناكلك بروحي
رزان: لالا افتح فمك
رواد فتحه
رزان: افيي ي رواد
رواد صكر فمه :كنك بنته نظيف فمي قبل شوي حكيته بفرشه ومعجون
رزان: بنة عطرك تزعم الكبد معش تقرب اع
رواد: تي كنه خشمك اليوم شن قصتك
رزان: مغير حول زعمتلي كبدي
رواد: انا الكلب اللي داير روحي بنفطر هنا كان مشيت للعمل اريحلي
رزان: مغير خش غير فلينتك و البس وحده بدون لعطر لمعفن هذ
رواد استك: مش هضا كان غالي عليك اتحبيه كنك اليوم شكله من كثر اللي كليتيه اثر ع الحواس بتاعك و بالاخص الشم
رزان: هاك لفيتلك البريوش كوله وانت في سياره متاكلش يلايا
دقايق وهك رزان عدت تجري شور الحمام اخرى
رواد لحقها للحمام : كنك تجري
رزان تستفرغ : زعمت نيتي
رواد :تعالي
رزان جاته رواد غسلها وجها وقال: عدي البسي خير نعدو نشوفو را يطلع تسمم
رزان لبست و طلعت مع رواد في سياره
رزان: الريحه بتاع عطرك ي رواد اعع
رواد: به تو نعدو للعياده و بعدها نغيره طول
رزان: به
____________________________
ادم رن ع ابتهال
ادم : اوي حبي
ابتهال: شن تبي
ادم: كنك نكديه
ابتهال: شن تبي تكون رده فعلي وتجيني بنت تقولي ادم كنت مرتبطه بيه زمان
ادم: هههههههه
ابتهال: كنك تضحك حريقه تحرقك
ادم: تغاري امالا ؟! خطرها منو اللي قالتها لكي!؟
ابتهال: اها نغار في مانع مشاءالله تعال يلايا وقولي نحبك وبعدين شويه عاود نفس الكلام لبنت اخرى
ادم: تي من هذي ؟! شويه بس كنك كبرتي الموضوع مفش منه الكلام هضا وكلهن صديقات معمرش ارتبطت اي بنت تقولي نرتبطو نقوللها اصدقاء ايواه يعني صحبتك كذابه مفش منه الكلام هضا غير كنت نسوف في رده فعلك
ابتهال: اصلا مش لازم نقول اسمها
ادم : ايمي صح؟! ولا دودي؟!
ابتهال: من ايمي ومن دودي!!!!!
ادم: ههههههه نشفط نشفط بس مش هنا صار
ابتهال: اطلع بلكي في وحده اخرى
ادم: والله مسيب الصياعه من زمان و واقع في حبك ي بنت شن تبي بعد هكِ
ابتهال: نبش شي نبيك تخاطى وجهي وصكرت
ادم: خبط الروشن يعليك قصهه هي شكلها افف
ريتال ترن ع ادم
ادم: اهلاً بانستي الجميله بالي اذكرتينا مش معناها تزوجتي خويا البرنس معناها منعرفوش بعضنا
ريتال: هههههه خوك البرنس مشدد الحراسه والله يغار حتى من الريح
ادم: مشاءالله مشاءالله انا و البنت اللي ارتبطت الغيرة بيها نار وبارود كل يوم
ريتال: ههههه الغيره بكل حتى فارس طالعه انا وهو في المطعم و طبعاً اجانب هما اللي يقدمو في الاطباق عملهم انهم يقدمو الطعام وهما مبتسمين
شوي واحد ابتسملي وقدم الطعام وانا ابتسمتله شوي فنص فيه و هزبه و قريب ضربه وحقالله لين خفت منحسابش فارس واعر😂
ادم: اها مغير واعر ياما معاطيني طرايح😂💔
ريتال: احكيلي كيف ارتبطت مش ع اساس انا مش متاع ارتباطات و انا متاع تهييج مع بنات بس
ادم: والله طحت الله غالب
ريتال: هههههه ومن تعيسه الحظ هذي
ادم: حيوانهه منش حاكي هي😂
ريتال: هي هي الله يربحك هههه
ادم: ابتهال
ريتال: بنت عمتي حميده؟!
ادم: اها😍
ريتال: اها باهي مشاءالله ربي يخليكم لبعضكم
ادم: اين بعضنا تو صكرت في وجهي
ريتال: هههههه كنها
ادم: قالتلي ان في بنت انا ارتبطت بيها قبلها قلتلها لالا بعدها شكيت بانه ايمي ولا دودي بس مش ارتباط كان بينا كنت نكسد معاهن هكي يعني بس مفش حب وكلام هضا زرقت بيها قدامها شوي رقتلها وصكرت في وجهي
ريتال: ههههههه تستاهل الله يعينك اكتبلها انك متحبش غيرها و انك متبش غيرها وميهمش الماضي وهكِ انت تفهم في الكلام المعسول
ادم: الله ع البروفيسوره
ريتال: هههههه اها خطرها نقولك حاجه
ادم: شنو
ريتال: شاكه اني حامل الله بنقعد ام
ادم: حي ههههههه مشاءالله فرحتت بجد بس ام وريتال ميلبقنش ع بعضهن ههههه
ريتال: حيوان هههه رنيت عليك عشان بكرا تاخذني ندير تحليل يارب نطلع حامل
ادم: انشاءالله ونقعد انا عم و بالمره نعلم ولدك الصياعه 😂وراجلك وين عليش انا
ريتال: ما انا نبي نديرها مفاجئه عادي يعني
ادم : اها اذا هكي معناها تمام
_____________________________
رزان خشت للعياده و وراها رواد
رواد : السلام عليكم
الدكتوره بتاع الاستعلامات:و عليكم السلام
رواد: مراتي اتحس في بطنها من الصبح انا حاس انه تسمم
الدكتوره بتاع الاستعلامات : دكتور عمر ممكن تشوف الحاله
الدكتور عمر: تمام تفضلي مدام
رواد بحت لقاه طرف وشخصيه و راجل اخرى غار
رواد: مفش دكاتره نساء ولا كيف
رزان ضحكت وبطنها مزالت تبرم
الدكتوره بتاع الاستعلامات: اها اكيد معناها تو نكلملك الدكتوره عفاف
رواد: اها احسن
رزان ضحكت من منظره شكله وهو غيور ودك غير تاكليه ملامح رجوليه و غيرة
شوي خشو لدكتوره
رواد: السلام عليكم
الدكتوره عفاف:و عليكم السلام
___________________________
