ملاكى الهادى

الفصل آل 28

صباح الورد وعطره
وحشتونى اوووووى
معلش على التأخير في النشر
سمحونى وآلله الأيام دى مخنوقة أوى وبشكر كل الناس اللي سألت عليا شكرا ليكم حبايب قلبى❤
و إللى عايز يكمل باقى أحداث
يجى معانا بحبككككككككم
احنا وقفنا عند اخر مشهد يوم خطوبة ريتاج...يلا نشوف حصل إيه......
#ملاكى_الهادى
اهو فصل 5127كلمة
---------------------------
الفصل 28
---------------------
فضل نجم وريتاج قاعدين ساكتين شويه فى
نجم مش هتاكلى
ريتاج ابتسمت اتفضل
نجم بص للاكل بس إيه الاكل دا كله مماتك عاملة وليمة
ريتاج ابتسمت بقالنا يومين بنحضر في الأكل
نجم بتحضروا انتى عملتى معاها الأكل
ريتاج ابتسمت بكسوف شوية يعنى
نجم بص للاكل قوليلى بقى عملتى ايه في كل دا
ريتاج بصت للصينية أنا عملت الفراخ والكنلونى و و نجم قطع كلامها أنتى بتعرفى تطبخى
ريتاج ابتسمت يعنى على قدى
نجم لا شكلك شاطرة وبدأ ياكل وهى بتبص بهدوء عليه
نجم باستغراب أنتى مش هتاكلى
ريتاج بصتله باهتمام وسألته مرة واحدة انت ليه طلبت تتجوزنى ؟
نجم ساب الأكل واتنهد بصوت عالى
ريتاج مالك في إيه سؤالى صعب أوى كدا
نجم طيب أنتى وافقتى عليا ليه
ريتاج انصدمت من سؤاله
نجم إيه سؤالى صعب أوى كدا
ريتاج بصتله مرة واحدة
ريتاج اتنهدت بصوت عالى أنا وافقت
عليك عشان أنت إنسان محترم وابن ناس طيبين
نجم ابتسم وأنا كمان طلبتك عشان أنتى انسانة محترمة وبنت ناس طيبين
ريتاج بصتله باستغراب
نجم على فكرة شكلك بخيلة وضحك هههههه
ريتاج بصتله  أنا ليه
نجم عشان بتعطلينى عن الأكل الحلو دا ومسك لول كنلونى قولتى اسمه ايه
ريتاج ابتسمت كنلونى
نجم حلو أوى وبدأ ياكل بشهية وبص لريتاج اللى مستغربة أسلوبه
نجم كولى احسن مش هتلاقى أكل من بعدى
ريتاج ابتسمت بالهنا والشفا
نجم ساب الأكل بصى يا ريتاج عايز اقولك حاجة مهمة
ريتاج حاجة إيه
نجم سيبى الايام  تعرفنا ببعض،وتعرفنا اسلوب بعض وعلى فكرة إحنا عارفين بعض من زمان مش من الوقت سيبى الدنيا تمشى زى ما هى عايزة
ريتاج بصتله باستغراب وسكتت
نجم بصلها واداها قطعة فراخ كولى أحسن مش هتلاقى اكل صدقينى وهمسلها  اصله حلو أوى
ريتاج اتوترت وبدأت تاكل بهدوء
بعد ما اكلوا قعدوا كلهم مع بعض يتكلموا ويضحكوا......
فضلوا قاعدين مع بعض وبعض يوم جميل أهل الحاج ثابت كانوا ماشين
وكان آخر واحد نجم
الحاج ثابت لو فضيت  بكرا يا نجم ابقى تعالى اشرب الشاى معانا
نجم ابتسم لريتاج  هاجى طبعا عشان عندى كلام كتير عايزة اقولهولك يا ريتاج ولا هيدايقك
ريتاج ابتسمت وهزت راسها وبصت لابوها
ناجى أنت تشرف وتنور يا ابنى
نجم أن شاء الله هاجى بعد المغرب
ناجى هنستناك إن شاء الله
نجم بص لريتاج السلام عليكم
ناجى وعليكم السلام ورحمة الله وبركاته
وسبهم ومشى
ودخلت ريتاج وناجى فرحنين
________________________

دخلت ريتاج وناجى وقفلوا الباب
فكرية قبلتهم بابتسامة فرح
فكرية فتحت دراعتها مبروك يا حبيبتي
ريتاج حضنت أمها جامد
ناجى ألف مبروك ربنا يفرحنا ويديم علينا الفرح
فكرية يارب شوفت الحجة أم ابراهيم واللى عملته هى وبناتها
ناجى الصراحة الناس ولاد حلال
فكرية لا انت كمان مشفتيش خلت البنات يلموا المطبخ ازاى وخلوه  زى الفل
ناجى ربنا يباركلهم يارب
كل دا وريتاج ساكتة
ناجى مالك يا عروستنا
ريتاج ابتسمت مافيش حاجه يا بابا
ناجى مبروك يا بنتى
ريتاج آلله يبارك فيك يا بابا
ناجى خلوا بالكم نجم جاى بكرا  بعد المغرب وبص لريتاج
ريتاج ابتسمت بكسوف
فكرية تعالوا نقعد سوا
ريتاج احممم أنا هطلع أنام
فكرية ضحكت حقك يا عروسة
ناجى مالكيش دعوة بيها وسبيها براحتها  اطلعى يا حبيبتي
ريتاج تصبحوا على خير وطلعت اوضتها ولأول مرة تعرف طعم الفرح
فضلت تفكر في إللى حصل معاها وتفتكر كل كلام نجم معاها لحد ما نامت...
________________________