My Sweetest Caffeine

Part : 44 ☕

အချိန်ရဲ့တိုက်စားမှုနှင့်အတူ ရာသီအလီလီကူးပြောင်းပြီး ရွက်ဟောင်းတွေအကြိမ်ကြိမ်ကြွေခဲ့လေပြီ။

သို့သော်အချိန်ရဲ့တိုက်စားမှုကိုအံတုနိုင်သော ချစ်ခြင်းတရားတွေကတော့ ဝေမြဲဝေဆဲပင်ဖြစ်သည်။

ဆိုးလ်မြို့ရှိ နာမည်ကြီး Hotel တစ်ခုတွင် အငယ်တန်း Pastry chef တစ်ယောက်အဖြစ်‌ရပ်တည်နိုင်သည်အထိ ဂျီမင်းရဲ့ကြိုးစားမှုများအရာထင်ခဲ့သည်။

ဒါတွေကလည်း သူ့ရဲ့ချစ်လှစွာသော ယောကျာ်းဂျောင်ကုရဲ့ ကျေးဇူးတွေကြောင့်သာ။

ငါးနှစ်တာကာလအတွင်း ဂျီမင်းနှင့်ဂျောင်ကုတို့ရဲ့ ဘ၀ခရီးလမ်းက ထင်ထားတာထက်ခက်ခဲကြမ်းတမ်းခဲ့သည်။

မတော်တဆမှုတစ်ခုကြောင့် ဂျီမင်း မိခင်ကို ရုတ်တရက် ဆုံးရှုံးခဲ့ရသည်။ ထိုအချိန်‌တွေက လေလွင့်ချင်နေသောစိတ်တို့ကို ဂျောင်ကုကဘေးကနေမားမားမတ်မတ်ရပ်တည်ကာ တည့်မတ်ပေးခဲ့သည်။

ထို့နောက် သူတို့အကြောင်းကိုသိသွားသော ဂျောင်ကုအဖေရဲ့အပြင်းအထန်ကန့်ကွက်မှုတွေကြားက သူတို့နှစ်ယောက် ဘ၀တစ်ခုကိုထူထောင်ခဲ့ကြသည်။

အိမ်ထောင်ဦးစီး Webtoon ဆရာလေးကတော့ သူ့အိပ်မက်ကိုခဏခေါက်သိမ်းကာ Interior Designer တစ်ယောက် ဖြစ်လာခဲ့လေသည်။

တစ်ဖက်မှာလည်း အရင်လိုပွ‌ယောင်းယောင်းကောင်လေးမဟုတ်တော့တဲ့ ကင်မ်လုပ်ငန်းရဲ့ ဆက်ခံသူအလောင်းအလျာလေး ကင်မ်ထယ်က လုပ်ရည်ကိုင်ရည်ရှိသောသူအဖြစ် ဂုဏ်သတင်းကြီးမားသူတစ်ယောက်ဖြစ်လာသည်။

" သူဌေးလေး ကားအဆင်သင့်ဖြစ်ပါပြီ "

" အေး.. Sweet Night ကိုသွားမယ် "

သူဌေးလေးကင်မ်က ညတိုင်းခမ်းနားသောအိမ်ကြီးကိုထားကာ ကျဉ်းကျဉ်းကျုံ့ကျုံ့လမ်းထဲကကော်ဖီဆိုင်လေးဆီသို့ ပြန်တတ်ကြောင်းမှာ ကုမ္ပဏီတွင်ရေပန်းအစားဆုံး အတင်းအဖျင်းတစ်ခုလည်းဖြစ်သည်။

အချိန်၏တိုက်စားမှုကို ကြံ့ကြံ့ခံနိုင်ခဲ့သည်မှာ သူတို့ကော်ဖီဆိုင်လေးလည်းပါသည်။ Sweet Night ဆိုသောနာမည်လေးရသွားတာကလွဲလို့ ဘာမှပြောင်းလဲမှုမရှိပါ။ ကော်ဖီဆိုင်ပိုင်ရှင်လေးကလည်း မပြောင်းမလဲ အရင်အတိုင်းသာ။